قمصان للسفر

[HERMITAGE]

للرفع

 

[HERMITAGE]

؟؟؟؟؟

 

[بطاط مهروس]

مشكورة على الموضوع
بالنسبة لى انا واللى اعرفهم ..... اخذ قمصان اللى عندى القديمة وما ابيهم عشان اهريهم بالسفر وبعدين اقطهم
ترا السفر ما يبيلة خبة كافى المشى والحر وراح نعرق .......
وقمصان بو 5 دنانير اشفيهم والله حلوين

 

[الزيين]

أبي أسأل الرجاء ساعدوني 000
صج مانعين الخدم من السفر إلى أوربا ؟
لأن سفرتنا متوقفه على الخدامة 000 لأني باخذ عيالي الأربعة معاي ومحتاجه الخدامه 000
أرجو المساعدة !!!!!!!!!!!!!

 

[وافية*]

الزين يؤسفني اني اضيق خلقج واقولج انهم مانعين الخدم انا وديت اجوازات للسفارة عشان الفيز ومارضو عالخدامة ومضطرة اخليها وبخلي بنتي سنة ونص عمرها مع انة مفيزتلها وحاجزتلها تذكرة وخالصة بس شنسوي مافي خدامة ماقدر عليهم
وطبعا كللللللل السفارات مانعين الالمانية والفرنسية وكلة

 

[حلوى كويتيه]

بما ان السفر وصل رديتلكم مره ثانيه وسفرتي الاسبوع الياي

ا- شريت قمصان بارده وحلوى اللي مغلمه من ديربي جينز

2- شريت 2 بنطرون جينز واحد فاتح وواحد غامج وليقنز اسود وبيج

3- شريت القمصان اللي طويله اللي البس عليهم ليقنز من النقره

4- وشريت لفات القطن الخفيف جميع الالوان الاساسيه

5- شريت من النصر مايوه اسلامي حق الزرقات اخر الليل مع زوجي

طبعا الملابس الداخليه انا كل سفره اخذ القديمات وقطهم بالسفر

واشتري يديد من عندهم


واذا ذكرت شيء بردلكم ابي التفاعل ياالله ياحلوين:eh_s(9):

 

[حلوى كويتيه]

نسيت شريت بعد 2 تريننق من العدساني حلوين وباردين

 

[الأماكن]

...~

كل ملابسي من بو 5 و7 ... وألوانهم تهبل ... من النقرة و كويت ماجيك

والجوتي تكرمون ان شاء الله ناوية آخذ من أيكو ... و خذيت جم صندل من النصر

والملابس الداخلية .. أنا كل ملابسي غاااااالية ف ماراح أخذهم ... بآخذ من الهنود الرخيص ... و أقطهم هناك .. مالي خلق أغسل

 

[هنـــد]

انا شريت قمصان من بيرشكا وفصلت جم قميص عند البلوكات وطلبت لي من مواقع برا

كل قمصاني طوال تحت الركبه مع ليقنز شريت كل الالوان

مع ملافع قطن الخفيفه خامتهم رووعه الالوان الرئيسيه الاسود والبيج والرمادي

وشريت ثلاث كعوب هم الالوان الرئيسيه

وبس

 

[ست 666]

انا عن نفسي كل سفرة جينزات و قمصان
بس هالمرة حامل صايرة مالي خلق البس قطع وااايد ابي شي واحد بس
والمنطقة الي بروحلها حر وااايد بس مضطرة المستشفى الي بعالج فيها اهناك

فشريتلي نفنوفين خفاف و ناعمين
و ابي قمصان ما احتاج البس شي تحتهم شكلي بسوي مثلكم وبروح حق بو خمسة ...

 

[حلوى كويتيه]

بنات من جربت ملافع القطن اللي اسمهم كلينكس

شلونهم بالسفر وشلون الاوتي معاهم

شنو احسن اوتي بخار يكون صغير

 

[الأماكن]

... جربت ملافع القطن موووووو حلووووين علي ... شسووووووي

شكلي بتم ع ملافعي القديمة ....

و أوتي البخار الضغير من وين أشتريه

 

[نطوووعه]

اوتي البخار من الكتروزان ممتااااااز ماستغني عنه وعلى ٦