قصتي الثانية : بعد شهور التقينا

[انوار الكوويت]

ناطرين

 

[!! عشقت اسمك !!]

ووواااوو الروعةة روعة كمممليي
ناطرينج

سوؤال الرواية حقيقة ؟؟

 

[انوار الكوويت]

ااب

 

[blueshiiya]

القصه مو حقيقية ويعطيكم العافيه على القراءة
و ان شاء الله الساعه اربع انزل بارت يديد
^^^^^^^^^^
واخيرا في ردود p:​

 

[غرآم الرؤح]

نآطريييييييينج

 

[هناء - Hana]

اب اب اب اب ؛*

 

[blueshiiya]

راح انزل بارتين ان شاءالله يعجبونكم
وهالله هالله بالردود الحلوه
________________________
​

​

البارت الخامس :​

عبدالله : بسال سؤال عادي ​

انا: عشتوا تستاذن قول اسمعك ​

عبدالله : لا صج صج بسال سؤال وابي الصج وترى اعرفج يوم تجذبين قولي الصج احسن لج ​

انا: تفضل و وعد راح اجاوب الصج ​

عبدالله : تذكرين يوم العيد بالحديقه يوم كنا نلعب ​

انا : اي ​

عبدالله : تذكرين يوم جاوبتي على سؤال حوراء ​

انا استغربت انه مهتم بالسؤال و صج مهتم فيني و هامه اجابتي قام افكر شلون اطلع نفسي بس ما في مفر ماكان في احد غيره يكون حبيب اووووو شسوي ​

عبدالله : فروح تذكرين ولا لا ​

انا: امبلا اذكر ​

عبدالله : كان قصدج انا و هذا شي واضح بس كان على عبط ولا صج لانه نص اللعبه كانت عبط ​

انا : .............................​

عبدالله : شفيج ساكته شنو اعتبر السكوت علامة الرضى ولا شنو ​

انا : لااااا ها اي ها يمكن​

عبدالله شفيج معتنحه يبى قولي الصج وريحي عمرج ترى من ذاك اليوم و قام افكر​

انا : انزين اذا قلت اي او لا شنو راح يتغير مثلا ​

عبدالله : انتي جاوبي وراح اقولج شنو ردي على الموضوع ​

انا : اي صج و مو جذب و اذا كنت ما تبي تحبني قولي لاني ابي افك نفسي منك دام ما مر بينا شي اشوف مستقبلي مع احد ثاني ترى مو غصب تحبني وتر............​

يكر حلجي بايده وقالي : احبج ​

انصدمت معقوله يحبني واااااااي وناسه بس لحظه شلون و اهو يكلم مليون بنيه بس يمكن رهان بينه وبين ربعه او اخواني يا حسرتي ​

انا : عبدالله انت من صجك احلف ​

عبدالله : احبج والله ​

انا: انت جذاب اكيد رهان او لعبه بينك وبين اخواني اصلا مستحيل ​

عبدالله : والله مو قام اجذب تعالي السياره و احلف لج على القران ​

انا : شمعنى السياره ​

عبدالله: عندي قران داخلها ​

انا : يالله قوم ​

من كثر ما انا مو مصدقه قلت له قوم ولا في وحده تحلف واحد على انه يحبها على القران بس مو مصدقه مستحيل مستحيل مستحيل ​

عبدالله كلم اخواني وقال اني ابي شي من السياره ​

ورحنا عند السياره عبدالله : كا شوفي وحط ايديه على القران والله احبج ​

انا استانست ولا شعوريا لميته جان اوخر جنه احد عطاني طراق شقاعده اسوي طبعا تفشلت ​

انا : سوري بس من الوناسه ​

عبدالله : عادي خو يعني شنو ولد عمج و حبيبج و زوجج بعد التخرج ​

انا : وااااي عبود مستانسه ما كنت متوقعه ​

عبدالله : عادي يعني شنو ترى انتي حالج حال غير لا بعد مو حالهم انتي احلى وحده عرفتها بحياتي شنو يعني مالج قلب يعني شنو ما تنحبين و تحبين مثل الناس ​

