- إنضم
- 24 نوفمبر 2008
- المشاركات
- 620
- مستوى التفاعل
- 0
- النقاط
- 0
كانت ولادتي يوم الاثنين 26-3-2012
الساعه 7:52 مساء.
كنت بالاسبوع ال 39 و4 ايام.
من دخلت التاسع وانا مافيه نوع من المحرضات ماجربته
جربت الخروع وخلطه تفتح الرحم من النت وجربت القرفه والزنجبيل ودهنت بطني بزيت زيتون مقري فيه فيه حبه سودا ومشيت وكل ما اروح لدكتورة تقولي الجنين مانزل بالحوض للحين والرحم مو متوسع ولا سانتي:eh_s(2):
وكان ضايق خلقي واحاتي.
يوم جا السبت اللي قبل ولادتي بيومين قريت بالنت وحده الله يجزاها خير كانت كاتبه انها كلمت عطار مشهور وقال لها اتركي القرفه وكل شي وشربي ينسون ثلاث ايام ورى بعض كاس الصبح وكاس بالليل واليوم الثالث بيجي الطلق وفعلا والله كلامها صح :eh_s(15):شربته السبت كوب الصبح وكوب بالليل والاحد كوب الصبح ويوم جا العصر نزلت مني تكرمون سدادة الرحم وكانت مادة مخاطية لزجة من غير دم وكملت كوب الاحد بالليل والاثنين الساعه 6 ونص اللي هو اليوم الثالث قمت على مغص قوي ماقدرت انام منه
وكنت مستغربه شلون يكون طلق وانا ماجاني بالظهر:bbbiu: وهم يقولون اللي فيها ولد يجيها طلق بالظهر وانتظرت لحد 7 ونص ابيه يخف لكن كل ماله ويزيد المهم رحت ولبست انا وامي ورحت لدكتورتي اللي اتابع عندها (لان المستشفى اللي اتابع فيه مو هو اللي بولد فيه) دخلت عليها الساعه 8 ونص وكشفت قالت يالله ولادة الرحم مفتوح 2 سانتي والجنين بالحوض وطلعت منها ورحت على طول المستشفى اللي بولد فيه قالوا تو الناس انتي 2 سانتي يمكن تولدين اليوم او بكرا او بعده روحي البيت واذا صار الطلق مرتين كل عشر دقايق تعالي
طبعا انا كان ذابحني الطلق وضاق خلقي يوم قالت بكرا او بعده قلت بقعد يوم او يومين على هالحال ياربي تفرج لي,المهم طلعت ورحت البيت والالم مستمر وجربت كل الاشياء اللي تسهل الولاده.
شميت حليتيه وصبيت على الفوطه الصحيه تكرمون قبل اروح للمستشفى المره الثانيه
وشربت كف مريم
وشربت قرفه
وكليت تمر
وقريت ادعيه تسهل الولاده
ويوم جت الساعه 3 الا الطلق يجي كل 5 دقايق قلت خلني اروح خلاص ماقدر اتحمل
رحت وكشفوا قالت الدكتورة 3
وبنركب طلق صناعي وكان هالكلام الساعه 3 ونص
ركبوة علي والطلق كل مالة ويزيد
لحد ماجت الساعه 6 وجت الدكتورة تقيس لقت الرحم مفتوح 5 سانتي طبعا انا هنا تحطمت وقلت بس 5 على كل هالعذاب قالت حمدي ربك زين قلت اجل ابي ابره مسكن (اكبر خطاء سويته) لان الابره عطوني اياها ماتسكن الطلقات ابد لكن تخليج دايخه وكنج شاربه دواء كحه او منوم دايخه على الفاضي ندمت اني خذيتها ماتسكن ولا شي بس تخليهم يفتكون من صراخج وتصيرين دايخه وتتالمين (ابرة مسكنه مو ابره الظهر).
يوم جت الساعه 7 قاست قالت ماشالله 9 كويس انا طبعا دايخه ونايمة وانا مو نايمه مادري شلون اوصف الشعور وحاطين علي اكسجين واشوفهم يجهزون الاغراض, وخلوني انسدح على جنب وادفع على تحت لحد ماوصلت مرحله معينه وجت الدكتورة وخلتني اتعدل ورفعوا رجليني وخلوني ادفع يمكن نص ساعة وهم يشجعوني ويصفقون وانا احسب خلاص الراس طلع اثاريهم يقصون علي ووسعت لي الدكتورة وطلع فارس حبيبي طبعا كل هذا وانا دايخه وحطته على صدري قعدت ابوس فيه والدكتورة تخيط طبعا الخياطه حسيت انها ألمتني وطولت بس انها تقول خياطة تجميلية وخلصت الخياطه وغطوني وخلوني ساعتين بغرفه الولادة وعقبها طلعت الغرفه.
الملاحظات:
*انا ولدت بمستشفى البروكير بالخبر.
*كل اللي كلموني قالوا غلطتج انج رحتي بدري والمفروض خذيتي كل الالم بالبيت ورحتي على المغرب لكن انا ما احس اني غلطت فيها بالعكس خلتهم يحطون لي طلق صناعي من 3 ونص يعني من بدري والحمدلله ماجت 8 الا انا والدة يمكن لو ماكنت رحت الا المغرب يمكن ماولدت الا بنص الليل خصوصا اني كنت اطلق واتالم من 6 ونص الصبح بس كان مايكفي وبارد فحموه لي.
*ابره المسكن هذي غلطة كبيره ماراح اكررها ان شالله.
*الم ورعب الولادة اللي كنها كابوس ينتهي اول ماتشوفين الطفل بحضنج والاهل فرحانين يروح كل التعب.
