قصصكم مع اول رضاعه طبيعيه مع اول طفل

[((غلاي))]

الله يسهل عليج ياقلبي
واهم شي تشترين كريمات لحلمة الصدر علشان ماتتشقق و تعورج ويطلع دم

 

[عروسة فوشيآ]

موضوع حلو

طيب اللي جربت ترضع طبيعي


هل تكونون غير عن البنات اللي ماترضع

الصدر مايتغير والجسم والبطن يتعدل ??


والا موصج

 

[Bio_reem]

عروسة فوشيا

الرضاعة الطبيعية تخلي الوحدة تفرز هرمون الاوكسيتوسين يخلي الرحم يرجع لحجمه اسرع
ويحرق سعرات حرارية كثيرة توصل ٥٠٠ كالوري يعني حتى لو تاكلين او ما تمارسين رياضة قاعدة تحرقين
ويقلل فرص الاصابة بسرطان الثدي والمبيض وهشاشة العظام

غير فوائدة للطفل

 

[انصاريه قمره]

انا عن نفسي رضعت بنتي الكبيره سنه و6 شهور والوسطيه تقريبا 9 شهوور والصغيره كلش ما رضعتهاااا لانه كلللللللللش ما كان لي خلق وعورت قلبي حرام لانه احس ما فيها مناعه
وان شاء الله هالمره راح ارضع البيبي

 

[Aloe Vera]

انا ودي هالمرة اعتمد بس على الرضاعة الطبيعية ، حتى مادري اشتري مميات وهالسوالف والا لا ...
احاتي الليل ... صج الرضاعه الصناعية تخليه ينام اطول و بشكثر ؟؟؟


انا حسيت ان مناعة ولدي مو ذاك الزود واتحسف اقول لو مرضعته يمكن كانت اقوى

انا رضعت عيالي طبيعي بالكامل
ماشريت مميات و لا معقمات
و بالليل نومتهم حلوة تبارك الرحمن
يعتمد مو بس كمية الحليب هم تنظيمج لنومة البيبي و طريقتج بالليل لازم كلشي بهدوئ و بالظلمة عشان مايصحصح البيبي و يرد ينام
و اكلج لازم ماسبب غازات لان تنتقل حق البيبي بالحيب
و اذا حاشته انتي تشربين كمون و حبة حلوة و هالسوالف و تنتقل له بالحليب موتعطينه لا انتي تشربينه

 

[Aloe Vera]

موضوع حلو

طيب اللي جربت ترضع طبيعي


هل تكونون غير عن البنات اللي ماترضع

الصدر مايتغير والجسم والبطن يتعدل ??


والا موصج

الرضاعة الطبيعية تشد الرحم و ترد البطن
و تحرق سعرات حرارية
و انا صدري يكبر شوي مع الرضاعة و اول ما اوقف يفش و يرجع طبيعي نفس اول بس مو علطول ياخذله جم شهر يمكن 2 او 3 و بطن ماعندي الحمدلله

 

[عروسة فوشيآ]

الو فيرا حبيبتي ماقصرتي ردج يشجع عالرضاعه الطبيعيه

انا ناويه باذن الله عليها



وبخليج مرجع اي اسالج وقت مابي


انزين بعرف ممكن اذا عندي مشوار اشفط واحط بالمميه

 

[mrs.abk]

هلا أختي

كنت برقد والله بس شفت موضوعج وحز بخاطري أبخل بعلم أعرفه ..

شوفي يا الغالية ..

أول نقطة تحطينها في بالج إن الرضاعة حق للطفل عليج حالها حل العناية به أو تطعيمه ..

بيقولون لج صعب .. لا موب صعب .. بس شوية مرهقة خاصة أول شهر .. لكن اليوم إحنا ولله الحمد في حال أحسن من أمهاتنا ألف مرة


حبيبتي بنتي عمرها 3 شهور وشوي .. وللحين فديتها ترضع طبيعي .. وما شربت الصناعي إلا رضعتين لأني قاعدة أحاول أدخله لها علشان الاسبوع الياي بداوم بإذن الله ..



