قصر بالرحم وولاده مبكره الي عندها خبره تدش

[om . alzeen]

انا ولاده مبكره بالاسبوع ال ٢٠

بس للحين ماوصلت الاسبوع ال ١٢ عشان نشوف عنق الرحم

كان ودي افيدج



مالج عندي الا دعوه

عسى ربي مايضيع تعب حمالج وتولدين بالسلامه وتشوفين ضناج
ويتمم لج وييسر ع خيرر يارب

يبعد قلبي والله حوريه امييييييييييين يارب ويقر عينج بضناج ويتمم عليج حمالج ولايضيع لج تعب

 

[om . alzeen]

الي اعرفه لااازم ربط
والربط لازم اخر الثالث
بس في دكتوره شاطر بس ناسيه اسمها سوت حق وحده ربط بالشهر السابع وهالوحده موجوده بالمنتدى بس ناسيتها
المهم لازم لازم ماتقومين من سريرج الا للضروره ولاحقه عالدراسه

انا موعدي عندها تاريخ 18-2 وان شاءالله خير

اهيا قالتلي عادي تزورين وتسوقين سياره بس لاتمشين وايد وتجهدين روحج والله كريم

 

[om . alzeen]

بنات انا هالايام احس بالم بس بفخوذي كل يوم جنه الم الدوره بس على خفيف


تهقون هذا الطلق ولا انا قمت اوسوس

لاني حيل خايفه

 

[قـــمـــرهم]

ام الزين


اخذيها مني


صججججج الله الحافظ

لو تجهدين نفسج وتمشين وتروحين و و و

والله كاتب انه يثبت راح يثبت باذن الله


واذا انسدحتي وارتحتي والله كاتب انه يطيح راح يطيح

بس انتي سوي اللي عليج عشان ماتحسين بالذنب اذا صار شي

اسم الله عليج ..

بس ترا قصر الرحم مووو شي بسيط لاتستهينين فيه ابدا


انسددددددحي ولا اتحركين ولا اتشيلين حتا قلاااص
ولااااا تسوقين سياره

وصلي وانتي قاعده ولا تصعدين درج

ولاتطلعين الا للضروره ولا تزورين احد

ديري بالج ع نفسج ..

 

[قـــمـــرهم]

والله ما ادري عن الطلق

انا جاني مثل الماغص ابطني


بس اذا حسيتي بعوار رووووحي ع طول لدكتورتج ..

لاتسكتين عن نفسج ...


ماودي اخرعج بس انا مجربه ومابي يصيرلج اللي صارلي ..

انا لما اجهضت كنت توني مراجعه عند دكتورتي قبل اسبوعين
وموعدي الجاي بعد اسبوعين واجهضت فجأه قبل يجي موعدي ..



حبيبتي انا مابي اخرعج .. ابي اصحيج وانبهج انه قصر عنق الرحم
موووو بسيط ..


امس اقول لامي عنج !!!

جان تقول لاااااا اتحرك وتنسدح ع طوووووول...


ترا انا لما سويت عمليتي الربط دكتورتي قالتلي العنق عندج مبطل

زين لحقنا باخر لحظه !!!




والحين انا بعد احس بعوار ابطني وبطني حيييييل يصلب

وخايفه قمت اوسوس):


بس ان شاء الله خير يارب

 

[كويتيه مذهله 87]

لازم ربط حبيبتي والجامعه وقفي قيدج اظن ضناج اغلي من الجامعه

 

[Nono83]

نفس حالتي بعد انا ولاداتي مبكره واكتشفت بحملي الاخير ان عنق الرحم يقصر من السابع وجزاه الله الف خير دكتوري عطاني حبوب بيوتالين وقفت الطلق وماولدت الا باخر التاسع وبطلق صناعي لله الحمد انصحج بهالحبوب وكملي جامعتج

 

[قـــمـــرهم]

نونو

لا ما اعتقد نصيحتج ابمحلها !!


اوكي هالحبوب ممكن توقف الطلق

بس اسم الله عليها لو انفتح الرحم عندها شلون يتسكر !!!
والعنق قصير يعني لو تبطل خلاص ماراح يتسكر ..

بس الطلق صح ممكن توقفه الدكتوره


انا اقول استشيري اكثر من دكتوره روحي لخالده المجيبيل
اسمع شكثر يمدحونها

انا ماجربتها

او شوفي اي دكتوره ثانيه


طمنينا عنج

 

[Nono83]

قمرهم مافهمتيني ... اقولج انا يقصر عنق الرحم عندي بالسابع وفوق هذا اكلت شهري من هالحبوب بعد الله .. انا دكتوري قبل قايلي لازم ربط لكن بفضل ربي وهالحبوب ماربطت ولامره والحمدلله بعد هالحبوب ماقمت اخاف حاطتهم بجنطتي اي عوار او قصر بعنق الرحم راح اكلهم .

 

[مشتطـه]

وقفي قيددج لاحقة عالجامعه حبيبتي



اهم شي البيبي عمره 7 شهور امبيه حرام تولدين ولاده مبكره

مادري لو انا جان اوقف قيدي

وانا مغمضة لاحقة عالجامعه وشقاها ؟

 

[مشتطـه]

ام الزين اي هذا بداية الطلق بس خفيف يمكن
ديري بالج وسمعي كلاااااااااام دكتورتتتتتتج

لا تتحركيييييييييييييييييييييييييييييييين

 

[om . alzeen]

قمررهم وباجي البنات مشكورررين على ردودكم واهتمامكم

انا اليوم دشيت الثامن الحمدلله وكل شي تمام

اليوم موعدي وان شاءالله مايصير الا الخير


:*

 

[امـ خــزامـى]

يااقلبي الله يحفظكم ويكتبلك الخير

ارتاحي وتوكلي على الله

 

[orange blossom]

انا ما عندي خبره
بس الله يسهل عليج يارب

 

[كاوكاوي]

انا مريت بحالتج في اخر شهري الخامس بالتوأم وسقطتهم للاسف الله يعوضعني خير
بعد ما سويت ربط مستعجل في المستشفى وقالولي حالتج ميووس منها وتميت مرقده عندهم !!