قصصكم مع اول رضاعه طبيعيه مع اول طفل

[Om_HoBi]

السلام عليكم

انا وايد افكر بموضوع الرضاعه و خصوصا ان عندي صراع بين امي و اختي
و بين اهل ريلي

امي تقول ماقدرت ترضع الا شهرين و كان حليبها مايشبع معنه كان وايد و هم ابتلشت بحبوب منع الحمل اللي تخفف الحليب و تقطعه من الصدر
و هم ان جرح الخياط يعور فالقعده صعبه اللي تقعدينها حق الرضاعه فما تضمنين انج بترضعين


و الصراع الثاني ان ماشالله اهل ريلي اشوف يرضعون و يطولون فوق السنه

وانا وايد متشوقه لأن صج فوايده وايد و اهمها علاقة البيبي مع الام تكون قويه



ابي اعرف تجاربكم و نصايحكم لي كبجر و مادري شاللي بحوشني
مع العلم رفيجتي امس ولدت و ماقدرت ترضع تقول مايطلع شي مافي حليب

 

[أم حسوون]

السلام عليكم ، الرضاعة يبي لها صبر وفي مستشفيات معينه تهتم بالرضاعه مثل المواساة يساعدونج أول يومين ، بعدين الحليب للبجر يتأخر يقعد تقريبا من ٣ إلى ٤ أيام يالله يطلع حاولي تدهنين صدرج قبل الولاده علشان الحلمة ما تشقق ، وبعدين إذا ولدتي خلي البيبي على صدرج لأن هذا يدر الحليب حتي لو طولتي وفهد أي يومين وأهو ما يطلع ، لأن الحليب بيطلع لا تخافين ، أنا أتذكر ببجري صدري انتفخ وجتني حرارة لأن الحليب يزيد بس ما يطلع بس بعدين البيبي تعود على الرضاعه وسبحان الله صار الحليب يكفي ويزيد ، وإذا علي حبوب المانع أخذي حبوب الرضاعه معروفه ما تقطع الحليب ، أنا على طول معاها وما تقطع ولا تخفف الحليب لا وتعطي مناعه دامج مواظبة عليها ، وفعلا أنصحج بالرضاعه حلوه لرحمج وللبيبي ، وعلى فكرة أنا أداوم فكنت أرضعه قبل ما أروح وإذا كنت بالدوام عادي صناعي بس لازم يجوع قبل ما أجي على الأقل ساعتين علشان يرضع منج لما تجين ، ولاتنسين الفوط القطنيه الصغيرة حق صدرج علشان ما تتوصخ ملابسج خصوصا بالدوام ، تلاقينهم بالجمعيات والصيدلية ، والله يهون عليج يا قلبي.

 

[fofowa_q8]

شي طبيعي ان اول يومين او ٣ مايطلع حليب بس تطلع ماده صفره من الصدر وايد مفيدة ولازم الياهل يظل يرضع

لين يطلع الحليب تقريبا ثالث يوم وماكو شي اسمه الحليب مايكفي الياهل اول الايام يشرب كميات صغيرة حيل

ومع الوقت يكثر الحليب ويكفيه ان شاالله بس الرضاعة يبي لها مقاقه وخلق اذا انتي تبين راح تقدرين ان شاالله

احلى احساس لما ترضعين بيبيج والله يقومج بالسلامة

 

[دلال.]

انا بصراحه رضعتها بس 20 يوم اهم شي ضمنت اني عطيتها المادة الصفرا باذن الله وبعدها حاولت استمر بس ما تشرب عدل وتصرخ لانه تكون يوعانه وانا بتفس الوقت مو عارفه الوضعيه عدل
فانا واهيا نتعب و بسرعه استسلم واعطيها الصناعي تكسر خاطري واحس ياهل مسكينه شيصبرها لمن اتعلم

 

[دلال.]

بس صراحه شعور يهبل لمن تشرب منج شي غريب و حلو وايد تحسينها تعرفج وتحبج نفس ماىحبينها مادري يتغير الوضع وايد

 

[عن النسآ أفرق ~]

ما جربت
وعسى الله يسهل علينا أجمعين ♡

 

[Aloe Vera]

مشكلة الحريم الجهل بموضوع الرضاعة الطبيعية عشان جذي يسوون اخطاء وايد و بعدها مايقدرون يكملون

تبين ترضعين اخذي الكلام العلمي من اخصائيين الرضاعة الطبيعية
عندج سمعت بمستشفى المواساة و رويال حياة وايد يهتمون


الحليب يطلع ثالث او رابع يوم
اول الايام مادة صفرا عبارة عن مضاد حيوي طبيعي حق البيبي
لازم لازم لازم الممرضات يعلمونج شلون ترضعين لان مو سهل اول مرة لاتقولين استحي و لا فشلة لان هالشي ظروري
لازم تحطين كريم لانسينوه وقاية خلي الممرضات اييبونه لج
اذا تشققت الحلمة لا تسكتين روحي الدكتورة تعطين كريم مضاد و يطيب الجرح علطول ان شاء الله
لاتعطين صناعي كلش ،، ولا حتى بالمستشفى قولي حق الممرضات اييبونه لج كل ما ياع هالشي يخلي الحليب يدر و البيبي يتعود عالصدر لان اذا شرب من الممية ماراح يحب الصدر لان الممية اسهل له من الصدر
خلي عندج رقم تلفون خبيرة رضاعة و ترا في واايد بالكويت تحصلين ارقامهم بموقع birthkuwait
اخذي مانع ماياثر عالحليب يا حبوب الرضاعة او لولب او غيره


