قصة :/ ريم وسعود ..

[Prίηςësş ツ]

السلام عليكم ::​

قصة ريم وسعود قصه اجتماعيه بسيطه :/​

اتمنى تعجبكم ​

​

أول شي اعرفكم على الشخصيات ::​

_________​

​

بيت عبدالله ::::​

​

1) ريم :: بنت طيبه وحبوبه ومرحه وتحب الكل والكل يحبها​

وعمرها 17 سنه ..​

مواصفاتها <= طولها حلو جسمها حلو بيضه شعرها ناعم لونه بوني ولون اعيونها بوني شعرها طوله حلو متوسط تحت كتفها بشوي صوتها عجيب وجميله حيل بمعنى الكلمه ..​

​

2) ريان :: ولد طيب وحبوب ومرح واجتماعي حيل وصوته لما حلو حيل واهو اخو ريم الكبير والوحيد ..​

وعمره 19 سنه ..​

مواصفاته <= طويل جسمه حلو بشرته حنطاويه شعرى بوني ناعم حيل وعيونه بونيه وكل بنت تشوفه تتحطم بجماله ..​

​

3) عبدالله :: ابو ريم وريان واهو طيب حيل ويحب اعياله ويخاف عليهم حيل وما يرضى عليهم أبدا ..​

وعمره 34 سنه ..​

مواصفاته <= طويل ومجسم وبشرته حنطاويه وشعره لونه اسود ..​

________​

​

بيت بدريه :::​

​

4) بدريه :: واهي اخت عبدالله الكبيره والوحيده وهي طيبه حنونه على اعيالها واجتماعيه مع الكل وماتفرق بين اعيالها وماترضى عليهم كلش ..​

عمرها 40 سنه ..​

​

5) مها :: بنت بدريه وهي بنتها الكبيره مرحه وفكاهيه وتحب اللعب والهبال ..​

وعمرها 19 سنه ..​

مواصفاتها <= طويله يعني طولها حلو جسمها زين شعرها طويل بس موحيل صابغته اشقر ومسويه (تأن) وجميله بمعنى الكلمه ..​

​

6) نور :: اخت مها الصغيره وهي بنت حبوبه حيل وتنحب بسرعه واهي دلوعة اخوها سعود ..​

عمرهاا 16 سنه ..​

مواصفاتها <= حنطاويه شعرها اسود قصير عيونها لونها اسود طولها حلو وجسمها زين​

​

7) سعود :: ولد طيب حيل واجتماعي وحبوب ويكره الغرور ومايحب التكبر وما يرضى على اخته نور كلش ..​

عمره 18 سنه ..​

مواصفاته <= بشرته حنطاويه شعره اسود ناعم يتكتكت من النعومه طوله حلو ويحب الكره حيل واهو الوحيد إلي عيونه رمادي غامج الكل مستغرب شلون طلعت عيونه رمادي غامج .. < جميل جمال مو طبيعي >()<​

​

​

8) علي :: اهو اخو مها ونور وسعود الصغير وعلى نياته وبريئ ..​

عمره 8 سنوات ..​

___________​

​

بيت خالد :::​

​

9) خالد :: اهو اخو عبدالله الكبير والوحيد واهو رجال طيب نشمي ويقوم بالواجب ومايحب الغلط ..​

عمره 38 سنه ..​

​

10) نوال :: زوجة خالد وتحب زوجها واعيالها ومتفرق بين أعيالها وعيال بدريه تعدهم مثل أعيالها ..​

عمرها 34 سنه ..​

​

11) محمد :: ولد طيب حييييييييييييييييل ويحب نور ..​

عمره 18 سنه ..​

مواصفاته <= طويل ابيض وشعره لونه اسود ولون عينه بوني غامج يعني اهو حلو ..​

​

​

12) روان :: اخت محمد الوحيده والصغيره واهي حساسه حيل وحبوبه واهي رفيجة مها الروح بالروح ..​

عمرها 19 سنه ..​

مواصفاتها <= طولها حلو جسمها زين بيضه شعرها طويل اسود سواد اليل وملامحها ملامح (beby face ) ..​

 

[Prίηςësş ツ]

​

البارت الاول ::​

نبدي القصه الحين ..​

[ عبدالله وريان وريم عايشين بأسبانيا من كان صغار ابوهم سافر دراسه وتزوج امهم وراحو الكويت قعدو 6 سنين ورجعو اسبانيا بعدها .. ريان يتذكر كل شي ويتذكر جدته وعمامه وعمته بدريه وكان رفيج سعود ومحمد قبل اما ريم ماتتذكر شي لانها كانت حيل صغيره ( فكتوريا ) زوجة عبدالله تعرف تتكلم عربي عدل واهم بالبيت دايم يتكلمون عربي عشان عيالهم ماينسون لغتهم الاصليه بس فكتوريا ماتت قبل ثلاث سنين ] ..​

المهم انكمل القصه :::​

​

في اسبانيا الساعه 11 : 9 بيت عبدالله ..​

ريم : يبا ..​

عبدالله : عيونه ..​

ريم : يبا ليش مانروح الكويت عند عمامي انا حابه اتعرف عليهم واصير معاهم حيل ..​

ريان : أي والله يبا واحنا خلصنا الدراسه وعطلنا ليش مانروح ؟؟​

عبدالله : سبحان الله عاد امس قاعد افكر بهالموضوع سبحان الله صج القلوب شواهد ..​

ريان : عاد انا اعرفهم كلهم تقريبا لاني اتذكر لما كنا بالكويت كنت انا وسعود ومحمد ربع وعمتي بدريه وعمامي كان حيل طيبين ..​

عبدالله : أي والله ياحلوهم ياحلو ايامهم والله اني مشتاق لهم ..​

ريم : يلا يبا تكفى خنروح ونقعد العطله كلها عندهم ..​

عبدالله : العطله كلها !! يمكن ماتحبون القعده ..​

ريم : لا ان شاءالله نحب القعده .. يبا اهم عندهم بنات كبري ..​

عبدالله : أي عندهم بنات كبرج واكبر منج بسنه او سنتين ..​

ريان : أي اتذكر في وحده اسمها مها حلوه عندهم ووحده اسمها نور كانت دلوعة سعود لما اتهاوش معاها تروح تبجي عند سعود وسعود عاد يجيني يتهاوش ههههه وانا كل مابي انرفزه اروح اتهاوش معاها ههههههـ ..​

