قلبي يعورني :(

[Terrific_face]

السلام عليكم ...

بنات انا صراحة زهقت من كل شي والله كرهت نفسي


بفضفضلكم كل شي

:eh_s(2):

ما عمري حسيت بحنان الأم والاب

والله يا بنات تخيلوا يوم كنت صغيرة كانت فيني فوبيا من < الدمى (الباربي الكبيرة + طبيب الاسنان >

كل ما اييي عند امي كانت تقولي يالله بوديج الطبيب وتضحك حييل وانا ميته بچي

ومرة يبتلها اعلان مال ألعاب جان تقولي اوديج بس شرط تروحين عند الطبيب:eh_s(11):

باختصار كل ماروح لها تيبلي طاري الطبيب

صارت فيني عقدة نفسية صرت اكره أروح عند امي

ومره شرت باربي وحطتها على الدرج < بغت تصير فيني سكتة قلبية

طبعا هذا يوم كنت صغيرة ، الحين طبعا لااا ما فيني خوف لا من الدمى ولا طبيب الاسنان >

كنت فاقدة الحنان بشدة لدرجة مرة نادتني وكانت عندها رفيجتها قلت لها مابي يما بلعب جان تقول حق رفيجتها

احس بنتي ما عطيتها حنان !

للأسف صار فيني اثر نفسي عميق جدا ما يروح مع انه من 9 سنين

================

المشكلة الثانية

رفيجتي من اربع سنين وحبيتها حيل اكثر من نفسي تتخلى عني عشان وحدة تكرهها حدي انقهرت

كلمتها ماكر فايدة

ليش يا بنات حظي جذي ليش انا ضعيفة ليش قلبي بسرعة يعورني

والله كرهت كل شي احس فيني اكتئاب

كرهت نفسي وإسرتي والناس كلهم

؛(

 

[عصله مزيوونه]

أول شي الله يخليلج أمج وابوج ترى هالشي نعمه ما يحس فيها الا اللي فاقدها وان شاءالله ماتفقدين غالي

ثاني شي أنا كان فيني فوبيا طيران وكل صيف نسافر برى ما استانس لأنه ما يطري على بالي الا الطياره خلاص قفلت معاي والكل يضحك علي وعااااادي تخطيته بنفسي, قلت ماكو طياره بتطيح ولا سياره بتندعم ولا انسان يموت الا بكتبة الله فزاد إيماني بالله وعرفت ان لا يصيبنا الا ماكتب الله لنا فصار الخوف شي من الماضي, وتخيلي كله بروووحي بيني وبين نفسي يعني صار تحدي!
والحين اركب الطياره اول وحده وفي امه خير اللي يضحك فأنتي بدلي الفوبيا وخليها اثبات وتقوية شخصيه
وترى مشاكل الأهل وااااااايد وحمدي الله على مشكلتج لأنه لها حل يعني للحين امج موجوده وتقدرين تاخذين من نبع الحنان لين تشبعين وانتي وطريقتج

المشكله الثانيه
ياما بتشوفين صديقات جذي وبيمرون عليج اشكال وانواع وهذا كله يخليج تفطنين للزين وتعرفين الشين منو! رفيجتج مو وفيه وشنو فايدة الصداقه بدون وفاء؟ انتي سويتي اللي عليج وكلمتيها الباجي عليها اهيا! يا تخلص لج ياتنكر عشرة الأربع سنوات عشان وحده متعرفه عليها بو يومين

لا تقولين اكتئبت, قولي خذيت دروس وكل يوم شخصيتي اقوى من اليوم اللي قبله, والقوي الله سبحانه

ادري كثرت حجي بس حبيت افيدج واقولج انتي ترى بالطريج السليم .. وموفقه :*

 

[M!SS.LOBY]

لا حول ولا قوة الا بالله

 

[ريتاج_90]

أول شي الله يخليلج أمج وابوج ترى هالشي نعمه ما يحس فيها الا اللي فاقدها وان شاءالله ماتفقدين غالي

