قصه حياتي مع اهل زوجي...واللحلل؟؟

[عمرها السعودية]

الحمدلله اللي سواة زوجك عين العقل والله .. لكن لاولدتي لكل حادث حديث


اذا طينتهم طيبة ومعدنهم اصيل راح يجون يزورونك ويشوفون ولدهم ومحبة


اعيال الولد ترا من امة هذا الغالبية ذا الحين للاسف

 

[ام زهقانه]

قصتج غريبه افلام صراحه ووين اهلج مافهمت
عرفت ان والدينك متوفين الله يرحمهم بس وين اخوانك خواتك
اشلون يا اختي تنامين في بيت زوجك وانتي بنت
علي عموم اهم شي زوجك وواقف معاك
مالك شغل فيهم حتي لو يحبونك ما راح يحبون اولدج اخذيها مني
اهم شي موقف زوجك معاج
بس بعد فتره روحي لهم موعلشانهم علي شان زوجك وحشمته
ولا تقطعين خلك برمضان مناسبات

 

[un$hine$]

صراحة حتى انا مافهمت يعني وشلون مملكة وتنامين عندهم وفالينها وعقب سويتوا زواج؟؟؟ وشلون وش الحكمة من الزواج دام الوضع منتهي وصرتي مع زوجك وببيتهم؟؟؟ صراحة مافهمت يمكن في ناس عندهم عادات وتقاليد غير اللي نعرفها مدري بس عموما الله يسخرلك زوجك واهله يارب

 

[ابتسمامه]

لي ولدتي بالسلامه خلي زوجج ياخذ ولده لاهله يبن فتره فتره
وانتي حاولي تواصلينهم بالاعياد والمناسبات

 

[ام حمد 85]

عسى الله يفج عوقج ويسخرهم لج ويحنن قلبهم عليج يا رب

 

[امرأه من الزهره]

حتى انا مافهمت تنامين عندهم بعدين تزوجتي انتي شيعيه ؟الشيعه كذا طريقتهم ياليت توضحين قصتك اختك ليه تركتك وانتي بنت؟

 

[اسراب الطيور]

حتى انا مافهمت تنامين عندهم بعدين تزوجتي انتي شيعيه ؟الشيعه كذا طريقتهم ياليت توضحين قصتك اختك ليه تركتك وانتي بنت؟

لا هذي مو طريقه الشيعه لاني من الشيعه وهذي حاله نادره
على فكره انا في خطوبتي ما طلعت ولا مره مع زوجي مع انه كان وده بس عاداتنا ما تسمح مع ان في بعضهم يطلعون
وانا مثلي مثلكم ودي توضح لنا بحرينيه شقصتها وشتقصد

 

[el7azeena]

حتى انا مافهمت تنامين عندهم بعدين تزوجتي انتي شيعيه ؟الشيعه كذا طريقتهم ياليت توضحين قصتك اختك ليه تركتك وانتي بنت؟

لا حبيبتي هذي مو عادات الشيعة وبس في سنه وبعد عادي يفلونها وقت الملجة حسب العادات والتقاليد . . وبعدين دامها ملجت يعني حلال عليه . . في حد عنده اعتراض من المذهبين ؟!

علماً بأن عادات وتقاليد عايلتنا ما تسمح إلا بعد الزواج

ياليت الكل يحاسب على كلامه قبل لا يكتب . . مالها داعي الطائفية والتفرقة ! وكل شي واضح والكل يعرف هالشي

, ​

 

[نشيج الروح]

لا يبتي ياهل خليه يشوف اهله ويزورهم لانها صلة رحم ...... وريلج إن شاء الله يقدر يتصرف .... المهم عيالج لا يطولون بالزوارة والقيل والقال...
حماج الحين متزوج وعنده عيال ؟ ما فهمت؟

 

[el7azeena]

آسفه صاحبة الموضوع نسيت أعلق على موقفج

:

