قروب رياضة خنشجع بعض بنات

[HaWeK]

مساآآآكم ورد وجوري وعساكم كلكم طيبين وبخير

والله يا خواتي مواضيعكم وقروباتكم وايد إتشجع .. وخاصة قروبات اللي بقسم البشره واللي تسوي قروب جد تبي مثل ما تستفيد إتفيد غيرها وتبي الخير لهم
فا قلت ليش ما نسوي قروب رياضه هني؟ .. كل وحده تقول شنو تعاني منه ونحاول إنشجع بعض ونحل مشاكلنا مع بعض .. والله روح الجماعه غير .. وللي ملت وتعبت انحاول انشجعها .. يعني يكون قلبنا علا بعض

اشرايكم بنات؟
اللي عاجبتها الفكره وتبي تشارك بالقروب تسجل اسمها
بس الانضباط ضروري بنات .. لانه بنسوي جدول رياضه لنا نمشي عليه كلنا ويكون مناسب للكل

منو تبي تسجل؟

 

[جوف الليل]

انا بسجل معاكم ..
واذا بديتي تشرحين ماعليج امر طرشي لي رسـآله ,
والتجمع مدته كم شهر؟

 

[فجر_الكويت]

موفقين خير يارب

 

[فواصل]

انا حابه اشارك متى بتبتدون ؟

 

[**(فـيـلا دانـتـيـل)**]

انا بعد وياكم ..

اذا بلشتو قولولي

 

[تحيا السعادة]

وانااااااااااااااااااااااااااااااا بعد ابيييييييييييييييييييييييي
شرايكم نبدا من بكرة (((<<<<< عندها روح القيادة :d
انا رح ابتدي برياضة لبطن والله يساعدني
تصدقون الي 3 شهور ابي ابتدي وكل يوم اقول يالله وماسوي شوي
بس ابيكم تشجعوني وانا كل يوم رح اجي هني وقلوكم وش صار معي
واذا تعبت زفوني

 

[Daydreams]

انا بعد ابي البطن يروح وانزل سبعه كيلو كسبتهم لان بطلت النادي وماقدر اروح له زي اول
بس تبدون مسج على الخاص ماعليك امر حبيبتي

 

[فواصل]

وين صاحبة الموضوع ؟

ترى كلنا مشتطين للقروب

 

[**(فـيـلا دانـتـيـل)**]

متي بتبدون

<<<< حدي اندمجت!!

 

[هيويه]

وانا بعد يمكن نخلون عندي حماس واتشجع

ابي انزل لايقل عن 15 كيلو اووف زدت وايد

برساله خاصه تكفون

 

[Sazdell]

انا أكيد معاكم بس تبدون دزيلي على الخاص

بس عندي قتراح ان كل وحده تحط لها جدول رياضه يناسبها وترتاحله

ولازم كل ١٠ ايام يتغير الجدول وهذي نصيحه من المدربه Tracy Anderson

وندش كل يوم نكتب يومياتنا بكل مصداقيه اذا سوينا التمارين او لا

وكل ١٠ ايام نكتب شنو الفرق اللي حسينه فيه وتقيسين حق نفسج خصرج و فخوذج و جتوفج و وزنج حتن لو مو حابه تحطين القياسات بس تقولين لنا اذا في تغير او لا وخفو جم سانتي ونزلتي جم كيلو

وبس مجرد اقراحات اذا عجبتكم نتبعها

*

 

[**(فـيـلا دانـتـيـل)**]

الله يهديج

احنا عسانا نتشجع ونسوي رياضه

تبين نغيرها كل ١٠ ايام
عز الله كسسسلنااا

يالله كل وحده تكتب وزنها الحالي
والوزن اللي تبي توصله ..

