مساء الخير اولا حابه اشكر اخواتي وبنات ديرتي والي فعلا فعلا انا شاكره لردودهم الطيبه و الحلوه والي تشجع .. ثانيا يا بنات ان اسفه لكن والله غصبا علي ... انا عندي كليه وانا موظفه بنفس الوقت واروح المعهد و والنادي وماعندي وقت وايد وانا بطيئه حيل حيل بطيئه بالكتابه اكتب مثل النمله فبسرعه امل .. وبعدين اسفه لكن انا مضطره اقولكم الموضوع اقصاد السموحه يعني
tutti-frutti حبيبتي انتي ترا انا ما جبرتج انج تقرين قصتي ولا تردين عليها والبنات فيهم خير وياكثرهم ولا طقيتج على ايدج قتلج تكفين تكفين اقري الموضوع لان رايج مهم يعني اذ مو عاجبج ياروحي لاتضايقين نفسج وتتعبين نفسج وتضيعين وقتج علشاني ترا انا مو مهمه يعني انسانه عاديه ... ويا بنات الي مو عاجبه لا يرد ولا يتكلم انا ماني محتاج ردود الناس الي ما تتحمل ........
المهم بكمل لكم ...... مع الايام زاد حبي له وقمت احلم فيه مثل ما قتلكم انتو مو فاهميني عدل وياريت تفهموني انا اول مره انعجب بشخص ويأثر علي انسان بحياتي كلها كنت انظر للشباب كلهم مثل اخواني الي اقصده اني ما اتعامل معاهم مثلا بالكليه او بالمواقف او اي شي الا وكأنهم اخوه وعمري ما نظرت لشخص بأي نظره ثانيه ... بس هذا جذبني ينني المهم
.... يوم من الايام كنت قاعده بالصاله وقاعد اشوف تلفزيون و اقلب بالقنوات المهم ما استوعب الا خدامتنا قاعده تسولف مع خدامه ثانيه انتو عارفين الخدم دايما يسولفون مع خدم الييران شي طبيعي وروتيني وعارفينه ومو اول مره تكلم خدم يييرانه يعني اغلب البنات او الاسر عندهم خدم يكلمون خدم ييرانهم وجذي المهم انا هالخدامه وايد اشوفها تسولف مع خدامتنا اخطرت ببالي فكره قلت خل اسألها اهي تبع اي بيت وجذي رحت وسألتها قتلها انتي من وين قالت فلبينو وجذي سالتها شلون الماما وبابا وجذي وشلون يتعاملون معاج جان تقول ماما واجد سرخ وهذا اخوتي مال فهد واجد واجد سرخ كل يوم سرخ واجد موشكل ... اهي قالت فهد انا بطلت عيني @@ قلت هذا فهد جم عمره قالت مايعرف بس هوا رووه كولج وقعدت اسحب منها حجي وقالتلي اهو دايما يصلي ويروح المسجد ودايما يقرا قرأن وكله اب غرفته وهادي انا زاد ولعي فيه وتقول ان اهو الوحيد الي مايزفها ويعاملها زين ومره كان شارليه جاكيت وما لبسه مسكين الا مره وحده وطلب منها تغسله المهم قيمة الجاكيت اميه وخمسين راحت ماخذه له الجاكيت قايلتله سوري ومن هالحجي اهو قال مو مشكله الام اسمعت بالخبر جان تقوم تزفها وتعصب عليها وتخصم معاشها 150 قيمة الجاكيت وعطته الولد علبونه اهو شاريه جان يقوم ياخذ الفلوس ويردها لها من غير لا احد يدري وقايلها نكست تايم دربالج يعني مره ثانيه دربالج انا اهني حبيت اخلاقه اكثر واكثر وحسيت انه طيب وعاقل تقول انه دايم بغرفته ومايحب يقعد مع امه وخواته الثنتين لانهم مزعجين واهو انسان مايحب الصراخ ويحب الهدوء بس كسر خاطري تقول انه غصب ينام ونادر ماينام وساعات يسهر يومين وثلاث يالله ينام وتقول انه شايفه حبوب فاليوم بغرفته واهو ياخذها والفاليوم مخدر انا حسيت من كلامها واستنتجت ان الولد مهمووووم ومادري وين ابوه اهو عايش مع امه وخواته الثنتين بس الولد غامض بصراحه تقول عيونه دايما حمر وساعات يعصب بس يمسك نفسه .. لان لم يغط ينام والاهل يصارخون وكانت تقول صوتهم وايد عالي واهو مايحب لاازعاج ونومه خفيف كانت تقول من تعبر بالممر الي يم غرفته كان يفز ونومه حيل خفيف بس انا حبيت هالولد وقعدت اسحب منها حجي وايد وشغلات شنو يحب ياكل ومن هالخرابيط وجذي المهم صادفته يوم من الايام برا وحاولت كلمه وكلمته بس راح اقولكم شنو كان الحديث وشنو صار بينا بس مو الحين لان باجر وراي كليه ولازم انام والوقت تأخر هذا اذ قدرت انام بحاول انام ولو ان ادري مرح اقدر واسفه لكن باجر اكملكم انشاء الله راح اكلم كل شي ...... تصبحون على خير
