قصتي الثانية : بعد شهور التقينا

[بنت مغليهإ]

اب اب ابب .. لاا وانا اختتش لاا تششيلين قشــش ولاا ششـي اححنا معااش ><!

 

[انوار الكوويت]

ناطرينج

 

[Miss MzajeYa]

اب اب اب

 

[انوار الكوويت]

اب
اب
اب

 

[بنت مغليهإ]

اسسمععي وآنـاا اخختش قشـج مااتشيلييييينهه وآنـاا بتـرببع ققدااممج وماارااح اخخليييج ترووحيييين الاا لمماا تككملييينن الرواييييهه .. ولاا بفقس عويينااتج ها .. ههههه سسجليني ععنندج ممتاابعهه نيييوووو .. ببس ابيي اسسأأل ممتى وققـت الببآآرت ؟

 

[غرآم الرؤح]

آب آب

 

[blueshiiya]

هههههههه ثانكس على الردود و وقت البارتات حسب المزاج لووووول
وهذا البارت لعيونكم

​

البارت العاشر :​

ام عمر (ليلى): والله وصار لسانك طويل علي انا امك هي تفهم​

عمر : يمه ادري بس مو حرام جذي تسوين على الاقل جانخليتي اي احد غيرج اي وياها اذا كنتي بتسوين جذي فيها​

ليلى : خير يا طير ترى بنتي و كيفي​

عمر: خلاص نسكر الموضوع لا تقوم من النوم على صوتنا​

ليلى: انزين​

امي قعدت يمي ماسكه تلفونها و عمر قعد على الفراش يمسح على شعري وااايد استانست حسيت انه وااايد يحبني سبحانك يا رب عوضتني باخوي الي يحن علي اكثر من امي تحركت يعني اني قعدت بطلت عيني عمر كان بويهي​

عمر: صباح الخير​

انا : صباح النور​

عمر : انا بطلع وانتي بدلي و غسلي على شان تروحين حق العلاج الطبيعي وانا راح ايب البيانو و انتي هناك و اخلي حمد اي على شان يدربج على العزف​

انا: اوك​

عمر طلع و انا امي قعدتني على الكرسي و ودتني الحمام و بدلتني و كل شي بس هم احسها موح نونه علي مثل ابوي و مثل عمر المهم خلصت و بعدين يت الدكتورة و خذتني حق العلاج الطبيعي قعدت 3 ساعات ومليت فقلت ابي استراحه قالولي اوك و كنا راح نطلع الحديقه بس شفت حمد واهو داخل المستشفى وعلى طول يا عندي​

حمد: شلون القمر اليوم​

انا : ههه تمام​

حمد : وين طالعه من اول يوم بتهيتين​

انا: هههههه لا ما ابي اهيت قلت بطلع الحديقه ملل و تعبت من التدريب باقيلي بعد يمكن 4 او 3 ساعات بس باخذ راحه​

حمد : عيل خلاص انا وياج نطلع و خلي المره تشوف شغلها​

اخذ الكرسي من الممرضه ورحنا الحديقه قعد على الكرسي الي يسير قبالي وسكتنا بس فتره قصيره لانه مبين حمد يحب يتكلم وااايد​

حمد: اي انزين شلون الترديب اليوم متعب واايد ولا عادي​

انا : عادي بس ملل ما ودي يكون عندي روتين​

حمد : و منو قالج بيكون في روتين كل يوم في شيه يديد يسير لج وراح تشوفين​

انا : شلون​

حمد :انا و اخوج يوم ينا اهني عبالنا نروح ندرس و نرد البيت بس لا نقدر نطلع ونتمشى بس في وقت معين وانتي ما عندج وقت معين نقدر نطلعج بس نطري اول اسبوع على شان تتعدل الامور​

انا: يعني راح تطلعوني​

حمد : انتي نطر اول اسبوع بس و بعدين من كثر ما تطلعين بتقولين اوف خلاص قعدوني بالبيت​

