قصة ولادتي بالاسبوع 24 د.ناهدة العلي
الله يسلمكم انا من مراجعات الدكتورة ناهدة بالشهر اروحلها مرتين من زود ما انا مهتمه بحمالي وضعي ممتاز تجيك عالبيبي وعلي وتقول " قومي امي ماشاءالله وضعج ممتاز والبيبي كل شي فيه ممتاز "
بقدرة قادر اول يوم من الاسبوع ال24 يعني اول يوم من الشهر السادس نزل علي افرازات شفافه من غير ريحه او حكه انا علبالي افرازات طبيعيه شعرفني بجر وماعرف هالسوالف استمرت 3 ايام وباليوم الرابع تحول لونها بني مع الم كل عشر دقايق دقيت على عيادة د.ناهده كالعاده ياكله مشغول او ترد الهندية ماتفهمين كلامها قالت الدكتوره عندها ولاده وفهمتها وضعي ان فيني جذي وجذي ورحت للهادي اقرب شي وجيكت سونار علي ، قالت البيبي وضعه طبيعي ووزنه 800 والالم يمكن فيج التهاب او صديد ومافيج شي وانا لي الحين الالم مستمر شكيت بكلامها *ودق زوجي على عيادة د. ناهدة وكلم الرسبشن وقعد يزفها "احنا داقين عليكم وشارحين حالة زوجتي وانتوا مادقيتوا شنسوي الحين" قالت : تقولكم الدكتوره تعالوا ، وبندخلها على طول عالدكتوره رحت وانا اتلوى من الالم الطعوني انتظار ساعتين ولما دخلت عالدكتوره ماتدري شي عن وضعي شرحتلها حالتي قالت لازم افحصج لما فحصتني لقتني مفتوحه 3 سانتي وتقعد تصارخ بويه زوجي طير فيها عالصباح ولادة مبكرة وزوجي يصارخ شنو ولادة مبكره !؟؟؟ تقوله اجهاض اركض لاتولد بالسياره وانا مايعلم بحالتي الا ربي من الخرعه ارتفعت حرارتي ونزل ضغطي رحت وولدت وماطول عليكم واشرحلكم مأساة دخلتي وولادتي بالصباح من 9 بليل لي 3 الفير كان رحمي بسرعه يفتح وولدت الحمدلله طبيعي بسرعه نزل *البيبي ، وبعد ما انولد تم 20يوم بالحضانة وتوفى .. انا بعدي بالاربعين*
ومادري الغلط من منو ؟ منو صار فيها مثلي وشلون عالحمال الثاني ؟ وهل في وحده حملت عادي لي التاسع بعد ما كان عندها ولادة مبكرة !؟ وتنصحوني اراجع عند منو خبره بهالسوالف ؟ وهل*الدكتوره غلطانه انها ماجيكت على بول او خذت مسحة كل شهر او شافت عنق الرحم؟ اللي ترد وتريحني الله يريحها دنيا وآخره*
الله يسلمكم انا من مراجعات الدكتورة ناهدة بالشهر اروحلها مرتين من زود ما انا مهتمه بحمالي وضعي ممتاز تجيك عالبيبي وعلي وتقول " قومي امي ماشاءالله وضعج ممتاز والبيبي كل شي فيه ممتاز "
بقدرة قادر اول يوم من الاسبوع ال24 يعني اول يوم من الشهر السادس نزل علي افرازات شفافه من غير ريحه او حكه انا علبالي افرازات طبيعيه شعرفني بجر وماعرف هالسوالف استمرت 3 ايام وباليوم الرابع تحول لونها بني مع الم كل عشر دقايق دقيت على عيادة د.ناهده كالعاده ياكله مشغول او ترد الهندية ماتفهمين كلامها قالت الدكتوره عندها ولاده وفهمتها وضعي ان فيني جذي وجذي ورحت للهادي اقرب شي وجيكت سونار علي ، قالت البيبي وضعه طبيعي ووزنه 800 والالم يمكن فيج التهاب او صديد ومافيج شي وانا لي الحين الالم مستمر شكيت بكلامها *ودق زوجي على عيادة د. ناهدة وكلم الرسبشن وقعد يزفها "احنا داقين عليكم وشارحين حالة زوجتي وانتوا مادقيتوا شنسوي الحين" قالت : تقولكم الدكتوره تعالوا ، وبندخلها على طول عالدكتوره رحت وانا اتلوى من الالم الطعوني انتظار ساعتين ولما دخلت عالدكتوره ماتدري شي عن وضعي شرحتلها حالتي قالت لازم افحصج لما فحصتني لقتني مفتوحه 3 سانتي وتقعد تصارخ بويه زوجي طير فيها عالصباح ولادة مبكرة وزوجي يصارخ شنو ولادة مبكره !؟؟؟ تقوله اجهاض اركض لاتولد بالسياره وانا مايعلم بحالتي الا ربي من الخرعه ارتفعت حرارتي ونزل ضغطي رحت وولدت وماطول عليكم واشرحلكم مأساة دخلتي وولادتي بالصباح من 9 بليل لي 3 الفير كان رحمي بسرعه يفتح وولدت الحمدلله طبيعي بسرعه نزل *البيبي ، وبعد ما انولد تم 20يوم بالحضانة وتوفى .. انا بعدي بالاربعين*
ومادري الغلط من منو ؟ منو صار فيها مثلي وشلون عالحمال الثاني ؟ وهل في وحده حملت عادي لي التاسع بعد ما كان عندها ولادة مبكرة !؟ وتنصحوني اراجع عند منو خبره بهالسوالف ؟ وهل*الدكتوره غلطانه انها ماجيكت على بول او خذت مسحة كل شهر او شافت عنق الرحم؟ اللي ترد وتريحني الله يريحها دنيا وآخره*
والله ماعندي خبرة بس ضاق ضاق ضاق ضاق ضاق خلقي وااااااااااايد والله توقعتج بتقولين وكاهو الحلو بين ايديني 
