توت عنكبوت
New member
مرحبا يا بنات
بقول لكم سالفة ولدة بكري عبود العنكبوت عشان تتعضون وتعرفون مدى فشل الطب بالكويت .
في سنة 2001 بالتحديد شهر 10تاخرت علي الدورة وبعد يومين عزكم الله قعدت ابول دم وزوجي شكك ان الدم من المهبل بس انا كنت متاكدة المهم رحت العدان وقلت للدكتور حالتي وطلب اول شي تحليل حمل وكانت المفاجئة اني حامل بالبكر قعدت ابجي خفت عالجنين لأني كنت مسقطة من قبل والحين الحمل فيه مشكله البول دم .
دخلت المستشفى وطبعا تم التشخيص على انها جرثومة في مجرى البول وعطوني مضاد عن طريق الوريد ونمت بالمستشفى اسبوعين وكان ينزل دم خفيف .
المهم ثبت الحمل وكنت اراجع كل شهر وسويت 13 سونار ليش ما ادري .تم الحمل بخير ودخلت شهري التاسع وباقي لي ايام على موعد الولاده .
يوم 25/6/2002 رحت البحر مع الأهل وكنت امشي عالبحر لما رجعت البيت عالساعه 10 جاني الم بخاصرتي استمر الألم معاي كنا بالصيف وعطلة وزوجي نايم قالب نومه والألم لا يزال مسمتر معاي خذت دوش وجهزت نفسي للولادة قعدت زوجي وطيران عالمستشفى كنت اراجع بالهادي بس قلت لزوجي ودني العدان بتاكد اذا ولادة ما لي خلق مشوار لي الجابرية .اذا ولادة بروح الهادي.
دخلت العدان وسوو لي تخطيط ومسكوني البيبي تعبان لازم تولدين اليوم خفت قلت الحكومة افضل من الساعة 11 ونص لس الساعه 5 الفجر من يوم 26/6/2002 وانا بغرفة الولادة والتخطيط من سيء الى اسوأ
والفجر جاء دكتور مجدي ومعاه اطباء كبار بالعمر وقالو يامدام راح نولدج عملية نبض البيبي نازل قلت له دكتور عملية او اي شي المهم الطفل يعيش .
سويت العملية وولدت عبود حبيب قلبي.كانت فرحة كبيرة بجر وولد الكل جاء يبارك ويهني .
امي طلبت البيبي تبي تلبسه ولما غيرت له ملابسه خافت الولد بيدها صار ازرق خواتي هاوشوها شفيج يمه لا تخوفينها انا طبعا كنت مبنجة توني طاقيني ابرة وخدرتني واسال امي شفيه وليدي يمه شفيه عبودي .
نادت امي السستر شوفي الولد ازرق اخذت السستر الولد وعدت الليلة على خير.
الصبح قعدت يمه بشوف ولدي كنت مصحصحة طلبت السستر وقلت ابي وليدي فرحتي الأولى جابو عبودي ولميته حطيته على صدري وبعد شوي اخذت امي الولد ولاحظت انه صار ازرق مرة ثانية وطلبنا دكتور اطفال يشيك عليه .
جا الدكتور وفحص الولد واخذ مني فرحتي اخذ وليدي وحطوه بالحاضنة طبعا كان يومها خميس وقعد عندهم بالحاضنة وسالت عنه قالو بيطرشونه الصدري السبت بيسوون له سونار قلب .
قعدت انطره
وجاء يوم السبت واجتمع فينا الدكتور ان الولد فيه عيوب خلقية بالقلب وانه محتاج عملية لما يصير عمره 6 شهور وكانت هذي اول مرة اسمع فيها بسالفة القلب والعيوب الخلقية .
قعد بالحاضنة اسبوع وطلعنا انا معاه للجناح ولاحظت شي عليه صوت بالحنجرة اثناء الرضاعه وقلت للدكتور قال اي الولد عنده الحنجرة مرتخية وهذي عادي نسبه كبيرة من المواليد جذيه.
