قـصـة حيــاتي انا وولد جيرانه الغـــامض حيرني وتعبني ((( كامله ))) تقريبا

[غصن الزيتون]

رد : قـصـة حيــاتي انا وولد جيرانه الغـــامض حيرني وتعبني ((( كامله ))) تقريبا

مساء الخير

ادري ان في كثير من الردود ضايقوج بس مثل ماقلت لج انتي طرحتي المشكلة لسماع اراء الاخرين وليس فرض رايج عليهم , اطلب منج سعة الصدر وطول بال لاخر رد بالموضوع هذا ان شاء الله توصلين لحل يرضيج , وادري بعد ان الى ريله بالماي مو مثل الى ريله بالنار
عارفة انج تحترقين والباقي شايف المشكلة من زاويتة مو حاس بشيء .

لكن اقول لج انت السبب الاول والاخير لهذه المشكلة , انج تعلقتي فيه واايد صحيح من غير قصد بس في وايد امور كنتي تخططين لها , ماعلينا الحين مانقدر نرجع الى راح ( الى فات مات ) اليوم لازم نعطيج حل ان شاء الله يحل لج مشكلتج .

===========================

1: وين دور اخوج من الخطبتين ؟ شنو راية ( يمكن يأثر على ابوج )

2: ناقشي ابوج بطريقة ماتخليه يعصب ولا يخلط الامور في بعضها يعني ياتتزوجين ولد عمج يا الانفصال عن امج ؟ هذا مو حل .

3: ولد يرانكم مارد يشوف شنو ردكم والا خطبج وسكت ( اعتقد صار شهر صح )

4: غلط تقولين لابوج انا ماحب ولد عمي .... الخ لان بنظري مو كل زواج يأتي عن حب كثير يأتي الحب بعد الزواج , لازم تتأنين بالكلام مع ابوج ناقشية بهدوء .

========================

ان شاء الله يتحقق الى في بالج ومارح تأخذين الا الى مكتوب لج ان شاء الله ​

 

[الاحتواء]

رد : قـصـة حيــاتي انا وولد جيرانه الغـــامض حيرني وتعبني ((( كامله ))) تقريبا

والله مادري شقول محتاره وماخذتني الافكار وتلعب فيني يمين ويسار
اخوي بالداخليه ومحجوز
اما بالنسبه للولد امه تدق كل اسبوع مره لي مرتين وامي تماطل بالكلام اهي تتصل على امي الولد يبيني

سبحان الله كنت ادعي ربي يرزقني فيه ورزقني لكن شوفي الحين شصار ونعم بالله والحمدالله على كل حال

انا لحد الان متوتره وتعبانه ومو عارفه شلون افكر
عرفتي احساس ؟ الي ماتدرين شنو الصح وشنو الغلط حيرانه

 

[DeCToOoRa]

تعليقي ماراح يعجبج
ف الله يستر عليج وعلينا ان شاء الله

 

[حجيه هيونه]

رد: رد : رد: قـصـة حيــاتي انا وولد جيرانه الغـــامض حيرني وتعبني ((( كامله ))) تقريب

استخيري لو اهو من نصيبج الله راح يسهل امرج معاه

 

[ضوء خافت]

شوفي اختي حلو انج حسيتي انج غلطانه
اذا كان ولد عمج سوالفه كبيره كلمي ابوج بهداوه ووقت مناسب


سبحان الله ماتدرين وين الخيره اذكر وحده قالت بنات لاتحددون انسان معين وانتم تدعون ربي يزوجكم اياه لانها تزوجت اللي الانسان اللي حددته في الدعاء وتعبت وااايد معاه بعد الزواج

حبوبه انبهج على كلمة >وراس ميرة الحلف بغير الله شرك
ديري بالج يقص عليج الشيطان وتسوين فنفسج شي موزين
اقري سورة البقرة قال عليه الصلاة والسلام (اقرؤ سورة البقرة فان اخذها بركه وتركها حسرة ولايستطيعها البطله) رواه مسلم.

