&& قصة ولادتي بنـــوراء عيونــــي&&

[متيمه بهواه]

السلام عليكم والرحمه

شخباركم بنات
عساكم طيبين يارب


الله يتمم لكم على خير يارب
ويرزق كل متاخره بالحمل بلقريب العاجل يارب


طبعا
تاخرت عليكم بكتابة قصه ولادتي
بسبب ضيق الوقت والوالده تقول لاحقه على الانترنت تو خير
وأستغليت لوقت
قلت ادخل اكتب لكم قصة ولادتي ولله الحمد


طبعا الكل يعرف انه منى عيني البنت وادري طفشتكم من مواضيعي الي ماتخلص
بس ادري ماتقصرون :eh_s(7):

طبعا انا ولدت بتاريخ 19 /2/2012
جاي طلق خفيف قبل أسبوع وكنت أتحمل بس قبل يوم ولادتي كنت رايحه عند اهلي بالسياره
مسافه والسياره لها دور طبعا كنت حاسه بألم خفيف س طنشت أتاريه طلق وانا نايمه بالعسل
وصلت البيت وبديت أستعد للولاده ونظفت البيت تنظيف عميق قبل أسبوعين


وجهزت عمري من والى
وبدأ معي الالم من اول ماوصلت بيتي بس هم طنشت
رحت سبحت بمويه ساخنه والالآلم هو نفسه خفيف ولله الحمد ومحتمل
لين الساعه 4 الفجر كنت نايمه وصحيت على وجع يمنعني من التنفس ويضغط
صحيت رجلي لدوام وشافني أتعصر خفيف

قال لي :
شكلك بتولدين
قلت له :
لا تو خير ألم خفيف

وراح الدوام
وجهزت عيالي
جان يقول لي ولدي شفيج
قلت له تعبانه أبي انام
مابي اخرعه ويروح المدرسه يحاتي :eh_s(16):
جان أشوف الآلآلم يزيد مو قادره أمشي
عرفت هنا انه هذا طلق بحق وحقيق :eh_s(2):

جان ادق على رجلي وأقول له أرجع مو قادره وزين دقيت عليه
مسوي نفسي بطله بتحمل
طلع معي طلق حقيقي
وشوي الى يرجع زوجي وأقول له :
أقرأ على قران مو قادره أتحمل

شوي ويقرأ علي قران وسورة الزلزله
شوي الالم يزيد وماخلص من سورة الزلزله الى المويه فتحت وياي
خف هنا بدأ الجد لني قريت عن سورة الزلزله لها مفعول عجيب

وقلت لرجلي خلاص لبسني عبايتي مو قادره قبل لايخلص المويه عن النونو
ورحت المشفى وانزل على الكرسي
شوي النيرس شنو أسمج مدام ..كم بيبي ...الخ
قلت لرجلي وخرها عني لا ألفخها كف :krkrkr: ترى مو ناقصتها
وادخل جان تخر دفعه مو المويه انا هنا خلاص ماقدرت اتحمل أوقف :eh_s(2):
وحطوني على السرير وقاست لي الرحم وقالت مدام 7 سم مشاء الله
وجهزوا العده وكل شي

تقولين مصلخه
ماخلوا لبس اخضر بالمشفى مالبسوه ولبسوني :eh_s(16):
حسيت برعب شوي
لنه كان هدوء مافيه احد يولد :eh_s(1):

ولني حالفه اني ماروح المشفى الى لما أحس اني خلاص وصلت
لنه بعيالي يحطون لي طلق صناعي
فحبيت اجرب الطلق الطبيعي والحمد لله جربته وما أحلاه لنه من الله وأرحم

وحسيت اني بدف وقلت للنيرس فيد دف
وعلى طول جاووا وسويت بوش مره مرتين
جان تشرف ست الحسن بنتي والي قرت عيني بشوفتها بين يديني

جان ادف وتطلع بنتي
جان تقول لي مبرررررررررروك مدام قيرل
هنا ماصدقت مدري ليه

لنه كانت امنيتي بنوووته وحسيت كني بحلم وربي حقق مناي
وسميتها
:nbvppw:النوراء:nbvppw:
ربي ينور عليها دنيا واخره

