قصتي الثانية : بعد شهور التقينا

[RzoOon]

تسلم ايدج قلب بس البارت صغييير هع

 

[RaHoFa]

وااااو ناايسسس روووعه اتوقع حمد بيخطبها

 

[alm9rg3a]

مشكوره تسلم ايدياتج قلبووووو بس ليش البارت قصير بليييييييييز عوضينا ببارت طويييل

 

[blueshiiya]

ان شاء الله بس ما اقدر انا خلصت القصه بس قام انزل بارت و را بارت
وجذي يعني خالصه بس اسوي كوبي و بيست


sorry​

 

[blueshiiya]

لكم هالبارت و ان شاء الله يكون شبه تعويض
_____________________________________________________

البارت الثامن عشر :​

​

اليوم الثاني كان على ذوق عمر طبعا ودانا برج ايفيل وهاذي كانت ثاني مره ما ادري شنو يحب بهالمكان بس اليوم كان غير كل التغير عن المره الي طافت اليوم الجو حلو ربيعي هواه بارد يشرح القلب المره الي طافت كنت ويا البنات و كان مطر قوي بس اليوم الجو جو عشاق بمعنه الكلمه كنا ما خذين سله فييها سندويشات من توست و مربى و توست وعسل و فواكه و عصير بعلب قعدنا على العشب البارد و اكلنا و ​

عمر : شرايكم مو احسن من القارب الي ذبحتوني فيه ​

انا : هههههه حرام عليك ترى والله القارب ما فيه شي يهبل ​

حمد قاطعني : اصلا انت جذاب يوم الصجيه ما تتحلطم و تستانس بس الحين ليش الجو حلو تعايرنا وتقول القارب مو عاجبك ​

انا : هههههههههههههه شفيك عمر زعلت مرتك ​

عمر بعبط : خلاص حبيبتي لا تزعلين تعالي ابوسج ​

حمد اهو الثاني بعد بعبط : ما ابي ما ابي زعلانه ​

عمر : لا مو كيفج تزعلين ببوسج​

وضحكتني طريقته شلون مسك راس حمد وباسه على خده غصب ​

حمد : ويييييييييييع شنو هذا حتى بوسه ما تعرف تبوس الله يعين مرتكب دمرها سعبيل ويييييييييييييع ​

عمر : هههههههه منو قال راح اتزوج غيرج يا بعد عمري (و يبوس الهوى)​

انا : خلاص لا تتحرش ذبحته خلاص اوف انتوا كله جذي ​

عمر وحمد : اسفين يا ماما ​

انا : ههههههههه سمالله علي اسير امكم مينونه انا ​

عمر : ليشم و سرت مثل ابوج اشوف مومينون ​

حمد : وانا بعد شنو مو مينون ​

انا : الصراحه انا المينونه الي يت و قعدت وياكم اهني جان قعد بالشقه اعدل اغراضي الي بحطهم بالجنطه ​

عمر : ترى الساعه 10 الصبح و طيارتنا وحده بليل يعني يمديج شماله مستعيله ​

انا : ما اعرف احس ناقصني شي ما ادري شنو ​

حمد : اكييييييييييييييد اكييييييييييييييييييييد ​

انا : اكيد شنو ​

حمد : اكييييييد انا ​

انا : مالت عليك عبالي عندك سالفه و بتذكرني شنو نسيت ​

عمر : شفيج على مرتي ترى تزعل بسرعه ​

حمد : ههههههه شفتي محد مداريني غير اخوج هالاهبل ​

و بعدها تمينا عن البرج نضحك ونصور و ناكل و كل شي مر على خير طول اليوم بس يوم وصلنا الشقه الساعه1 الظهر شفنا ناس واقفؤن عند الباب و كان باب الشقه مبطل كلنا استغربنا و على طول دخلنا الشقه و للاسف كان المطبخ كله محترق وجزء صغير من الصاله ​

