قــولولي في ريــــــال يسوي جـــــــذي؟؟!!!!!!

[عزتي مالها حد]

رد : قــولولي في ريــــــال يسوي جـــــــذي؟؟!!!!!!

هذا واحد مو كفووووووو
صراحة عقلج براسج وتعرفين خلاصج

الحياة معاه جحيم

 

[نـور الكويت]

الله يعينج ويصبرج ياقلبي اصبري والصبر مفتاح الفرج

وعسى الله يهديه ويسخره لج يارب

 

[ام علي84]

الله يعينج ياربي ويفرجها عليج انشاء الله ويصبرج وينتقم لج ان شاء الله ,, الصبر مفتاح الفرج والله يهدية ويهدي اهلة ان شاء الله ,,ولو اني مازلت محترة (( حريم )) ,, برايي انج تقولين حق ابوج وامج على الاقل شكوى قولي انا خفت تشمتون فيني ولا تقولون شفتي شلون عطوني حل ,, اهم اهلج امج وابوج واخوانج عشان يصيرون لج سند ويعرف الرجولة ما اعتقد بيتشمتون ,, او حتى لو تشمتو كلمتين اهون بعتقادي ,,,, والله يوفقج ان شاء الله تقومين من النوم وماتحتاجين تكلمين اهلج وتلقينة واحد ثاني الي كنتي تبينة يااااااارب ويفتحها عليج اليوم قبل باجر اميييييييييييين

 

[rymyy]

مثل هذا ماينصبر عليه ولا تقولين مفتشله من اهلج بنهايه اهلج ستر وغطاء لج وحمد الله مافي عيال للحين
فكري زين وانتي ادرى وين مصلحتج

 

[دوووووووووووبا]

والله ياقلبي ماتدرين هالمشاكل هذي كلها خيرة لج
ارتفع ضغطي لما قلت ان زواجكم عقب سنين من الحب
الله يهديه ويسخره لج يارب

 

[بطه فيها نطه]

فرقاه عيد ... والحمدالله الله حابك مايبتي منه عيال

رجعي بيتك اهله وبلغيهم واللي فيها فيها ... اليوم بيلومونك على اختيارك

بس مهما كان انتي بنتهم وقطعه منهم ... ماراح يرضون لك باللي قاعد يصير

استخيري ...

والطلاق في اعتقادي ... اهو الحل لمثل حالتك

وابدي حياتك من يديد ... ابديها بثقه بالنفس ... ولا ترضين بالاهانه

الله يفرجها عنك

 

[لمسه حزن]

رد : قــولولي في ريــــــال يسوي جـــــــذي؟؟!!!!!!

الله يكون بعونج

 

[franshiska]

رد : قــولولي في ريــــــال يسوي جـــــــذي؟؟!!!!!!

حبيبتي عذرج معاج
اهو ما فيه عيال
يعني خلاص تموتين على ابو انج انحشتي وتزوجتيه
انتي قولي لاهلج الصج

وبعدين تعالي اقولج وينج ما فكرتي بمرض امج يوم انحشتي معاه؟؟؟
ولا انتي ما تبين اتطلقين بس حاطه عذرج بامج

حبيبتي اهلج راح يفهمون اذا فهمتيهم وقوليلهم انا كنت غلطانه
والاهم ان ما فيه عياااااااااااااااااال اشتبين اكثر من جذي
وعلى فكره لان العيب فيه فيحسب انه مو ريال واللي قاعد يسويه اهو اللي يعوضه برجولته

انا اقول اشتري نفسج ومستقبلج وعيشي حره نفسج معززه مكرمه في بيت اهلج

وبالنهايه انتي اللي تحكمين مو احنا
قعدي وحطي مميزاته وعيوبه وشوفي شنو الاكثر
وحكمي

 

[Lady of Beauty]

رد : قــولولي في ريــــــال يسوي جـــــــذي؟؟!!!!!!