 

[يـونـيـك الغـلا]

ان شاء الله البنات يفيييدوونج
انا قريت نص الباارت وعيووني رااحت

 

[لليانه]

هههههههههههههههههههههههههههههههههههههههههههههههههههههههههههههههههههههههههههههههههههههههههههههههه

 

[ضايعة بدنياي]

تخيلي كتبت رد شكبره اخرتها انمسح قهر ,, بس ميخالف عشانج بعيد اكتب

شوفي حبيبتي انا حاسة فيج وبحالتج ,, صحيح ان اللي سويتيه اول شي كان غلط بس ادري انه غصب عنج لأن حاسة بشعورج وانج تبينه بأي طريقة ,, و اكثر شي عجبني فيج تصرفج آخر شي وشلون ثقلتي ,, وهالتصرف عجب الولد ويااا اخطبج .
ولو اهوا صج متعلق فيج ويبيج ماراح يتخلى عنج بسهولة ,, وبما ان ولد عمج اخطبج وابوج مصمم عليه دامج ماتبينه لازم ماتاخذينه الشي مو بالعافية ,, واذا اتضح ان ولد يرانكم صج يبيج ودامج تحبينه لا تخلينه بسهولة ,, وخاصة ان ولد يرانكم احق لج من ولد عمج لأن اهوا اللي خطب اول .
وروحي لأبوج بوقت يكون فيه رايء ومزاجه صافي وهادي وقعدي معاه وكلميه بهدوء وابدي بمقدمات بعدين وضحيله سبب رفضج له وان اخلاقه وتصرفاته مو زينه وما تعجبج وحاولي تقنعينه ,, وقوليله عمي مارح يزعل عشان خطبة ,, الاخوة اكبر من جذي , وخليه يبين لعمج انج انتي اللي ماتبينه . واذا ابوج اقتنع و رد وخطبج ولد يرانكم وافقي وخلي الخطبة تتم بسرعة عشان مايكون في مجال للرفض ولا لأي موقف ثاني .
و إذا الله ما قدر يصير لج غير اللي تبينه اعرفي ان هالشي لصالحج وانه اكيد خيرة لج و توكلي على ربج ,, وفيه بيت يعجبني يقول :

دع الأيام تفعل ما تشاء ... وطب نفساً إذا حكم القضاء
و لا تجزع لحادثة الليالي ... فما لحوادث الدنيا مقام

ولا تنسين الدعاء وصلاة الاستخارة .

و الله يوفقج و يسعدج , و يعطيج أحسن من اللي تتمنينه

 

[Tutti-Frutti]

انا مو قاهرني الا انج وجهتيلي الكلام بشكل مباشر جنج تزفيني بـ موضوعج الاولاني قبل لا يتصكر
جنه بس كان رايي بروحي مع انه البنات كلهم كلامهم نفس كلامي :bbbiu:

عموما
رايي ما تغير

تقولين انا تكانه وثقيله ومحد لفت نظري وسويتي اللي سويتيه واللي قلتيه حق الولد بكل وقاحه
عيل لو خفيفه شكنتي سويتي !
استغفرالله

الواحد حتى لو يحب ويعشق ما يسوي هالاشياء .. فيه خطوط حمرا وشي اسمه عيب وشي اسمه انا بنت وما يصير اروح اكلم الولد واقوله احبك وانت تعبتني ومادري شنو

بتتضايقين من كلامي كيفج بس هذا اللي قام اشوفه وهذا رايي على اللي قريته

عيل اروح اطير واخذ من ولد ييرانه جيس سمج جدام امي وابوي واقول اللللله حلو السمج وانا ما احبه اساسا وامي وابوي يضحكون والحياه سعيده !! لهالدرجه يعني انتو فري؟ الله اعلم

وبعدين شلون يصير خطبه على خطبه؟ اذا انتي موافقه على ولد جيرانكم شلون ايي عمج ويخطبج !