انا استحيت وقلت : انزين بس يلا امش نروح وياهم ​

باجي اليوم عدا على خير كنت مستانسه لابعد الحدود مو مصدقه انه في شخص مثل عبدالله يحبني , ردينا البيت تسبحت و طلعت نشفت شعري و بلبست هدومي و بعدها قمت افكر بالخطوه الثانيه شلون عدلها و اخليه عبدالله يديد ​

كنت سرحانه و افكر بهالشغله بس قطع حبل افكاري صوت تلفوني و صوت حمود ناصر يقول انساك هذا كلام انساك روحي بعدها معاك يا ويلي ويلي ويل (مقطع من اغنية في بالي )​

شفت الرقم رقم غريب بس كالعاده ارد عادي و اتلحياة حلوه ​

انا : الوو ؟!​

...: الوو​

انا : هلا من معاي ​

....:رقم وحده حلوه اسمها فرح ​

انا : اي رقم فرح نعم خير من معاي ​

....: افا ليش النفسيه هاذي ​

انا: اخلص يا تقول منو يا التلفون يتسكر ​

.....: يبه هدي كليتنا عبالي تعطين ويه بس طلعتي ثقيله يالحب ​

انا: هههههههه زين عدلت صوتك ​

عبدالله الي كان داق و على قولته يبي يشوف اني خفيفه ولا اثقيله و كنت قد هالاختبار و قعدنا نتكلم من الساعه 9 لي الساعه وحده بالتلفون كله شنو تحب و شنو ماتحب شنو تحبين و شنو ما تحبين و كل واحد يقول الي بقلبه لثاني صج استانست و كنت ناطره الخميس على نار اليوم يوم الاثنين و باقي 4 ايام على الخميس و ابي ملابس يدد اروح فيهم بيت يدي عن خاطر لانه خلاص ابي كل ما يشوفني يشوفني بلبس يديد ​

صار اليوم الثاني و كان بخاطري اروح السوق رحت السوق مع عبير طبعا بعد اذن من امي وابوي و اكيد من بنات عمي لان ما اقدر اروح بدونهم يفضحوني و الحمدالله قالو ما يبون يون مالهم خلق سوق و اخيرا كلمت عبدالله وقلت له وسمعوا التحلطم الي صار ​

انا : الوو ​

عبدالله : هلا بالحب الووو ​

انا : شلونك اليوم ​

عبدالله : تمام فروحتي انتي شلونج اليوم​

انا : تمام دامك تمام ممكن اطلب طلب ​

عبدالله : شنو مطعم بس طلبي عيوني المركبه لج ​

انا : هههه لا صج بطلب طلب ممكن ​

عبدالله : امريني عيوني المركبه باباتي لج ​

انا : اخجل ​

عبدالله : فديت الي يخجلون والله انا ​

انا : عادي اروح السوق​

عبدالله : حق شنو توج شاريه حق العيد ​

انا: بشتريلي ملابس ما عندي ​

عبدالله : تكفه صوريلي الكبت و اهو مبطل و دزيلي ياه وتساب على شان اتاكد فيه ولا لا ​

انا : انزين ​

رحت بطلت الكبت ولا اشوفه متروس بس قلت ما راح اسمع كلامه شنو ما ابي بروح السوق يعني بروح ,صورت الكبت و دزيت له وعلى طول شكله بس شاف الصوره و دق ​

عبدالله : الوو ​

انا : الوو ​

عبدالله : حراااااااااااااااااام عليج كل هذا و ما عندج لو عندج شلون اكيد غرفه حق الملابس ​

انا : حرام عليك بروح اشتريلي جم بدله وارد ​

عبدالله : نطريني افكر ​

انا : اوووووو شنو هذا تكفه بروح ​

عبدالله: روحي بس ترى الحين الساعه خمس و حدج حدج ثمان ادق ما القاج بالبيت والله اذبحج ​