انا بس في اول بيبي واجهت مشاكل بالرضاعة مثل تشقق الحلمة و بس بعدها راااااحة معني موظفة بس حرصت حرص تام اني انجح عملية الرضاعة الطبيعية و الحمدلله الله وفقني
ثاني بيبي كلش ما تعبت بالرضاعة
و يا رب ثالث بيبي يكون اسهل و اسهل


طبعاً انا اعلم عيالي ان الصدر تغذية بس
ماعودتهم ينامون عالصدر او يعتبرونه مصاصة و عشان جذي ماتعبت معاهم و بس ارضعهم كغذاء و بعد السنة تصير رضعة باليوم لحد ماينشف الحليب و يفطمون روحهم بنفسهم من غير مشاكل

 

[حياة ريلي]

الرضاعه سهلة و فعلا ماكو شي اسمه الحليب ما يكفي البيبي
انتاج الحليب يعتمد على الطلب كل ما حطيتي البيبي و شرب اكثر جسمج بيفرز اكثر و كل ما شفطتي اكثر بيزيد
الحلمه ما تتشقق اذا حطيتيها عدل بحلج البيبي انا كنت بجر و لله الحمد ما صار فيني تشققات
اهم شي اقري و شوفي يوتيوبات و علمي نفسج ولا تخلين احد يحبطج
معيارج اذا البيبي ياخذ كفايته او لا ان وزنه يزيد
البجي بعد الرضعه غالبا يكون لان البيبي يبي يقعد يمص صدرج عشان ينام مثل المصاصه فانتي بعد الرضعه عطيه مصاصه و خلاص
و شوفي اذا البيبي فضى صدرج ولا لا طبعا يبين كان متروس و يابس و صار فاش و لين
اذا شفتيه مو مفرغه بالكامل و شبع شفطي الباقي و حطيه بالفريزر لا تخلينه عشان لا يقل الانتاج

 

[Om_HoBi]

يعطيكم العافيه وماقصرتوا
بس دام اول جم يوم مو حليب فالياهل شلون بيشبع اخاف يقعد بس يبجي و اهلي يجبروني عالصناعي
الله يعين والله بس اشوه انا عنيده و راسي يابس فماراح اخليهم يأثرون علي

 

[M!SS.LOBY]

الله يسهل عليج

 

[M!SS.LOBY]

سبحان الله

 

[M!SS.LOBY]

الحمدالله

 

[M!SS.LOBY]

الله أكبر

 

[M!SS.LOBY]

استغفرالله

 

[shak!shoka]

انا ما طولت بعيالي اثنينهم
بولدي اسبوع بس و ما فيني حليب كلش بالغصب وما يشبع لازم صناعي


و بنتي وانا بالولاده قلت لهم لا تغطونها صناعي انا ارضعها و صج يابوها بعد الولاده و رضعتها و بالاربعين بس ،، و الحليب نوعا ما اكثر من بجري بس هم ما يشبع


بس انتي حاولي و تحملي التعب علشان يدر الحليب

انتي حاولي من اول يوم ولاده

 

[Aloe Vera]

بس اول يومين هذي المادة الصفرا دسمة و مغذية و تشبع الياهل
على ثالث يوم يدر الحليب شوي شوي
و شوفي فيديوات رولا قطامي عند الرضاعة او اي فيديو علمي من اليوتيوب و تثقفي عشان تعرفين تردين عالناس اللي تحبطج

 

[حياة ريلي]

حبيبتي بالعقل يعني اول كان اكو حليب صناعي و خرابيط ؟؟
شلون مدام مو حليب ما يشبع
الياهل اول يوم حاجته كبر قفشة الاكل بس تخيلي معدته نتتتتفه

 

[حشمه]

اول وثاني بيبي مارضعتهم اكثر من الاربعين ومتقطع

كنت احس مايكفي الحليب واعطيهم صناعي وهذا غلط

لان الحليب على الطلب كلما البيبي يبي يشري سبحان الله

الحليب يدر عند الام بس البيبي الاخير رضعته وتندمت

وااااااااااايد ان مارضعت المشكله ماكان فيه تشجيع ان ارضع

خلاص رضعتيه زين وقفي قليل اللي شجعوني بس الحمدالله

ناويه ارضع البيبي الياي ان شاء الله

 

[دلوعه ززوجي]

اب
اب
ب

 

[Bio_reem]

انا ودي هالمرة اعتمد بس على الرضاعة الطبيعية ، حتى مادري اشتري مميات وهالسوالف والا لا ...
احاتي الليل ... صج الرضاعه الصناعية تخليه ينام اطول و بشكثر ؟؟؟


انا حسيت ان مناعة ولدي مو ذاك الزود واتحسف اقول لو مرضعته يمكن كانت اقوى