قفلوااا باااب الشااارع ؟؟؟

[om_omar]

يابنااات تاكدوا ان بيبان الشارع مقفله
الحمد لله حمدا كثيرا
ذاك اليوم خليت ولدي عند اختي وطلعت مع زوجي مع العلم ان مو اول مره اخليه ومعاه خدامته المهم كان يلعب بالسرداب مع عيال اختي وصعدو فوق وولدي اسم الله عليه حركييييي ومايخاااف (عمره سنتين ) الظاهر انه شاف قطوه بالحوش ولحقها كااااات كاااات على قولته وطلع براااا الشارع :eh_s(11):ووصل لي اخر الشارع وشافه رجال ومسكه طبعا عند ولدي عاادي يموت على الرجال والدشداشه والغتره يشوف ابوه كل يوم ويحب يقلده المهم اختي دورته والخدم مالقوه بجت اختي ودقت على زوجها لانه كان قؤيب طبعا انا مادري عن شيء قالت لخدامتي وحي دوري بالشارع الا هذا الرجال اللي ماسكه يمشي فيه ووصله لي البيت وزف اختي واختي تبجييي انا مادريت الا بالليل لما رديت طبعا الله يعلم بحالي النوم ماعرفته وخذيته ونومته معاي الله ستر عليه امانه يابنات قفلووو البييان
ياربي يارحمن يارحيم احفظلي عمر وابعد عنه كل شر يارب لاتحرمني منه يارب العالمين آآآآآآمييييييين​

 

[MissChoco]

امبيييييييييه :× ربج ستر والله .. والله يحفظه انشالله ويخليه لكم انشاللهههه

ويزاه الله خير هالريال والله مشالله جنه الله واهبه لكم لو مو اهوا
جان غيره بس ربج ستر وحفظ ولدج

ديري بالج انتي وقولي حق الخدامه كله تصير وياه لانه ياهل توه عمره سنتين
وعلى قولتج حركي وايد


والله يعيييينج والله :××

 

[هوى الدار]

حمدلله على سلامته وديري بالج تكفين هالايام الواحد يخاف من كثر ما يشوف ويسمع ويقرا
انا شخصيا والله اقفل الباب بالمفتاح يعجزون ولا يقدرون يبطلون الباب لان عيالي يحبون يطلعون للحديقة او بس يشوفون الشارع بس انا افتحلهم يروحون الحديقه شوي ومع خدامتهم بعد مو بروحهم ومن يدشون اقفل الباب بالمفتاح

 

[سويتي الحلوه]

حمدالله علي سلامه ولدج

 

[TbOoLa_77]

اللــه ستر والحمدالله ان الريال طلع خوش واحد ولا جان علوم
اهم شي يكون الواحد حريص

وتسلمييييييين عالنصيحه

 

[nero]

الله خير حافظ
الحمدلله على سلامة ولدج

 

[كلي تفاؤل]

الحمد لله على سلامة ولدج ..

ذكرتيني ببنتي واااي وهم ببيت اختى ....وهم عمرها سنتين وشئ هالعمر ما يهاب شئ ..

كنا قاعدين بالصاله وكانت قاعده جدامي بلحظة وحده بس رحت اجيب عباتي عشان بنروح البيت ..البنت اختفت ..طبعا انا اذا فقدت احد من عيالي على طووووووووول اطلع الشارع وفعلا ...شفتها عند باب السكة ..عاد اختي بيتهم اللهم ياكافي تقولين بوسط الشارع حيييل بابهم على الشارع ...



لما شفتها قلت بمسك نفسي ماني راكضة عشان ماتنحاش وتحسبها لعبه ..بس البنت حطت رجلها وقامت تركض بوسط الشارع على الخطوط البيض وانا ابجي واصرخ مثل المجنونه ..

عاد كان بالليل ولابسه رمادي ومطر يعني ماتبين وكان ورانا جيب طبعا مسرع وسحبت البنيه من نص الشارع وانهرت من البجي ,,,

ياااربي احفظهم

انا ما يدبل جبدي الا اللى يدخلون بوسط حارات ويسرعوووون

 

[bnt_7waa]

هذا ولد اخوي كل ماشاف الباب مبطل ركض وراح الشارع اشوه ذيك اليوم خدامه جيرانا شافته ويابته لنا .

 

[بروق اليل]

حمدالله علي سلامه ولدج

 

[عنايد]

الله يستر على عيالنا وعيالكم

 

[ღ•»الًـجٌـوِرٌيّ«•ღ]

الحمدالله على سلامته

والله يعافيه هريال

 

[ريومة المزيونة]

الحمدلله على سلامة ولدج

المشكلة مو بس تخافين على الجهال حتى الكبار

مرة واحد بقطعتنا كانوا يطاردونة الشرطة وشاف بيت جيرانا مفتوح

دخل عليهم

عشان جذي يا كويتيات ديروا بالكم على بيبانكم

والحاضر يعلم الغايب

 

[Anwaar]

الحمدلله على السلامة و ما تشوفون شر

الله يحفظ عيالنا كلنا

تشكرات

 

[مريووووومه]

الحمدلله اللى ماصار فيه شي الله يحفظه لج

 

[rainbow_brite]

حمد الله على سلامة ولدج هاد احنا باب بيتنا كله مبطل وما شالله داشين وطالعين من الدوامات والجامعه وامي عيزت وتقولنا سكرو الباب وماكو فايده


الله يستر ويحفظ عيالنا

 

[خبيرة اعشاب]

الله ستر عليه
عاد انا ولدي سالفته حددها قوية ...

كنا نايمين انا و زوجي و لا الباب يخبط حييييييل يوم فتح زوجي الباب لقى الشرطة جايين قالوا له وين ولدك ؟؟

زوجي علباله انهم مضيعين قالهم لا ما عندي عيال انا عيالي كللهم صغار ...قالوا له يبه ندري هذا ولدك نايم بالسيارة عندنا ...
عاد انا كنت اسمع حجيهم و رحت بسرعه لغرفة العيال و لا فعلا ما لقيت ولدي اسم الله عليه عمره سنتين و شوي ..

اتراه قعد بالليل و خذا جنطته فيها بطاط و عصير ..و لبس نعوله و طلع بره بالشارع وصل عند الجمعية فلقاه عامل هندي مال النظافة ...يوم قال له انتي وين رايح ؟ قال له الولد ابروح اصلي و اجي ...يا حياتي كان ابوه ياخذه وياه لصلاة الفجر لانه بس يسمع صوت ابوه قام يفز وياه ...
فخذاه الهندي ووداه للمخفر ..
الشرطي راح للمسجد يصلي الفجر عاد قال اباخذ الولد وياي للمسجد يمكن يتعرف عليه احد ...

فعرفه الخياط الباكستاني الي اخيط عنده و جابوه لعند البيت ...

يمممه انخرعت خررعه عمرها ما صارت

قمت مو بس الباب الرئيسي اسكره حتى باب غرفة عيالي ...ههههه

 

[رشيقه]

وااي اليهال هالعمر صج يبيلهم عين و قلب

 

[مرت ريلي]

وااااي حبيبي بو كات فديته
الحمدالله على سلامته ربج ستر
ديروا بالكم عليه والله يحفظه لكم انشالله

 

[bent_m6eir]

الحمد لله على سلامة عموووووري
والحمد لله ان الموقف عدا على خير

 

[جاكليت]

حمدالله على سلامته والله ستر