قـــــصر الغــــرام ......!!!!

[مناوووي]

الغرام ولوعة الاحساس كم عانيتـه
والسبب خلن قتلني بالهوى واحياني


واشهد اني بالمحبـه والغـلا بديتـه
وسط قلبي هوّ الاول مايسمّا الثانـي


ليتني ماجيت اجرب حبّ من حبيتـه
ولا تكلمت الكلام اللي نطقه إلسانـي


وفي يديني قصر حبي ياعرب هديتـه
انهدم قصر الغرام الشامخ العمرانـي


قلتله فارق وذكرك بالخفوق انهيتـه
انتها حبك وابيك اليوم انـا تنسانـي


قال حاضر والطلب لجلك انا سويتـه
وكل كايد لجل تكمل فرحتك مااشقاني


وابتعد عنّي ومشيه يا عرب عديتـه
كنت احسبه بعد خطوه لي يعوّد ثاني


ويوم قفّا عن عيوني وابتعد ناديتـه
ودي أنّه ما يروح إلا واهو فهمانـي


يفهم اني بالغياب امـوت ماخصيتـه
ويعرف انّه غير حبّه ماسكن وجداني


كان يستجوب عليه اجدال ماطريتـه
لكن اقفا قبل يعرف كـل مايخفانـي


ولا بقالي غير همّي والعنـا قاسيتـه
واشتياقي للحبيب اللي رحل ماخانـي


والله إني لا ذكرتك هاجسـي عنيتـه
والقصيد ان كان قلته فيك ماكفانـي


والمكان اللي جمعنا يالغـلا مريتـه
خافقي لأول لقـا ياغايتـي ودانـي


وكل ماتطري عليّـه القـدم سجيتـه
انتظر واقول يمكـن لا لفـا يلقانـي


لا لفا اول مكانن فيـه انـا لاقيتـه
وشافني قدمه ومن فرحته فز وجاني


وجا على فالي وبأسمه ياعرب سميته
والتفت يمي وعينه دمعهـا غرقانـي


قلت لاتبكي وقلبي وش كثـر بكيتـه
قال تبكيني عجيبه بكيتـك ياالجانـي


قلت انا مانيب جاني وانتبه ما اخفيته
تجربه ودي اجرب وش كثر تهوانـي


والخطا وشلون تقفي والجدل خليتـه
ماتجادلني وتعرف زبـدة العنوانـي


قال كلّه من سبب ماقلتلي وواحيتـه
ومابغيت ازعلك ودي دايمن فرحانـي



مـبـارك مـفــرح الكريـبـانـي ​

 

[جنون العاطفه]

**لاهنتي يا الغلا منوره**

 

[مناوووي]

تسلميييييييييييييييييين جفاف