عبدالله : ههههههههههـ ..​

ريم : هههههههـ حتى المسكينه ماسلمت من شرك هع ..​

عبدالله : متى تبونا نروح ؟؟​

ريم فزت من الفرحه وقفت والفرحه مو شايلتها : باجر نبي نروح باجر ..​

ريان : بسم الله خرعتيني وبعدين شنو باجر ماتجهزنا ..​

عبدالله : خلاص خلوها بعد 3 ايام لان باجر بروح احجز تذاكر والي بعده تروحون السوق تشترون الاغراض الناقصه ..​

______________​

واليوم الثاني :::​

ريم قامت اول وحده واهي مو من عوايدها تقوم مبجر ..​

راحت ريم الصاله لقت ابوها بالصاله يشرب كوفي ويقرأ الجريده ..​

ريم باست راس ابوها ..​

ريم : صباح الخير يا احلى اب بهالدنيا ..​

عبدالله واهو مستغرب : صباح النور والسرور .. غريبه شلي مقومج هالحزه دايم بعد حن ورن يالله يالله تزحزحين شطاري ..​

ريم والبتسامه بوجها : مادري يمكن من الحماس ..​

عبدالله : ههههه عسى دوم متحمسه اذا الحماس بيقومج مبجر هههههه ..​

ريم : هههههههه انزين يبا متى تروح تحجز تذاكر ؟؟​

عبدالله : بعد الدوام ان شاءالله ..​

ريم : يأأأأأأأأأأأأأي متحمسه ودي اروح اليوم قبل باجر j ..​

عبدالله : اليوم روحي انتي وريان السوق واشترو إلي تبونه ..​

ريم : ان شاءالله ..​

عبدالله : متى تبون تروحون السوق ؟؟​

ريم : الحين ..​

عبدالله متعجب : الحين !!! ..​

ريم : أي يبا ابي اروح الحين ..​

عبدالله : الحين .. خلاص قومي اخوج الكسول يوديج وهاج كرت البنك اسحبي منه مو متخلصينه ..​

ريم : ان شاءالله ماراح اخلصه ..​

وراحت طايره عند غرفة اخوها ريان ..​

طق طق طق :::​

ريان وصوته توه قايم من النوم : هأأأأأأأأأأأأأأأأأأأأأأأأأ منوو ؟؟​

ريم واهي بكامل نشاطها : انا ريومه الحلوه المزيونه قوم بطل الباب ..​

ريان بطل الباب ::​

ريان ويفرك عيونه : ها شتبين ؟؟​

ريم : شفي نفسيتك جذي قومتك من النوم ؟؟؟؟؟؟؟؟؟؟؟​

ريان بأسلوب ناقد : لا حشى منو قال قومتيني لا لا ماقومتيني ولا شي ؟؟ <= متراكه على حافة الباب ..​

ريم : اشوه على بالي قومتك ههههههههه ..​

ريان : ها شكنتي تبين ؟؟​

ريم : شنو ها قول نعم هلا لبيه امري تدللي ..​

ريان : فكينا بس خلصيني شكنتي تبين ..​

ريم : ابيك توديني السوق ..​

ريان مستغرب : الحين ؟؟؟؟؟؟؟؟؟؟؟؟​

ريم : لا بعد شوي اكيد الحين يلا بدل وتعال ..​

ريان : اشتغل عندج انا يلا طيري بس ..​

ريم : والله ياا ريانوو لو ماوديتني ..​

قاطعها ريان وقال : شنو شنو شنو ؟ شبيصير لو ماوديتج تذبحيني ..​

ريم : لا ..​

ريان : اجل ؟؟؟؟؟؟؟​

ريم وهي تمثل البرائه : ازعل l​

ريان : هههههههههههههه اما هذا تهديد ..​

ريم تأشر على شفايفها إلي مادتهم بوز يعني زعلانه وتقول​

ريم : شوف شوف يهون عليك ازعل ..​

ريان : ههههههه لا مايهون علي زعلج ..​

ريم : اجل يلا بدل وانا ببدل وانطرك تحت ..​

ريان : زين يلا ببدل ..​

​

وراحت ريم غرفتها وبدلت ونزلت الصاله تنطر اخوها رياان ..​

بعد دقيقتين نزل ريان ..​

ريان : ها خلصتي ؟؟​

ريم : أي ..​

ريان : يلا اجل مشينا ..​

[ ريان يسوق وماخذ الليسن وكانت سيارته رنج روفر ]​

بالسياره :::::​

ريان : تعالي اخذتي من ابوي فلوس ؟؟ ​

ريم : لا ..​

ريان : اخاف جايه تشترين على احسابي والله اردج البيت هه .. ​

ريم : هههههه لا لاتخاف عطاني ابوي كرته البنك ..​

ريان منصدم : كرته البنك ؟؟​

ريم : أي ههههه صدمه صح ؟؟​

ريان : هههههه صدمه بس !! قولي صاعقه هع ..​

ريم : هههههههههـ ..​

وصلو السوق وشروا اغراضهم المحتاجينها اجناط سفره وملابس وهاند ثري وكل شي يحتاجونها ..​

ولما اوصلو للبيت راح ريان غرفته وريم غرفتها يزهبون اغراضهم ..​

​

غرفة ريم :::​

ريم تفكر شتلبس لما تروح لهم شنو تقول وتفكر وتقول ياترى يتقبلوني ويعتبروني مثل اختهم ولا لا ؟؟ وقعد يدور بعقلها سؤال ورى سؤال ..​

​

رجع ابوها من الدوام وتعشو وقعد الكل بالصاله ::​

ريم : يبا ..​

عبدالله : لبييييه ..​

ريم لتفت على اخوها وريان وقالت : تعلم تعلم من ابوك انا مادري شلون طلعت وعلى منو ..​