وبعدين شخصيه ابوج متناقضه ( من خلال اللي قريته )
توه فري ويضحك واهو يشوفج واقفه يم ولد الجيران
الحين يصيرلي متعصب وغصب تتزوجين :bbbiu:

عموما اذا كانت القصه صج
استخيري .. والخيره فيما اختاره الله

 

[Maaya]

السلام عليكم
اختي بالنسبه للاستخاره مالها شغل شنو حلمتي .. لما تصلين استخاره مثل توكلين امرج لربج وتطلبين منه ان يتيسر الموضوع اذا كان خير ويبعده ومايتم اذا كان شر .. اما ان حلمتي انه لابس بشت كله ماله شغل .. ممكن مجرد اضغاث حلم ..
في شغله مستغربه منها .. خدامتهم لما سويتي معاها تحقيق ومبين كانت عارفه كل شي .. شدعوه ماكانت تدري متزوج ولا لأ .. يعني بديهي مو متزوج وعايش مع خواته وامه وكله سهران وياخذ حبوب منوم .. وللعلم عيونه حمر بسبب الضغط والسهر يعني مو طبيعي وصحته لج عليها .. شلج بعوار الراس ..
تبين نصيحتي .. خليها على الله ادعي ربج ان يرزقج الزوج الصالح وين ماكان .. واللي يصلح لج من بينهم بيصير زوجج .. * الخيره فيما اختاره الله * فلا تسوين شي بس ادعي وخليها على الله .. وراح تقتنعين بنصيبج شنو ماكان لأنه هذا اللي كاتبه ربي واختاره لج ..
موفقه ..

 

[عشق ريلها]

اذا تبين رايي لا تاخذين ولد جيرانكم شدراج انتي شلون اخلاقه وجذي يعني بعدين لاتنصدمين اذا خانج مع وحده ثانيه لانه هو ماعرفج عدل ! أخذي ولد عمج أحسن لج

 

[مس تسذآ]

انا من رايي انج تاخذين ولد عمج
حتى لو كنتي تحبين ولد ييرانكم
مردج راح تنسينه ,

ولد عمج اهوا احق فيج
و من كلامج انه اهوا من زمان يبيج بس عشانج مو متحجبه رفض
و لمه تحجبتي علطول يالج
يعني حرام تردينه

بس هم انا عندي راي ثاني
دايما ما اايد انه البنت تاخذ ولد عمها

تدرون ليش

يعني فرضا بعدين صار بينهم شي

خانها , مشكله , خذا عليها , .... الخ

ما تقدر تتطلق اذا ابوها ما رضا

و راح يصير مشاكل بالموضوع

حتى لو قدرت تتطلق

راح يكون بالقلوب بين الاهل

بس هم ما انكر انه اكثر من يخاف على البنت عيال عمها

لانها منهم , و شايله اسمهم و سمعتهم

.........


الله يوفقج انشالله و يقدر لج اللي فيه الخير بدنيتج و اخرتج

 

[Stylista_Q8]

رد: رد : رد: قـصـة حيــاتي انا وولد جيرانه الغـــامض حيرني وتعبني ((( كامله ))) تقريب

طبعآً عقب الحركآت اللي سويتيهآ فشييله اذا ماتزوجتي ولد ييرآنكم

بس الحين مآلج إلآ تستخيرين

وحطي في بآلج الخيرة فيمآ إختآره الله . . وَ حآولي تلينين رآس إبوج بعد

وصلي قيآم الليل واقري سورة البقرة وادعي

والله يجدملج اللي فيه "الخير" إن شآلله . .