وزني السابق = ٧٨ <<< كنت والده


وزني الحالي = ٦٦

الوزن اللي ابي اوصله =٦٠

امارس رياضه المشي بالبيت من اسبوعين وابي احد يشجعني

الهدف من الرياضه ان ابي جسمي يصير حيوي وصحي
(( مابي اعجز بسرعه )) خخخخخخخ

 

[HaWeK]

يالله حيي بناتنا الرشيقات "باذن الله" :*

ان شالله بكتب خطتنا الرياضية .. بس يخلص الخلل من المنتدى لانه اخاف اكتب ردي ويروح كله
زين قولولي بنات .. جم وزنكم وشنو تعانون منه ؟؟
وأبي اطلب منكم طلب صغيرونو .. ابي تشوفون قطعة هدوم حاطتها ابالج تلبسينها لي ضعفتي .. سواء بنطلون ولا تنورة ولا تي شيرت .... الخ .. الهدف من هالشئ ملاحظة التغيير بالجسم ..
اذا عندكم أي اقتراحات قولو .. مثل اختنا sazdell وعقب عاد انشوف راي الاغلبيه ونمشي عليه عرفتو

 

[حزن الليل]

ابي ابي وياكم


من بديت الرجيم وانا منتظمه من دش الشتاء قصرت مدة الرياضه :eh_s(16):صح راح نص الكرش عندي بس ابها تروووح كلها قطيعه تقطعها :eh_s(14):اهي وفخوذي وزنزدي:cxxxp:

وبشارك وياكم

 

[HaWeK]

بنات اشرايكم نتواصل بطريقه غير المنتدى .. لو صار للمنتدى خلل ما نتوهق ونقطع عن بعض
وانا ما اشبك وايد بالمنتدى لانه هالاسبوع كله امتحنات بس اكون متواجده بالمسنجر بس طبعا بكتب جدولنا الرياضي هني علشان اللي يبي ياخذ فكرة عن القروب ويشترك
اشرايكم بالاقتراح؟ واللي ماتقدر بالمسن وبس بالمنتدى عادي .. واللي ماتقدر بالمسن وعندها طريقة ثانيه للتواصل هم تقول

اهم شئ نبي اعضاء ثابتين بالقروب ويكونون ملتزمين .. لا تقولين انا كسووله وتمبل مراح التزم !! والله العظيم ماتدرون اني انا فيني خمول ولبادة مو طبيعيه ومو متخيله اسوي رياضه لول لانه دوم مالي خلق .. يعني اتحداكم بالكسل لول
فا علشان جذي اقولكم لاتعتقدون اني نشيطه واحب الرياضه بالعكس يعني بختصار كلناا بالهواا سوااا
بس انا مؤمنة بروح الجماعه وعن تجربه .. راح نتغير ونأثر علا بعض للاحسن باذن لله

 

[HaWeK]

شوفو بنات مانبي احد يطلع عن القروب لانه ما التزم بجدول الرياضة .. عادي حاولي مرة ومرتين وثلاث مومشكلة وانا براكض وراج لين تزهقين من حنتي وتسوين رياضه لول

 

[تحيا السعادة]

اوك
انا ودي اضعف كم كيلو واذا ماضعفت مو مشكلة
المهم عندي البطن
لاني تقريبا جسمي اوك ومن زمان وانا تاركة نص الاكل وفي شغلات وايد تركتا
اول مرة في حياتي اقرر وتظبط معاي
بس المشكلة في الرياضة اذكر قبل سنة سويتها اسبوع وتركتها
ورفيجتي للحين مستمرة فيها وماشالله تغيرت وايد
بس المشكلة اني مااعرف بالظبط رياضة البطن شلوووون
ورح اصور بطني قبل وبعد بس اكيد مارح احطهم هني ههههههههه
يالله ابدوووووووووووووووو ناطرتكم

 

[Daydreams]

ahowjs
المنتدى او المسن ماتفرق معي
خططي وحنا معك
حلو نسجل قياستنا صح ونستفيد من تمارين البطن اهم شي .. نبغى فلااااااااااااااااااااات مافي بطن نهائي
وشوي شوي نسجل حتى نظامنا الصحي بالاكل

 

[Daydreams]

وين القروب ... يالله انتظركم يارشيقات

 

[تبي ترتاح؟؟]

عاشووووووووووووووو
يلا انا معاكم
اانا امشى يوميا ساعه تقريبا وهبيت اسوي ايربكس مع مدربه خقه بحط لكم الرابط << بس طبعا بطلت
ودى اسوى تمارين بطن وعندى 6000 مقطع << كنايه طبعا بس ابي احد يشجعنى تبونه قروب بي بي او هنا بس دزولي علي الخاص متى نبلش
http://www.youtube.com/watch?v=oOFgwC5XLlM
كل مقاطعها تخقق