قروباات سياحيه..

[lazaward]

مرحبتين كبـار كبــار

انشالله هالسنه انا وريلي قررنا نسافر اوروبا بالصيف بس للحين محتارين
يقولي نروح مع قروب جوله اوروبيه حق كذا دولة
او نروح اسبانيا بس نروح كل المناطق اللي باسبانيا
انتواا شرايكم بنات؟؟؟؟
وشلون القروبات اذا بروح مع قروب يعني مو اذيه ؟؟؟؟

 

[lazaward]

شدعوه بنات 9 مشاهدات ومافيكم وحده ردت

 

[رهشRAHASH]

أهلين حبيبتى السفره تعتمد اذا الانجليزى اوكى روحى بروحج واذا اللغه لج عليها روحى قروب وهمن اذا ريلج اتكالى همن القروب ينفع (امبيه وايد أأيد القروب حق رياييل هالايام اللى كل واحد طالع من بيت ابوه مدلع )

 

[dantella]

انزين شنو احسن القروبات الي مجربينهم ........... اسمع ان في قروبات مو شي ....... شنو احسن المكاتب

 

[lazaward]

أهلين حبيبتى السفره تعتمد اذا الانجليزى اوكى روحى بروحج واذا اللغه لج عليها روحى قروب وهمن اذا ريلج اتكالى همن القروب ينفع (امبيه وايد أأيد القروب حق رياييل هالايام اللى كل واحد طالع من بيت ابوه مدلع )

رهش حبيبتي مشكوورة على ردج
انا وريلي الانجليزي اوكي ومن ناحية اهو مدلع ايه وحيييل
بس بالسفر شقردي ويعتمد عليه

 

[lazaward]

انزين شنو احسن القروبات الي مجربينهم ........... اسمع ان في قروبات مو شي ....... شنو احسن المكاتب

والله انا بعد ابي احد يجاوبني على نفس اسألتج
بس ما ادري ليش مطنشينا
:0bee2e8d89:

 

[أم@الحلوين]

افا عليكم ماعش اللي يطنشكم

انا بصراحه مرتيين رحت قروبات بس صج وناسه وانشالله هالصيف هم بروح قروب

واحسن مكتب انا وريلي دايمن نحجز منه اهو سفريات المستقبل انصحكم فيه

وانشالله اكون فدكم

 

[أم الغلا كله]

انا جربت سفريات الفضاء زينين وارتحنا معاهم

 

[مشمشة رمانة]

انا جربت قرب سنة 2005

وكان مع سفريات المستقبل

وكان حليو بس القايد ماكان يدبر شي

بس الحلو بالقرووب تتعرفين على بنات

والحجز يصير ارخص شوي بالنسبة للفنادق


واذا وتج تروحين بالقروب ترة عادي بالرحلات موشرط ترتبطبن معاهم

احنا مكنا مومرتبطبن معاهم لانة الحمد الله عندنا خلفية من قبل

وحتى اللي اول مرة يروح مايتوهق اذا كان يعرف انجليزي

فانتي جربي القروب وماتتحسفين ترة وناسة ولاتنسين حجز الفنادق بيطلع عليكم ارخص

من لو تروحون بروكم ...

والله يهنيج بسفرتج وتستانسون ..

 

[lazaward]

مشكووورين بنات على ردودكم وانشالله بجرب القروب

 

[أم أنور]

أول شي اسبانيا حاره يعني الحراره بالأربعين
ثاني شي روحي أوروبا قروبات عندج ميونخ زلمسي لندن انا أول العام رحت هالدول مع سفريات الرابيه كانت خووش رحله