قلبي إنقسم بين ومن 2-8-1990‘لى 2008كلام فاضي ....لا تقرينه

[ghalaty]

الغزو موصدامي بس لا الغزو عراقي دشوا علينا اشكثرهم انهبونا نهب اي والله جاجه سكر تخيلوا زميلتي عراقيه واي وااحنا خو الغريب نبره فبل القريب ليش ما ادري!!!! واناضد ضد ضد رد العلاقات ويله هذي الايام اثبتت كلهم صدام كل الاتصالات والمسجات بقناة السوريه يطالبون بالكويت الله يحمي الكويت من شرهم

 

[*أم*خالد*]

الغزو عراقي عراقي عرااااااقي

وضد سياسة المهانة اللي قعد نعيشها .. لا عدو يحترم نفسه ويلزم حدوده وحتى اعلامنا كـ رأي عام الناس فينا رايح فيها .. الدولة ماقعد تبذل اقل مجهود ترقع صورتها وصورة شعبها جدام الناس

احنا مو محتاجين لهم ومو مسوين لنا شي ووجودهم بحياتنا مثل عدمهم لا اهم ولا دول الضد .. واللي ماتعرف يعني شنو دول الضد اهم الدول اللي وقفوا ضدنا بالغزو

وشكو ينشال الغزو .. اشوف اليابان لغت هالشي ؟ المانيا اسرائيل

مثالنا الأعظم أمريكا ؟؟ مو مشلخه العالم بأفلامها اللي ماتتكلم فيه الا عن حروبها ومطلعه روحها البطله وجنودها اهم اصحاب الضمائر الحيه وباجي الناس طالعين من جهنم ؟

 

[@ نجمة العطااا @]

لا والله ما ننسى العذاب اللي شفناه من قتل وتشريد وسرقة واسر وغيره من امور كثيرة
ولا ننسى الاضطهاد النفسي اللي مرينا فيه
ولا ننسى التلوث البيئي الفضييييييع اللي كان بديرتنا وللحينهم عيالنا متأثرين منه
ولا ننسى دمعة الغااااااااااالي امام العاااااااااااالم اجمع الله يرحم ابونا الشيخ جاااااابر والله ماتهوووووووووووووووون
ولا ننسى دمعة اهالي الاسرى والشهداء اللي تعطرت الارض بدمهم واللي شهد لهم بالصبر والثبات قصر دسمان وسيارة احمد الفهد وبيت قرين واللواء اظنه اللي بجيوان وغيرهم من اللي صمدوا وصبروا وكانوا بحث ابطال هالارض
اولله لا ننسى ولن نرجع العلاقااات مع من ايديهم ملطخة بدماء ابنائنا وترابنا الطاهر
وانا كمعلمة مهما لغوا المنهج الا انني دايما احاول استغل اوقات الاحتياط لغرس الوطنية وتذكير وتعليم اولادنا حق الكويت علينا وحق ال الصباح اللي والله ما نطلع من جزاهم ابدا والكويت بتبقى ما شالله لها من بقاء ومدامت الدنيا باقية ستبقى بغذن الله سباقة للخير معطاء شعب الحب والوفاء شعب متحد متعاون محب مهما حاول اهل التازيم واهل القبليات واهل الطائفية من زعزعتنا سنبقى كما نحن شعب متحد متعاون تحت راية ال الصباح نقصد العلا ونرتقى للقمم بإذن الله تعالى

 

[Edrak]

الغاء مناهج التعريف بالغزو واحتلال الكويت والي حصل كان قمة المسخرة
والشرهة موعلى حكومتنا الجبانة كعادتها لكن الشرهة على النواب الي سكتوا على هالموضوع

الحين سنين وبنين واهما فالقين روسنا بقضية فلسطين وجماخير فلسطين الي قياداتهم ملينوا وعايشين ملوك برا
وخرابيط حروب وخبال عبدالناصر الي لا ناقة لنا فيها ولا جمل

