قربت انهاااااااااااااااااااااااااااااااااااااااار

[OM BARAK]

كلمي أحد يكلمه و اذا انتي حيل مع ابوج كلميه و صارحيه مافيها شي !
ترى يمكن المسكين على باله كل مطلقه تكره الزواج ومايبي يجرحج بالموضوع أو انه يأثر بنفسيتج عقب تجربه فاشله

المهم انج ما تروحين بذاك الراي ترى كل ابو يبي الستر حق بناته ولا تحطين ابالج انه مايبيلج الاستقرار و السعاده

صارحيه قوليله رفيجتي كلمتني و قالتلي كيت وكيت وشوفي شنو ردة فعله

واذا لج نصيب بتاخذينه ومحد بيوقف بويهج​

 

[غدووور الكويت]

الله يرزقج بالنصيب الزين

 

[باتي باتي]

الله يعينك

 

[نور خانوم]

كل شي قسمه ونصيب وان شاءالله تتزوجين عن قريب ..

 

[كـ غلا ــلي]

مو من حقه يرد خطابج هذا بدال ما بفرحلج ويدور لج الستر ماكو الا امج تكلمه وتفهمه انه الابو

يساعد بنته فلاختبار يسال عن ولد الاوادم لكن الرفض او القبول البنت اهيا اللي تحدده بكيفه اهوا يرفض

الا اذا في سبب مقنع وقوي ولا ليش يوقف نصيب بنته

 

[غرور الريم]

خلي امج واخواإانج يكلموونه
ويقوولوون له مو كل يووم في احد راح يطق الباب
ونبي لبنتنا الستر وان شاء الله خير

 

[دلع العتبان]

الله يفرج عليج كلمي امج تكلم اخوج او ابوج وموفقه حياتي

 

[معشوقتهـ]

مو من صجه ابوج ليش جذيه اساسا لو نفرض انه شايفهم مو مناسبين لج يجي ويتكلم يقول ترا تقدملج فلان وانا رفضته لانه كيت وكيت مو تنصدمين انه يتقدمونلج الناس وابوج يرفضهم من غير مايشاور احد اقلها امج ..
وشنو خايف عليها وتوها صغيره المره مطلقه مو بنت عمرها 14 سنه وجربت الزواج وانتهى الموضوع ..
انتي حاولي تنسين السالفه فتره شهر شهرين عشان اهوا ينساها بعد وحاولي تشوفين لج فرصه انتي مع امج وقعدو معاه بالصاله وهاتي قهوتج يعني يكون مزاجه عال ومايكون عنده شغل وسولفي معاه وقوليله في وحده من رفيجاتي خطبتني لاخوها وقالتلي شنو رايج قبل لانكلم الرياجيل بس نبي الموافقه مبدئيا وانا فكرت واستخرت ورديت عليها وقلتلها حياكم الله وشوفي حزتها يبين كل شي ..

وان شالله خير ..

 

[brettey]

ابوج ظالم ويحق لج ترفعين عليه دعوى عضل
انا ما اشيشج بس هذا حقج الشرعي