انا استانست و قمنا نسولف انا و حمد حبيت سوالفه حبوب و يونس كله يضحك نفس عبدالله كل ما اشوفه اذكر عبدالله لانه تقريب فيه وايد اشياء مثل بس الاسلوب اكبر و لا اهوا بكل شي يشابه​

بنص السوالف يت الممرضه تطلب مني اكمل الترديب​

حمد : عيل خلاص روحي تدربي و بعدين خلصي و صعدي الغرفه وراح اعلمج تعزفين​

انا : اوك​

ورحت للعلاج الطبيعي و طول الوقت احاول و احاول كثر ما اقدر بس ما كو فايده حسيت بياس و هالوقت بالذات دخل عمر حسيت بطاقه وقلت راح اكمل الساعه الباجيه واذنا مستانسه وصج كملت بامل اني امشي عمر يخليني اتحمس ويشجعني و يسولف وياي وانا اتدرب اتوقع انه الدكتوره شافت تطور فيني كل ما يدخل عمر غرفة التدريب مراسبوع و انا اتعالج و هم اتعلم العزف اسبوعي كان عادي و كلش مو ممل لانه كل يوم يسير شي يديد و حمد و عمر ما خلوني اذا واحد طلع الثاني يدخل و شكلهم مسوين شفتات علي و امي بهالاسبوع ما اشوفها الا اول ما اقوم تبدلي وبليل قبل لا انام هم تساعدني على لبسي و البجي كله الممرضه و عمر وحمد يساعدوني و يواسوني استانست واايد مع انه حسيت اني حمل ثقيل بس ولا مره بهالاسبوع عمر او حمد قالي اوف اليوم يوم السبت و من وصولي فرنسا لي اليوم ولا مره كلمت بنات عمي اليوم دقوا علي يبجون و يسولفون و بجوني وياهم استانست من هالشغله بعدها فكرت اني اطلع لاني مليت من الحديقه وقالي حمد انه يمر اسبوع و بعدين نطلع نطرتهم يدخلون علي الغرفه و فعلا شوي و دخلو كانو يايبين لي ورد كالعاده طبعا و صار عندي بالدرج مليون كرت مكتوب فيه ذكرى مره من حمد و مره من عمر​

عمر : صباح الخير يا حلو​

انا : صباح الخيرات​

حمد : صباح العسل يا عسل​

انا : صباح النور​

عمر : يبه انت شنو ما تستحي انا اختي استحي اقول لها وانا على طول ما في مشاكل​

حمد : بعد بنت عمي و كيفي مو صح فروحه كيفي​

انا : هههههه اي خله كيفه​

عمر : دامج مستانسه كيفه و كيفه و هم بعد كيفه​

حمد: ها رحتي العلاج اليوم​

انا : اي قمت الساعه 6 و رديت الساعه 10 قالت لي الدكتورة كافي اليوم​

عمر : اي زين حلو​

انا : عمر تكفه طلعني​

عمر : وين اطلعج​

انا : حمد قال عادي اطلع قالي اسبوع يتعدل الوضع و بعدين يسير بعد العلاج نطلع​

عمر : انته شنو بكيفك تالف​

حمد : شفيك يسير والله روح اسال الدكتورة اصلا راح يقولون اي تغير جو​

عمر : خلاص دام يسير من عيوني اروح اكلمها و اوديج لحظه وين تبين تروحين​

احان في باريس و كل شي فيها حلو ما ادري وين اروح كان خاطري اي لها وانا امشي علشان اروح اصور واايد واروح السوق وو بس انا ما امشي فقلت له​

انا : خلنا نروح متحف اللوفر​

عمر:اووه اوووه بتروح اللوفر شعرفج فيه​

انا : هههههههه شنو شعبالك ما اعرف شي في فرنسا يبه انا عمري صار 17 كل شي اعرفه عن فرنسا اصلا حلم كل بنيه كويتيه تروح فرنسا لانها دولة الموضه بعد شنو​