انا : لا ثمان و نص احس على شان حتى لو كان في زحمه ​

عبدالله : انزين بس تعالي ما قلتي ويا منو بتروحين ​

انا : بنروح انا و عبور و منصور ​

عبدالله : امممم انزين ​

انا : واااااي وناسه ثانكس حياتي ​

عبدالله : شنو شنو ​

انا : شنو شفيك ​

عبدالله : شنو قلتي ​

انا : قلت وناسه ​

عبدالله : الي بعده ​

انا : ثانكس ​

عبدالله : الي وراها اهم ​

انا ك حياتي (كنت مستحيه و مستانسه و طلعت مني بالغلط اصلا لاني مو متعوده اتكلم ويا اي صبي جذي غير اخواني طبعا )​

سكرت التلفون و رحنا السوق انا منصور و عبير ​

​

البارت السادس :​

اول ما وصلنا الافنيوز كنت يوعانه كلينا بعدين رحت شريت ملابس وطبعا عبور الله يخليها لي ذوقها حلو واااايد نسيت اقول لكم انا مو متحجبه فاكو واايد ملابس تتناسب معاي احب النفانيف القصار و احب اللون البيج فبسرعه لقيت واااايد بدل طبعا موكلهم لون واحد هههه الوان بس حددت اللون البيج لاني احبه و بعدين طلعنا من الافنيوز رحنا سوق شرق حبيت ادخل زارا الي عندهم احبه شريت لي جم بدله و بعدين رديت البيت على الساعه 8 و ربع تقريبا و اول ما حطيت ريلي بالبيت دخلت غرفتي دقيت على عبدالله​

انا : الوو ​

عبدالله : الوو ​

انا : وصلت البيت ​

عبدالله : زين والله تعرفين بالوقت خلصتي قبل الوقت بربع ساعه زين عيل كل مره اوقت لج ​

انا : لا والله ​

عبدالله : اي عيل شلون اخلي القمر يطلع كل اليوم بره لازم شوي يغيب عن الانظار ​

انا : هههه ضحكتني ​

عبدالله : شفيج بابا منفسه ​

انا : ماكو بس تعبانه شوي مشيت واايد وة نقيت ملابس و تعبت شكثر قايست ​

عبدالله ك خلاص روحي نامي و باجر اكلمج ​

انا : لحظه لحظه منو قالك تعبانه بنات شفيك تصرفني ؟!​

عبدالله : مو قام اصرفج ولا شي بس بس​

انا ك بس شنو ​

عبدالله : بس عبالي تعبانه تبين تنامين ​

انا : عبدالله ترى ادري قام تسوي شي من وراي ساكته و ما اتكلم شنو ما بطلت قبل لا ترد لي ​

عبدالله : شفيج شنو ما بطلت هي انتي فهمي شقاعده تقولين احنا حبينا بعض من جم يوم و انا صارلي فتره اعدل بعمري و تالي تقولين لي جذي​

انا : عيل ليشب تسكر عطني جواب لو سمحت و اذا ما في جواب افضل انك ما تكلمني لاني متنرفزه ​

عبدالله: ما اقدر اقول ​

انا : اكيد ما تقدر تقول سالفه فيها سواد ويه وين تقول ما راح تقدر تقول شي اكيد ​

عبدالله : جب خلاص بقول ​

انا : انزين قول اسمع ​

عبدالله : بس مو تقولين انا قلت لج تكفه ​

انا : حق منو اقول و عن شنو ​

عبدالله : انتي متى عيد ميلادج ​

انا : يوم السبت الياي ليش ​

عبدالله : انا و حوراء و ناصر و منصور قلنا راح نسويه يوم الخميس بس انتي ملقوفه كنت ابيج تنامين و نروح نجهز الكيكه انا و حوراء ​

