قـوي قـلبـج وقــولي { قـدهـــآ } تعــآلي وفــري معـآي !

[كيوت_25]

هلا والله ليت ظني انا معاج فى التوفير بس انا لى طريقة فى التوفير وهي ادخل قطية تلزم اكثر من التوفير لانج ممكن بكل بساطة تروحني تسحبين من التوفير نفس رفيجتي انا الحين داشة قطية من 200 دينار القطية من 1000 دينار يعني انا راح يجيني 1800 وكل ما تخلص قطية ادش فى القطية اللى بعدها على طول وشذية وفرت والحمد لله.

صاجه ذكرتيني بالذي مضى شكلي بدور لي على جمعيه محترمه احصل فيها مبلغ و قدره بدال هالمصاريف الي مالها داعي

 

[♥ąϻᴑŁ♥]

انا من هالشهر معاكم ان شاء الله ..

واقوولكم قدها ..

 

[Blue BerrYa]

ماحب سالفه الجمعيات التزام وحنه :\

انا احط فلوسي بحساب يكون ماعندي له كرت عشان جذي اغسل ايدي اسحبهم

 

[كيوت_25]

ماحب سالفه الجمعيات التزام وحنه :\

انا احط فلوسي بحساب يكون ماعندي له كرت عشان جذي اغسل ايدي اسحبهم

شلون يطلعون لج حساب بدون كرت

يا ليت لاني حاطتلي حساب توفير و من انضك رحت سحبت الي فيه و جني ما سويت شي !!!!!!!

 

[Blue BerrYa]

كيوت مادري والله يطلعون ولالا


بس انا كرتي من خذيته عطيته حق امي

واعرف وحده تقول خذيته وقطيته الكرت عشان ما اسحب

 

[Blue BerrYa]

قدها توه نزل المعاش :d

 

[♥ąϻᴑŁ♥]

كيوت_25 .. تقدرين تفتحين حساب الدانه .. مافيه كرت واذا بتسحبيــن لازم ادشين داخل البنك ..

انا فاتحته وسالفه نزلة البنك ونطري دور هذي اللي تخليني اتعايز اروح اسحب وان شاء الله قدرت افيدج ..

انا معاشي 26 الشهر للحين مااانزل بس ان شاء الله قدهـــــــــــــا .. :ggdw:

 

[^kloOot^]

حبيبتى حسااااااااااب التوفير مو لازم كرت تقدرين تقولين حق البنك مااااااابي كرت


واعرف وحده بنات عشااااااااااااااااااااااان تستفيدون

سوت عقد مع البنك لمده 5 سنوات انه يستقطعون من راتبها كل شهر 100دك بدوووووووووووووووون ماتجيسه ممنووووووووووووع حتى لو تبيه مايخلوننها

 

[بشورة الأمورة]

ليت ظني حتى انا بروح ماليزيا

و انا قدها و الحين وفرت بعد 350 الله يقدرني و امسك ايدي لي 30-7

واااااااااااااي عذاب مو توفير

 

[الباسمه]

مشكووووووره ليت ظني على الموضوع الحلو
انا قدها
ببتدي معاكم
بس والله ما ني عارفه وين احطها
اعرف نفسي لو باخر الكون برد واخذها بس مع تشجيعكم انشاء الله استمر

 

[كيوت_25]

كيوت مادري والله يطلعون ولالا
بس انا كرتي من خذيته عطيته حق امي

واعرف وحده تقول خذيته وقطيته الكرت عشان ما اسحب

شكرا على الرد حبيبتي

كيوت_25 .. تقدرين تفتحين حساب الدانه .. مافيه كرت واذا بتسحبيــن لازم ادشين داخل البنك ..

انا فاتحته وسالفه نزلة البنك ونطري دور هذي اللي تخليني اتعايز اروح اسحب وان شاء الله قدرت افيدج ..