حمد : اوووووه اووووووووه كل هذا عن فرنسا خلاص بنوديج بنوديج كل مكان بخاطرج​

انا : وناسه انزين دقوا على امي و قولو لها تبي تي ويانا​

عمر : من عيوني ادق بس خلا اكلم الدكتورة​

___________________________________________
باجر انزل بارتين تعويض عن اليوم مشغوله سوري​

 

[sweet over]

رفع​

 

[انوار الكوويت]

up
up
up

 

[Miss MzajeYa]

اب اب اب اب اب

 

[رواياتي احلى]

م فهمت عبدآلله مآت ولآ شنو ؟
لآ صج قولوآ لي عبدالله مآت

 

[غرآم الرؤح]

لآ مَ ممآت بسس فررح سسآفررت لبآريسس ععلآج وععبدآلله موممبين لآآ ححس ولآ خخبر

 

[blueshiiya]

ان شاء الله الساعه 4 انزل بارت و بعدين الساعه 7 انزل بارت ثاني ​

 

[غرآم الرؤح]

نآطريننجج

 

[blueshiiya]

البارت الحادي عشر :​

عمر طلع من الغرفه على شان يكلم الدكتورة عن طلعتي , وانا استحيت اقول حق حمد ابي ابدل اطلع بره بعد سوالفنا احنا البنات كله فشله وعيب بس اهوا قعد شوي و بعدين يا قعد يمي​

حمد : ها ما تبين تبدلين​

انا : بلى​

حمد : انزين قومي قعدي على الويل جير​

انا : حق شنو​

حمد قعدي على شان لما انادي الممرضه تقدر تساعدج اسرع​

انا : حمد مشكور وااايد انا اذيكم واايد و امي الله يهداها كله طالعه​

حمد : شكو ماذيتني مع ويهج انتي اختي الثانية شفيج عاد​

قمت ابجي حيل اشتقت حق عبور و بنات عمامي و منصور و ناصر وحتى عبدالله اااااااخ يا عبدالله قمت ابجي زياده​

حمد : لا تبجين شفيج ترى ما فيها شي اذا سوينه لج كل هذا انتي حبيبتنا الحلوه فروحه ولا زم ما تبجين​

انا : مو مني تعبت بس ابي ارجع ما ابي امشي مو لازم خلاص وقمت ابجي زياده​

حمد: استغفري ربج فروحه حبيبتي الله يحبج على شان جذي بلاج وقومي اوديج تغسلين ويهج على شان تبدلين يالله بابا​

حمد انسان طيب وايد و هم حبوب احس قلبه نظيف ولما يعلم الشخص يعلمه بذمه و ضمير يعني يعطي كل وقته حق الي قاعد يعلمه وما يتنرفز بسرعه مثلي اتمنى اني احب حمد و انسى عبدالله ما ابيه ذاك ما يحس فيني وهذا مثل طيبته و قلبه مافي و على شان اقول الصح الي مثل حمد نادرين بوقتنا هذا​

شالني و حطني على الويل جير و دخلني الحمام غسل ويهي و ردني الغرفه​

حمد : فروحه​

انا :...........​

حمد: فروحه لا تبجين جدام اخوج ترى اهو متضايق من امج وراح تسير مشكله بينهم و الحين انادي الممرضه تساعد وان شاء الله نتوكل على الله​

انا: اوك​

حمد طلع و شوي و دخلت الممرضه ساعدتني ابدل و طلعت وراها على طول دخلوا حمد وعمر الغرفه​

عمر: الله الله تهبلين​

حمد : اقولك قمر ما تصدقني​

قمت اضحك​

حمد : اي يبا اي ضحكي ترى الدنيا مافيها روح و تعال​

عمر : شكو دامكت ما تعرف تتحجي لا تتحجى من الاساس​

حمد : افا بس افا فروحه شوفي اخوج مو حرام عليه يقولي جذي​

انا : اي قعدوا تهاوشوا ولا تودوني​

عمر : اي صح يالله​

حمد يا يدزني بالويل جير وقال بالمصر : طلباتك اومر يا امر (قمر)​

قمنا نضحك كلنا​

اول ما وصلنا عند باب المستشفى تذكرت امي​

انا : عمور وين امي​

عمر : ما تبيت ي قاعده ويه رفيجتها بالسوق​

انا : سوق و ما خذتني​

عمر : مو لازم توديج انا اوديج السوق و القهوه و كل مكان و ما عليج منها اي هي بعد اسبوعين و ترد وانتي راح تكونين وياي انا اوديج كل مكان تبين افا عليج يبه جم اخت عندي​