أول نقطة في الرضاعة .. هي حبج للبيبي ورغبتج للتقرب له .. البيبي كان داخلج ويا هالعالم الخارجي .. كل هالعالم بالنسبة له شيء غريب إلا شخص واحد هو إنتي .. لأنه بشكل ما يحس انج انتي الوحيدة اللي تحمينه ويلجأ لج .. وأول حالات لجوءه هي الرضاع


بعد الولادة بإذن الله يوم يودونج الغرفة وقبل وصول الضيوف .. بعد الشاور وشرب عصير ( أنصحج بالرمان يدر الحليب ) والاسترخاء شوي .. خذي البيبي وحاولي ترضعينه .. تلقمينه صدرج .. بيحاول يرضع وبيتعب بسرعة وبينام أساسا هو شغلته الأساسية النوم ..


لو ما رضع منج .. اطلبي مكينة الشفط .. واسحبي اللبأ بالشفاطة وبابرة صغيرة بدون راس ( يسمونها سرنج ) اسحبي الحليب البسيط ( 2 أو 3 مل بس ) وحطي الابرة في طرف حلج البيبي ع الزاوية ( موب في النص لا يشرق) وادفعي شوي شوي .. وهالوجبة البسيطة بتكفيه يا قلبي وبينام


اسحبي مرتين أو 3 .. كل يوم مرة وعطيه بالابرة .. وحاولي في نفس الوقت تحضنينه وتلمنيه وتكلمينه وتلقمينه صدرج



اليوم الرابع صدرج بيدر



الحين بتواجهج مشكلة الرضاع مع الخياط .. هالمشكلة الصراحة عويصة .. بس نصيحتي خذي مخدة الرضاع وايد تسهل عليج ولا ترضعين وانتي قاعدة ع الكرسي .. رضعي وانتي قاعدة ع السرير ومادة ريولج


أسلحتج في الرضاعة تعتمد على :

مخدة الرضاعة
شفاطة حليب ( ميلدا الدبل ممتااااااااازة )
علب حفظ الحليب استعمال مرة وحدة
قلم خطاط ( تكتبين ع العلبة تاريخ سحب الحليب و الساعة )
ثلاجة صغيرونة ( الافضل ثلاجة باردة ما تنفتح كل شوي وقريبة منج )
طاسة صغيرة دوم يمج + مطارة ماي حار
طبعا مراضع ( مميات بالكويتي )



تحتاجين بعد :
ماي شرب ( الرضاعة تعطش)
عصاير ( العصاير تدر الحليب )
رطب أو تمر
لو تحافظين على رشاقتج بعدي عن الكاكاو والحلاو بس حبة في اليوم زينة تغلظ الحليب
لو ما تحافظين عليج بالرهش أو الحلاوة الطحينية ..


وشيء مهم بعد .. النوووووم

النوم والراحة يسوون لج حليب بكمية حلوة

تحتاجين بعد :
قطن للصدر ( ايفينت أحسن شيء جربته خاصة الليلي)
ملابس بفتحات أمامية واسعة أو بأزرار ( كل ثيابج جيه بتصير )
حمالات صدر مخصصة للرضاع ( ماماز أند باباز + ماركس وسبينسر .. أحسن شيء جربته )



اهتمي بحق طفلج بالرضاع على الاقل لين 6 شهور .. وبتحسين إنج قاعدة تسوين شيء أهم من مجرد تبديل البامبرز واللعب بالبيبي طول النهار


لو تبيني أنزل موضوع خاص عن أدواتي في الرضاعة بالكامل بنزل .. بس باخذ لي كمن يوم لأني هاليومين مشغولة


دوم خلي حليب جاهز للبيبي في الثلاجة .. ويوم تطلعين من البيت خذي شنطة حفظ برودة الحليب ( لو رايحة مكان بعيد أو زوارة أو مسافرة بر ) هالشنطة تلاقينها في بيبي شوب ومعاها قالب ثلج تخلينه في الفريزر يحافظ لج على برودة الحليب

لو رايحة مول خذيها وياج في اغراض البيبي .. ولو مستثقلة تشيلين ترمس ماي حار سوي مثلي .. ارح للكوفي واقول عطوني ماي حار ويصبون لي بكل سعادة علشان أسخن حليب نونوتي ..