عمر : افففف شنو هذا ؟ منو حرق البيت ؟​

حمد : اوووخص راح مطبخي ​

انا قمت ابجي لا تعصبون علي ترى كله مني والله ما ادري بس قلت لكم نسيت شي وما تذكرت ​

عمر : انتي شكو ​

انا : انا كنت مبطله الجوله و الغاز تذكرون يوم كنت ابي اسوي حليب بس بعدها قلتولي راح ناخذ علب عصير خليت البيز على الجوله وطلعت وياكم اسفه وبديت ابجي اكثر ​

عمر : ههههه مي خالف المهم ما صار فيها احنا شي بالشقه ول فينا الحمد الله ​

رحت عنده و قمت ابجي ​

حمد : كنت ابي ايب لج ماي بس ما في مجال من وين ههههههههه​

قمنا نضحك مع انه الموقف بالنسبه لي ما يساعد بس حمد طريقته تضحك قعدنا بالشقه شلنا اغراضنا من الغرفه و قعدنا بالصاله اليوم كنا راح نسلم الشقه للحارس واهي نضيفه بس بعد هذا كله اكيد راح نسلمه و عليها مبلغ لان الاثاث غالي المهم عدا اليوم على خير ليمن وصلنا المطار وكانت الساعه 12 و ربع لانه موعد الطياره تاجل ليمن الساعه 1 ونص قعدنا المطار خلصنا كل الاجراءات اللازمه من تذاكر و جناط و بعدين قعدنا بكوفي شوب ​

انا : ادق عليهم ولا لا ​

عمر : دقي و بلغيهم ما فيها مشاكل ​

حمد رجع من الحمام ​

حمد : ها شفيكم ​

انا : ما ادري ادق عليهم اقولهم انه الطياره تاخرت و لا لا ​

حمد : هههه اصلا سبقتج دقيت على طيوب وقلت لها و قالت اهي بتهتم بالباجيو تقول لهم ​

انا : احسن لان ما كنت ابي اكلم امي نفسيتها معاي مو حلوه ابدا ​

عمر : هاااا لا امي ما في مثلها طيبه و تحبنا و ما فيها شي اذا تضايقت انتي صارلج فتره و ما كلمتيها الا اليوم ​

انا : اي انا ما كلمتها مو المفروض اهيا تدق اشوف حوراء اربع و عشرين ساعه تكلمني و ما تقول لا رصيد و لا تخاف من احد ​

عمر : حوراء غير عادي بنت عمج هذيك امج ​

انا : تدرون اكثر وحده اشتقت لها من الي بالكويت حوراء والله بدونه حياتي ولا شي ​

حمد : علينا حوراء متاكده ​

انا : حمد بلا عبط اكيد حوراء ​

عمر : هههههه بسكم نجرا يالله شربو قهوتكم خلونا نروح حق الطياره شوي و تقلع ​

انا و حمد سمعنا الكلام بدون اي نقاش وفعلا شربنا القهوه و طلعنا ​

ركبت الطياره و كان بالسمى تذكرت اخر مقطع من اغنية بلد الضباب ​

( اشتقت لج يا ديرتي من اولي لي منتهاي رديت لج مشتاق يا احلى ديره )​

و الصراحه كانت هالكلامت من قلبي شهور مرت و انا مو فيها و احس كل شي فيني سوا ريفرش لان كنت متضايقه و الحين خلاص حاطه في بالي انسى عبدالله و كل شي فيه فكرت و فكرت ليمن ما حسيت بشي نمت شسوي تعبانه بعد يوم وااايد حلو و صلنا الديره و صج لو عنها سافرنا الشوق يرجعنا حب الوطن غالي و العيشه في جنه ​