حمد : اولا عندك اختين و ثانيا صارلي سنه كامل هوياك اهني ولا مره قلت لي جذي ترى انزعل​

عمر : الحمدالله والشكر شنو مرتي (زوجتي) مرتي انته​

حمد : راضي بس دلعني حالي حالها​

عمر: تعالي حبيبتي تعالي و يلمه رضيتي​

حمد : اي رضيت​

انا قاعده اطالعهم و اضحك​

عمر : يالله خنروح لا نتاخر​

وصلنا عند الهرم مال الي اهوا بوابة المتحف ,راحنا خذينا التذاكر و بعدين نقينا قروب وبما ان المتحف كبير واايد احنا قلنا راح ندخل بس قسم الدينون و اهوا قسم اللوحات كان بخاطر اشوف لوحة الموناليزا و جم لوحه هم ملوت ديفنشي و بعد ما شفنا اللوحات على طول طلعنا من المتحف على طول رحنا نهر السين علشان نركب مركب صغير وناخذ لنا رحله بحرية حلوه لان كان وسمعو هالحوار قبل لا نروح ضحكني​

طلعنا من المتحف​

حمد: شرايكم نروح النهر​

عمر ك وين اخو بتروح​

حمد : النهر​

عمر :لا ما كو شنو نهر شنو خرابيط ما شبعت يا اخي الريال الي يسوق الطراد حفظك​

حمد : تكفه خاطر​

انا : خنروح​

عمر : انزين نروح وبعدين نتعشى و ترى اليوم خلصت الطلعه نرد المستشفى​

انا : اوك​

حمد : شفت الظلم انت تحب اختك اكثر مني ترى هاذي تفرقه​

انا قمت اضحك لان صج تعابير ويها و اهو يقول هالكلام تضحك و جنه صج مرت عمر​

عمر : حبيبتي انا احبكم انتو الثنيتين​

حمد : بس اهيا اكثر اكيد​

عمر : انا حمار ارد عليك امش خلصنا حسستني صج حبيبتي​

حمد : هههههه شسوي بعد اخر عمري صرت حبيبتك​

انا : انتو كله جذي​

عمر : اي والله كله جذي​

حمد : بعد شسوي اغار على ريلي​

انا : هههههههههههههههههه​

عمر : امش خلصنا خنروح النهر و نروح ناكل يوعان تفهم يعني شنو يوعان​

حمد : تعال اكلني بعد​

انا : خلاااااص سكتو​

و رحنا النهر و ركبنا المركب وكان الجو عجيب و استانس وااااااااااااااااااااااااايد​

وطبعا من اول الطلعه ليمن وصلنا المطعم حمد ماسك التلفون و يصورني ويصورنا ويا بعض و يصورني انا وياه بروحنا و مره ويا عمر و لقطات يوم قعدنا نشوفها تضحك​

المطعم كان ماكدونلز وطلبنا ماك فيش و بعد ما طلعنا قالي حمد​

حمد : هذا اسمه شارع اسمه الشانزلزيه​

عمر : و اي محل تبين تشترين منه ملابس او عطورات او مكياج مني انشاء الله ايبج مره ثانيه تشترين كلابس و اغراض​

حمد : ان شاء الله المره اليايه يوم ني اهني راح تكونين تمشين على شان تركض حق المحلات الي تبينهم​

استانست انه حمد مهتم باني امشي و ان عمر يفكر بطلعتي حسيتهم صج صج تعبوا وياي و هم يحبوني​