وتاريخنا وتاريخ ارضنا والطعنة الي بظهرنا يلغونها وكانها شي لم يكن
يلغون دماء الشهدا
ومعاناة الاسرى
وحرقة قلوب اهلهم
والدمار المادي والمعنوي الي حصل بالديرة

اموت قهر وانا اشوف جيل شب وكبر يجهل الي صار كله

 

[بنت.المطيري]

لاااااااااااااااااااء والف لااااااااااا


ماترد <<شدعوة وقفوا عليج

 

[بنت.المطيري]

الغزو عراقي عراقي عرااااااقي

وضد سياسة المهانة اللي قعد نعيشها .. لا عدو يحترم نفسه ويلزم حدوده وحتى اعلامنا كـ رأي عام الناس فينا رايح فيها .. الدولة ماقعد تبذل اقل مجهود ترقع صورتها وصورة شعبها جدام الناس

احنا مو محتاجين لهم ومو مسوين لنا شي ووجودهم بحياتنا مثل عدمهم لا اهم ولا دول الضد .. واللي ماتعرف يعني شنو دول الضد اهم الدول اللي وقفوا ضدنا بالغزو

وشكو ينشال الغزو .. اشوف اليابان لغت هالشي ؟ المانيا اسرائيل

مثالنا الأعظم أمريكا ؟؟ مو مشلخه العالم بأفلامها اللي ماتتكلم فيه الا عن حروبها ومطلعه روحها البطله وجنودها اهم اصحاب الضمائر الحيه وباجي الناس طالعين من جهنم ؟

معاج بكل كلمة

 

[بنت.المطيري]

هل لو تنعاد عسى الله لاعيده محنة الغزو هل سوف يقف شعب ديرتي الحبيب الكويت مثال قبل أما سوف يتشمت بنا الشامتون و نحن نقطعن نفسنا بسكين الطائف و القبليه و البدون ....
و نسى الــــــــــــــــــــــــــكـــــــــــــــــــــ ـــــــــويـــــــــــــــــــــــــــــــــــــــ ـــــــــــــــــــــــــــت


اي ان شاء الله بنكون صف واحد لان بالاخير تجمعنا الكويت ..وانا اللي اعرفه واللي سمعته ان الناس قبل هم ماكانوا ملايكة كانت بينهم مشاكل وازمات بس كلها اختفت وتناسوها مع الازمة ..واذا تذكرون سنة 2003 ايام تحرير العراق واغنية وطني حبيبي ..كل الكويت حفظها من كبيرنا لي صغيرنا كلنا التمينا وردينا ..هذا اكبر دليل ان شاء الله ان على قلب واحد



هل أنتم مع رد العلاقة مع العراق ....

لا ..علاقة تجيب المرض والسلال

واللي بيلغي دروس الغزو ويأيد هالشي اقل مااقول عنه مغفل !!
والله لويلغون مني لي باجر بنظل ندرس عيالنا ونكبرهم ونربيهم ونعلمهم كل اللي صار بالغزو انا لين اعيز بعلم عيالي واخفادي ان شاء الله ..ومن الحين معلمة خواتي ..اصلا عندنا كتاب فيه قصص وصور وطرق التعذيب خواتي قروه بدون لاندري ..وانا قبلهم قريته وعرفت اشياء ماكنت اعرفها ..لازم كل بيت يكون فيه عالاقل لو كتاب احد عن الغزو
الغزو عراااااااااااقي ..صدام مزروع فيهم ..صح مو كلهم بس الاغلبية واذا اختلفوا على انهم يكرهون او يحبون صدام ..فاهم مجتمعين على كره الكويت وان الكويت حق من حقوقهم ان طال الزمن والا قصر راد لهم بالحيلة او بالقوة !!!!!!!!!!!! الله لايقوله ولا يجيب هاليوم

سوري رديت كذا رد ..[س اليوم حدي منبطه جبدي

 

[L!ttLe-MiSs]

