قصة ولادتي بالاسبوع 24 د.ناهدة العلي

[أم عزيـز]

الله يعوضج يا قلبي والف الحمدالله على السلامه

انتي بجر ما تنلامين الغلط مو منج من الهادي نفسه ومن اللي ردت عليج بعيادة الدكتوره وما شرحت لها وضعج

على فكره انا رفيجتي ولدوها بنص السادس وتم البيبي بالحضانه لين صار وزنها كيلوين وماشاء الله تبارك الله الحين عمرها 4 سنين

الصباح مالهم شغل لان رحتي لهم طوارئ وماكنوا متابعين حالتج

وانا انصحج دام حملج استمر تقريبا 6 شهور واجهضتي
لازم على الاقل تريحين 3 او 4 شهور وبنفس الوقت تريحين نفسيتج
والله يرزقج بالحمل السليم المعافى وانصحج غيري دكتورتج بعد مو علشان اهي مو زينه
لكن نفسيا وانا عن تجربه انصحج يا تراجعين عند روبينا بالسيف او امل الراشد في السلام

 

[om mido]

الله يعوضج خير ان شاءالله ويرزقج بالذريه الصالحه

اختي صار معاها نفس الشي ولدت باول اسبوع من السادس وكانت هذي ثاني ولاده والحمدالله بنتها عاشت
ومن عقبها بحملاتها كانت كله ربط لان عنق الرحم قصير مع انها اول ياهل يابته عادي بدون ربط فان شاءالله الله يكتبلج الحمل مره ثانيه وخليهم يشوفون عنق الرحم عندج

 

[حلوه بكيفي]

حياتي الله يعوضج ان شالله

انا تقريبا صارلي نفسج
كنت حامل ودكتورتي كانت قولي ماشالله كل شي طبيعي والياهل اكبر من حجمه بعد بس للاسف صار معاي ولاده مبكره في الاسبوع 15 وتبهذلت اخر بهذله و ما عرفوا لحالتي فجاه من غير سبب حاشتني صخونه وعوار ظهر واروح حق طيبه لانه قريب من بيتنا وعطوني مسكن وقعدت في الملاحظه وتقولي مغص كلوي وشربي بربيكان واكلي بندولتين وانا الغبيه سويت اللي قالته وتوني شربت البربيكان واول ما طلعت في السياره ولا نزيف ورحنا الاحمدي والبيبي كان عايش بس عليهم اهمال مو عارفين شنو فيني واهملوني السسترات ليما خلاص حما الطلق ونبط الماي ونزل الياهل والمشيمه نزلت بس باجي 2 سانتي ورفضت اسوي تنظيف

الحمدالله على كل حال
وعسى ان تكرهوا شيئا وهو خير لكم
طبعا ما انكر ان نفسيتي تعبت حيييل وليلحين متاثره شوي بس الحمدالله ربي عوظني وما مرت 4 شهور الا وانا حامل وان شالله ربي يتمم على خير

بس عندي لج جم نصيحه

اول شي تنفسي عدل عدل انا تفست بس مو ذاك الزود واكلتها عقب ما خلصت وتبهذلت بهذله لان حاشني فايروس ومادري بس الحمدالله تعالجت وصرت زينه.
ثاني شي انا بحمالتي هذي رحت حق عاليه وحق لوليانا وثنينهم استشاريات كبار ومعروفات وثنينهم اصروا على الربط بس انا رفضته لان احس ما منه فايده واستخرت و ماسويته واللحين اراجع عند عمرو عصام والحمدالله مرتاحه عنده لانه ما جبرني نفس هالدكتورتين غصب اسوي ربط لا شاف عنق الرحم في السونار وقالي ممتاز الحمدالله و اللس قار قبل قضاء وقدر وما تحتاجين ربط
وثالث شي في حمالتي اللي قبل كنت افتر وما اقعد وكنت ساكنه في الدور الثاني وعادي اصعد وانزل 10 مرات وكنت اروح جمعات وزوارات و عيون الناس ما كانت ترحم فتبت بحملي هذا اهتميت وما مشيت واجد وكله منسدحه على جنب وودعت الزوارات والجمعات