​

__________________________________________________________
هذا بارت و الحين بعد في بارت ثاني​

 

[blueshiiya]

​

البارت الثاني عشر :​

رجعنا المستشفى و امي كانت موجوده واول ما دخلنا سلمواعمر و حمد على امي و بعدين طلعوا امي ساعدتني ابدل و سالتي شنو سويتنا و قعدنا نسولف و بعدين كل وحده مسكت تلفونها انا قمت اسولف و يا البنات و اكلمه و تساب مسوين قروب و بنفس الوقت حمد كان يدزلي صورنا و اول ما يسيرون عندي بالجهاز ادزهم حق البنات بالقروب وكلهم استانسوا خصوصا طيبه , سولفت وياهم شوي بعد وبعدين نمت​

اول ما قمت كان بويهي عمر :صباح الخير​

ابتسمت له : صباح النور​

عمر : شلون اختي اليوم​

انا : تمام الحمدالله​

عمر : بقولج خبر مو حلو​

انا : ويه عسى ما شر​

عدلت نفسي و قعدت​

عمر : لا مو شي مو زين بس شي يمكن تتضايقين شويه منه​

انا : قو شنو​

عمر : انا و حمد راح نبدي الكورس بعد يومين و ما راح نقدر نشوفج وايد​

انا : هذا مو حلو مع ويهك​

عمر : اي مو حلو ولا تبين الفكه​

انا : لاما ابي الفكه بس انتو اصلا مني حق الدراسه مو حقي و اهم شي راح تيون لي كل يوم​

عمر : اي وعد كل يوم ني لج انا اقعد وياج وحمد يعلمج تعزفين​

انا : صج وينه عجيبه مو موجود​

حمد دخل وبيده ورد : منو هذا الي مو موجود​

انا : الطيب عند ذكره يبان​

حمد: ويه ويه استحي​

انا : ههههههههههه​

حمد: تفضلي الورد يا ورده​

انا : مشكور بس بس خلا ما ابي ورد راح يسير فيني حساسيه من كثره​

حمد و عمر : هههههههههههههههههه اسمله عليج​

عمر : قومي بدلي على شان تروحين العلاج الطبيعي و بعدين حمد بيعلمج مقطوعه يديده على قولته​

حمد : اي بعلمها و انت شحارك روح قوم ييب لنا قهوا انا و عمتك فروحه​

عمر : اقلب ويهك انا بروح ويا اسامه نشوف الجامعه شنو يبون منه (اسامه رفيج عمر و حمد سعودي خوش ولد )​

حمد : اوك انا راح اقعد ويا فروح ليمن ترجع​

عمر : ترى راح اطول لا تحاتون واذا تبون شي دقو​

حمد : اوك​

طلع عمر و قعدنا انا و حمد بروحنا حمد يا يمي وقالي : يالله قومي على شان تروحين حق العلاج الطبيعي ومد ايده حقي مسكتها و قعدت على الويل جير اهوا طلع برا و دخلت الممرضه ساعدتني و بعدين طلعت استغربت انها طلعت كل مره تبدلني و بعدين تسالني اذا ابي شي و تروح شوي ولا يدخل حمد​

حمد: يه يه يه شالجمال بنت عمي قمر جذي​

انا : بس عاد استحي كل ما تشوفني مبدله تقولي قمر​

حمد : وانا صاج بنياتنه قمر شن سوي بالله​

انا : اقوله بس يكمل ههههههههه​

حمد : اموت انا عالضحكه​

انا : حمد شالفصله​

حمد: اوووو نسيت بن عمي عيب ههههه على قولت عمر استح على ويهك​

قمنا نضحك و حمد وداني مكان العلاج الطبيعي و قعد وياي و هم ساعدني ويا الدكتوره امشي والصارحه احسه شاد حيله اكثر مني خلصت من مدة العلاج الطبيعي وكانت 6 ساعات اليوم و الصراحه تعبت رحنا الغرفه انا و حمد​