عبدالله : ههههههههههه ليش شقالج بعد ؟؟​

ريم : اليوم لما رحت اقومه يوديني اسوق قال هأأأأأأأ شتبين ..​

عبدالله : ههههههههههههههههـ​

ريان : انا ذرب ما احتاج اتعلم ..​

ريم : أي هين .. المهم يبا ..​

عبدالله : هلا ..​

ريم : حجزت تذاكر لسفره ؟؟​

عبدالله : أي حجزت ..​

ريم : ونأأأأأأأأأأأأسه يأأأأأأأأأأي انا مستانسه حيل ..​

عبدالله : عسى دوم يابنيتي ..​

​

عبدالله : ها ششتريتو من السوق خلصتو اشيائكم ؟؟​

ريان : أي يبا خلصنا وشرينا كل شي ..​

ريم : هاك يبا كرتك تفضل ..​

عبدالله : طبعا اكيد الحساب صفر هههههـ ..​

ريان : شي طبيعي دام الكرت مع ريموو ..​

ريم : لا والله ماخلصته كنت حيل محافضه ومابي اصرف واجد وبعدين انت ريانو شدخلك ..​

ريان : كيفي اقول إلي اقوله ..​

ريم : لامو كيفك ..​

ريان : كيف منو اجل ؟؟​

عبدالله : وانتو هذي سوالفكم دايم يلا كل واحد يروح على غرفته وينام ..​

ريم : لا يبا تكفى مابي انام بطالع التلفزيون بسهرعلى فلم تكفى ..​

عبدالله : اوكي بس لاطولين ولاتنسين ان عقب باجر وراج سفره ..​

ريان : واهي تقدر تنام دام السالفه فيها سفره هههه وين يجيها نوم كأأأأأأأك ..​

ريم : هههههه أي والله وين يجيني نوم هع ..​

راح عبدالله ينام وريم وريان سهرو على فلم ونامو بالصاله على الاريكه​

​

 

[REMooo]

وعليييكم السلالام
يسلموو سااروون ع القووصه الرووعه مثثلج
وموفقه باذن الله
وشكرا ع الطرح الحلو
وتقبليي مروريي
ووديي يسبقه رديي
أختتج :-
RÊMöÖö
​

 

[Prίηςësş ツ]

يسلموؤ ريومأأ على مرورج نورتي ..

 

[REMooo]

يسلموؤ ريومأأ على مرورج نورتي ..

يسلمج ربيي قلبوو
النوور نوورج سااروونتيي :eh_s(22):
​

 

[Prίηςësş ツ]

البارت الثاني ​

​

اليوم الثاني بالكويت :::​

بيت بدريه وعازمه خالد ونوال زوجة اخوها وعيالها بالبيت :::​

العمه بدريه : حيالله من جانا تو مانور البيت ..​

نوال : منور بأهله ..​

نوال : شلونج مها بنيتي ؟؟​

مها : الحمدلله خالتي انا تمام وانتي ؟؟ ​

نوال : الحمدلله ..​

نور : خالتيييي @_@ ..​

نوال : ها شتبين شفيج تصارخين فجرتي اذني ..​

نور : ليش ماتسألين عني شنو مالي رب ولا مالي رب ؟؟​

نوال : بسم الله وانتي خليتي احد يتكلم توني بسألج ..​

نور : أي عبالبي بس ليش ماسألتني اول ؟؟​

نوال تبي تفتك من نور : نبدي من الاكبر الى الاصغر بس فكينا من شرج ههههه ..​

نور : خلاص عمتو انا زعلت l ..​

نوال : لا كلش ولا زعلج انتي احسن البنات ..​

نور : أي جذي نستانس j ..​

مها : عمتي وين روان ؟؟؟​

نوال : والله سهرانه وتوها نامت وماحبيت اقومها ..​

مها : انا اعلمها ليش تسهر واهي تدري ان وراها روحه لبيتنا ..​

سعود :السلأأأأأأأأأأأأأأأأأأأأأأأأأأأأأم عليكم ..​

الكل : وعليكم السلأأأأأأأأأأأأأأأأأأأأأأأأأأأأأأم ..​

نوال : سعود شلونج ياوليدي ؟؟​

سعود : والله ماشي حالي انتي شلونج وشلون خالي والعيال ؟؟​

نوال : والحمدلله ومافيهم الى العافيه ..​

الخال خالد : السلأأأأأأأأأأأأأأأأأأأأأأأأأم عليكم ..​

الكل : وعليكم السلأأأأأأأأأأأأأأأأأأأأأأأأأأأأأأأم ..​

سعود : حيالله خالي العزيز اقلط اقلط البيت بيتك ..​

الخال خالد : الله يحيك ..​

سعود : خالي اليوم مستانس عسى دوم يارب بس ونسنى معاك فرحنا يا اخي ولا تبخل علينا الفرحه ..​

