قريتي كتاب ،، شنو اللي عجبج واللي ما عجبج فيه ؟ شاركينا برايج

[Eng_Roka]

السلام عليكم

شلونكم بنات؟؟

بما ان المنتدى نايم

قلت احط موضوع شوي يصحصحه

الموضوع واضح عنوانه

ذكريلنا اي كتاب

وشنو الاشياء او النقاط الايجابيه فيه

والنقاط السلبيه اللي خربت عليه

حتى لو تقولين نقطة زينه ونقطة شينه

وبسس
​

 

[Eng_Roka]

انا راح ابدي

اسرار فتاة قطريه

اهو حلو ويشد والسوالف اللي فيه تونس

بس حسيت ان فيه مبالغه نوعا ما وببعض الفصول حسيت بالملل

اهو يتكلم عن بنت قطريه تحلم انها تسافر بروحها

ويتحقق حلمها اول مرة وبعدين تتكرر الفرص اللي تخليلها فرصة السفر

ماني مخربة عليكم

الكتاب جيد واعطيه ٤ من ٥

 

[ليلو جبريت]

باتكلم عن روايتي
احس فيها بعض الجمل الركيكه والي تسبب لي قرحه فالمعده
ودي احرقها بس محد مطاوعني <<< لحظه من جنون الكاتب طوفي ماعليج

 

[Eng_Roka]

عااادي هذا شي طبيعي بأول روايه مع الوقت انشالاه بيتطور اسلوبج

بس ما قلتيلنا متى راح تنزل السوق؟؟

 

[ليلو جبريت]

الحين اشتغل على الثاني لين يصير معرض لكتاب او قبل بس انتر رد الدار الجديده الي ابي اتعاون معاها
لان الدار القديمة تاخروا وايد فوتوا علي سنه وماينشرن الا فكويت والسعوديه يعني حتى البحرين مافي

وحتى لو اول كتاب لازم اضبطه واتعب على نفسي مع ان الاغلب يقولون لي انتي توسوسيني الرواية مافيها شي ):

 

[Eng_Roka]

اكيد لازم تتعبين وتشتغلين على نفسج بس اكيد كل بداية لازم في بعض الاخطاء اللي راح تتفادينها المرة الياية


موفقه سويتي ؛**

 

[وهج الحب]

السلام:
من القصص اللي اعجبتني في الفترة الاخيرة وكتاب لا ارى الكثيرين يتكلمون عنه "اسمي سلمى" للكاتبة الاردنية فادية الفقير
وهو كتاب تكلمت عنه من فترة هنا بالمنتدى وهو من الكتب القلائل لكاتبات عربيات اللاتي عجبني كتاباتهم..وانا ذكرته هنا لانه لكاتبة عربية اما كتب الاجنبية كلها تعجبني ..
وسوف اذكر ميني ملخص عنها لاني اسهبت من قبل في تلخيصها ..
تتحدث عن سلمى اللي اغتصبها حمدان برضاها في قرية الحمى وتركها بعد حملها ..وهربتها امها حتى لا يقتلها أخوها محمود وهربت إلى نائلة مدرستها التي سلمتها للسجن لحمايتها وهناك تعرفت على نورا ومدام لمعة حتى تولد ثم أخذت إلى لبنان لتعيش بالدير ومن الدير أخذتها الآنسة اشر إلى انجلترا وتنتقل بنا بقصتها من لندن وشوقها لأهلها وعيشتها كغريبة في لندن عند القس هاريس الرجل الاسكتلندي الطيب وعيشتها عند ليز أو اليزبيث وهي سيدة كبيرة بالسن تفقد الذاكرة لتعيش ذكريات طفولتها بالهند ..وتنتقل بنا في سردها لقصتها لزواجها من جون ورغم سعادتها معه وابنيها الا انها لم تنسى أبدا أمها ولا ابنتها ليلى ..
ومن الكتب التي لم تعجبني كتاب " حب محرم " للكاتب الياباني المتنحر( على قولة ليلى المطوع ايش سالفة اليابانين مع الانتحار )يوكيو ميشيما

 

[Eng_Roka]

شوقتيني عليها وهج

انشالله بضيفها للسته

نورتي الموضوع

وياريت كل يومين تطلين علينا تواجدج قل عن قبل بالمنتدى ؛**

 

[Tom ♥ Jerry]

.،


السلام عليكم و رحمه الله و بركاته :***
خوش موضوع و الله
و لي باكات وآيد

ليلى المطوع

حبيبتي انتي نزلي الروايه و احنا الي نحكم عليها مو انتي > تبي تتهاوش ؟!
بعدين حتى لو اسلوبج مآ كآن ذاك الزوج .، يبه كل وآحد يستفيد من آخطآئه
و آنتي توج بالبدايه يعني مع الوقت راح تتطورين لا تحآتين
بس آهم شي لا يروح التعب على خالي بلاش ! :eh_s(7):


وهج

ماشالله خوش روايه " شوقتيني عليها ؛* " باللسته ان شاء الله
الصراحه انا وآيد أحب اقرا ردودج و اشوف رايج بالروايات و الكتب الي تقرينهآ
يعطيج العافيه ؛***

 

[Tom ♥ Jerry]

.،



back :eh_s(7):




بتكلمـ عن الروايه الي الكل يتكلم عنهآ " توآيلايت " حبيبه الجمآهير

أول شي الي حبيته فيها .، انه الكآتبه اسلوبها حلو
و القصه حلوة .، جني قاعده اشوف فلم
روايه تشوووق ؛*