والله العظيم انك عورتي قلبي وأني حاسه بكل كلمه كتبتيها
وبقولك كم شغله
شوفي حبيبتي انتي ماكنتي عارفه أنك راح تكوني بعد زواجك كذا أو أن شخصية زوجك ضعيفه الى هذا الحد
بس أنتي الحين عرفتي
خلاص أللحقي على عمرك أنتي لسى عروس ما صار لكم سنتين وغير كذا ما عندك بيبي يمكن رحمه من الله
أن ما أقولك أتركي زوجك وأخربي بيتك لا حبيبتي
أول شي حاولي تعالجين الوضع
يعني مثل ما قالت وحده من زميلاتنا خليك بالغرفه حقتك ولا تطلعين منها وإذا لاحظتي أن اللحين راح تصير مشكله على طول أستسلمي وقولي خلاص إحنا متزاعلين ورجائآ لا تغثني بكلامك ولا أغثك
وبعدين سالفت انه يضربك هاذي حطي لها حد وربي الرجال حقير خصوصآ اللي يسوي نفسه قوي على أنثى
وأنه يقول أدوس على شوارب أهلك وانتي تعدينها أنا مو معك مهما كان
وبعدين يا عزيزتي اقطعيه عن أهلك ماله داعي أن يروح لأمك ويكر الأول والتالي
وأنتي ماله داعي تقعدين تعذرين له وتمدحينه عند أهلك إذا كان ماهو كفو
وإذا خلاص ما فيك تصبرين عليه كلمي واحد من أخوانك وأشرحي له الوضع وان شاء الله انه يفهم وضعك ويساعدك
وبقولك شغله يمكن انتي عينك عليه لأن مافي بيبي بس أن شاء الله بكره الله يرزقك وتهدا الأمور وتصيرين ماتديرين له بال وتنشغلين بأولادك
وحاولي تدورين لك وضيفه وانتي أستأجري لنفسك بيت وأطلعي عن أهله يمكن راح تقل شوي مشاكلكم
راح ادعيلك من قلبي
وما أوصيك أستغفري بنية ان الله يصلح حالكم ويرزقك الولد الصالح

 

[barbya_q8]

رد : قــولولي في ريــــــال يسوي جـــــــذي؟؟!!!!!!

هنــــــــــــــــــــــــــــــــــــــــــــــاء شنو هالايات الي قلتي عنها فيدينا الله يجازك خير

 

[ام شووووق]

رد : قــولولي في ريــــــال يسوي جـــــــذي؟؟!!!!!!

وفوق صارلنا سنتين مافي اعيال والسبب منه

هذا من فضل ربج ورحمته فيج ولا كان جبتي عيال واتبهدلتي بزياده
اسمع الحريم اللي يصبرون على الضيم يقولون علشان عيالنا

وانتي غلطتج كبرتي زوجج على حسابج

انتي خايفه من الشماته وموخايفه على نفسج

لي متى تتحملين؟؟؟؟؟؟

لما تصير فيج امراض الدنيا بسبته ووبسبب الهموم اللي كاتمتها بقلبج


هذا مافي فايده منه وانتي اهلج اولى فيج

تطلقي منه وشوفي حياتج ترى الدنيا للحين قدامج

وان شاءالله يجيج الاحسن منه

 

[اميره1980]

بصراحة انا لو بنصحج انج تخلينه بس لان ما يحترمج لان هذي كبيرة بحقج من كل النواحي و خصوصا مو محترم خصوصية بيته و يروح يتكلم فيج جدام اهلج
انتي ادري بمصلحتج اذا انفصلتي عنه بترتاحين ؟؟ قارني بين حياتج وياه و حياتج من غيره و لا تتسرعين صبري لحد ماربج يفرجها

 

[donya_hiba]

انا ما كملت كل القصة قلبي وجعني عليكي\\

وهادي حياتك ما حدا رح يحكيلك شو تعملي اللي ايد في المي

مو مثل اللي ايده في النار

بس كلمة وحده رح احكيلك

احمدي ربك انو ما في منو اولاد
وكمان لمعلوماتك اهلك ما رح يصفطوكي يعني ما رح يتخلو عنك

حتى لو انك غلطتي باختيارك

كل غلط بيتصلح

وانتي بتعرفي كيف بتصلحي اخطائك


الله يكون بعونك

 

[sunshine22]

رد : قــولولي في ريــــــال يسوي جـــــــذي؟؟!!!!!!