الخال خالد : لا والله ما ابخل ولا شي اصلا انا جاي اقولكم الخبر ..​

العمه بدريه : قول قول كلنا نسمع ..​

الخال خالد : اول وين محمد لاني ابي الكل يكون موجود ..​

سعود : بالديوانيه ..​

الخال خالد : دق علي بسرعه يجي ..​

سعود : حاظر ..​

دق سعود على محمد ..​

ترن ترن :::​

محمد : الوو ..​

سعود : تعال بسرعه ابيك طياره تجي داخل ..​

محمد : عسى ماشر شسالفه خرعتني ؟؟​

سعود : ذابحك الفضول ؟؟​

محمد : حيل ..​

سعود : اجل تعال بسرعه ولا تتأخر ..​

محمد : يلا كاني جاي ..​

سعود : يلا سلام ..​

وسكر الخط ::​

سعود : كاهو الحين جاي ..​

مها : اجل انا اروح البس عبايتي ونقابي وانزل ..​

الخال خالد : بسرعه لاتتأخرين ..​

محمد : هاا هاا شسالفه ؟؟ شلي تبوني في ضروري ؟؟​

سعود : ابوك بيقول شي ضروري ويبي الكل يسمعه ..​

محمد : ابوي ؟؟ يبا شسالفه ..​

الخال خالد : لحظه ننطر مها تنزل ..​

وبعد دقيقتين مها رجعت ::​

العمه بدريه : يلا قول حمستنا ..​

نوال : قول ذبحنى الفضول ..​

الخال خالد : والله الخبر بمليوووووون ..​

العمه بدريه : أي قول شنو ؟؟​

الخال خالد : عبدالله بيجي الكويت بيقعد العطله كلها بالكويت عندنا ..​

بدريه : من صجك ؟؟​

الخال خالد : لا اتغشمر .. شرايج اجل ..​

العمه بدريه : يالله وناسه متى متى يجون ؟؟​

نوال : شطاري على اخوك يجي مو من عوايده من زمان ماشفنا ..​

الخال خالد : يقول ان اشتاق لنا وعياله ودهم يجون ويتعرفون علينا اكثر..​

العمه بدريه : انزين قول متى يجون ؟؟​

الخال خالد : باجر ان شاءالله ..​

سعود : محمد تتذكر ريان ؟؟​

محمد : أي وانا اقدر انسى يا اخي هالولد كان حبوب وينحب بسرعه ..​

سعود : أي والله صدقت ..​

محمد : صديق الطفوله هههههههـ ..​

نور : أيييي > ريان إلي قبل يتهاوش معاي ههه وانا اروح لسعود اتشكى عشان يطقه ههههه ..​

سعود : أي تتذكرين ههههه ..​

محمد : شرايكم نروح نستقبلهم باجر بالمطار ؟؟​

الخال خالد : شرايكم وبعد تاخذ رايهم اقول مافي ولا ادمي يقعد بالبيت الكل يروح المطار حتى علاوي يروح المطار ..​

العمه بدريه : والله فكره بس متى يوصلون الكويت ..​

الخال خالد : تقريبا الساعه 9 بليل ..​

وبعد دقايق :::​

بدريه : يلا انا نجبت الغدا تعالو الحريم بالصاله والرياجيل الديوانيه ..​

وتغدو وتقهو وحلو ..​

الخال خالد : يلا يا أم محمد مشينا ..​

العمه بدريه : تو الناس على وين ؟؟​

نوال : لا وين تو الناس احنا هني من الساعه 11 وشوفي الحين الساعه جم ..​

الخال خالد : ان شاءالله يوم ثاني ..​

العمه بدريه : ان شاءالله ..​

وراح الخال خالد ونوال ومحمد البيت ::​

______________​

​

مها راحت لتلفون دقت على روان ::​

ترن ترن​

روان : الوووووووووووو ..​

مها :روانو يالخايسه وينج ليش ماجيتي اليوم ؟؟​

روان : الناس بالاول تسلم وانتي على طول سب ​

مها : كيفي هذيك الناس انا غير خلصيني ليش ماجيتي ؟؟​

روان : والله كنت سهرانه ومونايمه ..​

مها : ادري هههههه ..​

روان : تدرين ليش تسألين ولا بس تحبين اتعبيني ..​

مها : أي بس حبيت اتعبج ههههههه ..انزين دريتي بالسالفه ؟؟​

روان : أي سالفه ؟؟​

مها : خالي عبدالله بيجي الكويت ..​

روان : من صجج ..​

مها : أي والله ليش انتي مادريتي ؟؟​

روان : لا توني ادري ..​

مها : انزين بليز خلي محمد يجيبج اليوم عندنا وانا اقولج السالفه بتفصيل الممل ..​

روان : خلاص بروح اكلمه خليج على الخط ..​

مها : اوكي ناطرتج ..​

راحت روان عند محمد تبي تسأذن ان يوديها بيت عمتها بدريه ..​

وبعد 5 دقايق ردت روان لتلفون ..​

روان : مها ..​

مها : هلا لبييييييه .. ياعيون مها ..​

روان مصدومه : نعم !!!!!!!!! انتي مها ولا انا غلطانه ؟؟؟ ​

مها : هههههههههههههه طبعا انتي مصدومه هع ..​

روان : هههههههه أي استغربت ..​

مها : انزين ماعلينا ها وافق ؟؟​

روان : أي وافق يلا انا الحين بسد الخط وبروح البس خوفج يغير رايه بعد ..​

مها : أي والله هذا اخوج كل شوي له رأي هههههه ..​

روان : يلا مع السلامه لما اجي قولي كل شي زين ..​

مها : اكيد بس تعالي ..​

روان : ان شاءالله مع السلامه ..​

مها : مع السلامه ..​

ولما اوصلت روان البيت سلمت على عمتها وراحت فوق غرفة مها ..​

وكان بالغرفه نور كانت شابكه بالنت دخلت مها وروان وقعدو على السرير وقعدو يسولفون ..​

مها : تعالي خالي يقول باجر كلنا بنروح المطار ..​

روان : صج كلنا ؟؟​

مها : أي يقول الكل حتى علاوي يروح ..​

روان : عمي عبدالله عنده بنت وولد صح ؟؟​

مها : أي بنت وولد ..​

روان : ولامره شفت بنته بس اتذكر شكل ولده ريان ؟؟​

مها : أي صح ولا مره شفت بنته ريم ..​

روان : حلو اسمها ريم ..​

مها : تتوقعين تطلع مغروره ؟؟​

روان : مادري بس اتوقع تنغر لان اهي إلي دارسه باسبانيا وساكنه اهناك اتوقع تنغر ..​

قاطعتهم نور وقالت :: اعووذ بالله بدى الحش هههههه ..​

روان : ههههههههههه هذا مو حش ..​

نور : وبعدين انتو ليش مستعجلين جذي باجر ان شاءالله نشوفهم ..​

مها : اتوقع ريم حلوه لان اخوها حلو ..​

نور : أي صح اخوها حلو ..​

روان : أي اتذكر ان بنت جيرانا مريومووو الهبله كانت تتلزق في هههه ..​

مها : هههههه تتذكرين ههههههههه ..​

روان : وانا اقدر انسى ههه والمسكين يقول ياجماعه شيلوها عني هههه ..​

وقعدو يسولفون تقريبا 3 ساعات ::​

روان : محمد قاعد يدق علي يلا انا استأذن لازم اروح ..​

مها : الله معاج ..​

نور : مع السلامه ..​

 

[REMooo]

يسلموو ع الباارت الثاانيي
الحلوو مثثلج
ويسلموو ع الطرح الاكثثر من راائع
وبليييز كمليي الباارت حمااسي هع
وتقبليي مروريي
ووديي يسبقه رديي
أختتج :-
RÊMöÖö
​

 

[Prίηςësş ツ]

يسلموؤو ريومأأأأ ع مرورج الرائع
وان شاءالله ماراح اتأخر ع تنزيل البارت الثالث :/

 

[Reem al-h]

وااااو الروايه وايد حلووه وناطرين التكمله بليييز لا تطولين

 

[Noortoosh]

الروايه حدها عجيبه بليز كملي مو طولين

 

[Prίηςësş ツ]

حاظر ماراح اطول عليكم ..

