قــدام الناس .. يهينها !!! بالله هذا زوج ؟

[AL-BaNDry]

السلام عليكم

كنت رايحه لسوق الجليب مع امي نشتري مواعين حق رمضان اللي بالسراديب .. مو هذا موضوعنا
بقولكم عن اللي شفته بالسوق وماعجبني ،،
وحده كبيره نقول عمرها 35 - 40 ومعاها زوجها .. وزقارته بيده ومتخوصر وقاعد يخزها من ابعيد.. واهيه المسكينه تطلب طلباتها بسرعه .. وجابتهم عند الكاشير عشان تحاسبهم .. قال لها المحاسب 17 دينار .. وتفك البوك واتطلع منه 15 دينار وتلتفت على زوجها وتقوله .. يافلان عندك دينارين ..؟
يجي زوجها ويقول ..اشتبين فيهم ..؟
قالت ماكفاني فلوسي ابي بس دينارين .. !!
اهني عصب زوجها وقال .. اخذي الغراض واذلفي عن وجهي !!!
المسكينه من الفشله قامت اتطالعنا .. واحنا بسرعه صدينا لأنا حسينا انها انحرجت :0bee2e8d89:
قط الدينارين ومشا وراها .. واهيه المسكينه شايله غراضها وتبي ترفع عباتها عشان تصعد الدرج
عصب زوجها ..وقال الله يلعنج ويلعن من يجيبج للسوق انتي منتي كفو سوقه ( بصوت عالي ) :eh_s(14):
والله يابنات قلبي تقطع وانا اشوفها .. واهيه ساكته توخر عن طريقه عشان يصعد بسرعه
ليش جذي .. !!
مايحترمها .. !!
معقوله فيه ازواج جذي ..؟

وهذي سالفه قريتها بمنتدى ثاني تقول :
- أنا اليوم كنت رايحه مع بنت عمي المستشفى ..كانت تعبانه شوي وطلبت مني اروح معها ..رحنا وقالو لنا اجلسو بالأنتظار إلى ان يجي دوركم ..وجلسنا ننتظر ..الا دخلت ام وعيالها الأنتظار معنا ، كان اكبر واحد من عيالها الموجودين تقريبا في سادس والباقي مو صغار كثير
المهم جلست وجلسو عيالها معها ، الا واحنا جالسين واحد كان ينادي من برا يقول .. ام عبدالله .. ام عبدالله
الا ردت ام عبدالله .. نعم ؟!
قال مالقيت دواك في الصيدليه الله يلعنك ويلعن دواك .!!
موقفها كان يقطع القلب ، كانت والله واضح تعبانه كثير وعيالها حولها يسمعون كلام ابوهم لها ،ومثل ماقلت اكبر واحد كان تقريبا حدود سادس شكله يعني يفهم .!
معقول مااحترمها .! مااحترم وجود عيالها حولها ؟!
مااحترم انها زوجته على الأقل ؟! هذا جزاها ؟!
هذا قدر الزوجه عنده ؟! مافكر ان ناس موجودين في الإنتظار بعد يسمعون ؟!
ماقال احترمها لو جنب الناس بس ؟!

:

للأسف هذا الشي نشوفه من ناس كثير
ودائماً يمر علي موقف أب يقول لولده قدام الأم .. الله يلعن امك .!
بكل سهوله يقولها !
مارجع بذاكرته لوراء لو شوي ؟!
مافكر انها زوجته ام عياله.!
عشرة عمر معه ؟!
ماقول الا عسى الله يهداهم :0bee2e8d89:

- اشرايكم بأشخاص يرمون الكلمه القويه وكأنها شي عادي ؟! :0bee2e8d89:


- اترك التعليق على الموضوع لكم ..

 

[عــاشــقــه]

مؤقف يعؤر آلقلب

نآس مآعندهم إنسآنيه ؤلآ رحمه

 

[عقــد منثور]

الله يكون بعونها اذا جدام الناس جذى يعاملها

بالبيت شلون !!

 

[رضاهم جنه]

حبيتي استغفر الله هالاشكال يحسبونها رجوله ويتشيحطون قدام الناس شوفوني زوجتي تخاف مني

قلة حياء والله

 

[الفيصيلية]

مسكينه والله كسررت خاااطري والله لو انا منها ما اطلع معه لو شنوو
بس مسكينه تلقينها مجبوره

 

[ناتشوو]

حبيتي استغفر الله هالاشكال يحسبونها رجوله ويتشيحطون قدام الناس شوفوني زوجتي تخاف مني

قلة حياء والله

اتوقع تفكيره جذي
الله يكون بعون زوجته؟
مايدرون ان هالحركات عكس الرجولة تماما
زوجتك ام عيالك
متحملة عيوبك جكرك ( اكيد جيكر وضروسه وصخة من السجاير )
ماتستاهل هالمعاملة والاهانة وقدام الناس بعد
الله يهديه ويسخره لها

 

[viva la glam]

الله يعينها عليه كسرت خاطري =(

 

