قصة ولادتي في دار الشفا

[؛؛حلاوه؛؛]

صباح الخير

شلونكم بنات

انا ولدت تاريخ 31-7-2011

قبل رمضان بيوم

دشيت العاشر ومايتلي أعراض طلق كلش

والدكتور صبر وايد علي

ودشيت المستشفى وحذيت طلق صناعي وقبلها فحصوني

ويع مابي اجرب الفحص مره ثانيه

تخيلوا خذيت طلق صناعي مرتين ماكو فايده

حتى 2 سانتي ماتبطلت عذاب على الفاضي

قعدت يوم كامل كل شوي يفحصوني

لما بجيت لان موراضيه اتبطل

جان اقول حق ريلي ابي قيصريه

ولما يه الدكتور الصبح قلت ابي قيصريه

واهو قال اي ماكو فايده طبعا حدي مرتاحه

حق دكتوري حيل فاهم وسألته شنو احسن بنج عام ولاموضعي
قال موضعي قلت أوكي حدي استانست بولد قيصريه

عاد لما دخلوني داخل انهرت حدي انا حيل خوافه
قلت ابي ريلي واهما قالوا ممنوع
وهقوني جان اقوم من السرير قلت مابي اولد

لووول سويت فلم وماهديت الا لما دش دكتور التخدير
حده يهبل وايييد زين


ريح أعصابي لان قعد يسولف معاي

وعطاني إبرة الظهر وقلت له لاتطلع وصج قعد معابد
لآخر شي

 

[-_-Designer-_-]

الحمدلله على سلامتج ومبروك ما ياج حبيبتي , و يتربى بعزكم انشالله , بس بغيت اسأل ابرة الظهر تعور لما يعطونج اياها و شلون القيصريه مع ابرة الظهر ؟, ما حسيتي بعوار , لان انا بجر و ناويه آخذ طلق صناعي و خايفه اني ما اتحمله و خايفه من ان الابرة دخلتها تعور , عشان جذي متردده , وادري اسألتي وايد بس لان ما بقى شي على ولادتي انشاالله و مشكوورة

 

[شوق الحب]

الحمدالله على سلااامتج​

 

[؛؛حلاوه؛؛]

انزين خل اكمل

سوري بنات قاعده اكتب من الاي فون وريلي ناداني

المهم دكتور التخدير صج ماقصر لوما اهوا جان مارضيت اسوي العمليه

صج ريحني وقعد يسولف معاي لاخر العمليه

وقعدت ارجف حييل حاولت امنع نفسي اني ارجف ماقدرت

بعدين سمعت صوت البيبي حدي مو مصدقه

وشفته من بعيد وانا مو متخيله الي صار

حدي مخترعه

المهم يابته لي الممرضه وانا من الخرعه وخرت ويهي لووول

وتقولي شنو مايبي بيبي لوول

المهم من الخوف رجفت حيل

ونزل ضغطي وايد وقعدت عندهم ساعتين

بغرفة الافاقه وانا احن ودوني غرفتي نادوا اهلي

واهما موراضيين

جان ايي دكتور التخدير يحليله ويسولف معاي

بعدين صعدت غرفتي

ولا امي وأخوي بويهي

وأخوي يقولي ولدج حول كاااك يتغشمر

وانا طول هالوقت ماشفت البيبي عدل وكلهم شافوا

المهم اول مادخلت سريري

ولايطرشولي ورد ولا ريلي يايبه


وبس

دكتوري مصطفى تومسو

 

[_زينه_]

الحمدلله علي سلامتج

بسال انا قيصريه وكنت بنج عام والمره الجايه بجرب ابرة الظهر شلووون الوضع وقت العمليه ؟ظ

يليت تشرحين كل شي

 

[noof nasser]

الحمدالله على سلااامتج
ويتربي بعزكم امين

 

[om MaRyooM]

حمدلله على سلااااااامتج يالغلا
ويتربى بعزكم انشالله



بسالج قلبي ابرة الظهر تعور ؟؟؟؟؟ يعني باختصار تنصحينا فيها ولا ندمتي ليش جربتيها؟



والحمدلله على سلامتج مرة ثانية

 

[؛؛حلاوه؛؛]

