قرقيعان بنيتنا :)

[أم بدير]

السلام عليكم
شلونكم بنات
السنه سوينا حفلة قرقيعان
وقلت بحطلكم القرقيعان الي سويته حق بنت اختي النمله (هذا اسم دلع ترى:eh_s(6)
طبعا تعبت عليه تعب مو طبيعي
بس تستاهل نملتنا
مابي اقرق على روسكم اكثر
واخليكم تشوفون القرقيعان

طبعا القرقيعان بنفنوف اللعبه معلق والي ينشالون حبه حبه يتوزعون عالمعازيم ويبقى النفنوف واللعبه حق راعيتهم ذكرى لين تكبر انشالله ونفرح فيها عروس واغير نفنوف القرقيعان واخليه نفنوف عروسه واعلق عليه توزيعات عرسها (عشان ماتعزمني عالعرس موليه:krkrkr
خخخخخخخ
اتغشمر معاكم مو تصدقون عاد وتقولون ام بدير خرفت

 

[OmRashed]

ماشالله ام بدير خوش فكره تهبل

دايما مبدعه الله يوفقج

 

[عهود الحب]

خوش فكرة والله

ميرسي حبيبتي

 

[om3boood]

ماطلعتلي الصوره

 

[اثمان]

يعطيج العافيه ام بدير والله يخلى ليكم بنيتكم:aha:

 

[أساور]

الله يخليها لكم وتوزعون بعرسها

 

[بــ زايد ــنت]

ما شاء الله حلوه

وفكرتج بعد حلوه سويها بعرسها وعطيها هديه لووول

يعطيج العافيه

 

[rudy]

مافي صور

 

[Pink GirL]

تسلم ايدياتج ام بدير
وعليها بالعافية نملتكم

 

[FOZQ8]

أمبيه فكره تهبل واااايد
بالعافيه عليكم
والله يخلي لكم نملتكم وباجي النمل هههههههه
تصدقين نفس اسم الدلع لوحده من بنات اختي مسمينها نمله

 

[ملكة أسرتي]

وايد حلوه الفكره ماشاء الله الله يخليها لكم

 

[june_m00n]

مشالله خووش افكار الله يخليها لكم ويفرحكم فيها

 

[مس باتشي]

ثااااااااااااااااااااااااااانكس
رووووووووووووووعه

 

[Killer^Girl]

فكرتج عجيبه
شرحي لنا شلون سويتيها عشان نقلدج السنه اليايه لول

 

[جارة القمر]

خخخخخخخخخخخخخخ
فديت النملة


تسلم ايدج

ماشاء الله دائما ذوق

 

[ba6boo6ah]

حلوووووووة ماشالله تينن بس شلون جاهزة ولا انتي مسويتها؟؟؟ حدها عجبتني

 

[أم بدير]

شاكره مروركم بنات
يعطيكم العافيه
بطبوطه حبيبتي هذي انا مسويتها
بالنسبه حق شلون سويتها هذي قصه
بدايتها الله يسلمكم اني افترين دورت لعبة عروسه كبيره
وبعدين على حجم اللعبه سويت قاعده شكلها مخروط جنها قمع صارت
بس مبطله من فوق
وحطيت اللعبه بوسطها
فصارت القاعده جنها تنورة العروسه
ولفيتها بخام لونه سيلفر
بعدين شريت أكياس قرقيعان لونهم سلفر وذهبي عشان هالالوان تناسب القرقيعان
وركبت عليهم من ورى هذا الي يلزق الخام مادري شنو اسمه بس اهو عباره عن قطعتين يلزقون ببعش وحده ركبتها على كيس القرقيعان والثانيه عالقاعده
بعدين عاد سويت بلوزه من نفس القماش ولبستها اللعبه
واخر شي زيتها بالكشكش الأحمر
ادري الطريقة معقده بس للأسف مو مصورة الخطوات جان صارت أوضح

 

[DoDo_Q8]

يهبل ماشاءالله
عليها بالعافيه النملة
ويعطيج العافيه

 

[أغلى حبيبه]

--------------------------------------------------------------------------------

ما شاء الله حلوه

 

[إستبرق]

ماشاءالله روووووووعه
الله يحفظ بنيتكم يارب