قروبات الوسيط (تم دمج المواضيع)

[maryam_q8]

مساا الخير
بنات ايهم احسن اخذ معاي كاش ولا فييزا

 

[أم@الحلوين]

نفسنا 4.6
انتي لقيتي فلوس الاوروبيه بجم يعني احنا لقينا بو 50 وانتم
انا عندي بنوتين وحده عمرها 3 سنين والثانيه توها 7 شهر الصغيره بخليها عند اختي ان شاءالله
انا راح البس جينز وقميص مالي خلق العبايه لويه
الجينز اسهل بلحركه عندي

احنا لقينا 200-100-50

الله يخليلج البنوتين وتشوفينهم عرايس يارب

بغيت أسألج مادقوا عليج السفريات عشان نتلاقا مع القايد ونوقع التوقيع النهائي؟

 

[أم@الحلوين]

اهااااااااااااااا نفس الي لقيناه
لا مادقو
ليش يدقون؟؟؟؟؟؟؟؟؟؟؟؟؟؟؟؟؟؟؟
ترى انا اول مره اجرب سالفه القروبات بعمري
انا ريلي ماشي بلامور كلها مادري عن شي بس الي اعرفه اننا حجزنا بلسفريات الفلانيه كذا يوم والدير والباجر كله على ريلي يظبط كل شي

يدقون عشان في توقيع نهائي قبل السفره وراح يعطونج ورقه فيها برنامج الرحله كلهاا

 

[maryam_q8]

maryam_q8
مساء الانوار
انا والله باخذ كينيت
لان انا فلوسي بس للتسوق واي محل اشتري منه بلكينيت ليش اصرف واشيل معاي كاش بكل مكان
انا بكل سفره جذي

شفتي هالموضوع يقولون الفيزا اوفر http://www.q8yat.net/showthread.php?t=397405

 

[أم@الحلوين]

اهااااااااااااااااااااااااااااااااااااا
فهمت منج
قوليلي بس يدقون لان ريلي مايقول عادي عنده هل امور
تعالي عندج ايميل
نشبك ماسنجر ونسولف

انشالله حبيبتي بس يدقون اقولج
اي عندي

 

[أم@الحلوين]

أم عزوز وينج؟؟؟؟؟؟؟؟

 

[احلى من الحلى]

شوقتونى بنات

شكلى بزهب جنطتى من الحين لووووووووووووووول

بسالكم اشلون حطيتو الابريج ؟؟؟

 

[سينتيا]

مساء الخير بنات

انا كله ادش تلايا الليل وما القى احد

واي قريت موضوعكم تحمست

انا باقي على سفرتي تقريبا اسبوعين وجم يوم

بس من اليوم رحت السوق مع ريلي شريت لي جم قطعه واهوه بعد خذاله شورتات حق تايلند



بنات منو رايح تايلند من قبل ؟؟

شنو نظام اللبس ابي شي مريح وموعارفه شنو
يعني اخذ شي كشخه والا شي ينقط لان لوويه اهناك ؟؟؟؟



بليييز ردو عليي

 

[أم@الحلوين]

شوقتونى بنات

شكلى بزهب جنطتى من الحين لووووووووووووووول

بسالكم اشلون حطيتو الابريج ؟؟؟

حطيته بجنطة ولدي تحت الاملابس:dddds:

 

[maryam_q8]

صبااح الخير
بنات شنو احسن البس الجينيز ولا اخذلي هذولي البنطرونات الخام ملوت التريننق

 

[أم عزيـز]

مساا الخير
بنات ايهم احسن اخذ معاي كاش ولا فييزا

انا اقول الأثنين لأني ماخذه معاي الأثنين

شوقتونى بنات

شكلى بزهب جنطتى من الحين لووووووووووووووول

بسالكم اشلون حطيتو الابريج ؟؟؟

زين تسويين والله
والله لين الحين ما زهبت الجنطه بس أكيد البريج بزدعسه بين الهدوم لوووول

النور نورج حبيبتي

ماشالله حلوه عليج بالعافيه يعني لمن اشتريها تكون مضبطه يعني انا بس اصور على طول ماله داعي اقرى الكتاب اللي معاهاا؟؟

انا اي تقريبا بديت اخلص اليوم رحت سوق شرق وشريتلي جم شغله حقي وحق ريلي وبعد شوي برتب الجنطه واشوف شنو ناقصني

ذكريني شنو اخذ بعد

بغيت اقولج شنو راح تلبسين حق المطار واللويه والطياره؟؟

انا حق السفرات احب البس عباية جتف احس انها اريح واخذ راحتي بالطياره وانتي شنو تلبسين؟؟

شوفي حبيبتي الكاميره بس تحطينها على أوبشن Scan راح تطلعلج كذا وضعيه اختاري اللي تناسبج وتناسب الجو
وياريت تقرين الكتاب وايد افضل وتجربين في عيالج في البيت لووول

وانا صراحه ما احب البس عبايه انا رايحه مع قروب اكيد بكشخ لووول
بلبس جينز وقميص شغله عمليه ومريحه

