قوانين العمل -معلومات تهمنا ₪₪ موضوع متميز ₪₪

[ذكراك تكفيني]

يعطيج الف عافيه

وجزاج الله الف خير

 

[مدموزيل كوكو شانيل]

شلوووونج حبيبتي ممكن اسألج جم الحد الانى لللأجور بالقطاع الخاص لأنه عرضو علي وظيفة نصف دوام من الساعه 8 الى 12 براتب من الشركه 100 دينار و طبعا مع دعم العماله و الزيادات يوصل 518 دينار بما انه شهادتي دبلوم ..........

هل يصير يعطوني 100 دينار و انا كويتيه و حالتي حاله حتا لو نص دوام ............

الخلاصه ابي اعرف جم الحد الادنى لرواتب القطاع الخاص بالنسبه للنص دوام ؟؟؟؟

و لك مني جزيل الشكر و الامتنان

 

[أم وجيه]

اختي ممكن أعرف عن الرضاعه هل يحق للموظفه بالقطاع الخاص ساعه رضاعه طبقا للقانون ولا ماكو رضاعه ؟؟

علما بأنه ساعات العمل 7.30 ساعات متواصلة

 

[فراولة حمرة]

السلام
بغيت اسل انه رفعت كتاب تظلم عشان تقييمي للمدير وقابلني بس ما سوى شي والحين بطلب تحقيق
بس مو عارفه اوجه الكتاب حق منو وشنو الصيغه

 

[ميونة الحلوة]

يعطيج العافية اختي المحامية

بصراحه الواسطه ما خلت شي اسمه قانون

يعني الي يقهر انج تشوفين ناس عندهم كفاءات و اخر شي يوظفون الي ماعدنه كفاءة مكانه شي يقهر و لا همتهم القوانين و لا شي طول ما الواسطه موجوده

و عشان ما اكون جذابه حتى احنا عايلتنا تتعامل بالواسطات

و لو يلغون نظام الواسطه و يوظفون على الكفاءة جان الديرة بخير

 

[الشامريه]

هل يجوز لجهة العمل تسجيل المقابله الشخصيه للمتقدم للوظيفه بحجة العدل في التقييم؟؟؟

 

[.،:"$الـعـوبــــة$":،.]

مرحبا
اختي المحامية بغيت اسال اذا كنت موظفة في وزارة الاوقاف لي 4 سنوات وفي اخر سنتين كان تقديري امتياز
وارغب في الحصول على منحة دراسية من الوزارة أو انتداب لوزارة الاشغال ؟
هل فيه طريقة استطيع فيها تحقيق واحد من هالطلبين؟؟؟

 

[Hedoo2]

مشكووره يالمحاميه على سعة صدرج وردج

انا عندي سؤالين


1) اذا اشتغلت بوزاره مده شهر او اقل وبعدها ياني قبول بشركه النفط هل اقدر استقيل من الوزارة ؟ ولا في نظام معين يمنع الاستقاله الا بعد مده معينه؟ صراحه كل شوي لهم قوانين يديده ماندري


2) اقدر أأخر اجرائات تعيني بوزاره يعني اسوي الفحص واخليه عندي ما اوديه أأخره مده شهر شهرين ليما انطر قبولهم لي قطاع النفط ؟ عشان اضمن مكاني بالوزاره اذا ماخذوني النفط ؟ ولا مايصير يروح علي المكان بالوزاره خصوصا اذا انا مارحت رفضت ولا وقعت مباشره عمل بس اسوي الفحص واوقف ؟

ان شاءالله تكونين فاهمتني

 

[ملاك العرب]

يعطيج العافية ........

