قصة علاجي(دموع أحزان أفراح..) وبشارة لكم :)

[samyah a.o]

1000,000مبروووووووووووووووووووووووووك وماشاااااااااااااااءالله
الله اراد انك تحملين وقادرعلى كل شي الله يثبته يارب ويصلحه

 

[woow qat]

الف مبروك .. ان شاء الله يكون من مواليد السعاد هو الصلاح ..الله يباركلك فيه ..

 

[دلال العلي]

الف مبرووووووووووك والله يتمم لج على خير ويقومج بالسلامه ويفرح قلبج

والله صج خنقتني العبره يارب يا حبيبي يتمم عليج فرحتج ويرزقج بالذر يه الصالحه

اللهم امين

 

[زينب زيما]

الله يثبت حملج أختي العزيزه ويحمي جنينك من كل سوء بس أبي اعرف شنو كان شعور زوجك أكيد فرح مثلك يارب فرحتك دوم مع طفلك والله أبكيتيني أسال الله لك ولنا التوفيق

 

[^^yasmina^^]

ايس مووون حبيبتي قريت القصه وعيني دمعت حييل فرحتلج


عيل يااارب تخلصين من الاربعين وتحملين بالثاني ياارب

 

[كنوشة 2009]

الف مبروك وعسى الله يتمم عليج ويقر عينج بشوفة ضناج باذن واحد احد
وايد تاثرت بقصتج

 

[بخـــارى]

الف مبروك بنت تجمعنا

 

[شمووووع الليل]

الف الف مبروووووووك والله انك صاجة احنا نراكض ونسسى ربنا فوووووق كل شي سبحان

 

[ice-moon]

فديتكم

والله العظيم انا اللي خنقتني العبره

على مشاركتكم الحلوة ودعواتكم الطيبه

يزاكم على خير

واشكر كل وحده دعتلييييي

وربي فرحتوووني بدعواتكم

احنا نحتاااج الدعاء

وخاصة دعاء صادق من القلب للقلب

صحيح ماعرفكم معرفه شخصيه

لكن يشرفني كل وحده شاركتني حزني وفرحي

من طيب اصلكم والله

يارب يبااااارك لكم حيااااتكم


ويوفقكم مع ازواجكم

ويرزق اللي ماتزوجت الزوج الصالح

ويستر على عيالكم ويجعلهم بارين لكم

ويرزق كل من تتمنى الذريه الصالحه

عسى ربي يفرح قلوبكم ويرزقكم الحمل السليم المعافى ياااااكريم



واللي تسأل عن ردة فعل زوجي ؛-


هههههههههه كنت ناويه اشوف ردة فعله فيس تو فيس

ياما حلمت بهاللحظه لما اكون حامل شلون ابشره

واقرى قصص البنات

اللي تشتري جوتي بيبي وتحطه عل فراش

واللي تشتري بدله بيبي وتكتب رساله بابا انا جاي بعد ٩ شهور وغيره وغيره...


وانا اتخيل نفسي شنو راح اسوي لحظتها وشلون اسوي المفاجأه خخخخخخخخ


لكن سبحااااان الله وقتها طاااارت كل افكاري

تشتت كل شي

بعد ما اخذت نتيجه

والدراما اللي سويتها بالمستشفى

شلون كنت ماسكه ورقه تحليل واصيح من قلبي جدام الناس


ماوعيت الا انا ساحبه نفسي لي سيارتي

قعدت ابجي عل سكان وبعدها سكت

فكرت اسجد لرب العالمين

بعدها دقيت على زوجي

وانا اصييييح قلت له

شفت ربك كرررريم

اناااا حااامل

انت فاهم

هذي معجزه .... وابجييي

هذي هديه من الله انت متخيل انا حامل والله ...