وبس استغفري والله يعوضج ان شالله

*

 

[كوكو لاتي]

الله يعوضج انشاءالله واكيد الحل اهوا الربط اعرف وحده ولدت بالخامس وتوفى البيبي
بالحمله الثانيه سوت ربط وولدت عادي الحمدالله
الله يسهل عليج يااارب

 

[موجة ~ بحر]

الله يعوضج يارب

 

[$special$]

الله يعوضج خير حبيبتي خيرة ان شاءالله

رفيجتي جذي صار معاها ولدت بثاني اسبوع من السادس وتوفى البيبي
يمكن قضاء وقدر،الله مو كاتب
بس حاليا ديريبالج على نفسج ريحي عدل وحاولي تغيرين من نفسيتج علشان تتزهبين حق الحمال المرة الياية ان شاءالله وحاولي تاجلين الحمال 6 شهور علشان رحمج
والله يسهل عليج ويهون عليج يارب
والله دكاترة عيادة جنين ممتازين ومختصين بحالات الاجهاض وهالامور،مكانهم بعيادة المسيله تابعين لمستشفى السلام ببنيد القار وعن نفسي جربت الدكتورة منال زهدي ووايد ارتحت لها وممتازة

 

[يارب احفظ عيالي]

يابعد عمري عسى الله يعوضج خير انشالله ويجعله شفيع لكم يوم القيامه


بس كان المفروض اختي ماتصبرين على الالم والافرازات هالوقت كله يمكن ماكان صار اللي صار

 

[english muffin]

حبيبتييي
وايد تضايقت كنت متوقعة النهاية سعيدة
الله يعوضج ياااارب

 

[د.أطفال]

يا حبيبتي الحمدلله على سلامتك اهم شي.. وبإذن الله بتحملي مرة ثانية.. يمدحون وايد دكتور ناهض حمادية بمستشفى المواساة

 

[ام فوااز]

حبيبتي ذكرتيني بنفسي صار معاي جذي السنة الي طافت شهر 3 اجهضت ولدي 24 اسبوع بالعدان وتوفى بالحال لان المشيمة انفصلت عنه وكانت المشيمة تعبانه من اول ماحملت ومنفصله جزئيا وقعدت نفاس 40 يوم لانها عباره عن ولاده كامله وسوولي تنظيفات
تتعدد الاسباب والموت واحد ماله نصيب بالدنيا صدقيني طيور بالجنه تشفع لنا ان شالله
الله يعوضج خير يارب ويعوضني معاج
كل شي بالدنيا نصيب قريت قصتج وكاني اقرى قصتي الدكاتره مالهم شغل هذه روح ربج موكاتب لها بابدنيا تكون بينا
صدقيني الله ياخذ ويعطي
الله يعوضج يارب وتحملين حمال سليم كامل ٩ شهور

 

[امواج الكويت]

حبيبتي صارلي نفسج بالضبط والحمدلله الله يعوضنا خير ويارب يتمم حملي هذا ان شاءالله


وانتي لازم تسوين ربط انا هالمره ربطت لان اكتشفوا ان الرحم عندي مفتوح من داخل وما يتحمل الضغط عشان جذي صارلي ولاده مبكره

 

[Ghaima]

حبيبتي معوضة يا الغالية

انا كان معاي نفسج وكنت مع الدكتورة سميرة العوضي وصار فيني طلق بالخامس ونزلت المشيمه ورحت للمواساة وطقوني ابر مسكنة