ثاني شي أنا كان فيني فوبيا طيران وكل صيف نسافر برى ما استانس لأنه ما يطري على بالي الا الطياره خلاص قفلت معاي والكل يضحك علي وعااااادي تخطيته بنفسي, قلت ماكو طياره بتطيح ولا سياره بتندعم ولا انسان يموت الا بكتبة الله فزاد إيماني بالله وعرفت ان لا يصيبنا الا ماكتب الله لنا فصار الخوف شي من الماضي, وتخيلي كله بروووحي بيني وبين نفسي يعني صار تحدي!
والحين اركب الطياره اول وحده وفي امه خير اللي يضحك فأنتي بدلي الفوبيا وخليها اثبات وتقوية شخصيه
وترى مشاكل الأهل وااااااايد وحمدي الله على مشكلتج لأنه لها حل يعني للحين امج موجوده وتقدرين تاخذين من نبع الحنان لين تشبعين وانتي وطريقتج

المشكله الثانيه
ياما بتشوفين صديقات جذي وبيمرون عليج اشكال وانواع وهذا كله يخليج تفطنين للزين وتعرفين الشين منو! رفيجتج مو وفيه وشنو فايدة الصداقه بدون وفاء؟ انتي سويتي اللي عليج وكلمتيها الباجي عليها اهيا! يا تخلص لج ياتنكر عشرة الأربع سنوات عشان وحده متعرفه عليها بو يومين

لا تقولين اكتئبت, قولي خذيت دروس وكل يوم شخصيتي اقوى من اليوم اللي قبله, والقوي الله سبحانه

ادري كثرت حجي بس حبيت افيدج واقولج انتي ترى بالطريج السليم .. وموفقه :*

صح كلااامهاا
اعتبريها درس ڵــچ
والصديقات الحييين مالهم امااان

 

[M!SS.LOBY]

الله كريم

 

[VET-Nour]

جم عمرج ؟

 

[بكيزة هانم]

عورتي قلبي

 

[منيره آل ثاني]

مو بس انتي

انا رفيجتي انقطعت أخبارها عني من بعد امتحانات الثانوية العامه الاخيرة ولا اتصلت
وبعد سنوات جفت دفتر عندي قديم لقيته بالصدفة فيها رقم هلصديقه
واتصلت وردت علي أمها جان أتقولي اي فلانه (الي هي انا)ترا بنتي تزوجت ويابت عيال
انا انصدمت ولا اتصلت علي معنها أتعرف رقمي ولا عزمتني

مو حابه ازعلج بس حبيت أقولج مع مرور وقت سواء قصير او طويل بيبين معدن الانسان الحقيقي اذا يبيج او مايبيج
وكل بعاد فيها خيره يمكن الله سبحانه يبي يبعدها عنج لحكمه انتي نفسج ما أتعرفينها

قولي الحمد لله رب العالمين

 

[ashwaq1]

يمكن امج ما توقعت انها بتعذبج بالطبيب يمكن عبالها انها تلعب معاج جذي
انا اخرع عيالى بالطبيب ان بقزكم ابرة او بالشرطي بزفكم صراحه ما توقعت ان بتاثرون باجر الا لمن قريت قصتج يمكن امج مثلي
فعذريها ومو عيب تصارحينها لا تخلين بينج وبين امج حاجز قوليلها وقوليلها ابى حنان ترا مو عيب يمكن امج ما تعرف تعبر انتى كسري الحاجز الى بينكم
وبالنسبه لصديقتج هذى الدنيا باجر تتعرفين على رفيجات بالدوام وامهات بمدارس عيالج تتعرفين عليهم وفى منهم الى بظل ومنهم الى بخليج طنشي واستانسي من عافنا عفناة
وبعد الوحدة اذا تزوجت ويابت عيالى بتنشغل عن صديقتها غصبن عنها

 

[# غنوجة بيبي #]

أستغفر الله

 

[Patcholli]

مشكلتج انتي تربطين حياتج باشخاص معينين وتنسين نفسج وحقها عليج

حبيبتي حاولي تطورين نفسج وثقافتج وموهبتج وخلي عنج سوالف القلب والرفيجات ترى محد بينفعج غير علمج و سخصيتج القويه

اهتمي بنفسج وخلي الناس عنج