 

[Reem al-h]

up
up
up
up
up
Watingggg​

 

[REMooo]

سوؤوسوؤو
نآآطريينج ع أحر من الجممر
لا تنسيين تكتبيين التكمله هع
:eh_s(7):
​

 

[جوري ستايل]

سلام
الروايه حلوه من البدايه بس لو سمحتي كبري خطج شوي يعني

 

[Prίηςësş ツ]

حاضر ماني مطوله ان شاءالله > ويسلموؤ ع الردود الي حمستني منورين ؛) انا كاتبه البارت الثالث ان شاءالله بعد ساعه او ساعتين راح تنزله ..

 

[Prίηςësş ツ]

هذا البارت الثالث ان شاءالله يعجبكم

اليوم الثاني :::​

بيت عبدالله :::​

عبدالله : ها خلصتو اشغالكم باقي نص ساعه على الطياره ..​

ريم : انا خالصه يبا ..​

ريان : وانا بعد ..​

عبدالله : يلا ريان حط الجناط بالسياره ..​

ريان : اوكي ..​

وصلو المطار :::::​

ريم : يبا تتوقع في احد راح يستقبلنا اهناك ؟؟​

ريان : اتوقع شخص واحد يستقبلنا يمكن عمي خالد ..​

عبدالله ابتسم وقال : اتحداكم لو مو كل العايله كانو موجودين ..​

ريم : شدراك ؟؟​

عبدالله : تشوفين ..​

(حان الان موعد اقلاع الطائره )​

ركبوا لطياره كانو قاعدين جمب بعض ..​

عبدالله : شفيج ريوما حبيبتي ؟؟​

ريم تتنهد : متوتره ..​

عبدالله : ليش تتوترين ؟؟​

ريم : مادري ؟؟​

ريان : الي يشوفج الحين مايقول انتي الي لاجتنا امس متحمسه لروحه الحين خايفه ..​

ريم : يافاشل انا مو خايفه انا متوتره في فرق ..​

ريان : كل واحد .. كل الحالتين قلبج يرقع فيهم ههههه ..​

عبدالله : يا سلام شهالمعلومه الحلوه هع ..​

ريان : افا عليك يا عبدالله نعجبك ..​

ريم : استح على وجهك شنو عبدالله ؟؟​

ريان : طايحه الميانه شعرفج انتي بهالسوالف ..​

عبدالله : ما اوصيكم ياعيالي ها الثقل والتكانه ..​

ريان : ليه يبا معودينك على الخفه والهبال ..​

عبدالله : هههههه وانا من عرفتكم وانتو خفه وهبال هههه ..​

________​

​

في نفس الوقت بالكويت بيت بدريه ::​

العمه بدريه : يلا يما سعود قول لسايق يتجهز ويطلع السياره برا ..​

سعود : قلت له اهو ناطركم برا ..​

العمه بدريه : يلا يما نور ومهااااوي يلا تعالو تأخرنا على خالكم خالد ومرته وعياله ..​

مها : يلا يما كاني كاني نازله ..​

سعود : يما انا ناطركم برا زين لاتتأخرون اكثر من جذي بسرعه ..​

نور : كاني يما خلصت ..​

العمه بدريه : وين اختج مهاوي ؟؟​

مها : كاني كاني ..​

بدريه : يلا اجل مشينا​

وركبو سيارتهم وراحو المطار ولقو خالهم خالد ومرته وعياله ناطرينهم بالمطار ..​

محمد يأشر حق سعود بيده ::​

سعود : يما كاهم هناك ..​

بدريه : أي شفتهم ..​

خالد : شسالفه تأخرتم ؟؟​

بدريه : يعني ماتعرف البنات ساعه على مايتكشخون ..​

وبهالحظه كان محمد عينه على نور مالف عينه .. نور طالعته واستحت ونزلت راسها لان بنفس اللحظه اهو كان يطالعها (تلاقت اعيونهم مع بعض) ..​

محمد انبهر بجمال نور لان كان شكلها روعه​

كانت لابسه بنطلون اسكني رمادي وقميص ابيض ساده وبلوفر كاروهات رومادي وشال لونه رمادي مخطط ببيض ووردي لافته على رقبتها ولابسه فلات وردي وشايله جنطتها معاها وفاله شعرها الحرير وميك اب بنوتات ناعم حيل ....​

خالد : كاهو كاهو وصل ..​

خالد يأشر حق عبدالله بيده ..​

عبدالله : شفتو قتلكم العايله كلها جت ..​

ريم : أي والله ..​

ريان : عمي يأشر لنا خنروح يلا ..​

ريم : مشاءالله شكل العايله حلوه مشاءالله ..​

راح عبدالله وحظن اخو خالد حيل وراحت بدريه حظنت ريم وقعدت تحببها وسعود ومحمد يسلمون على ريان ::​

بدريه : تو مانورت الكويت ..​

ونزلت دمعه من عينها <= دموع الفرح ..​

عبدالله راح لأخته ومسح دموعها​

عبدالله : منوره بوجودكم والله ..​

طلعو برا المطار كانو جاين بسيارتين السياره الاولى كان فيها خالد ونوال ومحمد وروان والثانيه مها وبدريه ونور وسعود وعلاوي ..​

خالد : نوال وروان يركبون مع بدريه بسيارتهم وعبدالله وريان وريم ومحمد معاي بسياره ..​

عبدالله : لاوالله مانبي نكلف عليكم ناخذ تاكسي..​

بدريه : لا لا تكلفه ولا شي انتو بتركبون مع خالد وبتقعدون معاي بالبيت ..​

عبدالله : لا والله مابي اكلف خليج بيتج مرتاحه مانبي نضيق عليج انا وعيالي بناخذ لنا شقه بفندق ..​

بدريه : هو هو لا والله ماتاخذون بتسكنون عندي وانت تدري ان ابو سعود مات الله يرحمه يعني مافي احد ..​