حمد : هاج شيلي الهاند باق لاني تعبت ​

انا : اوك ​

عمر : هاك شيل الثانيه فروحه ترى بنروح بيت يدي على طول اوك ​

انا : اممم انزين ​

حمد : اي بتشوفين حبيبت القلب و غمز لي​

انا الصراحه مو مرتاحه ما ودي اشوف عبدالله يعني ان شاء الله مو من اول يوم اوصل ​

شلنا الجناط و طلعنا و كانوو حوراء و منصور يستقبلونا على طول لميتهم و قمنا نبجي ونصارخ و صج وناسه لاني حيل مشتاقه لهم غير عن الباجي هذول الغالين ​

ركبنا السياره و بدا التحقيق ​

حوراء : واااااااااااي فروحه حدي متاقتلج اليوم راح تنامين عندنا ما راح اخليج تروححين بيتكم ​

انا : من عيوني بس بروح اعدل اغراضي و اطلع الهدايا ​

حوراء : الهدايا طلعيهم في بيت يدي و الجناط عطيهم الخدامه تسويهم لج بلييييييييييييز فروح تكفه انتي و عبير وطيوب نامو عندي اليوم بلييييييز ​

انا : خلاص انزين راح انام بس بشرط ​

حوراء : راضيه بكل شروطج جم فروحه قمر عندي ​

انا : حتى انتي عدوج قمتي تقولين قمر ​

حمد : ههههه لا تبوقين كلماتي ​

منصور : اصلا هاذي كلمتي بس من زمان ما قلتها حقها ​

عمر : بسكم نجرا خلو البنات يسولفون ويا بعض و انت قولي سويت اول ما رجعتوا ​

حوراء : فروح شنو شرطج ​

انا : انتي تنامين على الارض و انا على السرير بروحي ​

حوراء : انزين نشوف شنو يسير و راح اخليج تنامين على السرير ​

انا : عيل موافقه راح انام عندج ​

حوراء : احبج والله واااايد و لمتني ​

​

__________________________________
البارت الاخير راح يكون الياي ناطره ردودكم​

 

[سناشص]

ثانكس حبيبتي على الروايه الرائعه
و احنا ننطر النهايه على نار
وصراحه الروايه رائعه
الى الامام (*-*)​

 

[حنطاويه عسل]

الروايه حدها عجيبه
يعطيج العافيه
ناطرين البارت

 

[alm9rg3a]

وااااااااااااي مشكوره واااااايـــــــــــــــــــــــــــــــــــد وناطرينج بس بليييييييز نزلي البارت اليوم المغرب بليييييييييييييييز طلبتج لا ترديني

 

[Miss MzajeYa]

اب اب اب اب اب

 

[انوار الكوويت]

ااب ناطرينج

 

[RzoOon]

البارت عجيييب تسلم ايدج

 

[غرآم الرؤح]

وووآي مآوودي تخخلص آلروآييه
ننآطرين آلببآرت آلآخخيرَ ععلى ننآررر

 

[نونو 1990]

نزلي آلبارت اليوم

 

[نونو 1990]

بليزززززززززززززززززززززز
اب
اب
اب
اب
اب
اب
اب
اب
اب

 

[RzoOon]

ناطرينج قلب متى البارت????

 

[انوار الكوويت]

ااب

 

[alm9rg3a]

آب آب آب آب آب
آب آب آب آب
آب آب آب
آب آب
آب​

 

[blueshiiya]

ان شاء الله انزل البارت الحين واسفه على التاخير
بس شسوي انشغلت كاهو التعويض :$​

 

[blueshiiya]

​

البارت التاسع عشر :​

وصلنا بيت يدي و الكل كان موجود طيبه من اول ما شافت حمد راحت تلمه و الكل سلم وخلصت المناحه لان الكل يبجي و يضحك و كل واحد و جوه امي كانت موجوده سلمت علينا بدم بارد كرهتها حيل حسستني ان احنا مو عيالها ما اهتميت يدتي و حريم عمامي اهتماو لي واايد و لهوني عنها و عنه اي عنه اكيد لهوني عن عبدالله الي توني اليوم اشوفه من بعد شهور طوييييييييله من بعد فراق طويل ​