مشكووره ع الطرح الحلو وانا ضد ان الغزو ينلغي من المناهج
و ان شاء الله ما تنعااد هالايام >>عااد انتو لا تفاولون >>
المهم ...ان شاء الله الشعب الكويتي راح يوقف وقفة وحده وراح ننسى كل الخلافات و نفكر بديرتنا الغاليه الكويت ربي يحفظها
و اتمنى من كل حبيباتي الكويتيات بالمنتدى ما يقولون لو يصير الغزو مره ثانيه لان لو تفتح عمل الشيطان... نصيحه من اختكم و اتمنى تتقبلونها مع خالص تحياتي و احترامي للجميع ... والله يحفظ الكويت و شعبها من كل مكروه... ولا تنسون ديرتكم بالدعاء

 

[وصيّه جــــابر]

اولاً جنْي التمسّ من كلآم البْعض ! ..
ان العرآقين مالهم دخل مسآكين ! وحآلتهم حـآله ..!!!!!!
وتقولون انهم بعد مسلمين .

زين احنا هم مسلمين ؟ وين الامآنْة . مآشفنا الا نكِرآن . وذبح !
وبوق اشكره .


كما تدين تدان . كيف سسوا بالكويت .. سآرت فيهم !
سُبحان البارئ سُبحااااااانه ..

وثانيا: لييييييش يششّلونْ منآهج الغـزو؟
لـيشْ . مايوعنهم ؟ عن هـالماضي لـيشْ .! مـايخلونهم . يشوفون وقفت الكويت الصجيه ؟
لييشً مايوعونهم ؟ منو الصديج ومنو العدو ..!
لهــــــــــدرجة استرضخوا دمااااء شهدآئنـآ
احمد الفهد ! والكويتين , الي مآتوا ع هـ الارض ومن اجلهـآ .!!!!!!!

يمسحونه ! او ينكرونه , او يتماسحونه ! كلها سوا !!!!!!!!!

!

!
وبنسبة ان ترد العلاقة بيننا !
مُستحييييييييل .., آجـآبل انسآن . دولته كـآنت مو سسبب الا كانت سيده الاعمآل الدنئيه !
الي غرقت الكًويت فيهآ . . الي !! ذبحت , و باقت .وانكرت

وجذي عادي تبون العلآقة ترد .. ليش اهي هوشة جهآل ؟
طقني واطقك وتصالحنا ؟

اقول
كآفي خير الكْويت الي قآعد يسقيها من بَعد نعمة ربيِ .
هذا بس يكون الخيطْ الي بينا وبينهم خيرآتنا .! الي اعدموهآ اايام اول .



..

 

[w7da_3ishtaw]

والله انا اقول لا نسامحهم ولا بطيخ لان اذا سامحناهم معناته غزو ثاني
و اذا قلنا هذا العراقي ماله شغل و حرام و هذا همن و هذا همن عيل شبقى
و العراقيين طينتهم وحده و معروفين بالغدر و الحقد و الديل انهم يطالبونا
ع الخساير الي سببوها الامريكان لما غزوهم << احنا المفروض ان نطالبهم مو العكس
صج اني ما كنت مولوده بالغزو بس والله والله احس بالمعاناه الي كانو يعانونها و العذاب و التشرد الي كانو عايشينه
و احس بخوووف لمن اسمعهم يسولفون عنه عيل شلون اذا انعاد الشرييط و صار الغزو الله لا يقول



و اسفه اذا طولت عليكم

 

[مسك أبيض]

اولا انا مو كويتيه انا سعوديه وعشت فترة الغزو طبعا كنت صغيره مره مااتذكر الا اني كنت اشوف الخوف في عيون الكبار واشوف اشياء غريبه يعني كانوا يجيبون اقنعه وكانوا يلصقون النوافذ في كل بيت وصفارات الانذار يعني اشياء وايد مافهمناها الا يوم كبرنا وكل ماكبرنا كان يكبر معنا كره وخوف من اسم صدام حتى في المدرسه اذا كانوا يسوون لنا خطه اخلاء للحريق اليهال كانوا يبكون يقولوا هجم صدام ، بس في شي مانسيته وقتها كانت اختي والده واحنا في المنطقة الشرقية يعني اللي يصير بالكويت قريب منا وكانت وقت الولاده تسمع الاصوات وتقول ياربي وش ذنبها هالبنت ماشافت الدنيا تموت ، الحمدلله على نعمة الامن والامان والله يديمها علينا وعليكم وكل المسلمين يارب ...