حمد: يبه فروحه شنو تبين غدا​

انا : عادي اي شي​

حمد: تبين اسويلج معكرونيه​

انا : هههههههههههه شنو تعرف تسوي معكرونيه​

حمد : اي شرايج عيل​

انا : سويلي راضيه​

حمد دخل المطبخ التحظيري و سوا لنا صحينين معكرونيه , امي كانت حاطه بالمطبخ معكرونيا و بسكوت و بطاط و خرابيط وااايد علشان اذا كنت ابي شي اسويلي و اكل​

وانا قام اكل المعكرونيه​

انا :والله تعرف تطبخ خوش شي​

حمد: اي عيل شلون عيل اضبطج انا بالبيت ويا اخوج كله انا الي اطبخ و اهو الي ينظف​

انا : هههههه الله يخليكم حق بعض​

حمد : امين​

وكلينا و بعدها قام و غسل الصحون حتى ما قال لي انتي غسليهم كان حيل مراعيني وبعدها قويني رحت غسلت ايدي و بعدين رحنا على البيانو​

حمد : فروحه اليوم بعلمج اسهل مقطوعه بالدنيا لما تعزيفينها​

انا : شنو اهيا​

حمد : اسمها فور ليز سهله واايد و حلوه​

______________________________________​

http://www.youtube.com/watch?v=rIi4pCWKQiQ&feature=related​

فور ليزك كامله​

__________________________________​

انا : انزين يالله علمني​

حمد بدا بالمقع الاول​

انا : اووووووو هاذي مالت الجسمي لا تقارني بغيري​

حمد : هههههه اي صح هاذي اهيا​

انا : اي كمل بعزف وياك​

وبدا يعلمني بكل برود اعصاب و دخل عمر واحنا ما ندري لانه كنا مندمجين باللحن واايد​

خلصت ولا يصف عمر​

انا : اوووه عمر​

عمر : اي عمر شنو ما شفتين يزو انا ادخل​

انا : لا والله كنت مندمجه​

حمد : اووووووووله صارلنا ساعيتن و ما حسينا بالوقت​

عمر و انا : ههههههههههههههههههههههه​

حمد : اختك شاطره و بسرعه تتعلم وان شاء الله باجر اعلمج شي ثاني لانج بسرعه تتعلمين راح ايب لج اصعب شي اعرفه​

انا : ههههههههههههه انزين و نشوف راح اتعلم اسرع من اليوم​

استاذنو مني وطلعوا و قعدت بروحي بالغرفه مليت قعدت اسولف ويا البنات وتساب و اخواني ناصر ومنصور سالتهم عن عبدالله قالولي بخير و اهوا طالع وياهم اليوم رايحين البحر​

من اول ما سوينا الحادث اهوى مو مكلمني و معطيني بلك بالوتساب و البنات ما يتكلمون عنه اليوم صج فقدته بس بسرعه شلته من بالي و قلت خلا اروح اعزف شويه ناديت الممرضه ساعدتي اقوم من على الفراش ورحت ح قالبيانو عزفت و عزفت و عزفت ليمن قمت اسويها من غير ولا غلطه وقلت راح اوري حمد باجر دخلت امي الغرفه و سمعتني وانا اعزف قالت لي حلو وفعدت تتكلم بالتلفون ويا رفيجتها انا الصراحه مو مهتمه لامي وااايد اهم شي انه عمر داير باله علي و اهوا اخوي و يحبني مرة باجي الليله​

____________________________________________
اتمنى يكون في ردود لي بليل واذا كان في ردود ان شاء الله انزل بعد بارت​

 

[Miss MzajeYa]

اب اب اب اب اب

 

[انوار الكوويت]

ااب

 

[Miss MzajeYa]

اتوقع فروح بَعَــ♡ـدْ ماترد م̷ـــِْט السفر تشُوٌفْ عبود وترجع له

 

[Miss MzajeYa]

*✆يسـلمَـٌٍوٌٍوٌٍ✆*™ علـّۓ البارت حًيَاْٺۓِ