تصرفج صحيح ما منعتي زوجج من أهله بس من رايي تزورين أهله في المناسبات ع الأقل عن الشره ويمكن تتصلح العلاقه وتدخلين قلبهم لا شافوج تسلمين وطبيعيه حتى لو تصرفوا تصرف ما يعجبج عامليهم بمعاملة أحسن

وإن شاء الله إن ياج بيبي هم خليه يزور أهله ويشوفهم وجذيه بتكونين سويتي الي عليج

:

الله يرزقج الذرية الصالحة ويوفقج ويفرج همج​

 

[PuPa^^SWeeT]

لا حبيبتي هذي مو عادات الشيعة وبس في سنه وبعد عادي يفلونها وقت الملجة حسب العادات والتقاليد . . وبعدين دامها ملجت يعني حلال عليه . . في حد عنده اعتراض من المذهبين ؟!​

علماً بأن عادات وتقاليد عايلتنا ما تسمح إلا بعد الزواج​

ياليت الكل يحاسب على كلامه قبل لا يكتب . . مالها داعي الطائفية والتفرقة ! وكل شي واضح والكل يعرف هالشي​

, ​

حبيبتي ترا موقصدهم البنات


بس ترا شوفي اسلوب البنية صاحبة المشكلة


قطت الكلمة بالوسط و الكلام عليم


انا اللي اعرفه ن عادات الخليج كلها انها ماتنام عنده حزة الملجة الا اذا بتسوي اتسقبال



واهيا ليلحييين ماوضحت كلامها

لاتقلبووون الموضوع و اتناقشون كلمة وحدة يمكن الغرض منها الفتنة





صاحبة المشكلة شنو قصدج لما اتقولين انتي نايمة عندهم بعدين سويتي عرس


ياليت تشرحين وضعج

 

[• JoJo •]

الله يعينك

بس شلون مملجه ونايمه مع زوجك وبالبيت يعني عادي الوضع ؟؟

 

[قلبي عبدالله]

عز نفسك تعتز وانتي للاسف من الملجه نمتي مع ولدهم وهذا غلط وان كان حلال بس حلاوتها تدخلي عليهم عروس شحقه سويتو عرس ماادري

صىرتي للاسف مداس لهم من صنع يدك الحين اللي صار صار واللي مايبيج شحقه تقطي نفسج عليه شكلهم حقوديين وابعدي عنهم علشان تفتكي من شرهم ولاتزعلي من كلامي لانج انتي غلطانه كثير

 

[الواثقة من نفسي]

مافهمت قصتك

 

[ندى العبير]

الله يهديكم

واهم شي انج تركتيهم واستقليتوا بسكن لحالكم واذا الياهل جا على خير لكل حادث حديث

ربج يحلهاااا

 

[آتعــبني غـلآآك]

حبيبتي زوجج واقف بصفج ماعليج من اهله واذا على ولدج خليه يروح لهم بالاعياد والمناسبات
وانتي لاتروحين لهم اريحلج

 

[fr07a22]

الله يعينج ووانا احس مراح يخلونج بحالج والله ياسالفتج عاديه لاتحاتين وتعورين قلبج انا رفيجتي ذايقه المر من حمواتها ثنتين مطلفات عندهم بالبيت وعوووب وخالتها عووووبه والناس كارهينها وصابره وانشالله الامور سهلات هونيها تهون وطنشي وعيشي حياتج وتجنبي المشاكل وبالتوفيق

 

[جوري 2007]

لا تسوين شي

حقريهم زلا تزورينهم منتي ملزومة فيهم بس طبعا زوجج ملزوم يروحلهم لانهم اهله

لا تفكرين بعيالج وتزهبين الدوا قبل الفلعه ،، انتي حملي واستانسي وجهزي وبالطقاق يو زاروج كان بها مايو بالطقاق

اذا يبون ولدج مستقبلا طرشيه مع الابو والخدامة يوم الزوارة وخلاص