انا وحده تفشلت ما ادري شنو اقول و صج انا ملقوفه مالت علي ​

انا: اسفه​

عبدالله : على شنو حبيبتي ماكو شي تتاسفين عليه ​

انا : انا اسفه على شكي فيك والله اسفه عبود سامحني ​

عبدالله : ههه وناسه يوم احد يقولك اسف و خصوصا لما تكونين انتي احبج تفهمين يعني شنو احبج ​

انا : هههههه شفت شلون ​

عبدالله : يالله نامي على شان اروح لا تفضحني حوراء ​

انا : انزين بقولك شي ​

عبدالله : قولي ​

انا : شي ​

عبدالله : اووو بدينا بالاستعباط قول يما ابي اسكر​

انا : ههههههه لا خلاص صج صج بقولك شي ​

عبدالله : قولي يا بعد عمري قولي ​

انا : احبك ​

عبدالله : وانا اموت فيج تصبحين على خير باباتي ​

انا : وانت من اهله ​

​

​

_______________________
اتمنى يعجبونكم دودكم والي يعافيكم ​

​

​

 

[غرآم الرؤح]

روععهه ككمملي ننآطريييييين آلببببآجججيَ

 

[نونو 1990]

كملي بليززززززز

 

[غرآم الرؤح]

up up up up up up up up

 

[blueshiiya]

وين البجي ما في ردود مو حرام عليكم انا اتعب وانتو حتى
تشوفون ولا تكتبون زلعانه <<< ان شاء الله باجر انزل بارتين بعد الظهر ان شاء ​

 

[blueshiiya]

انطر ردودكم بعد هالبارت و اذا ما في ما راح اكمل الى اذا صار فيه ردود و يعطيكم العافيه
_________________________________________________________

​

البارت السابع:​

يوم الثلاثاء مر على خير و مر مملل لان ماكلمت عبدالله الا بليل كان مشغول مع ناصر و منصور حق الحفله يبون يسونها حلوه و حوراء كانت تبي تي عندي بس قررت تروح تشتري نفنوف حق العيد ميلاد وطلبت مني اروح بس قلت اني شريت لي و مو لازم بعد كله عيد ميلاد صار يوم الاربعه و كنت متمنيه ما يكون ممل فدقيت على طيبه و قلت لها تعالي عندي و قلت حوراء بس قالت بتروح ويا عبدالله كلمته اليوم شويه لانه مشغول ويا اخته و بعدها قعدنا انا و عبير و طيبه نلعب جنجفا و اونو و حتى منيبولي و لعبنا رسك ولعبنا سوري و كلودو و جم لعبه بعد بس زهقنا قعدنا نطالع تلفزون واحنا ساكتين​

عبير : شرايكم ادق على عالية تي تقعد ويانه سوالفها حلوه كلها هياته و قز​

انا: دقي يالله شورانا​

طيبه : لفشله ما اعرفها استحي اقعد وياها​

عبير: جب جب شنو استحي بنية ما راح تاكلج​

طيبة : انزين كلميها​

انا : طيوب امشي نبدل فشله تشوفنا ببجامه​

طيبه : اوك​

صعدنا انا وطيبه بدلنا و لبسنا ترنق نص جم احسن من البجاما و ارتب طبعا وبعدها نزلنا وصلت عاليه وقعدت تسولف لنا عن مغامراتها و حسيت انها ياهل و وحده رايحه فيها كل سوالفها شباب و ترقمت و كلمت و الصراحه ما عجبتني كلش ما ادري شلون عبور مرافجتها مليقه و دمها سم سمعو وحده من سوالفها​

عاليه : كنا رايحين انا واختي نوف المدينه الترفيهيه شفنا اثنين يهبلون انا اخترت واحد و نوف نقت واحد وقلنا راح يصيرون من نصيبنا شوي ولا نوقف بصف لعبه وقفوا ينطرون دور مثلنا ركبنا و بعدها ركبوا طلعنا رحنا ناكل من ماك دخلو ما ك ويانا يينا نبي نطلب ولا يقولنا واحد منهم الحساب علي ولا تدوني قعدنا وياهم و سولفنا و كل وحده خذت رقم الي بغته و بعد يومين فليت انا من الي عجبني طلع معقد تخيلو يولي لبسي حجاب​