و الي مآ حبيته فيها : بعض الكلآم يعني مط بالحجي على الفاضي
حسيت انه وآيد صفحآت مآلها دآعي كلش !
الروايه ممكن تنكتب مره ثانيه بصفحآت اقل بكثيييير من صفحآتهآ ,،
المط بالحجي مشكله .، آحسسسس بالملل :eh_s(2):


؛*

 

[Eng_Roka]

اهليين توم وجيري

نورتي

زين اشوا يعني في اقبال على الموضوع من الجماهير

ايي انا معاج بتوايلايت حدها حلوة بس مط بالحجي

انا عادي عندي احب اعرف التفاصيل وهالاشياء بس صح معاج حق تقدر الكاتبة تكتبها بعدد صفحات اقل

لا تحرمينا من باكاتج *( جمع كلمه باك :$ )

 

[ليلو جبريت]

انا باجر من الصبح باذن الله باروح المكتبه وبانزل قائمتي الجديده هالمره اخترت صح
لان قائمتي القديمه حطيت وايد كتب لنفس الكاتب فحسيت بالملل وحذفت جم كتاب وحطيت غيرهم

 

[Eng_Roka]

ناطرين رايج باللي تشترينه

لج ذوق مميز وستايل خاص ماشالله

انشالله تكون لسته موفقه

 

[ليلو جبريت]

.،


السلام عليكم و رحمه الله و بركاته :***
خوش موضوع و الله
و لي باكات وآيد

ليلى المطوع

حبيبتي انتي نزلي الروايه و احنا الي نحكم عليها مو انتي > تبي تتهاوش ؟!
بعدين حتى لو اسلوبج مآ كآن ذاك الزوج .، يبه كل وآحد يستفيد من آخطآئه
و آنتي توج بالبدايه يعني مع الوقت راح تتطورين لا تحآتين
بس آهم شي لا يروح التعب على خالي بلاش ! :eh_s(7):


QUOTE]

باحرقها هدوني باحرقها :rgewrg::rgewrg::rgewrg:
كل يوم اشوفها واقول باحرقها

 

[Eng_Roka]

وي وي هذي مولودج الاول حرام عليج

بعدين ما يصير لازم احنا نحكم مو انتي

 

[:: Diva ::]

اتكلم عن روايتي ..
اعتقد اهم عيوبها انها الى قصيره !

يمكن لاني توني كاتبه بروجكت من 900 صفحه
فمالي خلق اكتب وايد لوووووووول


اعتقد اني راح اتاخر بطرحها .. كنت ابي انزلها معرض 2011
بس اذا شفت اني مو مستعده .. لا ما راح انزلها

 

[ليلو جبريت]

وي وي هذي مولودج الاول حرام عليج

بعدين ما يصير لازم احنا نحكم مو انتي

شدراج اني اقول انها مولودي الاول

"

رواية قلبي ليس للبيع إنها ليست مجرد رواية بالنسبة لي ، أنها تمثل أول ولادة فكرية لي ... أنها اول أبنائي .
فهذه الرواية نمت في أحشاء مخيلتي وكبرت مع مرور الشهور ، كنتُ أغذيها بحبل وريد أفكاري وانسج لها الاحلام وماذا سوف تكون بعد أن تخرج من عقلي الذي أحتلته لشهور طويلة
وعندما أنتهيت منها وأمسكتها بكيت وأنا أرى جنين تخيلاتي يتحول إلى واقع ، قلبتُ صفحاتها وبحثتُ بين سطورها عن الشبه الذي يربطنا ، كأم تبحث في وجه أبنها عن ما اهدته من ملامحها .
واليوم اتركها لتواجه العالم بما تحمله من أفكار ولسوف تتحمل نقدكم وأرائكم وارجو أن ترفؤ بها
فهي أول أولادي ... عفواً اقصد أول أعمالي." ​

بس عادي في امهات يقتلون عيالهم ​

وتعالي ما احب الروايات الي الحوار بالعامي تنرفني​

اتكلم عن روايتي ..
اعتقد اهم عيوبها انها الى قصيره !

يمكن لاني توني كاتبه بروجكت من 900 صفحه
فمالي خلق اكتب وايد لوووووووول


اعتقد اني راح اتاخر بطرحها .. كنت ابي انزلها معرض 2011
بس اذا شفت اني مو مستعده .. لا ما راح انزلها

900 صفحه يامجرمه
اقول كتبي موسوعه مره وحده بعد

 

[Eng_Roka]

كل الكتاب اللي ينزلون اول كتاب يقولون ان الكاتب نزل مولودة الاول لووول

ديفا
مادري انا ما احس ان طول الكتاب او قصره عيب او نقص بالعكس ياما كتب شمتنهم ومافيهم اللي يشد والعكس
بس انتي شوفي اللي يريحج وما يخليج تندمين وسويه

 

[كراميلا مرة]

اخر شيء قريت رواية مذكراتي في سجن النساء لنوال السعدوي
طريقتها بالروايه حلوه واعجبتني
بس فكرتها في الدين والحجاب اكيد مراح تعجبني

 

[الدنيا علمتني]

كتاب الرجال من المريخ والنساء من الزهره رووووووووووووووووووووووووووووعه ساعدني كثير بداية زواجي