قررت اضعف .. شاركينا بصورج

[UM M&M]

خلااااااص قررت اضعف :lkmnkl:

بنات في وحده حسبت جم مره قالت بسوي رجيم ؟

و جم مره سوت رجيم و ضعفت و رجعت الجم كيلو مره ثانيه ؟

جم نادي صحي اشتركنا فيه ؟


ترا الخلل فينا احنا :eh_s(16):


انا كلا اقول بيني و بين نفسي يعني متى اليوم اللي اوصل فيه للوزن المثالي و ماقول ( وااي متنت ) و اخاف من صعدة الميزان !

اذا مانزلت وزني الحين وانا صغيره متى راح ينزل بعد ؟ :eh_s(10):


ذلك اليوم قاعده اشوف يوتيوب ولا وحده اجنبيه حاطه عنوان الفيديو ( شوفوا هالصور اذا تبون تضعفون ) بالانقليزي طبعا

و كاتبه ( we eat to live ,, not live to eat )

صج يعني ليش الاكل كل همنا

ظاق خلنا كلينا طلعنا كلينا استانسنا كلينا .. حتى لو مو يواعه نخربط :eh_s(2):


عااااااااااااااااااااد انا خلاص قلت بقرر قرار نهائي اني اكل عشان اعيش بس
و استانس بجسمي و لبسي و رشاقتي .. ياحلو الرشاقه


امس رحت اشتركت بنادي و اليوم بلشت رجيم
و بهالموضوع نبيكم تحطون صور وجباتكم .. الريوق و الغدا و العشا .. حتى السناك
و نشجع بعض



انا وزني 67
طولي 161
الوزن المثالي 53

يعني يبيلي 17 كيلو
راح انزلهم باذن الله
قولوا ان شالله

يارب



هدفي الأول : 60 :ggdw:



يالله دور الصور ..

هذا غداي اليوم :

همبورقر فوقها جبن سلايت قليل الدسم مع كاتشب دايت




و التحليه بالرقي :eh_s(3):





يالله شجعوني
دوركم

 

[عنادي قطر]

بالعافيه وان شاء الله تنزلينهم بصحه

انا غداي سندويش شورما وخس
(( انا مشتركه بدايت سنتر)

 

[كيكه توفي]

موفقه انشالله

 

[baby johnson]

اي اي عفيه عليييييييج شدي حيلج
اليوم ريوووقي : حليب خالي الدسم و3 تمرااااات
وتوني تغديت سلطه وقطعتين همبورغر مشووووووي
وحليب بتمرتين وكوب جاي اخضرررر
وعشاي باذن الله تفااحه ولبن




ويا احنا يا هالوووووووزن

 

[b6ooo6a*_*]

معاااااكم اب قوه

الغدا :همبورغر و جبن

سناك : نسكفيه

العشا : توسته داخالها اشياء ويا جاي او لبن

 

[UM M&M]

تونسوووووون بنات شجعتوني

يالله نبي مشاركات بعد كل وجبه كتبوها حتى لو مخربطه

ياريت لو صور بعد


ان شالله اذا تعشيت اليوم احط صورة عشاي

 

[t0o0fa]

يسعد مسآكم يا كويتيات

أنا عضوه جديده .. سجلت عشان أشارك معاكم بالرجيم و نشجع بعض

فعلا حااابه أنزل وزني لانه مليت .. و تعبت نفسيا من شكلي

وزني حاليا يتأرجح بين 63 و 62 .. و طولي 160

الوزن المثالي 50

هدفي الأول : خلال اسبوعين .. 60

هدفي الثاني : خلال شهر .. 55

هدفي الثالث .. بالشهر اللي بعده .. 50

حاليا انا عندي امتحانات و مشغوله مع الجامعه .. بس راح أحاول اسوي تمارين بالبيت مدة ربع ساعه

و هذا الرابط

http://www.youtube.com/watch?v=edUFqkWSve8

بصراحه جربته مدة اسبوعين و حسيت بطني و خصري و فخوذي تحددو ..