 

[malte]

رد : قـصـة حيــاتي انا وولد جيرانه الغـــامض حيرني وتعبني ((( كامله ))) تقريبا

اختي الاحتواء تدرين
لوآنا مكانج أقول لهم مددوا فتره الخطبه
عشان تفكرين عدل ليش الخبصه؟
مثلاً قوليلهم مددوا الخطبه شوي أبي أفكر ما أبي أتسرع وجي
يعني ماطليهم بشكل غير مباشر
وولد يرانكم توه يدرس يعني صغير وغير جذي شكله عنده مشاكل ماينام ألا بمنوم ويقعد بالثلاث أيام؟؟
يعني ماادري جنه صغير وتوه ماركد!!
عطي نفسج فرصه وقولي لهلج لاتظغطون علي وقوليلهم نفسيتي تعبانه خو هذا زواج مو بيض مفيوح
وتوكلي على الله
ربي يوفقج بلي يرحج ويحبج ويرزقج راحة البال :eh_s(7):
ترى ماتدرين وين الخيره :eh_s(17): :eh_s(17): :eh_s(17): :eh_s(17):

 

[Sayounara]

رد : قـصـة حيــاتي انا وولد جيرانه الغـــامض حيرني وتعبني ((( كامله ))) تقريبا

عجبتيني اخر شي..
اول شي ولد جيرانكم على قولتج محترم وخلوق وكل شي
اتوقعين شنو نظرته لج؟؟
مب يمكن اخطبج لان شفقان عليج! وعقب فتره بيقلب عليج
مب يمكن بعدين يشك فيج؟<-وهالشي اتوقعه 100%
وبعديين شنو سالفة المنوم اللي ياخذه ويقعد بالايام من غير نوم؟!<_غريب
وبعديين امه وخواته شاللي حادج عليهم حسيتهم قشرررين<-بتحملينهم
..
ولد عمج منج وفيج تعرفيين اهله شارييج ويبيج
شنو احسن واحد يبيج ولا واحد انتي تبينه؟؟
لاتقولين ولد جيرانه يبيني!هو اذا يبيج جان اخطبج من قبل لا تكلمينه
وبس

 

[Sayounara]

رد : قـصـة حيــاتي انا وولد جيرانه الغـــامض حيرني وتعبني ((( كامله ))) تقريبا

و أخر شي تذكري
نصيبج بيصيبج..
اللي الله كاتبه هو اللي بيصير..
والله يعرف شنو الزين لج..

 

[زمن الآهات]

رد : قـصـة حيــاتي انا وولد جيرانه الغـــامض حيرني وتعبني ((( كامله ))) تقريبا

احس القصه تأليف في وايد شغلات ما دخلت عقلي
جني قاعده اتابع مسلسل لهبه حماده وساهر الليل

انا مو مقتنعه بقصتج فمراح اكتب رد ​

 

[الاحتواء]

رد : قـصـة حيــاتي انا وولد جيرانه الغـــامض حيرني وتعبني ((( كامله ))) تقريبا

حــــــــــيــــــــــــــــرتوني ازيـــــــــــــــــاده
الي تقول ولد عمج افضل لج والي تقول ولد ييرانكم

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

خلاص مابي ولاو احد فيهم بس مابي انغصب ولا انجبر على شي

 

[ترانيم القصيم]

رد: رد : قـصـة حيــاتي انا وولد جيرانه الغـــامض حيرني وتعبني ((( كامله ))) تقريبا

لا تعليق ! ,, أكذب عليك لو قلت لك إن القصة دخلت رآسي ,,

لكني أتمنى من قلب إن القصة تكون تأليف لأنها لو كانت صدق فهي ماهيب زيـــــنة بحقك إطلااااااااقًا ..

موفقة

احترامي و تقديري

ترانيم القصيم

 

[كراميلا مرة]

بنات الرسول قال قل خير او اصمت بما معنى الحديث
يعني انتو ماتدرون بالدنيا ليش تقولون فلم والا غيره
يعني لانه البنت قال قصتها بصراحه قمتوا عليها
ولو نفرض انه القصه مو صج كل واحد وذمته وردوا على حسب نيتكم انما الاعمال بالنيات


وبالنسبه لصاحبة الموضوع انا في البدايه نقدت على اسلوبك مع الولد لانه خطأ الحياء مطلوب بس الحمدلله ان الله هداك وتبتي
والله يكتب لج اللي فيه خير لج ويهدي ابوج ويوافق على ولد جيرانكم