 

[وجدانيات]

الله يسعدك دنيا وآخره وبماانك محاميه نفسي اعرف عن موضوع الشغل بالقطاع الخاص بس اسم, بدون ماأداوم...... ويصرف راتب لأن وحده تبي اسمي وعرضت علي هالوظيفه بس ماأبي حرام هذا اللي رادني ومشكوره مقدما

 

[hartooonah]

قوه انا باطرح عليكم مشكلتي وابي اعرف حلها منكم الله يعافيكم
انا كويتيه متزوجه سعودي وعايشه في الرياض وابي اتوظف بس ما حصلت في الرياض وظيفه مناسبه مع اني بكالوريس حاسب الى وتقنية معلومات ولغتي الانجليزيه ممتازه وودي اقدم على الوظايف الحكوميه عندهم بس ممنوع لان لازم جنسيه سعوديه وانا مابي اتنازل عن جنسيتي الكويتيه وابي اعرف اذا يصير اتوظف في الكويت وانتدب للرياض لاني سمعت ان في وايد يوظفونهم في ديرتهم وينتدبونهم لدول اخرى خاصتا بين السعوديه والامارات فانا ابي اعرف الامكانيات والفرص اللي ممكن احصلها وطريقه اتوظف فيها لاني مليت ابي وظفيه

 

[black.sugar]

بنات جزاكم الله خير انا توضفت بمنطقة التعليمية وخيروني واخترت قسم والحين صارلي 3 ايام بس ما ابي اكمل فيه يحقلي انقل قسم ثاني الحين لاني ما ارتحت فيه وانا مسماي صائغ برامج بس القسم اللي فيه خلوني اشتغل بالملفات مو الكمبييوتر

 

[الجورى 2007]

للرفع
سبحان الله وبحمده سبحان الله العظيم

 

[aya faid]

اختي نبي نعرف قوانين العمل اليديدة


انا موظفة بقطاع خاص (شركة ناصر محمد الساير)


توظفت قبل ما ينطبق قانون العمل الجديد



وبالتالي كانو كاتبين لي 14 يوم اجازة سنوية



الحين اعتقد الاجازة السنوية 30 يوم حد ادنى


علما بأني غير كويتية


مشكووورة

 

[محبوبة توتي]

مرحبا وفي البدايه جزاج الله خير على الموضوع المفيد المميز اللي انشالله الاقي فيه حل لمشكلتي انا عندي بكلوريوس بنظام انتساب من جامعة الملك فيصل وهي معترف فيها بالكويت انا سعوديه زوجي كويتي التربيه اوقفوا تعييني قالوا الغير كويتيه لا زم انتظام السؤال هل زوجة الكويتي تعامل معاملة الكويتيه وهل رفض التربيه يعني رفض كل الوزارات اوهذا بس بالتربيه طمنيني الله يطمنك

 

[ام شيخون]

حبيبتي بغيت استفسر عن دوام الاداريات صج انه دوامهم يبلش الساعه 8 وينتهي الساعه 12.30 ولا بس كلام ويعطيج العافيه

 

[مناوي الكويت]

مشكوره ياقلبي بارك الله فيج

 

[@سوسن@]

محاميتنا يعطيك العافيه

بدخل بسؤالي:
انا متعينه منذ شهر 5 -2001على الدرجه الخخامسه و5 علاوات

اخذت الدرجه الرابعه بشهر 7 -2007 بالاقدميه
السؤال:
متى اخذ الدرجه الثالثه ؟اي سنه بالضبط؟

يعني احسب من 2007 احط عليها 5 سنوات الحسبه؟صح

 

[الكويت ديرتنا]

الله يعطيج العافية استاذة / هبه ........على الموضوع المفيد





بس ودي أسألج استاذة طبقوا قانون إجازة الوضع وإجازة الأمومة الجديد ولا بعد ....... آنا بوزارة التربية وحابة آخذ إجازة أمومة بس مو عارفه إذا براتب كامل أو نص راتب؟؟!!





ومشكورة .....

 

[سمرالقمر]

السلام عليكم :الموظفة الكويتية لو تم تعيينها بجهة حكومية وبعد التعيين او خلال اجراء معاملة التعيين حست انه المكان مو مناسب او ماعجبها او اي شي زاعجها من هالوظيفة شنو الاجراء اللي تتخذه بشكل تحفظ حقها وممكن تشتغل مكان ثاني او مثلا تنطر وظيفة عند الدولة وشكرا