مسكين اهو انصدم تفاجأ

كل مره اذا تاخرت دوره يكون عنده خبر

ويحط آمااال وتخيلات ولا يخليني المس شي

ولما تييني ينصدم ويعصب ويطلع

ولما يرجع نفسيته مو تمام

اقوله كل هالعصبيه من الدوره

يقول
لاشكووو

بس انا حاسه فيه وادري زعلان

بس ماينلام

كان يبي ضنى ومنزعج من هالموضوع

مالومه والله

انا كنت اتقطع شلون اهووو


المهم البنات نرجع للمكالمه

كان مصدوم ومايدري دوره متاخره

كان مع اخوه بالسياره

قلبه عوره ويتله نغزااات قويه بصدره

وقال حق اخوه ماااي بسرعه

وقفوا عند بقاله وشرب مااااي كان طايح وتعبان واختنق من صدره


من الفرحه والصدمه

بعدها رحت بيت الوالده ( مادري شلون شفت طريجي)

واهو لحقني هناك


بشرت امي حبيبتي

كانت معصبه واتجهز جهاز اختي العروس

وتحاتي وتتحلطم عل شغل وعل عرس

دشيت غرفتها قلت السلام

كانت معصبه بالعاده تهلل وترحب

اهي لاهيه بالحوووسه والاغراض

دشيت حبيت راسها ولميتها بقوة ( لحد يسالني شنو احساسي وقتها)

وقمت ارجف وطحت بالارض عند ريلها

واقولها

يمه بييلج حفيد ان شاء الله انا حامل

مسكينه طاحت بالارض يمي وتحضني وتلمني

ونبجي يمييييع

ياني فديتها

اختها كانت واقفه يت ورفعتنا من الارض ولمتني وبجت وباركتلي


وبس رحنا الصاله ريلي كان ناطرنا وقعدنا

وشرحت لهم تفاصيل شلون دريت اني حامل
اللهم لك الحمد البيت فرح تبارك الرحمن

عسى ربي يفرح قلوبكم ويخلي لكم اهلكم

ويبارك لكم حياتكم ويرزقكم كل ماتمنووون يااارب

ويتمم علي ويقر عيني بشوفته

لما *

 

[@محروسه@]

الله يثبته لج وتفرحين فيه يارب اميين

 

[rtoj]

ما شالله ربي تتم لج على خير

تستاهلين اختي لانج صبرتي وزاد ايمانج اكثر ربي يرزقنا وياج كل ما هو صالح

 

[.. مـــلاكـ ..]

ماشالله

الله يرزقج اخوان له يارب

 

[نكهةالبرتقال]

الله يسهل عليج حملج

و يرزقج الذرية الطيبة

و ان شاالله نسمع اخبار حلوة عن ولادتج

 

[rachaaa]

الف الف مبروك الله يثبت حملك يارب ويكون توم يارب العالمين وتفرحي فيهم ​

 

[ABEER FLOWER]

ماشاء الله تبارك الله

يتربى البيبي بعزكم

ربي يحفظه ويخليه

: )​

 

[ماتغير شي]

الــــف الــــف الــــف الــــف مبروووووووووگ الله يثبه ويرزقج بالثاني والثالث وتترسين البيت إنشالله .. وانا اقرااا بجيت نفس الكلام اللي يقوله ريلج قاعده اسمعه يوووم ورااا يوووم اللهم ارزق كل محرروووومهـ بالذريه الصالحهـ عاجلآ غير اجلآ

 

[أإلع ـشق دلع ـهـأإ]

تبجي قصتج عشت معج بكل تفآصيلهآ 

سبحآنك ربي مآأكرمك

حبيبتي الحمد لله ع سلآمتج والله يرزقج بكوومة آطفآل يآرب

 

[هيبة ملك]

الف مبروك ياقلبي

ربج كريم

 

[@محروسه@]

هَِہِِهَِہِِهَِہِِهَِہِِهَِہِِ{=))}هَِہِ ِهَِ ہِِهَِہِِهَِہِِهَِہِِ}=))
الموضوع قدييييييييييم شفيكم رفعتواااا المره ولدت اكيد واللـٍْْ♡̷̴̬̩̃̊ـٍْْهُِ يوفقها

 

[love love]

بعد عمرييييي دمعت عيني


حمدالله والف مبروك الولاده لوول قريتها


والفال نسمع مخاويه حمودي بعد