هلا حبيبي

إبرة الظهر ماتعور وكلش ماخفت منها بالعكس

ودكتور التخدير اسمه امير على فكره

ومره ثانيه اذا بولد هم راح اخذ إبرة الظهر

اكيد احسن من بنج عام

وكلش مافي عوار وقت العمليه اصلا لما الدكتور طلع الياهل

ماحسيت بولاشي

مافي عوار ابد

بس خوف لاني وايد اخاف

وأتوقع لو اهلي معاي ماكنت راح اخاف

وعقب الي شفته مستحيل اولد طبيعي
الفحص وييييع يعور

اي وكنت ماخذه الجناح الملكي وسويت استقبال

طبعا دلعوني اخر دلع كلهم يهبلون

مستشفى يهبل من دكاتره وممرضات

والاكل يهبل كلهم دلعونا انا واختي لوول

والدكاتره كل الي مروا علي عسل

كثر ماكنت خايفه من الولاده مو مصدقه اني ولدت
لوول بالغصب طلع الياهل 3 يوم بالعاشر

 

[؛؛حلاوه؛؛]

هلا حبايبي

لا بالعكس ماحسيت بشي والابره ماتعور

بس لنا يدخل الابره تحسون مثل قرصه

لو تعور جان سويت فضيحه انا الابره العاديه اخاف منها

اهم شي ماتتحركون وسمعوا كلام الدكتور بسرعه عطاني اياها وخلصت

وطريقتها يخليني اقعد على طرف السرير

واحط ريلي على الكرسي واحذ مخده على صدري

وانزل روحي وبس وعلى طول ريلي تخدرت

ونادوا دكتوري على طول حيل شاطر الدكتور

والخياط مو مبين كلش صج الدكتور يهبل

وان شاءالله الولاده اليايه هم بولد عندهم

ماتوقعت معاملتهم جذي روعه

سبحان الله ماراجعتهم الا بالثامن بس حيل ارتحت
الحمدلله

بنات انا اخاف من البنج لان سمعت انه خطر

اما إبرة الظهر تميت واعيه ومو تعبانه وعلى طول مجابله اهلي

 

[om MaRyooM]

مشالله تبارك الرحمن .. الحمدلله الله سهلها عليج

شجعتيني عالابرة والله . .لأن دكتوري ماكان نصاحني فيها مادري ليش
بس شكلي بعانده لوول

 

[بشاير الميموني]

لا اله الا الله محمد رسول الله صلى الله عليه وسلم...

حمد الله على السلامة والف مبروك على المولود الجديد وتربى بعزكم ...

 

[الأميرة جوري]

الحمد الله علي السلامه والف مبروووووووووك

 

[انثى الكويت]

مبرووووووووووك ما ياج

انا بعد اراجع عند دكتور مصطفى عجييييييييب وفاهم

وتوه ولد اختي بس طبيعي واختي ثاني ولاده عنده

واختي خذت الملكي نفسج هم عجبها كل شي بذااااات الاكل لووووووووووووووووووووول

اكلهم حلو مو اروح لها اكل منه لوووووووول جنه بوفيه صغير ينن


مبروك مره ثانيه شسميتي الولد ؟

 

[ام سليمان 2008]

الحمدلله على سلامتج ومبرك ماياكم:eh_s(17):

 

[؛؛حلاوه؛؛]

انثى الحمدالله على سلامة اختج

اي والله اكلهم يهبل

سميت ولدي عبدالله

 

[@ام يوسف@]

الحمدلله عالسلامه ويتربى بعزكم

 

[chobits.19]

فديت اسم عبدالله

ذكرتيني بولدي هم انا ولدت عندهم
ووصلت بعد اليوم العاشر من العاشر
بس انا رحت لمستوصف الامل امدحولي الدكتورة الي عندهم
تفحصج وتوسعج بالفحص
يعني انا وصلت العاشر ورحت لها وقلت ماكوا ولا سانتي ولا طلوق كلش كلش
ووسعتني سانتين
وقعدت امشي وااايد
وبعدين رحت الشفا قلت خلاص طلق صناعي انا تعبت نفسيتي
ويوم فحصوني ولا اتا 3 سانتي
وقالولي بنعطيج مغذي << يكون فيه طلق خفيف اعتقد
وبطوا جيس الماي قالو ان كان شفاف بنخليج تاخذين راحتج وان ابيض بنعطيج نص الوقت
واذا اخضر بنعطيج فرصة قصيرة ويمكن نحولج العمليات
بس الحمدالله كان شفاف وخذيت راحتي
ما الومج الفحص يلوع الجبد
بس يختي ودج طبيعي تحسين بتعب الولادة تحسين صج ولدتي و ع الساهل :d
لوووووووووول

الحمدالله ع سلامتج وسلامت ولدج
وع فكره ابرة الظهر اعراضها تبين ع الكبر مو الحين
وطقتها الغلط اعتقد تسبب شلل

ربي يحميكم ويوفكم ويرزق كل وحدة ويهون ع كل حامل

...

 

[الحرير]

الف مبروووووووك

 

[shjoonaa]

الف الحمدالله على سلامتج

 

[wafa82]

الحمدالله ع السلامه حبيبتي