ورحت لها قلت لها خذيت هالابرة وعطتني ابرة تثبت الرحم ولأن ما ارتحت وياها بعد غيرتها لمن دشيت السابع ورحت حق دكتورة تخصصها تاخر حمل وعقم بصراحة استخرت وحييييل مريحتني واللي معاها يمدحوننننننها حييييل وحبيبة وتساعد اللي اجهضوا واللي عليهم خطر اجهاض وقلت لها كل شي صار واياي وانا صار فيني التهاب مرتين بحملي وساعدتني حبيييبتي

الدكتورة سميرة تعطيني ادوية بالهبل وتمصع هالفلوس قبل لا تشوف اصلا التحاليل وعطتني ادوية شكثرها رحت للدكتور مال الكلى كامل الرشيد عصب منها حيل قال اول مرة اشوف دكتور جذي شلون يقرر لج ادوية قبل النتيجة ؟ خطر خاصة انج حامل

وبعدين قال لي اسوي تحليل وطلع معاي التهاب واصل للكلى وما ينفع وياي مضاد عادي لازم بالوريد وجذي حمدلله ارتحت بعد وهمن الدكتورة هذي حيييل حبوبة وتخاف علي كل شي تسأل عنه ولازم اسوي كل شي تقوله

اسمها دكتووورة رائدة الفضلي كانت بالصباح واشتغلت شوي بالمواساة والحين بالهادي توها منضمة لهم انصحج فيها حبيبتي

وسمعت ان لازم اول شهر عقب الاربعين تريحين الرحم عشان ما يتعود ع الاجهاض

ورووحي للدكتورة وادعي لي

 

[RO0O7Y KUWAITYA]

اجر يااااارب لج معوضه خيييييييير ان شاء الله

 

[دلوعة علي انا]

أنا مفكره اوقف عالاقل 6 شهور لي الحين نفسياً مو مرتاحه
ومو واثقة بأي دكتوره ؛(
وكل ما اسأل وحده نفس حالتي تقول سويت ربط
بالحمال الثاني ولما راجعت توه عند ماجده تقول
لان يالج طلق ماقدر اربط لج ؟ صج هالحجي
يعني في وحده يالها طلق نفس قصتي وربطت
ثاني حمال عادي ؟ والله خايفه تخربط فيني وتدرون الدكاتره
هالايام صاروا يموتون هالبيزات سوي وسوي اخر شي
خرطي ، مو مشكله ادفع آلاف بس استفيد ؛(

 

[ملكة على عرشي]

.


شافع نافع لكم إن شاء الله
والله يعوضك

 

[" ام حمود "]

الله يعوضج خير حبيبتيء

 

[دلوعة علي انا]

الله يعوضني ويرزقكم كل خير يارب
مشكورين على دعواتكم وردودكم
الله يسهل عليكم ويرفع عنكم ..
ويكتبلي الحمل الكامل ويرزقني الذرية
الصالحة الكاملة ويرزق كل محروم يارب ..

 

[عنـــآق ..!]

قدرة الله وماشالله فعل عساها خيييره
الله خذآه منج وبيشفعه لج بالآخره
والله يعوضج بخير منه يآرب

 

[دلال و غلا]

حبيبتي الف الحمدلله ع السلااااامه
و ربي يعوضكم خييييير يااااا رب 
وان شاء الله ما تتكرر مره ثانيه لانج بتاخذين حذرج و بتشيكين عدل ع حمالج اذا محتاجه ربط او لا
وانا انصحج تراجعين بالحكومه ترى احسن بكثيييير عندج المستوصف او المستشفى
والحين ما عليج الا تتنفسين عدل عدل و تنظفين رحمج ع شان يتهيئ للحمال

 

[auoma]

حبيبتي والله عورتي قلبي ميخالف هذه إرادة رب العالمين
الله يعوضج خير
يمكن من الالتهاب يفتح الرحم
او عنق الرحم قصير وانا اتوقع جذي
و وايد دكاتره شطار بهالسالفه لازم الحمله اليايه تسوين ربط وتكملين وتولدين بالسلامه