صدقيني زوجي لاإراديا يساعدني .. وقمت أتحكم بأوقات نوم بنتي بشكل أسهل .. ولله الحمد ما عانت غازات بنفس الشكل الليو يعانونه الاطفال الثانيين ..


أنا أرضعها من صدري بشكل مباشر .. ولو نامت أكثر من ساعتين ونص على طول أسحب الحليب وأخزنه .. واشرب عصير وماي وأنسدح أريح جسمي .. ويوم تقوم تريد حليب يكون فيه متكون لها حليب الحمد لله ..


لو عندي ضيوف او ابوها أو أنا أشتغل بشيء ,.. على طول أسخن لها من الحليب اللي في الثلاجة .. وأحيانا أعطيها إذا حسيتها موب شبعانة وأنا ظهري يعورني أو مرهقة ..


المسألة موب بالصعوبة اللي تتخيلينها .. المسألة تحتاج كلمة وحدة ( حب ) .. لو حبيتي تقربين النونو منج بشكل أسرع وحبيتي تعطينه حقه ولا تحرمينه إياه .. رضعيه ..

لا تنسين يا أختي امراض هالعصر .. التوحد مستشري بين اليهال .. والعالم الله الرضاعة الصناعية واحد من اسبابه


ما أقول لج لا تدخلين صناعي .. بس حاولي الصناعي يكون رضعة وحدة تخفف عنج اللود .. وعطيه الشاي والماي والسكر والينسون والنعناع .. كلها أشياء تساعد .. لكن خلي الاعتماد على الطبيعي أحسن لج

وصلي اللهم وسلم على حبيبي رسول الله .. اذكروا الله يا جماعة .. وادعو لبنتي بالبركة في حليبها .. الله يبارك لها في حياتها كلها ويبارك فيها ويقر عيني بها يا رب ..


اللهم اكفني شر الحسد يارب

 

[امـ خــزامـى]

انا ابدااا مارضعت بنتي لاني ولاده مبكررره بس حاااولت وشفطت
مااطلع الا يمكن حق رضعه مررررره قليل



وتحطمت مع اني متأمله ارضع


ان شااءالله تتسهل امورك

 

[mrs.abk]

أرفع الموضوع للاستفادة من تجربتي

 

[ٱستۆطنت خٱفقهْ]

انا حاولت بالمستشفى وماقدرت اول يوم
ثاني يوم امي جابتهاا وهي جوعانه وحطتها بحضني وقالت رضعي

توهقت البنت موعارفه تجر الحلمه
وانا ابحي من الالم حييييل تعورني

والحمدلله يوم ورى يوم خف الالم وصرت ارضعها واضحك الحمدلله
والحمدلله الحين صار لي 25 يوم والرضاعه طبيعي ولله الحمد

بس انتي لاازم تتحملين الالم لان الرحم يرد مكانه وهم بطنج يشد والبيبي يستفيد

والله اللؤ ماترضع خسرااااااانه عالاقل 4 شهور
منها البيبي ياخذ مناعه وصحهه ومنها يتقرب منج وياخذ حنان وحب

ومنها انتي تستفيدين يرد رحمج ويشد جسمج


عسى الله يتمم علينااا نعمته

 

[عاشقة الككاو]

mr.abk
ما قصرررررررررررت
ماشالله كلامج ووصفج ونصايحج درر


هذا تقريبا الي كنت بقوله
حبي طفلج حضنية ع قلبج واهو بالفطرة رح يدني حلجه يم حلمتج ويمص
سبحان الله
شعور عجيب
لما تحسينه يبييج وناطرج تشيلينه عشان يشم ريحتج ويشرب منج



اذا تحبينه بالفعل لا تحرمينه حليبج الي الله رزقج اياه وحطة ف صدرج


..