ساره (ام حمد ): فروحه حبيبتي احاجيج ​

نسيتها و ما رديت عليها بس قام اطالعه شلون يحضنهم و يبوسهم ولا مهتم لي حتى ما جنه حبيته واايد ما جني عشقته وو​

قطع حبل افكاري يوم يا لي عبدالله : حمدالله على السلامه فروحه شلونج ​

انا : .................................​

مصدومه جذي بس ترد تكلمني بكل هالبرود وينك عني يا عبدالله حتى ما كلفت نفسك بمسج قمت اطالعه بنظرة عتاب بنظرة احس حمد شافها نظرة حقد و يمكن تدخل بالوقت المناسب ​

حمد : فروحه شرايج يبه انا وياج نروح الحديقه تبين هوا يديد مو صح ​

ومن غير كلام رحت وياه لان اهو الوحيد الي فهم علي من غير اي شعور قطيت نفسي بحضنه و قمت ابجي ابجي قهر ولا ندم ولا حسره ول شنو ما ادري ​

حمد : فرح خلاص مسحي دموعج على شنو تبجين ​

انا : شفته شفته بكل برود جذي سوى حمد احبه والله احبه لي جذي يسوي مو حرام حمد ااااااخ ااااااااااااااااااااااخ و قمت ابجي بحسره ​

حمد : خلاص فرح عادي ترى اليوم اهو يا يسلم يمكن يبي يرد الماي لمجاريها و يمك.....​

قاطعته وانا اصرخ عليه : انت انت يا حمد تدافع عنه انت تحبني وانا تعلقت فيك وااايد بس يوم شفته كل شي انكسر من بعد ما بنيته انتي تحبني المفروض تقوليه انسيه و خليه يولي حمد ليش جذي تسوي ليييييش و قمت ابجي ​

حمد : مسحي دموعج فروحه حبيبتي ترى مهما يكون انا ما ارضى تبجين و بعدين عمرج شفتي احد يحب و ما يضحي على شان الي يحبه انا حبي اعمى و انسي افكر اخلي شي بخاطرج انا احبج بس ادري حبي يا متاخر و انتي تحبينه من زمان ليش افرقكم اذا كان في امل بسيط ترجعون لبعض امشي غسلي ويهج و قعدي بالحديقه اناديه تقعدون تسولفون و بعد نقعد كلنا نلعب و نتغشمر ويا بعض شرايج ​

سمعت كلامه بدون ما اقاطعه معقوله معقوله حمد قلبه ابيض و نظيف جذي معقوله ما يبي يجرحني و يجرح نفسه و يعور قلبه بي لا انا ما ابي الي باعني على شان نفسه و هواه انا ابي

انا : حمد راح اسوي الي تبيه و بعد ما اخلص كلامي ويا عبدالله ابي اكملك يسير ​

حمد مسح دموعي : من عيوني جم قمر عندنا احنا ​

رحت غسلت ويهي و على طول طلعت الحديقه قمت احاول اتنفس بطريقه صح شنو اقوله ولا اسمعه بعدين اقوله الي بخاطري ولا شنو اسوي ​

عبدالله كان قاعد على الديرفه و رحت قعدت الصوب الثاني بعيد عنه بمسافه معقوله و اقدر اسمعه فيها بس ما كنت حابه اقعد اقرب من جذي كنت هاديهو ساكته ناطرته يتكلم و اتوقع اهو نفس الشي ​

عبدالله : فرح انا اسف ​

انا : ...............​

عبدالله : فرح غلطت بحقج واايد ادري قلبج كبير وراح تسامحيني سامحتيني مره سامحيني هالمره و وعد راح اخليج اسعد بنت بالدنيا بس سامحيني ​

انا : .....................​

عبدالله: فرح لا تروحين بتفكيرج بعيد انا ​

انا انفجرت و عصبت و هالمره طلعة صوتي عالي بس متوازن و صج شلعته من قلبي: انت شنو ها انت شنو خاين امشيها ما عندك قلب امشيه انت لو فيك ذرة انسانيه ما تعوقني وتروح ​

