.....قربت وفاتي ... مآدري شنو اقول يارب تفهموني .!

[مولاي الفرج]

اذا كل شي يصير بس انتي اللي تبادرين يعني مو برود

 

[الكادي 2011]

انتي تكشخي كل يوم واتركي ولاتقربين صوبه ولا تجيبيله طاري الشسمونه وشوفي شنو رده فعله حتى لو اتطول الشغله اشهر

 

[مجنونه هواهـ]

حبوبه ما عليك الا اطنشين احسك شوي مزودتها انج انتي الي تبداين طنشيه اكيد هو ما راح يصبر بفراقج وعدم اهتمامج وبجي لعندج

 

[المديـ بنت ـنة]

ياحياتي لاتخلين الرجال كل همك

اسحبي عليه مثل ماهو ساحب ولا تبالغين في اهتمامك فيه

ما اقول قصري بواجباتك بس من ناحية اهتمام زايد لا ..

لان مثل ما اشوف الرجال يركض ورى المره اللي مقفيه عنه .. واللي هتمه فيه ياخذ بروحه مقلب ويقول هذي تموت فيني ماتستغني عني واي شي اسويه فيها ماتزعل ..

ماعليش بس احنا موب عدييمات احساس .. انا زوجي نفس الشي من ناحية البرود من اخذته لكن مااعمري تحرشت فيه والله لو يطير ويوقع .. ههههههه

انا احسب بس انا حقوقي الشرعيه ضايعه اثاري كثير مثلي .. خلف الله عليهم من رجال هههههههه استغفر الله ياربي

مثل ماقلت لك احسن شي خليه يحس انك تغيرتي .. وسالفة ليله حمراء ليله صفراء خليها وقت مناسبه زي عيد ميلاد .. زواجكم .. يعني كسر للروتين .. اما كل شوي ترى الرجال يمل .

وهالحين حززة المغرب ياعسى الله يسخه لك ويهديه للي تحبينه

ويسخر لي زوجي وكل بنوته هنااا .. ويرزقناا حمل سليم معافى يااااااااارب

 

[Daleela]

يمكن لانج انتي عودتيه انج تبادرين عشان جذي

 

[ام زهقانه]

الله يعينج بس فيه شي اكيد في باله وحده عجل رجال ما يبي علاقه الزوجيه

 

[شواخي]

حبيبتي العنوان خرعنا !!

عادي انتي عروس ،، و مو لازم كل يوم يعني !!

وبعدين يمكن الريال دوامه متآخر وجذيه و يجي تعبان ،،!!

بالويكند يهدى باله ،،

متى برد زوجج من الدوام ؟

خلاص خليها بس بالويكند لما يصحى الصبح شوي يهون !! وانتي اتفقي وياه كل ويكند لازم يعطيج حقج والله يوفقج و ادعي لي ربي يفك عوقي امين

 

[FeShinGoOo]

حبيبتي ريلج على ماعودتيه ..!!

انتي توج عروس اشلون تطلبين منه هالشي ؟؟؟؟

اساسا هاذا دور الريال مو دور المره ويمكن ريلج نفر لما شافج انتي تطلبين منه هالشغله وتدورينها

حلات المره تتمنع وتتدلع اذا زوجها قرب منها مو اتقوم اهي تتحرش فيه .. واذا صار بينكم ميانه ذيج الساعه كلام ثاني بس ردي هاذا لانج عروس المفروض تحسسين الريال بخجلج سويله ليالي بس لاتطلبين منه الي خبري خبرج عادي ختى لو تنامين بكشختج بدون مايلمسج حسسيه انج مسويه هالشي تغير جو وروتين مو اكثر ونصيحه هم لاتكثرين من سالفة الليالي الرومانسيه خلي الوضع طبيعي لاتحسسين الريال بظغط انج مجهزه ولازم يصير شي بينكم .. والله العظيم ترى الريايل وخاصه فبداية الزواج مايحبون هالسوالف .. خلي هالحركات حق المناسبات عيدميلاد عيدزواج ردة من السفر .. لاتخلينها مثل الحلاو ترى يشبع ويمل ويزهق منج

والحين الي عليج تسوينه انج تظلني على كشختج بس .. تكون هلكشخه لنفسج مو حقه اهوا ..!!

دايما كشخي دايما لبسي دايما اهتمي بجمالج بس لاتنطرين منه مقابل او حركه خليه يصير فجاه لما اهو يشتهي هالشي
لاتلحين عليه ولاتطلبينه منه كلش كلش كلش ..
صدقيني ماراح يتحمل سنه مثل ما انتي ذاكره مرده بيرضخ وبييج بس اهو الحين تعود على وضع مين لازم تغيرين هالوضع
حتى لو طولت السالفه تحملي وقضبي روحج

 

[دلوعة حمني]

حبيبتي انتو معاريس للحين ا تعودتوا على بعض\

الصراحة من قريت البداية على بالي من زمان متزوجين الله يتمم عليكم يا رب

اذا تبين نصيحتي قعدي و قوليله اللي كتبتيه و قوليله ليش انت جذي؟ و شنو الحل؟

افضل شيء المصارحة بين الزوجين

 

[دلوعة باباتــي]

الله يهديه وسخره لج

 