عبير : اهم شي​

طيبه : ههههه صج تحجبي احس انه احسن لج​

عبير: ههههه اي يمكن احلى عليها​

شفتو سالفتها المليقه ما تنبلع كلش كلش​

صار بليل و عاليه المليقه راحت بيتهم و وراها طلعت طيبه​

كلمت عبدالله قبل لا انام لكم شويه من الموضوع الي تكلمنا فيه​

انا : عبود يعني لي متى جذي خلاص عاد اذا عيد ميلادي جذي يسوي فيك بلاها ما ابيه ابيك والله وييع كلش ما اكلمك الا قبل لا انام و اول ما اقوم ابي اكلم كل وقت​

عبدالله : شفيج حياتي عادي ترى لا تخافين وياي مراقبه ووكالة كونا لتوصيل الاخبار اتوقع تقولج الاخبار اول باول على الوتساب وبعدين انتي ليش ما تكلميني وتساب حالي حال حوراء​

انا : والله وليش انحرم من هالصوت على شان تسير حالك حال حوراء​

عبدالله : وييييه ويييه فديج بنتي انتي​

انا :هههههههههههههه بنتك​

عبدالله : اي بنتي و حبيبتي و كل شي بعد شتبين يا قطوتي​

و كملنا سوالف ليمن الساعه ثنتين و بعدها سكرنا التلفون و نما​

​

صار اليوم الموعود بس قمت متاخره قمت الساعه الثالث العصر نمت الساعه ثنتين و انا وحده مو من النوع الي يسهر حدي الساعه 12 من بعد الساعه 12 على طول نايمه المهم قمت غسلت و بعدها عدلت الملابس الي راح البسهم حق عيد ميلادي و بعدين دشيت تسبحت و اول ماخلصت اتصل على عبدالله​

انا : الوو​

عبدالله بصوت نايم: الووو​

انا : ها نايم حبيبي​

عبدالله : اي​

انا : يالله قوم شنو ما شبعت نوم الساعه اربعه​

عبدالله : اووووله لازم اقوم على شان اعدل المكان مشكوره حياتي قعدتيني بس صج صج لازم البس واطلع مع حوراء اعدل المكان نجهز الصاله​

انا : اوك حبيبي مو مشكله روح​

عبدالله : احبج باي​

انا : بايات​

سكرت التلفون سويت شعري و بعدين حطيت مكياج ناعم حلو ولبست نفنوفي وصارت الساعه سته على ما خلصت رحت بيت يدي مع السايق بس ما في احد قعدت بالصاله انطر بس ما كو احد دقيت على البنات لا وحده تشيل فدقيت على عبدالله سمعت تلفونه يرن بالصاله شوي ولا يدخل ومعاه ورد​

___________________________________________
ناطره ردودكم يا حلوات​

 

[blueshiiya]

هذا بعد بارت على شان لا تقولون قصير
____________________________________

​

البارت الثامن:​

دخل الصاله و معاه ورد و عاطي الورد​

عبدالله : كل عام و انتي بخير حبيبتي​

انا : و انت بخير​

عبدالله : يالله قومي​

انا : وين​

عبدالله : نروح الصاله​

انا : صاله ؟​

عبدالله : اي اجرنا صاله و عزمنا رفيجاتج و الكل على عيد ميلادج و انا قلت اوديج هناك والكل رضى​

انا : انزين وناسه اول مره اسوي عيد ميلادي بصاله​

عبدالله : و ان شاء الله مو اخر مره​

انا : امييين يالله امش خلنا نروح​

عبدالله : انزين خلا اخذ تلفوني​

خذا تلفونه و طلعنا ركبنا السياره و احنا بالطريج كنا قام نسولف عن اشكال بعض كل واحد يعلق على الثاني و قاعدين نضحك شوي ولا يرن تلفون عبدالله​

