قروبات الوسيط (تم دمج المواضيع)

[نورة بنت الكويت]

السلام عليكم و رحمه الله و بركاته
صباحكم ورد و جوري
وينكم بنات شدعوة ما في احد رد علي

 

[نورة بنت الكويت]

بنات اللي جربتوا سفريات الوسيط يا ليت تردون علي بليز

 

[أم@الحلوين]

عليكم السلام

والله انا ما اعرف القايد بس ما حبيت اطلع بدون رد .. من ناحية الفنادق لا تحاتين فنادقهم حلوه ونظيفه وقريبه من السنتر والاندر قراوند يمج

يعني دقيقتين انتي بالسنتر.. واللوفتهانزا ما جربتها بس يمدحونا والوزن المسموح 20 كيلو بسس وانشاءالله اكون فدتج

 

[اللوحه الفضيه]

السلام عليكم شلونك غلاي غير انا بعد معاك نفس الرحلة جنيف باريس لندن تاريخ 25-7موبس بروحك لاتخافين صامدة معاك الظاهر اخر ناس احنا

 

[نورة بنت الكويت]

عليكم السلام

والله انا ما اعرف القايد بس ما حبيت اطلع بدون رد .. من ناحية الفنادق لا تحاتين فنادقهم حلوه ونظيفه وقريبه من السنتر والاندر قراوند يمج

يعني دقيقتين انتي بالسنتر.. واللوفتهانزا ما جربتها بس يمدحونا والوزن المسموح 20 كيلو بسس وانشاءالله اكون فدتج

مشكورة و الله حبيبتي أم@الحلوين و ما قصرتي
و يعطيج ألف ألف عافية

 

[نورة بنت الكويت]

باقي أربع أيام على السفر
الله إن شاءالله يتممها لنا على خير
و يفرحنا و يفرح كل اللي بسافرون بسفرتهم

 

[جوري 2007]

رد: قروبات الوسيط

ماليزيا مايحتاج لها قروب حلاتها بروحكم

انا ان شالله ناوية احجز معاهم لاستراليا احس بتوهق هناك فقلت مع قروب احسن

شرايكم ؟

بالعكس استراليا كلش مايبيلها قروب
سدني رحلاتها محدودة ، اهم منطقة فيها الهاربر وفيه الاكواريوم _وايلد لايف_سفينه حربية مسوينها متحف وسفينة جيمس كوك مكتشف استراليا
بالهاربر تلاقين الووتر تاكسي تقصين تذكرة وتركبين يوديج لونا بارك بالبجر والاوبرا للتصوير واذا تبين ادشينها كيفج
بس هذي اماكنها
الحجي بجولد كوست كلها رحلات ومكاتب الرحلات متروسة وين ماتمشين تحجزين
وعندهم مكتب عربي للرحلات اسمة لواند
ترى صج استراليا ماتضيع مايبيلها قروب نصيحة

 

[مايكبرني لقب]

حبايبي ممكن رقم مكتب الوسيط بس ياليت على الخاص تدزونه

 

[dreamer_33]

مرحبا

منو جربت او تعرف القايد محمد حسين ؟؟؟

شلونه زين ؟

 

[قانونية]

بنات ياحبيباتي ياقلبي كلكم

قوليلي جم كلفت عليكم الرحله يعني اسعار القروب بحدود جم وشامل الفنادق؟

 

[احلى من الحلى]

حبيبتى هذا التجمع مالنا العام الحين هالسنه ماادرى عنهم مع انى كنت ناويه اسافر معاهم بس الله ماكتب وحملت


بصراحه الفنادق اتهبل واللفتانزا عجيبه بس الوزن حكرنا اشوى بس طوفونا والله


وترحون وتردون بالسلامه

 

[dreamer_33]

رد : قروبات الوسيط (تم دمج المواضيع)

هلا قانونية

هذي اسعار عروضهم للشخص شامل التذكرة والفنادق :

عروض الوسيط لأوربا


بروكسل - امتسردام- باريس 14 يوم 652 لوفتهانزا

جنيف- لوزان- لوغانو - زيورخ 15 يوم 695 القطريه

جنيف - باريس - لندن 15يوم 775 القطريه

فينا - سلوفينيا - زلمسي - زيورخ 15 يوم 685 لوفتهانزا

فينا - كابرون - ميونخ 15 يوم 655 لوفتهانزا

مدريد - فلنيسيا - برشلونه 14 يوم 665 لوفتهانزا

برشلونه - جنيف - باريس 15 يوم 695لوفتهانزا

فينا - زلمسي - ميونخ 15 يوم 675 الاماراتيه

مانشستر - بلاك بول - لندن 15 يوم 665 الاماراتيه

ميلانو - جنيف - باريس 15يوم 695 الاماراتيه

ميلانو - زيورخ - ميونخ 15يوم 675 الاماراتيه

زيورخ - لوغانو - ميلانو 15 يوم 675 الاماراتيه

ميلانو - زلمسي - ميونخ 10 ايام 565 لوفتهانزا

جنيف - بازل - زلمسي - ميونخ 15 يوم 685 لوفتهانزا

 

[dreamer_33]

رد : قروبات الوسيط (تم دمج المواضيع)

هاي احلى من الحلى .. شلونج

تعرفين القايد محمد حسين او سامعة عنه ؟؟؟

 

[احلى من الحلى]

رد: رد : قروبات الوسيط (تم دمج المواضيع)

هاي احلى من الحلى .. شلونج

تعرفين القايد محمد حسين او سامعة عنه ؟؟؟

هلا حبيبتى


لا والله مااعرفه انا كنت مع صالح المزينى