قريتي كتاب ،، شنو اللي عجبج واللي ما عجبج فيه ؟ شاركينا برايج

[حرووف الشووق]

.. السلام علييكم ..
كل الروايات اللي قريتهم حلووين ماعاد كتاب واحد مابي اظلمه بصراحه ماقريته بس تصفحة صفحاته وماشدني او بالاصح مو ميوولي هالكتاب اللي هو ( القتله المتسلسلون ) حسيت فيه اجرام ورعب وصور مااحب اشوفهم .. هذا الكتاب الوحيد اللي ماشدني اقرااه ...

 

[ليلو جبريت]

اب اب اب

 

[Eng_Roka]

ميرسي لولا

انا بتكلم عن مندوب الشيطان

اهي حلوة وفكرتها يديدة بس وايد غامضه وما تفهمين اخر شي !!

 

[~.ąvȍƈaȚ.~]

بتكلم عن الكتب اللي قريتهم خلال الفترة الاخيرة

بنات ايران - ناهيد رشلان "مترجم"
وااايد عجبني الكتاب عرفني على وايد جوانب بتاريخ ايران اجتماعيا و سياسيا و التغيرات يعني صج صج حبيته اهوا المفروووض ان سيره ذاتية بس حسيت ان الكاتبة ناهيد اهيا الراوية اللي تروي روايتها
مضمونه حياة البنات و الحريم بايران و شلون اهما مضطهدات و العادات و التقاليد اللي عندهم
اللي ما عجبني فيه اوراقه خخخخ لالا صج اللي ما عجبني فيه ان مصممه بالكتاب ان الصلاة 3 مرات باليوم و بس تدش الجنة خخخ و كان في مصطلحات ايرانية بعض المرات تشرحهم و بعض المرات لأ و انا أتم مادري شنو المعنى !! << احسه غلط من المترجم

ارجوكم لا تسخروا مني - جودي بلانكو "مترجم"
عجييييييب الكتاب و يعور القلب انصح فيه
يتكلم عن بنيه تعرضت للعنف و السخرية بطفولتها من زملائها في المدرسة و دور اهلها بهالموضوع
بصراحه الكتاب كامل متكامل و انصح الكل فيه انا لما اندمجت فيه ما هديته


شاريه عزازيل من مده بس مو متشجعه اقراه :\ !!

 

[Eng_Roka]

بنات ايران ناس يمدحونه وناس لا فمادري مو متشجعه

اما ارجوكم لا تسخروا مني اذكر اني قريته قبل جم سنه حددااااا عجيبيبب صج صج عجبني وكانت تكسر خاطري وتعور قلبي

 

[خاطفه قلب]

قوه بنات
انا اول مره ادش هنيه انا حبيت مواضيعكم وااااايد
انا احب القراءه بس مو اي شي يشدني شريت وااايد كتب بس اللي عجبني وحبيته اهوه البؤساء احب اسلوب الكتابه كان حييل شيق ماادري باجي الكتب ما حبيتهم اناابي كتب مثل هالنطام ابي كتب مثله احب المؤلفين الاجانب احس في رواياتهم شي شيق واااايد فلو تساااعدوني بهالشي لو سمحتوا
تقبلي مروري

 

[Eng_Roka]

خاطفه قلب انتي يعجبج الادب العالمي والبؤساء بدايه وايد حلوه

شوفي كتب تشارلز ديكنز

اميلي وشارلوت برونتي

عندج شكسبير اذا تحبين المسرحيات

ومن حيث الروايات اقري نساء صغيرات ، جين اير ، مرتفعات وذرينج ، ذهب مع الريح ، روميو وجولييت

انشالله اكون فدتج واي استفسار انا والبنات انشالله نرد عليج

حياج بيننا ونورتيي ؛**