وتنور علينا يارب ياكريم

وكل الشكر الى اختي الغاليه
حنين :aha:
وكل من شارك وباركـ لي بولادتي
وكل من أرهقته بأسألتي طيلة فتره تسجيلي هنا
وكل من قدم لي النصح بتجمع مواليد مارس

كلهم من دون ذكر أسماء عزيزات على قلبي
ربي يوفقكم ويسعدكم :yaaaaaarb:

اختكم في الله

حلو البنات :eh_s(7):​

 

[عزاااه]

حمدالله على السلامه اي مستشفي ولادتي

 

[انسام الكويت]

عالبركه البنوته وحمدالله ع سلامتج عاد شكثر اقرا مواضيعج

عن الحمل بالبنت وانج تبين بنت ولمن حملتي ماعلمتي شنو نوع الجنين << حسيت انج صج نذله ههههههههه


بس حلو نطريتنا واخرتها عرفت انه اللي تبينه ربج نوله لج

وتتربى بعزج البنوته وتشوفينها عروس ان شاء الله*

 

[وصايف4]

حمد الله على سلامتج والله يخليييها لج وتربى بعزج

 

[ام الحلوااات]

الـــحـــمــــــد للـــــــــــه عـــلــــى ســـــلامـــتــــج و الـــــف مــــبـــروووك الـــبـــنـــوتـــه اللـــه يـــخــــلـــيــهــا لــــج

بــــس مــــــو جــــنــــــه اســـمـــهـــــا غــــــريــــــب شـــــنـــــــو مـــعـــــنـــــاه

 

[مارون جلاسيه]

ألف الحمد الله عالسلامه والله يخليلج بنتج وعيالج يارب

 

[❞ Cleoραtrα ❝]

الحمدالله على السلآمه *
تتربى بعزكم ان شاء الله ,,

 

[الشيخه11]

الحمد لله ع السلامه ومبروك البنوته وعساج تشوفينها عروس

 

[" ام حمود "]

ألف مبرووك والحمدالله ع سلامتج ، وتتربئ بعزكم ياارب
مااشاء الله اسم البنوته حلو بس ماخذه الاسم من اصل اسم " نور " عدل ؟

 

[معاالي]

حمدالله علي السلامه

ومبروووك البنوته

 

[Miss_Moon]

الحمدالله على السلامة حبيبتي ومبروك مايبتي وتتربى بعژج اللهم امين

 

["*آآآنؤؤؤقهـ*"]

قرة عيييينج بالنورااااء


حمدالله علي السلامه

ومبروووك البنوته

 

[c a t w o m a n]

الحمدالله على سلامتج تتربى بعزكم عسى الله يخفظها لج ويبلغج فيها

 

[بنتي نور عيني]

الحمدلله علا السلامه
ومبروك البنوته وتتربا بعزكم

 

[[[ عيون جابر ]]]

احلى ولااااده مشالله سهاله
الحمدلله على سلامتج وسلامة البيبي

 

[ديانا سبنسر]

مبروك وتتربى بعزج وعز ابوها

 

[بحرينيه كوول21]

الحمدلله على السلامه
وتتربى بعزكم البنووووته
والله يخليها لكم ان شاءالله

 

[ام ساره 4]

:nbvppw::nbvppw::nbvppw::nbvppw::nbvppw::nbvppw:


ألف ألف ألف مبروووك البنوته والحمدلله عالسلامه وإن شاء الله تشوفينها عروس


:lolo::lolo::lolo::lolo::lolo::lolo:

 

[! بــدويه وآآيــد !]

،


الف مبروك والحمدلله على سلامتج
تتربى بعزج

 

[مواصله]

الف مبرووووك البنوووووته

واخيرا شرفت نوير



















توقعت فيج ولد لانج غبيتي ومارضيتي تقولين قلت يمكن متضايقه خخخخخ

عموما الحمدلله على سلامتكم وتتربى في عزكم

وان شاءالله تطلعين من الاربعين وتحملين بالبنوته الثانيه