سكتت فتره و قلت : حتى ما فكرت تسال عني ما دزيت حتى مسج اعتذارااااااااااخ صالي 9 شهور تسعه تفهم يعني شنو تسعه مو مكلمتك ولا مره ​

سكت فتره طويله و تنهدت : تدري شلون خاطري عافك انت ما سالت فيني غيرك الي ما شافني الا وانا معاقه حبني و شالني فوق رفعني ساعدني وقف يمي​

عبدالله قاطعني : بس فرح انا احبج تقدرين تنسينه اسرع من ما تنسيني ​

انا : شنو تبيني اسوي نفسك اعض اليد الي تنمد لي لا انا اسفه احنا عيال عم و الحمد الله كل شي تمام و حلو و كل شي بينه انتهى لا تفتح الموضوع مره ثانيه خلاص انا تعبت منك عفتك لاعت جبدي منك ما ابيك ​

وقمت عنه وعلى طول بدون تفكير رحت حق حمد و سحبته من بيد الشباب و وقفت جدام عبدالله : شفت هذا شفت هذا كان يبيني ارد لك شفت هذا هذا كان يبي يخلي قلبي لعبه بايدك ليش على شان انا ما ازعل بس ما درى اني احبه اكثر منك و ما راح احب غيره بعد طول ما اهو وفي معاي ​

لفيت ويهي على حمد الي منصدم مني : حمد انا احبك و ما ابيه حمد انت تحبني صح ​

حمد : فرح انتي من صجج ​

انا : اي من صجي انت تحبني ولا لا قولي ​

حمد : فرح شفيج ​

انا : حمد قولي اي ولا لا ريح قلبي تكفه و بديت ابجي بكل قوتي الباقيه ​

حمد : .................​

انا ما حسيت بنفسي من بعد سؤالي الاخير لاني حيل تعبت و ما فكرت الا بجواب حمد ​

قمت شفت الاجهزه حولي و غرفه بيضه و محد موجود عندي بس فجاه سمعت صوت موسيقى اي صوت موسيقى بس من وين هذا صوت جيتار و فجاه صوته يغني اغنية الجسمي والله ما يسوى اعيش الدنيا دونك ​

حمد دخل الغرفه و اهو يغني وفجاه سكت : فرح انا احبج ​

انا : ...........​

كنت تعبانه و ما اقدر ارد ​

حمد: ادري انج تعبانه بس ارتاحي وان شاء الله اول م تقومين راح اكلمج ​

و بالصبط سمعت كلامه كملت نومي من غير تفكير كنت تعبانه حيل ​

اليوم قمت الساعه اربع العصر و ما ادر ياليوم اي يوم لاني صج تعبانه و ما اهتميت للوقت دخلت الحمام مع الدريب الي على ايدي رحت تسبحت و غيرت اهدومي وطلعت وليقته قاعد بالغرفه يعدل الاغراض و كان حاط بوكيه ورد كل العاده ​

انا : شنو ما زهقت من كثر ما تشتري بوكيهات ورد ​

حمد لف ويهه علي : لا ما شبعت ولا راح اشبع شلونج اليوم ​

انا : الحمد الله حمود انا اليوم رضيت بورد بس باجر ابي كاكاو ​

حمد : هههههههههه طماعه بس من عيوني افا عليج كل شي تطلبينه اوامر ​

انا : تدري شنو تذكرت ​

حمد : فرنسا اكيد ​

انا : اي والله ​

حمد : تدرين امس شريت لج بيانو وحطيته بصالة بيتكم ​

انا : احلف ​

حمد : اي والله ​

انا : وناسه ​

حمد : اي ادري يالله خنروح البيت ​

انا : وين نروح وهاذا على ايدي ​

حمد : هههههه نسيت لحظه راح نادا الممرضه و قال لها تشيله و شالته و على طول رخصنا الدكتور ​