هالتمارين تركز اكثر شي على منطقة البطن و الارداف و الفخوذ

و بإذن الله اذا قدرت راح أحط صور

و إن شاء الله نوصل حق هدفنا ​

 

[baby johnson]

حياااااااااااااااااتي والله جاان زين بلوتوث لابي مفتوح جان نزلت الصوور


بس من سويته فورمات اخترب ماعرف افتحه
المهم




تعشيت نسكافيه وتفاحه خضرااااااااااااااااااااااااااااااا

 

[baby johnson]

حياااااااااااااااااتي والله جاان زين بلوتوث لابي مفتوح جان نزلت الصوور


بس من سويته فورمات اخترب ماعرف افتحه
المهم

عشااااي نسكافيه وتفااااحه خضرااا
وصدقيني والله والله والله بنقدر نضعععععععععععف
ترى على فكررره انا امتن منج باكثر من 10 كيلوات لووول
وان شاءالله بنضعف
وبحاول من باجر امشي لو نص سااااعه بالممشى



تعشيت نسكافيه وتفاحه خضرااااااااااااااااااااااااااااااا

 

[baby johnson]

توفا حياااااااااج الله حبيييييييبتي
وبجررب اسوي التمارين كل يووووم وان شاءالله اشوف نتيييجه

 

[Q8stylle]

الموضوع يشششششششششجع

 

[مس دلال]

هلووو

يلا قو بناااااااات

اللي بلوتوثها خربان من بعد الفورمات سوي سيرج بالتعريف وحمليه ع جهازج وبيضبط ان اشاء الله

 

[UM M&M]

توفا

حياج الله ونستني مشاركتج
ان شالله توصلين للوزن اللي تبينه

بيبي جونسون

يالله ميخالف رضيت بس مشاركه بدون صور p;



انا اليوم رحت النادي و مشيت نص ساعه و لعبت بالقاري نص ساعه
عشان اول يوم
والله النادي يشجع انا اشوف اغلب الموجودين بالنادي امتن مني اشوا
الحمد لله انا مافيني سمنه بس متروسه




اليوم ماتعشيت بس كليت سلطة شمندر قفشتين

 

[مسس كارميلا]

امبييي
والله كلامج ميه ميه ولا فراخ القمعيه << بره
ههههههههه
واي صج يتني الضحكه ولا مره فكرت جم مره قلت بسوي رجيم وجم مره سويت وجم مره خربته

انا معاج قلبا وقالبا وعجبتني سالفه الصور ان شاء الله من باجر ببلش اصور اكلاتيي
وزني حليا 76.6
وماشيه على نضام ربيع
حده زييين مريحني بس ودي اغير الاني ملووووووووله فببلش بعد جم يوم برجيم المطوع ان شاء الله

 

[UM M&M]

مسس كارميلا

حياج الله معانا يالله ناطرين صورج
انا والله ما اتبع رجيم معين من كيفي و من تأليفي الرجيم p;

المفروض الحين اروح النادي لكن بنتي توني مطعمتها و راح تسخن فاضطريت اقعد عندها

بحط لكم صورة ريوقي اليوم
كورن فليكس فتنس و حليب خالي الدسم ( على فكره هالكورن فلكس احبه سواء اسوي رجيم او لا لذييييذ )





و الظهر فواكه

 

[سمراء الخليج]

هلا حبيباتى يشرفنى انى ادش معاكم بهل حملة ويالله نسميها لا للسمنه
انا طولى 158 ووزنى 80 تعبت نفسيا من شكلى اشتركت بذا برنامج وماكو فايده قالولى اكثر شى فيج الدهون بالجسم لدرجة شلت المراره من الدهن ومن شلتها زاد وزنى 10 كيلو فايالله بنات للتشجيييييييع ريوقى اليوم شرائح بسكويت الدايت مع جبن قريش وشاى محلى

 

[UM M&M]

يا هلا والله اختي سمراء الخليج
اتوقع يبيلج 20 كيلو تنزلينه
ترا سهالات و انا اختج بس كملي معانا و نشجع بعض


شوفوا اذا رحنا السوق استغفر الله ماشتهي اقيس الهدوم .. يعني في بعضهم اوكي بس انا طبعي ماحب تبين ولا زغدوده من ورا الهدوم فأتأزم و تنبط جبدي و يظيق خلقي و اطلع من المحل و انا ماشريت شي

انا يبيلي 14 كيلو او 13 كيلو و اوصل للوزن المثالي يااااااااااااااااااااااااااااااااارب ودي اصير سمبتيكه اي شي اشتهيه البسه ماقول يمتني

 

[UM M&M]

جنكم ماتشجعون



هذا غداي

 

[ام فجور 2008]

ما يحتاي احط لكم شنو اكلت وشنو مفكرة اكل بس موضوعجج حلو ولي عودة

 

[t0o0fa]

يسعد مسآكم = )

um m&m مشاالله وجبااتج مفيده و صحية .. ان شاء الله اذا تفرغت أقعد اسوي مثلها

بس بسألج عن الشوربة .. هذي شوربة شنو

اعذروني اليوم ما قدرت أصور إن شاء الله بكرا

و ماسويت ريااضه اليوم = (

الريوق : بسكوتتين دايجستف قليل الدسم مع حليب فراولة

الغدا : مشاوي

العصر : كبشينو

و الحين نفسي منسده مو مشتهيه عشا ​