عبدالله : لا لا ولو مانثقل ..​

بدريه : هوو عبدالله انا حلفت خلاص ..​

سعود : خلاص يا خال لاتكبرها وهي صغيره انت بتسكن معانا يعني بتسكن معانا ..​

عبدالله : بما انج حلفتي اجل خلاص ..​

وراح الكل بيت بدريه وقعدو يسولفون عن رحلتهم واخذو البنات مها ونور وروان ريم ودوها غرفتهم وقعد يسولفون ..​

مها : ريم تدرين اني كنت احاتي انج تكونين مغروره بس طلعتي متواضعه الحمدلله ههههههه ..​

ريم : حرام عليكم والله اني ما احب الغرور ولا افكر اني اصير مغروره ..​

روان : الحمدلله انج مو مغروره هههههه ..​

ريم : الحمدلله ههه ..​

نور : ريم امي زهبت لكم غرف لج ولريان ولخالي عبدالله ..​

ريم : ليش كلفت على نفسها ..​

مها : لاتكلفه ولاشي ..​

روان : امشي نوريج اياها ..​

سحبت مها ريم للغرفه وبطلت الليتات ..​

ريم : وااو حلوه مشاءالله عمتي عندها ذوق ..​

نور : أي امي تحب ترتب الغرف ..​

روان : انتي الحين ارتاحي وباجر نتعرف على بعض اكثر ..​

مها : أي والله انتي جايه تعبانه واحنا هذرنا على راسج ولجيناج ..​

ريم : لاوالله قعدتكم ماتنمل ..​

نور: فدييييييتج والله انج تنحبين ..​

ريم : فداج كلي حبتج العافيه ..​

وخلو ريم بالغرفه ترتاح وراح خالد واهله لبيتهم وريان وعبدالله راحو غرفهم الي بدريه جهزتها لهم ..​

_______________​

​

اليوم الثاني الصبح :::​

بدريه تسوي ريوق الصبح بالمطبخ ..​

قامت ريم الصبح ودخلت الحمام الي داخل غرفتها وغسلت وجها وتوضت وبدلت ونزلت تحت وراحت المطبخ عند عمتها بدريه ..​

ريم وبكل نشاط : صباح الخير ياوجه الخير ..​

بدريه والابتسامه شاقه الوجه : صباح النور والسرور ..​

ريم : عمتي تبين اساعدج ؟؟​

بدريه : لا يبنيتي مابي اتعبج معاي ..​

ريم : لا شدعوه تعب راحه ..​

بدريه : بما انج مصره جذي خلاص ودي الصحون الغرفه حطيهم بسفرة الاكل ..​

ريم : حاظر ..​

واخذت الصحون وراحت توديهم الغرفه وتحطهم بسفرة الاكل حطتهم وتبي تطلع تروح المطبخ تجيب صحون ثانيه ولا تلقى سعود قبالها يبي يدخل الغرفه ..​

سعود اول مره يدقق بشكل ريم امس بس لمحها ماشافها عدل​

تنح اسعود من جمال ريم وقعد يطالعها ..​

ريم اول مره تشوف سعود عدل اهي بعد امس مادققت بشكله لهت مع البنات مانتبهت بشكله​

اهو كان يطالعها بعدين لف وجهه ودخل وقعد يطالع التلفزيون واهي راحت المطبخ ..​

دخلت ريم المطبخ :::​

ريم : عمتي ممكن اطلب طلب ؟؟​

بدريه : انتي امري وتدللي بس ..​

ريم : مايامر عليج عمتي بس حبيت اسوي كوفي لأبوي ممكن ؟؟​

بدريه : ليش كوفي ؟؟​

ريم : لان ابوي متعود دايم الصبح يلقى الكوفي والجريده على الاريكه ..​

بدريه : خلاص ولا يهمج انا اسوي له احلى كوفي واحط الجريده بعد ..​

راح عبدالله الصاله ولقى الكوفي والجريده محطوطين على الطاوله ..​

ابتسم عبدالله لان درى ان ريم الي سوتها وقعد يقرى الجريده ..​

بدريه : عبدالله عبودي ..​

عبدالله : ههههههه عبودي يبا كبرنا على الدلع ههه ..​

بدريه : لا شنو توك صغير وبناديك عبودي بعد ..​

عبدالله : هههههه الي يريحج ..​

بدريه : حطينا الريوق تعال غرفة الطعام ..​

عبدالله : انتي الي طابخته ؟؟​

بدريه : أي حبيت اطبخلك من ايدي ..​

عبدالله : تسلملي ايدج يا عسل ..​

بدريه : ههههه يلا تعال بسرعه لاتتأخر ..​

وراح عبدالله الغرفه وقعد على السفره ::​

كانو الموجودين على السفره عبدالله وبدريه وريم وسعود وعلي بس ..​

بدريه : وعليا علي بعد عمري ريان تعبان من السفره ليما الحين ماقام من التعب ..​

عبدالله وريم : ههههههههههههههه ..​

بدريه : شلي يضحك ..​

عبدالله : اهو نايم مو من التعب ولا شي ..​

بدريه : شلون يعني ..​

ريم : عمتي اهو دايم جذي مايقوم مبجر لو شنو تسوين اهو كسول يالله يالله يقوم لو خليتي على راحته ينام لج يومين ماعنده مشكله ههههه ..​

سعود : هههههههه ..​

بدريه : حالنا وحالكم واحد نور ومها لو شنو تسوين مايقومون ههه ..​

ريم : ههههههه الظاهر ان الكسل والنوم الثقيل وراثه عندنا ههههههه​

الكل : ههههههههه ..​

خلص الريوق وقعدو يسولفون ..​

ريم : عمتي انا رايحه اقوم البنات ههه احب اغث النايم هههه ..​

بدريه : حيلج فيهم عفيه خلهم يقومون ..​

ريم : افا عليج لاتوصين حريص هههه ..​

عبدالله : لاتوصين حريص محد يقدر حق ريان الكسول الي لو تحطين عشرين استريو بالغرفه مايقوم محد يقدرله غيرها ..​

ريم : يلا انا رايحه اقومهم ..​

سعود : وانا رايح اتسبح ..​

​

 

[Prίηςësş ツ]