[GoLdeN~$~LaDy]

حسبي الله عليهم

يعني الرسول عليه الصلاة والسلام قال (رفقا بالقوارير)

يعني شبهنا بالزجاج لأن المره هشه ورقيقه وأي كلمه تجرحها

والله انقهرت عليهم حسبي الله ونعم الوكيل

ويقولون ليش تكرهون الزواج

والله اذا الزواج جذي من هالبعد وابعد انشالله الله لايجيبه

اللي جذي مورياييل الله لايوفقهم انشاللله مافي قلوبهم رحمه

مالت عليهم بس

ارفعوا ضغطي:eh_s(14)::eh_s(14)::eh_s(14):

 

[brettey]

الصراحه الغلط من الحريم نفسهم زوجها يهينها ساكته
والله ما اسكت له وافشله جدام الاوادم
انا ما احب المره السلبيه الصراحه زوجها يطقها ويهينها وتمثل دور المسكينه وتسكت
انا مره شفت موقف جدامي بسيتي سنتر السالميه وحده مع زوجها ووقاعده تاخذ اغراض من الرف بجمعيه سيتي سنتر واهو واقف مروا ثنتين اجسام لابسين بدي جابنيز وبنطلونات ضيجه والاخ بقق عيونه واهم ماشيين واهي تحاجيه ومطنشها شافته زوجته جان تقول له حظرتك مطول ؟ جان يقول لها شتبين قلبي ويهج جان تقول له اكل تبن وحسابك بالبيت ماتقولي قلبي ويهج عشان هالخايسات بس كفوك وكفو ويهك وهدته وراحت طبعا صوتهم ما كان وايد عالي بس انا ليش قريبه منهم سمعت

 

[GoLdeN~$~LaDy]

أوووووووف بريتي هذي مو هينه

ياحليلها حسابك في البيت :krkrkr:

لا بس عاد موجذي لازم يكون في احترام متبادل من الطرفين

ولما المرة المسكينه ماترد لأنه كاسرها كسره جايده

واذا ردت المسكينه يمكن يمد ايده عليها جدام الأوادم ولا همه

والحساب الثاني بالبيت واعليه

فخليها ساكته وبالعه كلامه احسن لاتنطق المسكينه

الله يفرج كربتهم المساكين

ويارب لا تبلينا باللي اهمه فيه يارب

 

[انصاريه قمره]

انا اعرف وايد رياييل من اهلنا خصوصا جدام الناس يغلط على مرته مسوي روحه ريال وبالبيت يقعد بيووس فيها يترجاها ترضى الحمد الله والشكر شلي حادك ووالله اعرف واحد لوووول يقول حق مرته تكفين خل اهينج بس جدام اهلييي بالله هذا شتسمونه لووووووووول

 

[princess89]

مااا اقوول الا الحمد الله وشكر في بعضهم مووصااحي

 

[sarooona]

حسبي الله ونعم الوكيل
هذا مو صاااااحي ولاعنده ذووق لو عنده ذوق وذره احساس على الاقل يحترمها جدام الناااااااس

 

[fatoom^_^]

الله يهديه ..........

 

[sho0omo0o3]

الشرهه مو عليه الشرعه عليها لو اهي عوبه ومشوهه وتزف جان حطها على راسه واحترمها غصبن عنه

انتي تدلعين وتدارين وبالاخير كانها جاريه عنده لااحترام ولسان طويل بعد

 

[al7anona]

يطيح من عيني الريال اللي جذي وهذا يدل على اخلاقة السيئة والله شي يعور القلب

والله يعين الحريم اللي ازواجهم يكلمونهم جذي

 

[مطـــيــريهـ فـــوشيـــآ]

والله الشرها عليها مو عليه اهيا الي خلته يتماد جدام النااس
والله لوو يصير هالموقف معاي مايلوم الا نفسه عاااااادي اتهاوش معاه جداام النااس واذا ردينا للبيت هم له حسااب ثاني معاي
واذا ماتسنع موو لازم اقعد عنده كل واحد بطريجه ابرك اهم شي الكراامه والاحترام بين الزوجين
اهو ماتمادا عليهاا الا لانها سمحتله بهالشي !! ويين قاعدين يسبني جدام الناس عيل بالبيت شيسووي !!

 

[العين الكحيله]

يستقوى على مرته...........

 

[ツ Βαbŷ Fąčę ツ]

وٍالله من صجه هذآآ أعووووووذ بالله والله مآ أسكتله وأنآ بنت أبوٍي :eh_s(14):
هذآ وآآحد متخلف مآعنده شخصيه وموٍ ريآل ولآ شآم رٍيحه الرٍجوله :eh_s(6):
والله شكثرٍ فيه من هالاشكآل ينكسرررر خآآطري ودي أروح وأزفه لولآ الحيآ واللقآفه عمه بط جبدي مآل ذبح :eh_s(14):

 

[املى كبير]

مااقول الى الله ياخذ هاالاشكال من الرياجيل طاح حظهم والله