++قصة ولادتي بالتفصيل++

[الـفـجـر الـبـعـيـد]

السلام عليكم ورحمة الله وبركاته​

بقولكم قصة ولادتي بولدي الثاني بعد 6 شهور:eh_s(1): ادري متأخرة​

بس قلت اكتبها على راحتي عشان لا انسى شي :eh_s(7):​

المهم دكتورتي د.نادية بعيادة جنين وحطتلي موعد 12/3​

ولدت يوم الجمعه 11/3 اخر يوم بالتاسع وكنت من دشيت شهري وانا اقرا ​

سورة مريم واكل تمررر على طووول يوم الخميس الفير كنا طالعين من مستشفى ​

دار الشفا ريلي كان تعبان حرارة وبلاعيم ومعدته وحالته حاله المهم عطوه درب ​

وطلعنا على الساعه 12 بالليل ومرينا محل عصير وقلت اطلب اناناس وكيوي طبيعي​

يمكن اييني طلق لاني طول التاسع وانا مافيني شي كلللش:bbbiu: ردينا البيت نومت​

ولدي والا نزلت افرازات صفرا وانتو بكرامه قلت الحمدلله يالله بشارة خير:rerrerek: ونمت قعدنا ​

وسويت الغدا متاخر الا احس بتعب غير عن كل مره وحيلي مهدود من الثقل تسبحت​

وعلى المغرب دقوا اهلي بيمروني رحنا بيت اختي لبست ولدي ورحت واانا بالسيارة ​

بديت احس بنغزااات خفييييييييفة ماحطيت فبالي قلت هذا ولا شي ووصلنا بيت اختي​

خلصنا ورديت البيت قلت لريلي لا تبعد احتمال يزيد العوار:eh_s(2): ولا شي خلك قريب قالي اوكي​

نمت وقعدت الصبح الجمعه ولا العوار مستمر وزاد علي رحت الصالون قلت الحق على​

عمري لا يزيد الطلق واولد وانا ما سويت شي وانا بالصالون واطلللق والله ان الهندية​

اللي بالصالون فوق راسي وانا كل ما يتني الطلقة احس بدفعه اششششششد:eh_s(14): اسكر ​

ريولي حيل واذا راحت ارخي وهذي حالتي لما خلصت رديت البيت قلت اريح شوي على​

الساعه 12 صليت وانسدحت و الافرازات مستمره ومع كل طلقه احس بدفعه البيبي​

والطلق يزيد بس متحمله ماقدرت انام من العوار قلت اقوم اتسبح واجهز اغراض ولدي​

واجيك على جنطتي احسن وانا اتسبح خليت الماي الدافي على ظهري كل ما يتني ​

الطلقه انحنيت والله احس البيبي بيطلع مينوووونه ادري مابي اروح ويلعبون فيني نفس​

ولادتي بولدي البجر وخايفه من الفحص خلصت ولبست واستشورت شعري بعد ​

فراااغه اخاف كشتي اطير مع الولادة فشلة وخلصت قلت لخدامتي تجهز اغراض ​

ولدي واغراضها وانسدحت بالصالة وانا خلاااااااااااص ريلي كل شوي يسالني اوديج​

المستشفى اقوله لحظه لما اوصل حددددي ماقدرت استحمل العوار:eh_s(2): لبست عباتي ورحنا​

بالسيارة وانا بالسيارة اكلم اختي بالبي بي واقولها لا مافيني شي بس شوية عوار ​

مابيهم يخترعون وكانت عند امي يوم زوارتنا ​

وصلت مستشفى السلام قعدوني بكرسي متحرك وودوني الملاحظة خذوا بياناتي ويت ​

تفحصني ولا نازل شوي ماي البيبي قلت لها شوي شوي الله يخليج :eh_s(16):قالت لا تخافين انا ​

ايدي خفيفة:rerrerek:وفحصتني ولا الصدمة 6سم سالتني منو دكتورتج ما اعرفتها لانها يديده​

ياني ريلي قلت له ولاده قام ويهه يعطي الوان ودوني الولادة :eh_s(16):​

وللقصه بقيه :eh_s(7): :eh_s(17):​

 

[miss_whitemocha]

الحمدلله على سلامتج و مبروك ما ياكم..
كملي حبيبتي...
​

 

[ام عفاف الكويت]

تباااااااارك الرحمن على صبرج
برافو عليج مارحتي من اول عوار
جان العبوا فيج فحص وتوسعه
كملي

ومبروك مايبتي ياقلبي ويتربي بعزكم

 

[دنيتى زوجي M]

الف مبروك حبيبتي ويتربي البيبي بعزكم

وناااطره التكمله

 

[shjoonaa]

الف الحمد الله على سلامتج ومبروك ماياج

 

[غلبانه]

ننتظر البقيه

 

[ام_ركون و دندون]

مبروك والفال لنا وللباقين

 

[بولندية]

يتربى بعزج يارب وكمممممممممممممملي

 

[شيخة المعازيم]

ماشاءالله لا اله الا الله عليش قويه
مو انا كله ابكي من يبدي العوار ​

 

[Lulu_Perla]

الحمدلله علر سلامتج..
متابعه البقية هني يبدي الاكشن :eh_s(16):
الله يسهل علينا :yaaaaaarb:

 

[لبااابه]

الحمدلله على سلامتج

 

[Smarties]

حمدلله على سلامتج و مبروك ماياكم

 

[انجبر قلبي]

الحمدالله ع سلامتج

ماشالله متحمله لول جنج آنا احاتي روحة الصالون

 

[ELFAD3Ah]

الحمدالله على السلامه
ناطرينج

 

[موجة ~ بحر]

ناطرين باجي القصة 

 

[Model Look]

الحمدلله عالسلامه ويتربا بعزج

 

[beauty rose]

حمدالله على سلاامتج و مبروووك ماياج
و ناطرين باقي القصه

 

[انصاريه قمره]

الحمدالله على سلامتج وسلامت النون ويتربه بعزكم
كملي ناااااااااااااااطر

 

[انصاريه قمره]

وي شفين من اليوع قمت ابولع الحروووف
النون= النونو
نااااااااااااطر= نااااااااطره
انطر بناتي ينامون علشان اتغدى لاني لي تغديت واهم قاعدين يدمرون البيت وتعبانه مالي خلق انظف
صج الجنه تحت اقدام الامهات الحبايب شكلهم ريضين

 

[دلع86]

الحمدالله على سلامتج وسلامت البيبي
وناطرين التكمله