انا معاشي 26 الشهر للحين مااانزل بس ان شاء الله قدهـــــــــــــا .. :ggdw:

مشكوره حبيبتي بس انا ما ابي افتح لي حساب ببنك غير اسلامي

و حتى انا راتبي 26 الشهر

حبيبتى حسااااااااااب التوفير مو لازم كرت تقدرين تقولين حق البنك مااااااابي كرت

واعرف وحده بنات عشااااااااااااااااااااااان تستفيدون
سوت عقد مع البنك لمده 5 سنوات انه يستقطعون من راتبها كل شهر 100دك بدوووووووووووووووون ماتجيسه ممنووووووووووووع حتى لو تبيه مايخلوننها

شلون عقد مع البنك اول مره اسمع بهالطريقه

 

[كيوت_25]

على فكره بنات انا قريت مره تجربه وحده عن طرق التوفير الي تتبعها

تقول انها كل شهر تشتري سبيكه ذهب يكون حجمها على حسب جم بتوفر هالشهر و تخشها عندها

و بعد ما يرتفع الذهب تبيعهم و تحصل فلوسهم مع ارباح _03BA:

و اذا قلتوا لي ليش سبيكه مو خاتم مثلا او طقم اقولج لانه السبيكه تكون سعر الذهب صافي بدون مصنعيه

اما المشغولات الثانيه فإذا ييتيي بتبيعينها فمليون بالميه راح يخصمون منج سعر المصنعيه

و من مميزات هالطريقه انه ما يكون عندج كاش فتصرفينه و تفسفسينه :eh_s(1):

لا قطع ذهب تخشينها عندج و تالي تحصلين ارباحها :ggdw:

مع ملاحظه انها تحط ستيكرز على كل سبيكه تشتريها بجم شرتها و وزنها و تاريخ شرائها عشان لي تم الحول ( سنه هجريه كامله ) تطلع زكاتها

فقلت اقولكم عن هالطريقه :gathering: و الي تستفيد منها يا ليت تدعيلي بالهدايه و التوفيج

 

[فرحتي بقربه]

صارلي أربع سنين بالوظيفه ماوفرت لي جم فلس

يابنات اخذوها بالعقل الدنيا ماتصفالنا ماندري شبيصير باجر لازم نوفر لمرض لدين لحاجه الله لايحيجنا لأحد يااارب


بإذن الله ويااااااااج بس مو الحين لان معاشات الصيفي بااااااااح وعرس أخوي واختي قريببين

يعني يعني على شهر 11 ببدي بإذن الله وياااااااج وقدهاااااااا

 

[وضوحة 2]

خوش فكرة

 

[الباسمه]

كيوت اعجبتني الفكره حيل؟؟؟؟؟؟؟
بس ليش محد شجعني ؟؟

 

[بنت الكويت العسل]

قدها وانا بديت معاكم ان شاء الله وباجر رايحه البنك افتح حساب توفير واقطع بطاقته قطع صغار بالمقص عشان لا اسحب ولا فلس هدفي من التوفير التوفير وبس يعني ماافكر اشتري شي كلش وترا كفالة اليتيم والصدقه كل شهر تطرح البركه بالمعاش ولاتنسون الاستغفار

 

[lipton]

الحمدلله يارب اني بلشت اوفر ..

واتمنى منكم كلكم توفرون و بدون ماتسولفون و تقولون : والله وفرت كذا و صار عندي هالكثر !

لأ .. كل وحدة تخش اللي عندها وتسكت .. و اللي يسألونج : قولي الحمدلله عندي خير من رب العالمين ..
ولا تعدينهم و لا تراقبينهم ..

ولا تنسون تشاركون بالاعمال الخيرية و اقرب الناس اولى بالمعروف ..


اللهم بارك لنا في ما رزقتنا و إرزقنا من حيث لا نحتسب و لا تدعنا من الطامعين و لا الظالمين و لا للمساكين ناسيين .. اللهم إنعم علينا بنعيمك و اجعلنا من ذاكرين النعمة و الحامدين عليها ..


لك الحمد .. لك الحمد .. لك الحمد يا وهاب

 

[قلب حنين]

لان فشلت فشل ذريع بالتجميع قمت اسوي قطية واشتري اللى نفسى فية

 

[M.&A. Stuff]

فكــــــره حلوهـــ.^_________^

 

[♥ąϻᴑŁ♥]

قدهـــا .. توني محولة ..

وننطر الشهر الياي ..

شلونكم بنات مع التوفير صاامدين ولا لأ . ؟