[خالف تعرف]

عبالي فيج مرض من عنوانج اعوذ بالله من بليس
يعني طبع
وثاني شي الريال يحب المره الي ماتطارده وين مايكون
انتي ماسحه دوره

 

[pusy cat]

عادي

يمكن اهو يحب ان انتي تبادرين

دام انه يستجيب لج معناته انه طبيعي ولا فيه برود

عادي قوليله هالكلام بس بهدوء بدون هواش

 

[غدنااااء]

تبين نضيحتي طنشيه ولقيه وراج ونامي مصيره هو الي يحتاج ويرجع لج شكله انتي الي راميه نفسج عليه

 

[وردة^الكويت]

الله يكون بعونج

 

[هيبة ملك]

أتوقع طبع فيه

 

[انجبر قلبي]

حبيبتي هذا غلطج ذكرتيـه بالموضوع

انتي ماشاءالله شكلج مو معطيته مجال انه اهو يبدي

صدقيني انا حاسه بهالشي لان ريلي حبيبي جذي على طول يقولي كلام حب على طول يغازل على طول يبادر على طول

صج ان هالشي حلو بس مرات اتضايق من كثرته مو عن شي بس مرات ابي فرصه حق نفسي يمر وقت اشوف نفسي شنو وشلون بتصرف ما يعطيني مجال

والله انا كنت ما اتوقع اني بشتاقله من كثر ما اهو قريب مني و ما يخليني .... بس مرة سواها حسيته ما قام يقول كلام حب ولا قام يقرب شسالفه ؟؟؟؟؟؟؟ نطرت نطرت وانا بلهفه من داخلي بس مادري ليش فيني طبع ما احب ابادر احس اهووو اللي خلاني جذي من البدايه لأنه عودني

يوم شفت ما يه منه شي والله انا رحت وقطيت نفسي عليه وقلت له اللي بخاطري واهو انصدم

ترا مو حلو الشي واحد حتى لو كان عسل على قولتهم اذا كان حبيبك عسل لا تلحسه كله و صح لسان من قاااااااااال

حلو تخلينه يعيش لحظات يفكر شفيها ما سوت لي اليوم شفيها ما قالت لي شفيها ما تسنعت لي شفيها ما طبخت لي

ترا والله سمعي نصيحتي الشي اليومي والمتكرر بايخ بايخ حتى لو حلو ........ الحياه حلاتها مرة عطى و مرة حرمان والا ما راح تحسين بقيمه الشي

وهذا انا قلت لج لان حسيت نفسي مكان زوجج


والله يلين قلبه عليج انشالله

 

[فله شمعه منورة]

الله يهديك شكلك انتي مستعجله من طبعك باين بالعنوان اللي كتبتيه تموتي عشان الشي ذااا الله يهديك !!!
باقي انتي عرووووووس تغلي عليه مو حلوه بحقك ابدا تطلبي منه الشي ذااا مره مو حلو
العروس حلاتها تتغلى وتتهرب من ذاا وتخجل وهو يطاردها الرجال يبي يحس بالشي ذا وانتي ماخذه الدور عنه حتى لو طول مالمسك عادي هذا يبي لها نفس مو حلو تاخذي الشغله انها واجب واجباري وحقوق ومدري ايه !!
اصبري واشغلي نفسك بأي شي اشتركي بنادي واجهدي نفسك بالرياضه .. صومي .. اطلعي نزهات .. الحياه الزوجيه مو كذا بس !!
كشخي هذا لنفسك انتي .. سولفي معه عن اي شي وابعدي عن الموضوع هذا لاتطلبييييه انتي كذا تنفريه منك تدلعي خليه يحس بانوثتك وهو لاشعوريا ينجذب لك ..
ترا كل ماتطلبي منه الشي ذا انتي اللي يزيد ازمته ويمكن تصعبي الموضوع عليه اكثر وتضغطي عليه.. ماتدري يمكن عنده مشكله بنفسه لان اللي يبان من خلال كلامك ان ماعنده ضعف لانه يقدر اذا طلبتيه .. يبي لك صبر الله يعينك حتى لو تحسي صعب عليك .. ولنجاح الحياه الزوجيه بكل شي .. الحوار.. الحوار .. الحوار ..
برأئي لاعاد تسوي ليالي حمراء ولا شي خلي الغرفه مرتبه ونظيفه بدون مبالغه عشان لايفكر ويحس بضغط نفسي

الله يسخره لك

 

[اه ع قلبي]

اكشخي وطنشي ياقلبي حتا لو تظلين شهر مرده بيجيج بس انتي اثقلي الظاهر تعود على انج تبدين بالاول جربيوانتي مو خسرانه

 

[صعب أسامح]

الثقل صنعه
والحقران يقطع المصران
والشئ لازاد عن حده انقلب ضده
وحلات المره بخجلها
وياجبل مايهزك ريح
والصبر مفتاح الفرج
ومرد .......... لقصابه
بس شقولج بعد والله يعين

 

[منووله مشعل]

واصبري عليه يمكن مو متعود بعده عليج بس خفي عنه وتغيري لا تسوين كل هذا يعني جربي العكس وشوفي يمكن تطلعين بنتيجه

والله يسخره لج ويهديه ويسعدكم يااارب