انا: رد شوف منو ترى رن وايد يمكن شي مهم​

عبدالله : لا مو مهم خلي يولي​

انا : انزين​

كنت مستانسه و مو مهتمه بس هم رن التلفون​

انا : عبدالله خلاص رد شفيك​

عبدالله : لا ما ابي​

انا : خلاص انا ارد​

مسكت التلفون ولا اشوف الرقم مسجل باسم فاطمه رديت و ما ستحيت تطلع وحده من اهل امه بس كنت متاكده انه لا​

شلت السماعه بس ما تكلمت​

فاطمه :الوو حياتي وينك ما تشيله انت مو امس قلت راح تدق العصر ليش ما دقيت​

قمت ابجي​

عبدالله قام يحاول ياخذ التلفون مني بس قمت اوخره وبالغلط عبدالله حركه السكان ولا ندعم و من بعدها ما حسيت بشي قمت من النوم و اسمع صوت امي تدعيلي و تبجي و صوت عبير تتكلم مع احد بس ما ادري منو لفيت ويهي على امي حاولت اتكلم كنت تعبانه ما قدرت فرديت نمت من كثر التعب الي انا فيه ,قمت من النوم مره ثانية بس هالمرة حسيت اني اقوى من المره الي طاف كانوا كلهم موج ودين استانست بس استغربت اهو مو بينهم وينه لا يكون بيسويلي مفاجاة ثانيه تذكرت الحادث و تذكرت الي صار قبل الحادث و بطلت حلجي وسالت اول سؤال​

انا : يمه وين عبدالله​

ام عمر(ليلى): يمه عبدالله موجود بس ما يبيج تشوفينه يقول اهوا السبب​

سلموا علي و الكل تحمد لي بالسلامه كان عبالي انه فيني بس هالرضوض البسيطه و ما توقعت انه يكون فيني هالشي​

دخل الدكتور علي و امي كانت بره شكله اتفق وياهم انه يكلمني بروحي​

الدكتور : شلونج فروحه اليوم ان شاءالله احسن من الايام الي طافت​

انا : الحمدالله دكتور بخير و نعمه الحمد الله بس دكتور صارلي 3 ايام ما رحت الحادث كله انا و حتى اكل متا كليت​

الدكتور : اي يبه فروحه انا اليوم ياي اكلمج عن هالسالفه​

انا : وانا اسمعك​

الدكتور : انتي بنت مصليا مسميا تخافين الله و تعرفين انه الله يقدر الشي الشين لناس الي يحبهم و الله يبتلي الناس الي يحبهم​

انا : عدل​

الدكتور : يبه انا مو حاب الف و ادور وياج بس ترى السالفة ما اقدر اقولها بسرعه بس يا بيتي انتي الحين بفتره حرجه ولازم تتعالجين عدل​

انا: دكتور شفيني وليش اتعالج كاني جني البخت ما فيني شي​

الدكتور : اي جنج البخت بس​

انا : بس شنو دكتور تكلم​

الدكتور : صار فيج اعقه بالمشي و تحتاجين علاج طبيعي مكثف لانج ما راح تمشين لمدة 9 شهور و هاذي فتره مو قصيره​

انا : نعم دكتور شتقول اصلا انا امشي شوفني​

حاولت اقوم بس ما قدرت و اخيرا قعدت عدلت قعدتي وقفت ولا اطيح قمت ابيجي ما ادري ليش بالضبط ابجي على عبدالله الي راح وجذب علي ولا ابجي على ريولي الي ما امشي عليهم اااااخ اااااخ​

 

[غرآم الرؤح]

إبببدآع مآشااءالله ,



كمممممملي كككممملي نننآطريينن

 

[blueshiiya]

البارت التاسع :​

مرت فترة قبل السفر بطيئه و مافيها اي مغامرات غير بنات عمي و سوافلهم الي ما تنمل كانوا كل يوم يون عندي و طول هالفتره ما شفت عبدالله و انا اشتقت له مع انه غلطان وااايد بحقي وكل ما يدخلون علي البنات اسالهم سؤالي المعتاد​