موفقين

 

[Ranoon]

للأسف انا حاولت وماكو فائدة !! ً

اول يومين بمستشفى وكنت تعبانه
وقعدة صعبة !!


رجعت بيت وأحاول وأمسكه ويمص
مني اقل من ١٠ دقايق ويبكي
أحاول اخليه يمص يبكي واضطر اعطيه
صناعي !!
كان ودي اخليه يرضع بس ماعرفت ل حبيبي


كان صدري مليان ويعور وفش عقبها
بيبي كان يمص على طول وفش صدري
بس يبكي عقبها وأعطيه صناعي !!!


حسافه !

 

[لذه السكر]

اب اب

 

[Flower20]

انصحكم فيها بشدة واللي ما ترضع طبيعي بييلها يوم تتحسف
يكفي انها تعطي مناعة للطفل وتحميه من امراض التنفس

 

[Flower20]

وانا الحمدالله ارضع طبيعي اكثر شي
مع ان بنتي قعدت بالحضانة اسبوع وكانوا يعطونها ممة
لما خذيتها البيت ما قدرت تمسك صدري
ف كنت اشفط لها واعطيها لين لقيت حل وهو حلمة بيجون الصناعية تلزق عالصدر ويقدر يرضع الياهل من صدرج مباشرة
كنت احطها على صدري وارضعهااا والحمدالله بعد شهرين برزت الحلمة عندي وصارت تقدر تمسكها من غير الحلمة الصناعية

 

[Flower20]

ومالج شغل باللي يحبطج يكفي ان ما فيه عوار راس مع المميات كل شوي تعالي نظفي الممة واغلي ماي وحطي حليب خاصة بالليل

 

[Flower20]

والي يدر الحليب شرب حليب كي دي دي كامل الدسم وكثرة شرب المااااااااااااااااااااي

 

[amonitta]

انا الحين ولدي عمره 3 شهور بس معتمد عالصناعي.. وشي بسييط يطلعله من صدري

تقريبا شهرين ظل يرضع ويطلعله وايد بس الحين شي بسيييط قالولي كثر ماتحطينه على صدرج يدر الحليب بس ماكو فايده يمكن لاني كلللللش ما اكل.. باليوم وجبه وحده بس وكميه صغيره صايره ما اشتهي الاكل.. عموما مشكلتي ماكانت انه متشققه او يعور لا.. بس انه ماكان يطلع حليب

بس مثل ماقالو. شعور وايد حلو لما ترضعين البيبي

 

[Aloe Vera]

انا الحين قاعدة ارضع ثالث بيبي الحمدلله مافي مشاكل بس اول اسبوع تشقق الحلمات و حطيت مضاد و طابت و بصراحة انا ما اشفط الا للظرورة و الحين ولدي عمره ٦ شهور ماقمت اشفط كلش لان اقدر اطلع و اخليه لحد ٦ ساعات بدون حليب لان صار باكل
بالنسبة حق اغراضي و ادواتي مو وايد
مخدة رضاعة
قطن بيجون مال الصدر

هذي اغراضي الاساسية اللي كنت استخدمهم مع البيبي الاول و الثاني


مع ثالث بيبي كنت مضطرة اطلع من البيت ٤ ساعات باليوم حق دوامي لمن صار عمر ولدي شهرين و نص
عشان جذي شريت اغراض زيادة
شفاط ميديلا
جياس بلاستك خاصة حق تثليج الحليب
مميات

و بس قام ولدي ياكل خفت الرضاعه حيل و وقف شفط الحمدلله الحين الوضع وايد مريح