راحت ريم فوق وراح سعود فوق غرفة مها ونور جب غرفة سعود طوفه بطوفه ..​

دخل اهو غرفته بس ماسكر الباب لان درعم على طول نسى يسكر الباب لان بيطلع يتسبح واهي راحت غرفة نور ومها إلي جمب غرفته ..​

صعدت ريم فوق ودخلت غرفة مها ونور ولقتهم نايمين ..​

ريم طقت الباب حيل وبطلته لان ماكان مقفل ..​

ريم بصوت عالي : انتو نايمات اهني وانا قاعده تحت بروحي هذا فيها قبايل يلا قومو شلون يهون عليكم تنامون وتخلون البرنسيسه ريم بروحها ها ..​

نور : يو ريمووو خلينا أنام شوي والله امس كلش مانمنا ..​

ريم : مشكلتكم مو مشكلتي ..​

مها : ريموو يالخايسه بعدي عني ..​

ريم : قومي والله بالماي البارد يلا .. ها ها بطيح ترى بيطيح ..​

مها : يأ ويلج والله اشنقج اهني ..​

ريم : هههههههه ..​

مها : وخري عني خليني انام ..​

ريم : ماراح اخليج تنامين قومي يلا​

​

سعود كان يسمع كل شي لان ريم كان صوتها عالي وباب الغرفه مالت مها ونور مبطل وغرفته مبطله اكيد راح يسمع كل شي​

كان يضحك على اسلوب ريم وهبالها ..​

​

ريم : يلام مهاوي قومي عاد انتي ونور يوو لما اخلص منكم اروح اقوم ريان وعاد ريانو بروحه سالفه الحين قومي عاد ..​

(مها اول ماسمعت اسم ريان فزت من النوم وقامت وراحت الحمام وتوضت وصلت وبدلت ريم انتبهت على حركة مها)​

..​

مها : يلا انا قمت الحين دور نور روحي قوميها ..​

ريم : افا عليج لاتوصين حريص ..​

ونزلت مها تحت عند امها وخالها ..​

​

ريم : نورووووو قومي يلا بسج نوم ..​

نور : يووو خليني ..​

ريم : ماني مخليتج ..​

بهالوقت كان سعود يطلع ملابسه من الكبت عشان يروح يتسبح اهو حمام غرفته خربان يبي صيانه فلازم ياخذ الحمام إلي برا غرفته جا يبي يطلع من الباب ولا يسمع ريم تقول ..​

ريم : نور حبيبتي تبين اغني لج عشان تقومين ؟؟​

سعود اهني كان يبي يطلع ولا يوقف من الصوت الحلو كانت تغني ريم ..​

((
صدفة والتقاء صدفة..عينى تلتقى بعينك قلبى يسالك وينك..صدفة وياحلوها عينى تلتقى بعينك..قلبى يسالك وينك اه ياخوفى وحنينك..واه ماجمل سنينك ضاعت كانها ترفة..صدفة ياحلوها صدفة صدفة وكانى مع ذاك الوصل موعد..كان الشتا من زود الوله ما يشتهى ... والمطر ويا البديع ... وانا وسط العاصفة والصدفة صارت عاطفة..اه ياخوفى وحنينك واه ماجمل سنينك..ضاعت كانها ترفة صدفة ياحلوها صدفة..اغرف من احساسى دفى
تلقى باعماقى وفا..ماينطفى لو جارت الدنيا شتا
واااااااااااه ياعمرى الحسافة..واااااااااااااه يابعد المسافة))​

​

ريم واهي تغني كانت تفكر بسعود لان انبهرت بجماله اليوم لما كان قبالها واهو نفس الشي كان يفكر فيها ومتراكي على الباب يسمع ..​

نور : ريموو صوتج حلو ..​

ريم : عيونج الحلوه ..​

نور : مشاءالله تبارك الرحمن ..​

ريم : ههههههه لهدرجه ههههههه ..​

نور : انزين شلون عرفتي هالاغنيه تابعتي هالمسلسل بأسبانيا ؟؟​

ريم : انتي غبيه ولا تستغبين يعني اغنيها وما اعرفها شهالذكاء ههههههه ..​

طلع سعود وراح الحمام يتسبح وقامت نور راحت للحمام تغسل وجها وتتوضى وتبدل وتنزل ..​

ريم نزلت الصاله ..​

ريم : السلأأأأأأأأأأأأأأأأأأأأأأأأأأم عليكم ..​

الكل : وعليكم السلأأأأأأأأأأأأأأأأأأم ..​

بدريه : مشاءالله صج تعرفين تقومين ..​

ريم : افا عليج انعجبج عمتي ..​

بدريه : نور قامت ؟؟​

ريم : وانا اقدر انزل واخليها اكيد قومتها ..​

بدريه : عفيه عليج ..​

عبدالله : انزين قومتي اخوج ريان ولا ليما الحين نايم ؟؟​

ريم : لا ماقومته الحين بروح اقومه مثل ماتدري لازم اخذ راحه بعدين اقومها لاني راح اتعب ..​

عبدالله : أي اكيد ههههههه ..​

ريم : يلا انا رايحه اقوم ريان مها تعالي معاي ابيج بموضوع ..​

مها : ان شاءالله ..​

وراحو مها وريم ..​

عبدالله : الحمدلله انها تأقلمت على الجو ..​

بدريه : ليش شفيها ؟؟​

عبدالله : اهي كانت تحاتي راح يتقبلونها ولا لا ؟؟ يعتبرونها اختهم ولا لا ؟؟​

بدريه : ياحياتي ..​

وبنفس الوقت مها وريم رايحين عند غرفة ريان :::​

مها : ريم ها شبغيتي مني ؟؟​

ريم : ابيج تشوفين حبيب القلب هههه ..​

مها مرتبكه : هاه منو حبيب القلب ..​

ريم : مهاوي علينا انا ادري انج تحبين ريان ..​

مها : شدراج ؟؟​

ريم : واضح اصلا ..​

مها : صج واضح علي ؟؟​

ريم : أي بس لاتخافين محد يدري غيري ..​

مها : انزين شلي خلاج تتأكدين ؟؟​

ريم : لما تسمعين اسم ريان تتدودهين هههه ..​

مها وجها صار يعطي الوان ..​

ريم : اوه اوه ستحت ههههه وجهج جنه طماطه ههه ..​

ريم تغني : انا البندوره الحمرا مزروعه بين الخضرا تاكل مني لاتشبع وتصير اخدودك حمرا وتصير اخدومك حمرااااااااااا ههههههههههههههأأأأأأأأأأي ..​