البنات : السلام عليكم​

انا:وعليكم السلام​

البنات دايما احسهم ودهم يقولون شي بس يسكتون ينطروني اسال على شان يقولون العذر اليديد​

انا : بنات قولوا الصج اهوا ما يبي يشوفني​

حوراء: لا يبي يشوفج بس تسجيل الجامعه و اللويه تعالي صج انتي راح تكملين وانتي مسافره ولا تروحين هالكورس و تيعيدين السنه​

ادري انها قام تغير الموضوع و في شي مو راضين يقولونه​

انا: انزين اهوا فيه شي ولا لا تكفه طمنوني​

حوراء : والله والله ما فيه شي بس انتي شيليه من بالج و ان شاءاالله قبل لا تسافرين راح تشوفينه​

انا: انزين​

حوراء : مارديتي على سؤالي بتخلين الدراسه​

انا: ما ادري يسير خير​

حوراء : انزين​

ودايما يعدي اليوم من غير لا اشوفه ولا حتى يسال عني انقهر قام اقول لو اموت احسن لي بس قلت بخاطري كلام قلت راح انساه لما اسافر راح اشيله من بالي انا بروح علاج واول ما ارد راح اشوف لي انسان يحبني و احبه و لا راح اقعد دقيقه وحده وانا افكر فيه يعني شنو ترى اقصاه ولد عمي و بطقاق​

عدوا الايام بسرعه وصارلنا شهر ناطرين الروحه و كاني اليوم بالمطار انا و امي بنروح فرنسا على شان اعالج ريولي و مثل ما تعرفون فرنسا مشهوره بالعلاج للريول اول الاعاقه الجسديه بنات عمي يو وتمنيته يكون بينهم بسللاسف حتى ما فكر يقولي تروحين و تردين بالسلامه قلبي عورني بجيت و الكل عبالهم بجية اشتياق لاخواني و ابوي لاني كل ما حضنت ناصر ابجي اكثر و اهو يحظني اقوى ودي اقوله دامه اقرب شخص لك تكف قوله اي بشوفه قبل لا اروح وكاني اندز بالويل جير حق الطياره اودعهم و ما راح اشوفهم الا بعد تسع اشهر علاج او اكثر ااااااااااااااااخ يا قلبي وينه وينه ليش ما يه اكيد ما يبيني وحده معاقه شلون يرضى فيني ااااااخ اااااخ ركبنا الطياره انا و امي انا ما ادري شلون ابوي رضى امي تي وياي و اهي ما تعرف شي بالامومه كلش اصلا مو اهيا الي ربتني يدتي الله يخليها ربتي و اخر جم سنه خدامتنا ماريا اهيا الي تعرف اغراضنا و الاشياء الي نبيها امي يابتنا و ما تعرف شي عنا المهم نسيت اقولكم انه حمد و عمر بفرنسا يدرسون وراح يونسوني هناك واااي كاهي طارت اقصد الطياره نمت طول الطريج من التعب .​

ام عمر (ليلى): فروحه يمه فروحه قومي يمه وصلنا​

انا : هممم انزين​

ام عمر (ليلى): يالله خلينا ننطرهم ينزلون و بعدين احنا على شان الكرسي​

نزلنا من الطياره و استقبلنا عمر و حمد بالمطار​

حمد: هلا بالقمر والله صرتي مره​

عمر لمني حيييييييييييييييييييييييييييييل حسيت انه روحي بتطلع من كثر ما اعتصرني قمت اضحك راح يسلم على امي​

حمد: بعد القمر ما يعطي ويه شلونج​

انا : تمام انت شلونك​

حمد : بخي الحمدالله​

حمد يشبه عبدالله وااايد مع انهم عيال عم والصراحه خفت اني ما اقدر انسى عبدالله بس حمد اسلوبه غير وااايد و احلى من عبدالله​

