قصتي انا ضعيفه السمع (تراها انا دشوا)

[سمراء اليل]

بسم الله الرحمن الرحيم
الحمد لله و ماشاء الله سبحان الله العظيم
ابدى قصتي انا سمراء اليل
عمري 16 سنه واعيش في الكويت
اكتب قصتي لكل انسان اساله ان يرحم ضعفاء السمع ولا تقولون لهم ابدا ماتسمعون
القصه
ايام الصف السادس ومن يومها كرهت معلمات الانجليزي
كان علينا املاء انجليزي وانا ماكنت ادري عنه والمهم الابله قعدت تزفني بدون ضمير لاني قلت لها ما سمعتج يوم قلتي عن الاملاء كلامها ماسمعتته كله لاني كنت منزله راسي (كنت اسمع الصوت بس ما افهم ولا كلمه لاني اقرا الشفاء)ويوم طالعتها قالت انتي اصلا ماتسمعين ونزلت راسي مابي اعرف الباقي
ويوم خلصت الحصه بدت الفرصه بكيت لانها قالت لي الكلام امام الصف اما البنات قامو يهدوني ووقالو ماج شغل فيها 000000الخ وقلت لامي ودقت عليها وانكرت انها قالت كل الكلام

وقصص واجد ترا قلبكم ماراح يستحمل
المهم انا اليوم اسمع افضل من قبل لاني زرعت القوقعه وافتخر اني ضعيفه السمع لدرجه بسوي نادي لضعاف السمع والحمد لله ضعف السمع عندي نعمه لاهلي امي مخففين دوامها لان عندي اعاقه والمدرسه الخاصه دخلتها بالصف السابع ببلاش على حساب الحكومه وسافرت علاج مرتين للندن ومره لمصر
وكل ما اتمناه ان تتبرعون بنقود من اجل ضعاف السمع لان العائله الفقيره لاتتحمل تكاليف السماعه لانها غاليه جدا وان ترحمون ضعيف السمع وان تساعدوني على نشر الموضوع

 

[HearT ChocolaTe]

الله يشافيج ويقر عيون كل ام صابره ومتحمله
والحمد لله على سلامتج وخلي هالامور تزيدج
قوة وثبات ... والله يوفقج لما هو خير

 

[طبعي كذه]

الله يشافيكي

ويشافي الجميع ومشكوره على اهتمامك وحرصك لنشر الوعي بخصوص هذا المرض

 

[النملة نواري]

الله يشافيج ان شاء الله و يفرح قلبج
تصدقين حتى انا ما اسمع عدل و الله ساعات اسمع صوت بس ما ادري شنو الي قاعد ينقال
و سبحان الله هم بدت فيني هالسالفة لما كنت بسادس و كل ما اروح مكان يقولولي فيها شمع
بس ياربي حتى غسيل الاذن ما نفع معاي
احس ساعات اني ما اسمع كلش و الله اتضايق من السالفة لاني اتضايق لما الزق بالي جدامي عشان اسمع صوته و افهم شنو يقول
سوري طولت عليج

 

[سمراء اليل]

الله يشافيج ان شاء الله و يفرح قلبج
تصدقين حتى انا ما اسمع عدل و الله ساعات اسمع صوت بس ما ادري شنو الي قاعد ينقال
و سبحان الله هم بدت فيني هالسالفة لما كنت بسادس و كل ما اروح مكان يقولولي فيها شمع
بس ياربي حتى غسيل الاذن ما نفع معاي
احس ساعات اني ما اسمع كلش و الله اتضايق من السالفة لاني اتضايق لما الزق بالي جدامي عشان اسمع صوته و افهم شنو يقول
سوري طولت عليج

لا عادي بس انا جربت القوقعه ونفعت معاي حيل حتى بديت انسى الشفايف

 

[أيام حلوة]

الله يعيطيك العافيه يارب وتشوفين كل خير يارب حبيبتي حبيت اسئلك انتي لما زرعتي القوقعة كم كان عمرك وقتها وهل

القوقعة هذي دائما على طول العمر ولا تتغير كل سنه ؟؟

 

[الصابرة المحتسبة]

الحمدلله على نعمه

واللي حصل لج من المعلمة شي وارد للأسف البعض وليس الكل ماعندهم دراية او خبرة كافية .

والحمدلله انتي ان شاء الله احسن واحسن ويارب نسمع عنج كل الامور الطيبة.

 

[رتو الكيوت]

ياحياااتي الله يشفيج

 

[سويت فانيلا]

الله يشافيك اختي

 

[عروس بنفسجيه]

طهوره

 

[حبي لكـ وهـم]

عسسى ان تكرهوا شيئا وهو خير لكم


حبيبتي مبروك رجوع السمع لج

وانتي مبين عليج انج حساسه انا اعرف وحده ماتسمع عدل تقول نعمه من ربي اني ما اسمع اي شي سخيف او نميمه او حش بالناس

 

[حلويات ومكسرات]

الله يشفيج انتي نفس حالة ولدي

وصيري قوية لاتصيرين حساسة

وبغيت اسالج وين سويتي عمليتج وهل تحسين بازعاج او عوار راس ادا لبستي سماعتج الحين بعد القوقعة لاني ودي اعرف هذا

الشي واذا سالت ولدي مايعرف يجاوبني لان توه صغير

 

[امي الحنونه]

الله يشافيج

 

[أحبك أمي]

الله يشفك حبيبتي
ويخليلك اهلك

 

[العز انا]

الله يشفيج

 

[قــل مـا تـشـاء]

الله يشااافيييج ويعااافيج حبيبتي
وزين عندج قوة ارادة ,,

 

[البطه البلدية]

الله يزيد من قوتج و صبرج يا رب
انا هم امي ضعيفه سمع .. احسها مرات تتحسس من الناس لانها ما تسمع عدل
وصح السماعه الوحده اردى وحده ب 500 دينار ..
الحمدالله على كل حال

 

[ام دليار]

الله يشافيكي يارب

 

[سمراء اليل]

مشكورات يا خواتي والله ما توقعت هذي الردود نشرت القصه بجم منتدي ولا احدرد اكثر من ثلاث ردود واذا كل وحده لها سؤال تراسلني علي الخاص لاني مو دايم اشوف مواضيعي