 

[حنون ياقلبي]

:ggdw:انه بقول لج الغزو((بعــــــــثـــــــــي)) درجه اولى
العغزو صداااااااااااامي درجه اولى
شذنب العراقيين؟؟
الا السنه((البعثيين)) ثله قليله تؤيد الهالك صدام جهنم وبئس المهااد
ماجوف اي داعي تبغضون العراقيين بلعكس لاتنسون ان يات فترات صار بينكم تزاوج وبينكم دم وروابط
انه الي اجوفه ان مالهم ذنب اهوا الي جند ما جند واعد العتاد من البعثيين الذين هم تحت سيطرته
نسيتو شسوا بشيعه والاكراد
وراهم الويل والثبووور
ولحين يحقدون عليه ويلعنونه
والحقد مهب زين ونه اختج اتمنى ترد العلاقات الدبلوماسيه والروابط من بعد زوال البعثيين وانشاءلله مايردون للسلطه
وربي يديم عزززززززززز الكويت
:ggdw::ggdw::ggdw:

 

[وصيّه جــــابر]

8
8
8


حنون قلبي

..
زين شِفتْي برِنآمَجهُم ..
حاطين سؤال الحلقه
" هل تؤيد الدخول الى الكويت مره ثانيه "

؟

وهاتكِ يااااالعراقين سَبْ .!
وتوعد بالكويتين ..!


متى البرنآمج هالسنه ...
:/ للحين مالهم ذنب!
وان هجموا علينا مره ثانيه .. بدون صدامهم
بعد مالهم ذنب؟

قله قليله الي ماااااااااااافي بقلبهم حقد قوي ع الكويت
هذا اذا ما انعدمت هالفئه . الخالية من الحقد من بيئتهم ..!

وكل واحد ينذبح بالعراق يحطون السببْ بالكٌويت يبا هذا الي سارلكم
مثل ماسويتوه فينا والعن
" كما تدين تدان "

اخلاق صدامهم للحين فيِهم .
مغسوله اليد منهم

الله المستعان

 

[قيثارة إحسآس]

الغزووووووووو عراااااااااااااااااااااااقي

كل عراقي .. !! يكره الكويت عمى بعين العدووو .. مادري شمسوين لهم يمكن يتمنا عيالهم ولا هتكنا اعراضهم ولا اسرنآهم .. خلهم يشوفون افعالهم فينا بالاول تالي يقولون الكويت قطعه منهم .. لا يبه الكويت ديره بروحهآ ومامثلها من ديرهـ ..

ولو سمحتوا اللي تقول السنه هناك زينين ولا شينين
والشيعه شينين ولا زينين
وتألف من مخهآ تترك عنها هالسوالف العراقي يبقى عراقي مهما كان ومهما صار كلهم نفس الطبع طينه وحده ..

واهم نفسهم مو مال رد علاقآت ؟ .. الشعب بنفسه رافض وجود سفير لدولة الكويت ! .. مايبون هالعلآقآت ..!

عاد كلش شعبنا اللي ميتين عليهم ..

بسسسسسسس زودتها بالكلآم ادري وطحت فيهم طيحه .. سوووري اعذرووني من القهر مع اني ماعشت ايآم الغزوو بس تبقى ديرتي والله ..!

 

[حنون ياقلبي]

وصيه جابر
فديت اسمج والله

جايز يكونون من اذناب البعثيين لنجوس
اللهي سلط عليهم من لايرحمهم
والله الي بيحقد يحقد لنفسه ومثل ماقلتي الكويت مو ناقصها شي ولاضارها شي