بالسيارة خذيت تقرير كامل عني نمت بالمستشفى يومين من غير ما احس لاني كنت تعبانه و كان سبب دخولي المستشفى انهيار عصبي اول ما دخلت البيت صار علي هجوم بوسات من حوراء و طيبه و عبير ​

انا : ههههههههههه بس خلاص تكفه بس ​

حوراء : يالكلبه اشتفنالج وااايد والله بدونج حياتنا ولا شي ​

عبير : الحين كنتي بفرنسا طول الوقت بالمستشفى شنو ما شبعتي ولا قمتي تحبين المستشفى ​

طيبه وخرتهم عني : خلوها تتنفس تعالي حياتي قعدي و سولفي وياي و خليهم يولون عنج ​

امي : خلوها بنات تقعد و بعدين كلموها حمدالله على السلامه فرح ​

انا : الله يسلمج يمه ​

البات قعدوا بس انا ضليت واقفه ​

البنات كلهم بصوت واحد : شفيــــــــــــــــج ؟!​

انا : وين البيانو ​

حمد : زين تذكرتيه روحي صوب الثاني من الصاله ​

ورحت ولا اشوفه مرتز بالصاله وشكله راقي و حلو بطلته و علىطول عزفت اول مقطوعه علمني اياها فور ليز والكل استانس يوم قمت اعزف و صج حسيت براحه نفسيه من سمعت صوت البيانو لانه ذكرني بفرنسا احلى ايام عمر ​

حمد اول ما خلصت المقطوعه : بنات و جدام خالتي ليلى كلكم تدرون اني احبه و ابي موافقه منج لي يا خالتي ​

امي ضحكت : انا موافقه بس لازم تقول حق ابوها البنت صغيره ​

انا : شفيكم و موافقه على شنو وانت هيي تحب منو ​

ابوي دخل الصاله وصار هجوم عليه حمد : عمي قول موافق ​

ابو: على شنو يا ولدي خلا اعرف بعدين اوافق ​

حمد : ابيها وياشر علي ​

ابوي ضحك : اخذها ​

حمد : لا صج متى الملجه ​

انا : ملجة منو قولولي شفيكم ​

و بعد سؤالي جاوبوني و قالي حمد انه امي و ابوي موافقين اتزوجه انا عمري صار 18 سنه بس ليمن الحين ادرس و الصراحه من غير ما استحي وافقت و الكل استانس و تم الزواج و سويت عرس ما صار ولا استوى ​

بعد 9 شهور من زواجنا انا وحمد الي تم على خير حمد دخل البيت ​

حمد : السلام عليكم شلون القمر اليوم ​

انا : تمام و شلون ابو بيبي اليوم ​

كنت بالشهر السادس و اي حامل بتوام بنات وقررنا نسمي البنت الاولى شوق و البنت الثانيه نور ​

شوق انا اخترته لاني ليمن الحين افكر بعبدالله الي من بعد العرس ما اعرف عنه اي شي و نور نقى اسمها حمد على فرنسا المكان الي التقينا فيه مدينه النور ​

​

​

تمت بحمد الله .....​

___________________________________​

ادري قلت 20 بارت بس الصراحه ما حبيت اطولها لي المدرسه وحبيت اخلصها​

لكم و ترتاحون من التعذيب لووول اتمنى قصتي نالت على رضاكم و اعجابكم و​

ما ازعجتكم و يمكن اذيتكم او مللتكم بس شنسوي هذي اهي القصه و​

انا الي قدرت عليه سويته ​

​

باذن الله راح اكتب قصه يديده و اذا قدرت اخلص اول بارتات قبل المدرسه​

راح انزلهم لكم و يا رب كل الي قرت هالقصه تقرى الثانيه و شكرا j​

 

[RaHoFa]

وواااااووو جننااانن
تسسلمين حيياتي
وماقصرتي
وعبدالله تبن حقير شقووول
حمد وااه فديته بسس