الواحد جم مره بيعيش اشتري راحت والله كاتب انكم ما تجيبون عيال يمكن نهايتج معاه الطلاق استخيري وارتاحي يختي


عموما سالفتج مو شي جديد

دايم اللي تاخذ واحد غصبن على اهلها نهايتها الندم معروف هالشي


الاهل ثم الاهل ثم الاهل ثم الزوج
================

العضيد بهالزمن هم الاهل والمضمون هم الاهل


ماكو ريال مضمون اشلون لو اخذه بعد غصبن عليهم

 

[قهوة عربية]

ياحبيبتي ....ريحي بالج ...واشتري راحتج

انتي شمصبرج عليه !!!

بالعكس فكري بأمج المريضة باجر بتتعرضين لمشكلات أكثر من جذي إذا استمريتي معاه

حمدي ربج .....الله يحبج مابينكم عيال ....

تطلقي منه وردي بيت أهلج واحتفظي بباجي كرامتج وعزتج

وقعدي عند امج وابوج وقوليلهم كل شي

وتسامحي منهم وبوسي راسهم .......واعترفي بغلطج وسوء اختيارج

هم عزوتج وهم دنيتج وهم كرامتج

مو مشكلة انج مانجحت بزواجج ...ولاأول وحدة ماتتوفق بحياتها

بس مو تموتين كل يوم على انسان مافيه طب أو علاج ...

انسان مايصون كرامتج أو أسرارج وضعيف شخصية ومنافق وجذاب

وانتي ماعندج هيبة عنده أو عند أهله ...حتى خدامتهم جارحة كرامتج !!!

باجر حبيبتي حتى لو يبتي عيال منه ماراح يكون لعيالج شخصية أو مكانة بين أعمامهم أو خوالهم وماعندهم ثقة بنفسهم وشخصيتهم مهزوزة ....ترضينها لهم ؟؟؟
وكل من يدوسهم ويهينهم لأنهم تربوا على الاهانة وعدم الكرامة ....حتى انتي ماراح تقدرين تدافعين عنهم ....وبتشوفين وتسكتين وتبلعين من هالحرات !!

لاتطولين بالتفكير ولاتقضين عمرج مع انسان فاشل مبين انه مايحبج ...:cxxxp:

حتى الناس اللي خايفة من حجيهم ...باجر كل من بيحط لسانه بحلجه ويسكت ....يعني شنو تموتين عشان الناس ....ليش هم يدرون عنج ...هم نايمين بالعسل وانتي بالقثا والضيم ...

لحقي على عمرج وقبيييييييييييييييييييييييي

فرقاه عيد !!!!!!

وصلي صلاة شكر ان الله فكج منه

وإن شاء الله باجر ربي يعوضج بريال أسنع وأحسن منه ألف مرة

 

[MuChaCha]

رد : قــولولي في ريــــــال يسوي جـــــــذي؟؟!!!!!!

واااي عورتيي قلبي واللله .. الله يعينج مادري شقولج !!

الله يهدييييه لج اميين

 

[شووكولاته]

صراحه ما قريت كل لسالفه

بس انا اقول اذا مابتصبرين عليه وغاثج وما بطلعج بشقه بروحج

انفصلي قبل العيال

 

[بنت الدوووحة]

رد : قــولولي في ريــــــال يسوي جـــــــذي؟؟!!!!!!

محد قالج تعصين هلج عشان واااحد مايسوى ،،،

مااقول الا الله يعينج​

 

[إستبرق]

حبوبه اهلج لو شنو سويتي مردهم لي دروا عن اصرفاته واهله وعن الظيم الي انتي فيه راح يشترونج ويعزونج
خيره من ربج مارزقج عيال خليه قلعته وان شاءالله تلقين الاحسن منه
وربي وحده اعرفها كانت تحب واحد وحاربت كل اهلها عشانه لان كانوا مايبونه لسبب قوي واهي بجر امها وابوها ويموتون فيها ووصلت درجه انها قالت لابوها انا مو بنت وربي عشان تاخذه وخذته وطلع اخرررطي واهله بعد لي درجه الاكل تروح تاخذه من اهلها بس بنفس الوقت مطيره زوجها للسمى لنفس اسبابج ويابت بنوته بعدين خلاص درت ماكو امل منه تطلقت واهلها رزوا وعزرها والله رزقها بواحد تزوجها وتوها من جم شهر ولدت معاي بعد
هذا ما منه صلاح اشتري نفسج وكشفي اوراقه

 

[كارينا بلس]

اذا حابه تستمري معه ولسه بتحبيه انسي انك احسن منه وانه اقل منك