قصتي من سكرتيره الى معلمة افتخر بنفسي

[^^طالبه^^]

مرحبااا بنات شلونكم
اللي يتذكرون نكي راح يعرفون انا منو لكن ابي أقول للي اول مره يشوف الموضوع بحالتي

انا بسنة 2012 شهر واحد تحديداً
تخرجت من التجاري و حطيت اسمي بديوان انطر الوظيفه فطولت وقعدت 9 شهور وللحين ما نزل اسمي فكلمتني رفيجتي علشان اعيد الثانويه وياها فرفضت بالبدايه و قلت زين انا خلصت من الدراسه تبيني ارد ثاني مره وخصوصا اني خريجة موحد يعني نسبتي ب10 و11 بتأثر علي والاعاده فقط لـ12 فحاولت فيني وحاولت قلت اكلم اهلي بالاول واهلي هم رافضييين رفض تاااام
وانا حلم عندي من وانا صغيره أكون معلمة تربية إسلامية قمت احن وازن قلت اجرب حظي كورس واحد بس بعدين اذا ماجبت نسبه اطلع ما اكمل و امي رافضه لكن ابوي اقتنع وخلاني ادش استمريت مع رفيجتي الى ماخلص الكورس الأول وطلعت بنسبة 82 و رفيجتي طلعت 80
و قررنا نكمل :yaaaaaarb: وكملنا قبل امتحانات الفاينل شهر 5 نزل اسمي بالوظيفة مترشحه اني أكون سكرتيره بمدرسة :rgewrg: قهررررني هالخبر حزتها الكل صار ضدي فجاءة الا ابوي ساكت كلهم يقولون انتي بتكملين تصيرين معلمه مو بنهاية الحين حصلت لج وظيفه بمدرسة و معاش زين وامي طبعا صافه وياهم :eh_s(16): المهم ابوي قالي علقي الوظيفه و خلصي امتحاناتج هالاسبوعين بعدين يصير خير وفعلاً خلصت امتحاناتي وطلعت بنسبة 76 و رفيجتي بنسبة 76 مثلي طبعا الي نزلنا التراكمي مال 11 و 10 ولا المفروض احنا فوق 80 نسبنا ، المهم الحين انا جبت نسبة والوظيفه قدامي يا اكمل بكلية التربية الأساسية او اني اقبل بالوظيفه استخرت و استخرت واستخرت وكل ما استخير القى اني مرتاحه حق استكمال الدراسه بس الي حولي اينتقدوني ويقولون درب عليج و مادري شنو و و و و و ,,, وابوي بعد صف وياهم يقول مابيج تتعبين بعد 4 سنوات وبنهاية والوظيفه عندج الحين جاهزه


الا اخوي كان صاف وياي واخذني من ورا ابوي وامي و رحنا قدمنا على كلية التربية الأساسية بدون ابوي مايدري وقلت علشان خاطر ابوي بسوي إجراءات الوظيفه عساس اتوظف ,, قدمت اول شهر 7 للكلية و اخر الشهر توظفت بالوظيفه ، ومر شهر 8 كله وماطلعت الاسامي واحاتي انه مايقبلوني وشهر 9 طلع اسممممممي الا انا مقبووووووووووووووووووووووله ويا رفيجتي بتخصص تربية خاصة دراسات إسلامية :eh_s(2)::eh_s(2)::eh_s(2): الحين شلون انا موظفة ومايصير قانوناً اجمع بين الوظيفة والدراسه الا بتفرغ دراسي وشروط التفرغ لازم أكون مقدمه خدمه سنتين و و و ....

المهم بعد مادروا ان طلع قبولي بهالتخصص الى الان الكل ضدي يقولون انتي مستوعبة بتدرسين معاقين و عباله عليج و ماكو مدارس الا بعيد عن بيتكم بحولي بس و و و حجي وااايد وطاقه سلبيه المهم كنت مصممه اني ادش الكلية و فعلا ابوي بعد ماوصلني القبول طخ و وافق اني اكمل واقدم استقالتي و قدمتها بس في مشكلة ؟؟؟؟؟؟؟؟؟؟؟؟؟

انا مو راضيه على التخصص و مجهول وكل ما اسال عنه ماحد يعرفه شسوي شالدبره
سالت بالمنتدى اهني في وحده طلعت مقبوله بتخصص من 2007 مثل تخصصي وتخرجت منه وكانت اول دفعه بتخصص وقالت انا تخصصي تفوق عقلي مو اعاقه عقلية يعني انا ادرس المتفوقيين لان يحتاجون رعايه خاصه علشان يبدعون ويصيرون نوابغه و قالت افضل شيء تختارين تفوق عقلي اذا تبين المدارس العاديه و رفيجتي قالت انا ابي اعاقه عقليه لان مواد الإسلامية فيها اقل 10 مواد بس وانا مواد الإسلامية عندي 15 ماده والباقي تربيه خاصه
وفي الكورس الأول كنت افكر اني هج من هالتخصص بس اشوه كنت ماخذه ماده مقدمه في تخصصي اللي اهيا الموهبة والتفوق العقلي فعرفت ان تخصصي غيرررر عن التربيه الخاصه هذول ناس متفوقين متميزين في مدارسهم محتاجيني انا علشان اعلمهم واثقفهم اكثر من الطالب العادي علشان يصيرون مبدعين ومتفوقين ونسب ذكاءهم تفوق 130 فقررت اني اقعد بهالتخصص


دشيت شهر 9 2013 الكلية :eh_s(10):


الميداني وكورس التخرج
بشهر 9 2016

يعني تخرجت بثلاث سنييييييين :ggdw::ggdw::ggdw:
وبتقدير جيد جداً

اللهم لك الحمد اللهم لك الحمد
حالياً انا معلمة لتربية الإسلامية في المدارس العاديه
وافتخر بنفسي اني اجتزت كل هالعقبات بحياتي علشان أوصل لهذا الشيء الي انا فيه الحين بفضل من الله وتوفيقه لي

بنهاية موضوعي حابه أوصل فكره
انتي كبنت شوفي وين نفسج تلاقينها و روحي بهذا الشيء بس اهم شيء استخيري قبل كل شيء
ترى بناء الذات و زيادة الشهادات شيء مو فخر اذا اخذتيها بساهل ... لكن اذا تعبتي عليها و جازفتي اكييييد بتفخرين بنفسج والي حولج بعد بيفتخر فييييج


انا من تجيني بنت تقول انا تخرجت بنسبة تدخلني دبلوم انصحها انها تعيد الثانويه الدبلوم هالايام مايوكل عيش ولا له فايده بس وظيفه والسلام :dfgl:

واللي تبي أي شيء تكتب تحت الموضوع وان شاء الله ارد عليكممممم
بخصوص الكلية
او الوظيفه
او إعادة الثانوية
:balo: