قلبي بيتقطع م آلآلم سآعدوني يآآخوآتي

[اقماري]

مقوله لناعمه الهاشمي انا مقتنعه فيها 100% الرجل انخلق عشان ايكد ويتحمل الثقال ليش ماتكلفين عليه شناقصه عيشي مثل ماتبين لاترحمينه اذا اهو مو كفو اشتري ملابس وروحي صوالين ونوادي واهتمي بنفسج جيبي خدامه وعوديها ع نظامج حاولي تكسبين بنته اكثر واتصادقينها تقعدون مع بعض قعدات حلوه بسيطه اتتابعون فلم وتتقهوون حاولي لما تزعلين تقرين قرآن وتسنغفرين واتفكرين بتفسير الايات وتتناسين المشكله وقت زعلج هذا احسن حل عيشي مثل ماتحبين نظمي حياتج وكملي دراسه عشان تقدرين اتعيشين نفسج وعيالج برفاهيه ..
واذا جبتي خدامه حاولي ماتركزين عليها حيل لكل انسان اخطاء وعيوب تقبليها وعلميها حبه حبه..
الطلاق خيارج ولكن احساسي انج انسانه قويه وذكيه وتقدرين تظبطين حياتج الطلاق حل بس مو حل حق انسانه مثلج ذكيه وطيبه وحنونه اعتقد انتي قادره بعد الله انج اتعيشين حياه افضل وتكسبين عيال زوجج واتخلينهم منتجين وفعالين بالمجتمع ولا هم عاله عليه راح تكسبين اجر بالدنيا واتكونون سند حق بعض لان المحروم اذا لقى احد ايحبه يتمسك فيه حييييييييييييييييييييييييييييييييييييييييل العمر كله..
البنت عوضيها عن امها شوفي انتي لما كنتي بسنها شنو اتحبين وشنو تحتاجين امدحيها بجمالها وشكلها وقوليلها انتي حيل حلوه ولو كنتي انظف بتكونين احلى و و و عموما اهتمي بمدح شكلها اكثر وشخصيتها عشان تتحفز تهتم اكثر حاولي تطبخين انتي وياها مع بعض ترتبون غرفتها مع بعض علميها شلون اترتبها واتحافظ عليها ..
الولد الله ايعينج يحتاج ابوه اكثر لكن حاولي تكسبينه بيني له انكم محتاجين له ولرايه ووجوده واهو الرجال وقوي ويعتمد عليه واحساسي الولد الين من النت ممكن تكسبينه بسهوله ..
زوجج تكسبينه بسهوله بأهتمامج بنفسج وذكائج ومهارات اللي تملكينها استغلي كل فرصه بحياتج عشان تخلقين عنده نظرة اعجاب لج اصدميه بردة فعلج لأمور حياتج اذا الاولاد خربو او كسرو تعاملي بهدوء واخذيها سباق ولعبه شلون انخلص اسرع ؟؟
انتي مشغوله بالبيت والاولاد شيء طبيعي بتكونون بعاد عن بعض اهتمي فيه عامليه بحنان اطلعي وياه ابروحكم الصبح تقوو شمو هوا وردو طلعات بسيطه ابروحكم اتقربكم حق بعض حسسيه بعمرج صغيره وحلو ولازم تعيشين حياتج انتي دلعي عمرج بعدين اهو ايدلعج اولا انتي اهتمي بنفسج بعدين اهو يهتم فيج..
الله ايوفقج وايكملج بعقلج انتي انسانه مثاااااليه ورائعه جد ..
بالتوفيق حبيبتي..

 

[manoooram]

الله يعطيج العافيه ويجزاج ألف خير باهتمامج ورعايتج له ولعياله
كله بأجره عند الله ضحيتي بدراستج على شانهم
سويتي اللي عليج وعطيتي من قلبج
وشفتي ماكو مردود أو نتيجة ملموسة منهم
ما عليه عطي فرصة ثانيه وصبري شوي

 

[تبيني آرضى عليك]

حبيبتي مالك الا الدعاء واللجوء لربك
استغفري وصلي صلاة الليل وادعي ربك انه يسخر لك زوجك وعياله وعيالك ويحنن قلوبهم عليك

 

[PuPa^^SWeeT]

يبيلج تتركيين يووم البيت و تاخذين عيالج انتي


وشووفيه شلون بيحوووس بعياله


عيل ولده يبيع حشيش و يقوولج و اهو يقوولج تتبلييين



حتى لو تتبلين اقلها يحاتي ولده


يتصرف و لي اكتشف انه تبلي شي ثاني



حتى اهو ماتصرف



الله يعييينج


والبنت ترا نظافتها دووم على امها

 

[MISs SoMa]

من كل قلبي آشكركم على نصآيحكم ووقفتكم معآيه
ربي يسعدكم ويوفقكم ويحققلكم كل اللي تتمنوه ويبعد عنكم كلشر

 

[قَلبڪْ صًخرْ]

انتي بعدج صغيره ليش تضيعين عمرج تربين عياله؟؟
يعني شسويتي لنفسج لادراسة لاشغل ولا ماتبين تكشخين عشان لا تكلفين عليه وحارقة دمج مع عياله اوهو لاهي مع بنات بليس ومستانس ؟
اوك على اجر وكل شي

بس انتي مو مطالبة تربين وتحرقين اعصابج وشبابج بعيال الناس وحزة الحزة قالوا مالج شغل انتي مو امنا !!!
لا واخته تسميج السيرلانكيه بعد شتبين اكثر يعني لاحمداً ولا شكورا
لا ومايصلي ويطالع افلام وبلاوي
من صجج ليش هالبهذلة على شنو
يقول المثل يامربي بغير ولدك ياباني في غير ملكك

خلو عنكم المثاليات عمرها26 وجنها 45

 

[امـ خــزامـى]

الله يكون بعونك وعلى الاجر يارب

 

[mrs.abk]

اول شي احب اقولج مأجوره
كله اجر لج وان شاء الله مثل ماتخدمينهم الله يسخرلج اللي يخدمج وانتي كبيره يارب ..
شوفي حبيبتي انتي الحين لج مطلق الصلاحيه انج تعاملينها مثل بنتج
تخيلها فعلا بنتج
لو شفتي بنتج تكلم شباب شراح تسوين بكل صراحه
لو شفتي جذي وصخه شراح تسوين
عامليها بالظبط كبنتج بدون ماتجاملين او تخافين من ردة فعل الام او الابو
لانهم اخلو مسؤليتهم وقالولج كيفج
انتي عاملتيها بالطيب واللين مافاد معاها
الحين شوي لازم تشدين عليها وتكونين صارمه خصوصا ان بمرحلة المراهقه والله يعينج على هالمرحله
مرحلة العناد والتمرد
حبيبتي راقبيها عدل .. وحاسبيها .. وهم لاتكونين حيل شاده بس وقت الي يستاهل الشد والحزم لازم تكونين جذي
مو دايما مرخيه ومستاهله

للأسف حبيبتي لو شدت عليها شوي بينفجر البركان اللي اسمه أبوها وممكن يمد إيده على زوجته ..

ذيج الساعة هو اللي بيقول هذي موب بنتج .. هو اللي بيقول انتي حرمة ابو .. بينسى اللي تكرف وتشتغل وتتعب نفسها


الله ييسر لها الخير ..

 

[flawar]

الله واعلم
بس سبحي واستغفري و اقيمي الليل والدعاء وبتلقين نتايج
وربج بيعطيح حلول من غير ماتحسين راح تتصرفين بعقل ايالي مجرب
بس خلي نيتح صادقه وابجي كل صلاة قيام

وعيشي عمرج وريحي نفسج وخلي الحياه ماشيه عادي ولا كانه في شيلاتنسين نفسج ابد لا تضغطين ع نفسج علشان تعرفين تتصرفين
وخلليج حنونه وهم اللي بيجونج بنفسهم لو انتي صاااادقه بكل شي وادعيلهم بالهدايه
انتبهي لزوجج وراح يتعدل اهتمي فيه ودلعيه وادعيله وكلميه بامور الدين ان لازم يبعد عن هالامور علشان الله مايبلاه بعياله
شغلي سوره البقره كل يوم كل يوم حسسيهم باجواء القران يمكن يهدون
والله واعلم

 

[granted]

٨٨٨٨
شفتي انج قاعدة تضحين تضحيات مالها معنى
كاشحصلتي
عيشي لنفسج ولعيالج زمن التضحيات راح حبيبتي
الله يفرج همج يارب

 

[رقـة الاحسـآس]

الله يفرجها عليج يارب

 

[عسل حدي]

قُلْ هُوَاللَّهُ أَحَدٌ * اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُنْلَهُ كُفُواً أَحَدٌ }


قُلْ أَعُوذُ بِرَبِّ الْفَلَقِ * مِنْ شَرِّ مَاخَلَقَ * وَمِنْ شَرِّ غَاسِقٍ إِذَا وَقَبَ * وَمِنْشَرِّ النَّفَّاثَاتِ فِيالْعُقَدِ * وَمِنْ شَرِّ حَاسِدٍ إِذَا حَسَدَ }


قُلْ أَعُوذُ بِرَبِّالنَّاسِ * مَلِكِ النَّاسِ * إِلَهِ النَّاسِ * مِنْ شَرِّ الْوَسْوَاسِالْخَنَّاسِ * الَّذِي يُوَسْوِسُ فِي صُدُورِ النَّاسِ * مِنْ الْجِنَّةِوَالنَّاسِ }

 

[خالتي قموش]

صاحبة الموضوع
حرام عليج
كسرو خاطري عياله
جد

لا ام ولا اب
تخيلي نفسج سن مراهقه
محد ينصحج
محد يهتم فيج
حتى لو صج صايعين
يبون االلي يهتم فيهم و ينصحهم
ويكون لهم صديق
مو يعايرهم و يفضحهم

اذا منتي قادره تكونين الناصحه و الصديقه
خلاص انسحبي
بس لا تعايرين فيهم
ترا عندج عيال

خافي الله فيهم
ترا هذول يتامى
مو شرط امهم ماتت
امهم تركتهم
خلي ابوهم يحن عليهم ويسال عنهم

 

[كوكي الحلوة]

بغض النظر عن الموضوع انا اقول الله يصلح الجميع لكن صراحة استغربت من شي ليه قلبتو عنصرية كلنا بشر مافي فرق يعني اذا فلانا غلطت اقولها انتي موب كويتية وش خصني بجنسيتها في النهاية كل مين رايح قبره مو اخذ معه جنسيته ولامنصبه الله يهديكم واحب اذكر لايدخل الجنة من كان فيه ذرة من كبر ​

 

[خالتي قموش]

بس حرام عليها طايحه تفضح بعيال زوجها
هم مساكين مراهقين
مالهم ام
مرت ابو مانه عليهم
واب هاملهم
شيطلعون
اصلا لو خايفه ربها ما قالت ان البنت تكلم شباب و الولد محشش
مالت على امهم اللي خلتهم عند ياهل مثلج

 

[خالتي قموش]

وبعدين مستغربه
شايفه الضيم وساكته
شنو اللي جابرج
تركيهم يمكن الله يعووضهم بوحده ترحمهم

 

[relly-story]

ماشاءالله انتي لك الجنه باذن الله على صبرج وتحملج كل هذي الضروف الصعبه

مالج الا الدعاء والصبر والتحمل وحاولي لا تخلين صبرج يحولج للعصبيه

وانتي نصحي وتكلمي اكثر من جذي لا ..... الا الدعاء

عشان لا تطلعين انتي الغلطانه بالنهايه في نظرهم

وصلي النصايح للام والاب

وانتي رايتج بيضه

اما البنت ووصاختها حاولي تخرعينها ان هشي يسبب امراض وووووو عشان تخاف وتتغير

ويارب يحل مشاكلج

ويسعدكم

 

[Mjnont '3lay]

كان الله في عونج حبيبتي