الله يبلغ كل محروم ويسهل على كل حامل يارب العالمين.
الساعه 7:52 مساء.
كنت بالاسبوع ال 39 و4 ايام.
من دخلت التاسع وانا مافيه نوع من المحرضات ماجربته
جربت الخروع وخلطه تفتح الرحم من النت وجربت القرفه والزنجبيل ودهنت بطني بزيت زيتون مقري فيه فيه حبه سودا ومشيت وكل ما اروح لدكتورة تقولي الجنين مانزل بالحوض للحين والرحم مو متوسع ولا سانتي:eh_s(2):
وكان ضايق خلقي واحاتي.
يوم جا السبت اللي قبل ولادتي بيومين قريت بالنت وحده الله يجزاها خير كانت كاتبه انها كلمت عطار مشهور وقال لها اتركي القرفه وكل شي وشربي ينسون ثلاث ايام ورى بعض كاس الصبح وكاس بالليل واليوم الثالث بيجي الطلق وفعلا والله كلامها صح :eh_s(15):شربته السبت كوب الصبح وكوب بالليل والاحد كوب الصبح ويوم جا العصر نزلت مني تكرمون سدادة الرحم وكانت مادة مخاطية لزجة من غير دم وكملت كوب الاحد بالليل والاثنين الساعه 6 ونص اللي هو اليوم الثالث قمت على مغص قوي ماقدرت انام منه
وكنت مستغربه شلون يكون طلق وانا ماجاني بالظهر:bbbiu: وهم يقولون اللي فيها ولد يجيها طلق بالظهر وانتظرت لحد 7 ونص ابيه يخف لكن كل ماله ويزيد المهم رحت ولبست انا وامي ورحت لدكتورتي اللي اتابع عندها (لان المستشفى اللي اتابع فيه مو هو اللي بولد فيه) دخلت عليها الساعه 8 ونص وكشفت قالت يالله ولادة الرحم مفتوح 2 سانتي والجنين بالحوض وطلعت منها ورحت على طول المستشفى اللي بولد فيه قالوا تو الناس انتي 2 سانتي يمكن تولدين اليوم او بكرا او بعده روحي البيت واذا صار الطلق مرتين كل عشر دقايق تعالي
طبعا انا كان ذابحني الطلق وضاق خلقي يوم قالت بكرا او بعده قلت بقعد يوم او يومين على هالحال ياربي تفرج لي,المهم طلعت ورحت البيت والالم مستمر وجربت كل الاشياء اللي تسهل الولاده.
شميت حليتيه وصبيت على الفوطه الصحيه تكرمون قبل اروح للمستشفى المره الثانيه
وشربت كف مريم
وشربت قرفه
وكليت تمر
وقريت ادعيه تسهل الولاده
ويوم جت الساعه 3 الا الطلق يجي كل 5 دقايق قلت خلني اروح خلاص ماقدر اتحمل
رحت وكشفوا قالت الدكتورة 3
وبنركب طلق صناعي وكان هالكلام الساعه 3 ونص
ركبوة علي والطلق كل مالة ويزيد
لحد ماجت الساعه 6 وجت الدكتورة تقيس لقت الرحم مفتوح 5 سانتي طبعا انا هنا تحطمت وقلت بس 5 على كل هالعذاب قالت حمدي ربك زين قلت اجل ابي ابره مسكن (اكبر خطاء سويته) لان الابره عطوني اياها ماتسكن الطلقات ابد لكن تخليج دايخه وكنج شاربه دواء كحه او منوم دايخه على الفاضي ندمت اني خذيتها ماتسكن ولا شي بس تخليهم يفتكون من صراخج وتصيرين دايخه وتتالمين (ابرة مسكنه مو ابره الظهر).
يوم جت الساعه 7 قاست قالت ماشالله 9 كويس انا طبعا دايخه ونايمة وانا مو نايمه مادري شلون اوصف الشعور وحاطين علي اكسجين واشوفهم يجهزون الاغراض, وخلوني انسدح على جنب وادفع على تحت لحد ماوصلت مرحله معينه وجت الدكتورة وخلتني اتعدل ورفعوا رجليني وخلوني ادفع يمكن نص ساعة وهم يشجعوني ويصفقون وانا احسب خلاص الراس طلع اثاريهم يقصون علي ووسعت لي الدكتورة وطلع فارس حبيبي طبعا كل هذا وانا دايخه وحطته على صدري قعدت ابوس فيه والدكتورة تخيط طبعا الخياطه حسيت انها ألمتني وطولت بس انها تقول خياطة تجميلية وخلصت الخياطه وغطوني وخلوني ساعتين بغرفه الولادة وعقبها طلعت الغرفه.
الملاحظات:
*انا ولدت بمستشفى البروكير بالخبر.
*كل اللي كلموني قالوا غلطتج انج رحتي بدري والمفروض خذيتي كل الالم بالبيت ورحتي على المغرب لكن انا ما احس اني غلطت فيها بالعكس خلتهم يحطون لي طلق صناعي من 3 ونص يعني من بدري والحمدلله ماجت 8 الا انا والدة يمكن لو ماكنت رحت الا المغرب يمكن ماولدت الا بنص الليل خصوصا اني كنت اطلق واتالم من 6 ونص الصبح بس كان مايكفي وبارد فحموه لي.
*ابره المسكن هذي غلطة كبيره ماراح اكررها ان شالله.
*الم ورعب الولادة اللي كنها كابوس ينتهي اول ماتشوفين الطفل بحضنج والاهل فرحانين يروح كل التعب.
الله يبلغ كل محروم ويسهل على كل حامل يارب العالمين.