طلعت من العدان عمر عبود 12 يوم وكان عندنا موعد بعد يومين بالصدري رحت بيت اهلي فيني فقر نوم ارتحت يومين وجاء يوم الموعد بالصدري كنت نايمة ومخلية ولدي عند اختي الكبيرة نمت الفجر الساعه 5 لأني بروح الساعه 8 الموعد .
رحت الصدري اخذنا رقم وجاء دورنا طبعالازم يقيسون نسبة الأكسجين عند مرضى القلب ويسوون تخطيط للقلب فجأة السستر تركض تاخذ الولد وتركض على العناية وانا منصدمة شفيه ما ادري بس ابكي.
دخلنا الصدري وكانو الدكاترة مستغربين ليش الولد يصير ازرق المفروض الزراق يجي لما يصير عمره 6 شهور ليش يزرق .
دخل عناية الصدري ونمت انا بغرفة مجاورة ما خليته وكنت مجتهدة في رضاعته بس احس الولد ما يقدر يرضع ناديت طبيب الحنجرة ولدي شفيه قال نفس كلام طبيب العدان ارتخاء بالحنجرة .
بعد كم يوم الولد ما يرضع ويبكي جوعان وانا ماباليد حيلة وحطو له بربيش يرضع عن طريق انفه وطلبت طبيب الحنجرة مرة ثانية وقعدت ابكي بعرف الولد شفيه وطلبت عمل منظار له رفضو بالبداية بس بعد البكي والحنة وافق الطبيب وقال انتي بتلعبين بولدج قلت اعرف شفيه احسن ما اكون ما ادري شنو علة الولد .
وعمل وليدي المنظار وكانت الصدمة جت السستر ام عبدالله دكتور يبيج تحت قعدت البس عشان انزل ولما طلعت من الغرفة انصدمت 3 دكاترة يدوروني وباشكال تخرع ولدج بيموووووووووووووووووووووت
طاح قلبي شفيه شفيه
فاصل ونواصل
بقول لكم سالفة ولدة بكري عبود العنكبوت عشان تتعضون وتعرفون مدى فشل الطب بالكويت .
في سنة 2001 بالتحديد شهر 10تاخرت علي الدورة وبعد يومين عزكم الله قعدت ابول دم وزوجي شكك ان الدم من المهبل بس انا كنت متاكدة المهم رحت العدان وقلت للدكتور حالتي وطلب اول شي تحليل حمل وكانت المفاجئة اني حامل بالبكر قعدت ابجي خفت عالجنين لأني كنت مسقطة من قبل والحين الحمل فيه مشكله البول دم .
دخلت المستشفى وطبعا تم التشخيص على انها جرثومة في مجرى البول وعطوني مضاد عن طريق الوريد ونمت بالمستشفى اسبوعين وكان ينزل دم خفيف .
المهم ثبت الحمل وكنت اراجع كل شهر وسويت 13 سونار ليش ما ادري .تم الحمل بخير ودخلت شهري التاسع وباقي لي ايام على موعد الولاده .
يوم 25/6/2002 رحت البحر مع الأهل وكنت امشي عالبحر لما رجعت البيت عالساعه 10 جاني الم بخاصرتي استمر الألم معاي كنا بالصيف وعطلة وزوجي نايم قالب نومه والألم لا يزال مسمتر معاي خذت دوش وجهزت نفسي للولادة قعدت زوجي وطيران عالمستشفى كنت اراجع بالهادي بس قلت لزوجي ودني العدان بتاكد اذا ولادة ما لي خلق مشوار لي الجابرية .اذا ولادة بروح الهادي.
دخلت العدان وسوو لي تخطيط ومسكوني البيبي تعبان لازم تولدين اليوم خفت قلت الحكومة افضل من الساعة 11 ونص لس الساعه 5 الفجر من يوم 26/6/2002 وانا بغرفة الولادة والتخطيط من سيء الى اسوأ
والفجر جاء دكتور مجدي ومعاه اطباء كبار بالعمر وقالو يامدام راح نولدج عملية نبض البيبي نازل قلت له دكتور عملية او اي شي المهم الطفل يعيش .