طلعنا من المطار و رحنا المستشفى على طول استانست من عمر قاعد يسولف وياي واااايد وكل شويه يحظنني احبه وااايد صج انه حنون و قلت بقلبي ساعتها اذا امي بترد خلي تروح لان انا مرتاحه ويا عمر وااايد احسه ابوي الثااني​

عمر: ها يبه فرح عاجبتج الغرفه ولا نغيرها لج​

انا : لا زينه حلوه​

عمر: انا عجبتني تطلع على الحديقه مالت المستشفى​

انا : اي حلو المنظر يريح الاعصاب​

عمر: انزين انتي بوقت الفراغ شنو تحبين تسوين​

انا: امممممممم ما ادري كله العب ويا بنات عمي اونو مني بولي وكل الالعاب الي جذي​

عمر : لا غير هاللعب مثلا ترسمين تعزفين​

انا قمت اضحك شلون ما طرا على بالي العزف عمري ما فكرت اسوي شي جذي فيه احساس​

عمر : شفيج اي ولا لا​

انا : لا بس اذا بتعلمني ما اقول لا​

عمر : ههه يعني ما تعرفين​

انا : لا​

عمر : انزين شنو تبين تتعلمين الرسم ولا العزف​

انا: كل شي يي منك حلو​

عمر : الحين قولي خنشوف مني ولا مو مني​

انا ك خاطري اتعلم اعزف​

عمر: عيل هالشغله مو عندي انا علي احط لج لحظه تعالي صج تبين بيانو ولا اورغ (مثل البيانو بس صغير )​

انا : عادي بس منو راح يعلمني اذا مو انت​

عمر : الله يخلي حمدوو​

انا: يعني راح يعلمني واذا ما يبي​

عمر : بلا يبي اهو قالي اذا تبي تستغل وقتها بالعزف انا راضي اسليها شوي​

انا: وناسه يعني كل هذا متى اسوي جذي اذا انا العلاج مكثف​

عمر : وقت الفراغ علاج مكثف مو يعني 24 ساعه تمرين في فترات راحه بس يعني 5 ساعات او 6 تدريب​

انا : عيل ابي بيانو كيفي ابيك تصرف واايد علي​

عمر: ههههههههههههه اي اصرف راح ايب بيانو حمد عندج بالغرفه​

غرفتي بالمستشفى بالطابق الملكي لانهم قالو يبون يرحوني على الاخر​

انا : انزين​

عمر: خلاص من باجر اعدل الغرفه لج وكل شي راح يبي من التدريب على المشي و على البيانو من باجر جهزي نفسج​

انا : ان شاء الله​

عمر يه وباس راسي و مسح عليه​

عمر : يالله تصبحين على هير ارتاحي اليوم على شان باجر وراج يوم طويل​

انا: وانت من اهله​

طلع عمر من الغرفه و امي ما كانت عندي حسيت انه في شي بقلبي كابتته و بجيت ليمن نمت .​

قمت من النوم على صوت امي و عمر يسولفون​

ام عمر (ليلي): يمه انا ما اقدر اخلي اخوانك يمكن اعد شهر بالكثيرو ارد البيت​

عمر : تحسسيني صج حق اخواني مو لازم اصلا تكونين موجوده انا و حمد راح نقوم فيها قو هادي اختي الغاليه و اصلا اذا بتروحين روحي من اليوم مو لازم تغثينها​

​

_______________________________________________________
ما راح انزل اي بارت بعد الى لما اشوف ردود ان شاء الله واذا ما في ردود انا لله وانا اليه راجعون راح اشيل قشي ​

 

[غرآم الرؤح]

ععجيب ونااطرره الباررت الي بععدهه



Waiting ..

 

[Miss MzajeYa]

الروايه حلـِۈۋ‏وھّ حَبِيبْتيـِے

 

[Miss MzajeYa]

كملي حًيَاْٺۓِ

 

[Miss MzajeYa]

اب اب اب اب اب

 

[انوار الكوويت]

ااب كملي