السلام عليكم بنااااات
ام عزوز
وام الحلوين
اشلونكم
لايكون مو موجودين ابي اصيدكم مو قادره
ام الحلوين
من الحين اجهزين الجنطه تو الناس يتراوالي مو جذي
انا احب اجهز الجنطه قبل السفره بيومين احسن
مع انه الجناط منزلها ريلي صاره 3 ايام بلممر اقوله تو الناس يقولي كل ماشوفهم استانس علشان اتحمس للسفر

اذا سفرتج ريضه نطري قبل السفر ب3 ايام زهبيهم انا احس تو الناس على سفرتي 10/7 جدامي اسبوعين

أم عزوز وينج؟؟؟؟؟؟؟؟

كاني بس كل ما ادش المنتدى القا الموضوع انا اخر وحده راده عليه لووول
عاد دخت وطلعت ووراي دوام تدرين
بس الحين انا شابكه من الدوام

صبااح الخير
بنات شنو احسن البس الجينيز ولا اخذلي هذولي البنطرونات الخام ملوت التريننق

صباح الورد
حبيبتي اهم شي شنو انتي اللي ترتاحين له ؟
كل وحده تعرف نفسها شنو ترتاح عليه وتلبس اللي يناسبها
انا عن نفسي كله جينزات

 

[أم@الحلوين]

هلا ام عزيز شلونج

بغيت أسألج العدساني في تيشيرتات حلوين حق ريلي اليوم العصر بروح قلت أسألج؟؟

 

[أم عزيـز]

هلا ام عزيز شلونج

بغيت أسألج العدساني في تيشيرتات حلوين حق ريلي اليوم العصر بروح قلت أسألج؟؟

هلا فيج يا الغاليه انا بخير يا قلبي انتي طمنينا عنج ؟؟
العدساني فيه شغلات وايد حلوه خاصه حق الشباب تيشيرتات وقمصان وجينزات وبنطلونات
كل اللي في بالج تحصلينه عندهم وسعرهم حتى رخيص مو غالي
انا زوجي خذاله كذا تيشيرت وقميص جم قصير وطويل بصراحه حلوين ومرتبين والوانهم بعد حلوه

 

[احلى من الحلى]

هلا ام عزيز شلونج

بغيت أسألج العدساني في تيشيرتات حلوين حق ريلي اليوم العصر بروح قلت أسألج؟؟

حرام ترى انا خذيت حق ريلى من دبنهامز وبوسينى وايد محلات كلهم امسوين سيل حسافه ارخاص وهم ماركات احسن من العدسانى

روحى الافنيوز وحوسى بتلاقينهم اشحلاتهم والله

 

[احلى من الحلى]

بنات سالكم على الاماراتيه جم مسموح حق الواحد بالوزن ؟؟؟؟


واشلون ماراح تاخذون اكل ؟؟؟

انا باخذ جبن قلاسات بس متوهقه وين احطه ؟؟؟؟

 

[maryam_q8]

بنات ابي اشتري جنظة سفر يدية في نوع او ماركة معينة زينة ومن وين بروح اليوم اشتري

 

[أم@الحلوين]

هلا فيج يا الغاليه انا بخير يا قلبي انتي طمنينا عنج ؟؟
العدساني فيه شغلات وايد حلوه خاصه حق الشباب تيشيرتات وقمصان وجينزات وبنطلونات
كل اللي في بالج تحصلينه عندهم وسعرهم حتى رخيص مو غالي
انا زوجي خذاله كذا تيشيرت وقميص جم قصير وطويل بصراحه حلوين ومرتبين والوانهم بعد حلوه

انا بخير حبيبتي

امس رحت الافنيوز خذيت حق ريلي تيشيرت من لاكوست وقميص من نيو لوك خامته تينن

وبعدين رحنا سنتر بوينت ماعجبه شي قلت اليوم بروح العدساني وبروح سوق شرق زارا ودبنهامز

بديتي تحطين الاغراض بالجنطه ولا تو الناس؟؟

 

[أم@الحلوين]

بنات ابي اشتري جنظة سفر يدية في نوع او ماركة معينة زينة ومن وين بروح اليوم اشتري

مريم عندج جناط سمسونايت ووايد حلوه وتكد معاج

 

[أم@الحلوين]

بنات سالكم على الاماراتيه جم مسموح حق الواحد بالوزن ؟؟؟؟


واشلون ماراح تاخذون اكل ؟؟؟

انا باخذ جبن قلاسات بس متوهقه وين احطه ؟؟؟؟

الوزن جنه 30كيلو اليوم بتأكد من السفريات

انا عن نفسي لازم اخذ معلبات وجبن قلاص اهم شي وصحون بلاستك وقفاش


وحطيهم بين الملابس واللي يدري يدري واللي مايدري ينام بدري:dddds:

 

[Katkota_46]

ها بنات للحين تحطون اغراض بالجنطه هههههههه

احس بيوم السفره الجنطه ما راح تتسكر:>