مها : جب خلاص ترى جد استحيت ..​

ريم : يعني تحبينه ؟؟​

مها مستحيه : أي ..​

ريم : كلولولولولوليييييش ..​

مها : بس بس فضحتيني ..​

ريم : لازم نقول هالخبر حق روان ونور ..​

مها : لا استحي ..​

ريم : امشي امشي خنروح عند غرفة ريان تكفين لايطوفج شكله وانا اقومه هههه ..​

مها : هههه لاحرام عليج خلي مرتاح ..​

ريم : هذا لو خليته مرتاح نام لج يومين مايتعطل ماعنده مشكله امشي بس ..​

واهم صاعدين الدرج رايحين غرفة ريان​

واهم يمشون بالممر كان قبالهم سعود وكان يلعب بشعره إلي كله ماي وكان منزل راسه وريم ومها وقفو وماتحركو ريم تنحت وانبهرت بشكل سعود كان جذااااااااااااااااااااب بمعنى الكلمه كان روعه ..​

رفع راسه سعود طالعهم بمنضره روعه :::​

سعود : اوه شجايبكم اهني ؟؟​

مها : رايحين غرفة ريان ..​

سعود : وليش رايحين غرفة ريان ؟؟ وليش مو لابسه نقابج وملفعج ها ؟؟​

مها : يوو بدى عاد الحقيق كونان ..​

سعود : جاوبي خلصيني بلى محقق كونان بلى بطيخ ..​

مها : رايحه ادلي ريم على غرفة ريان لان خالي عبدالله قالها قومي صح ريم ؟؟​

ريم : ...................... <= متنحه ماردت سرحانه بشكل سعود ..​

سعود ابتسم ابتسامه خفيفه وغطاها بيده عشان محد ينتبه ..​

مها : ريموو ..​

ريم : هاه ..​

مها : شفيج وين وصلتي ؟؟​

ريم : معاكم ..​

مها : صح الكلام إلي قلته ؟؟​

ريم : أي كلام ؟؟​

سعود : هههههههههههههههههـ <= تسدح من الضحك ..​

ريم انحرجت ونزلت راسها ..​

مها : شكلج مو معاي امشي امشي اوديج غرفة ريان بس​

راحت ريم غرفة ريان ::​

مها : يلا انا رايحه ..​

ريم : ليش خليج تعالي شوفي ..​

مها : لامابي مجنونه انا ..​

ريم : كيفج انتي الخسرانه ..​

مها : ادري هههههههههـ ..​

ريم : هههههه ..​

انزلت مها تحت وراحت ريم تبي تقوم اخوها ..​

ريم بطلت الباب ودخلت ماسكرته ..​

ريم بصوت عالي : ريانووووو قوم قوم ..​

ريان : .................... <= مايرد نايم ..​

ريم تلت ( اللحاف = كفر السرير ) ..​

ريم : قوم قوم قوووووووووم ..​

ريان : ريمو يا خايسه انقلعي هناك ..​

ريم : مابي ابوي قال قومي اخوج ..​

ريان يتقلب على السرير : قولي ماقدرت اقومه ..​

ريم : ليش تبيني اجذب قوم بس ..​

[ بهالوقت راح سعود غرفته وتذكر ان نسى ساعته بالحمام وراح يجيبها .. الحمام جمب غرفة ريان ]​

صعد سعود فوق مر ولا يشوف ريم تقوم ريان وتل اللحاف وتاخذ المخده وتقطها بالارض وتكت علي ماي وقعد يضحك على اهبالها وشكل ريان ..​

سعود متراكي على الباب : ريم خلي علي ..​

ريم منصدمه تقول بقلبها : هذا من متى اهني ؟؟​

ريم : اوكي ..​

راح سعود يغث ريان يلعب بأذنه وخشمه وحلجه ويدغدغه :::​

سعود : بلل كل هذا ولا تحرك هههههههههـ ..​

ريم : أي انت ماتعرفه عله هههههههـ ..​

سعود : والله ما اطلع الا لما اقعده ..​

ريم : جزاك الله خير وفرت علي ..​

سعود : اجل مابي اقومه ..​

ريم : حقير كل هذا عشان إاتعبني ..​

سعود : شنو شنو شنو ؟؟ شقلتي ؟؟​

ريم : شنو إلي شنو ؟؟​

سعود : جنج سبيتيني ؟؟​

ريم : انا متى ؟؟​

سعود : هههههههههههههههههـ خوافه كأأأأأأأأأأأأأأأأأأأأأأأك ..​

ريم : انا مو خوافه ..​

سعود : بلى ..​

ريم : لااا ..​

سعود : اجل قولي شقلتي قبل شوي ..​

ريم : قلت حقيييييييييييييييييييييييييييييير عندك مانع ..​

سعود : حقير شكلج ..​

ريان رفع راسه ومبطل نص عينه : وانتو ماتخلون الواحد ينام ؟؟​

سعود : يلا قومي انا ماراح اقومه ..​

سعود يهمس بأذن ريان :: لاتقوم زين ترى ابوك ماقالها قومي اهي تبي تقومك قالت تحت انها تحب تغثك وانت نايم ..​

ريان : ههه لاتوصي حريص انا مافكرت اقوم ..​

قام سعود ومر جمب ريم وعطاها هذيك النضره واهي مدت البوز ..​

طلع سعود من الغرفه ويقول بينه وبين نفسه ::: ( ههههههه والله وناسه تطفير هالبنت ههههه )​

ريم تقول بينها وبين نفسها ::: ( حقير مغرور )​

[[[ بدت المشاكل بين سعود وريم ]]]​

 

[Prίηςësş ツ]

لاتنسون الردود

 

[Prίηςësş ツ]

شنوؤ مأإأفي حمأإأس لقصتي

 

[بنفسجي]

مشاءالله روايتج حيل حلوه ياريت تكملينها وماطولين علينا بالبارت الرابع