سويت العملية وولدت عبود حبيب قلبي.كانت فرحة كبيرة بجر وولد الكل جاء يبارك ويهني .
امي طلبت البيبي تبي تلبسه ولما غيرت له ملابسه خافت الولد بيدها صار ازرق خواتي هاوشوها شفيج يمه لا تخوفينها انا طبعا كنت مبنجة توني طاقيني ابرة وخدرتني واسال امي شفيه وليدي يمه شفيه عبودي .
نادت امي السستر شوفي الولد ازرق اخذت السستر الولد وعدت الليلة على خير.
الصبح قعدت يمه بشوف ولدي كنت مصحصحة طلبت السستر وقلت ابي وليدي فرحتي الأولى جابو عبودي ولميته حطيته على صدري وبعد شوي اخذت امي الولد ولاحظت انه صار ازرق مرة ثانية وطلبنا دكتور اطفال يشيك عليه .
جا الدكتور وفحص الولد واخذ مني فرحتي اخذ وليدي وحطوه بالحاضنة طبعا كان يومها خميس وقعد عندهم بالحاضنة وسالت عنه قالو بيطرشونه الصدري السبت بيسوون له سونار قلب .
قعدت انطره
وجاء يوم السبت واجتمع فينا الدكتور ان الولد فيه عيوب خلقية بالقلب وانه محتاج عملية لما يصير عمره 6 شهور وكانت هذي اول مرة اسمع فيها بسالفة القلب والعيوب الخلقية .
قعد بالحاضنة اسبوع وطلعنا انا معاه للجناح ولاحظت شي عليه صوت بالحنجرة اثناء الرضاعه وقلت للدكتور قال اي الولد عنده الحنجرة مرتخية وهذي عادي نسبه كبيرة من المواليد جذيه.
طلعت من العدان عمر عبود 12 يوم وكان عندنا موعد بعد يومين بالصدري رحت بيت اهلي فيني فقر نوم ارتحت يومين وجاء يوم الموعد بالصدري كنت نايمة ومخلية ولدي عند اختي الكبيرة نمت الفجر الساعه 5 لأني بروح الساعه 8 الموعد .
رحت الصدري اخذنا رقم وجاء دورنا طبعالازم يقيسون نسبة الأكسجين عند مرضى القلب ويسوون تخطيط للقلب فجأة السستر تركض تاخذ الولد وتركض على العناية وانا منصدمة شفيه ما ادري بس ابكي.
دخلنا الصدري وكانو الدكاترة مستغربين ليش الولد يصير ازرق المفروض الزراق يجي لما يصير عمره 6 شهور ليش يزرق .
دخل عناية الصدري ونمت انا بغرفة مجاورة ما خليته وكنت مجتهدة في رضاعته بس احس الولد ما يقدر يرضع ناديت طبيب الحنجرة ولدي شفيه قال نفس كلام طبيب العدان ارتخاء بالحنجرة .
بعد كم يوم الولد ما يرضع ويبكي جوعان وانا ماباليد حيلة وحطو له بربيش يرضع عن طريق انفه وطلبت طبيب الحنجرة مرة ثانية وقعدت ابكي بعرف الولد شفيه وطلبت عمل منظار له رفضو بالبداية بس بعد البكي والحنة وافق الطبيب وقال انتي بتلعبين بولدج قلت اعرف شفيه احسن ما اكون ما ادري شنو علة الولد .
وعمل وليدي المنظار وكانت الصدمة جت السستر ام عبدالله دكتور يبيج تحت قعدت البس عشان انزل ولما طلعت من الغرفة انصدمت 3 دكاترة يدوروني وباشكال تخرع ولدج بيموووووووووووووووووووووت
طاح قلبي شفيه شفيه
فاصل ونواصل
