قوتكم بنات رايحة باريس فزعتكن لي

[kawai]

:ggdw: انشالله باريس :ggdw:

بعد تعب دراسة ودوام باذن الله شايفتج يا باريس
حلم وبيتحقق عندي خمس ايام بس هناك وبنزل بفندق
best western champs elysées friedland
بالشانزليزيه شو احلى المطاعم والملاهي والاسواق ....ألخ
همتكم بنات دلولي الله يوفقكمم

 

[ًwo0ow]

ونااااسه عليج بالعافيه
اول شي الملاهي مالج غير دزني تروحينله بالقطاااااار وطبعا متحف اللوفر سلميلي على موناليزا
والمطاعم ياكثرها بالشارع عندج ايراني ما اذمر بالضبط بس على الشارع راح تشوفينه من تمشين في الشارع وعندج هندي يصير يم محل سيفورا عند عمارة 62 ادشين داخل ولبناني العجمي والديوان وغيرة ما اذكر اسامي بكل مكان طبي وتخيري كله راح تلقينه على الشارع وطبعا غير القهاوي اللي متسطرة ولا تنسين قهوة الوليد بن طلال احلى هوت جوكليت في العالم عنده قهوة فوكيت يصير يم لويس فيتون
هذا الي في بالي الحين

 

[عيون عبدالرحمن]

المقاهي في شارع الشانزليزية :
الفوكيت Fouquets
Le Paris
Le Deville
Renault
Häagen-Dazs
Le Madrigal

المطاعم كثيره :
العجمي
نورا
Piza pino
مطعم الديوان
مطعم بيتزا روما Pizza Rome
مطعم بلانيت هوليوود Planet Holywood
Buddha Bar بس لازم حجز
وفي شارع الشانز مطاعم وجبات خفيفة مثل ( ماكدونالدز McDonald's ،مطعم كويك Quek )وغيرهم ،،

 

[عيون عبدالرحمن]

وعن تجربه اذا تحبين الاكل الايطالي لازم تجربين هذا المطعم
مطعم ايطالي راااائع

أسمه convivium Ristorante Italiano
وعنوانه 78Avenue Raymond poincare
75116 Paris
tel : 0144179192

 

[kawai]

سلمتن كلكن عالردود الحلوة
wo0ow
وعيون عبد الرحمن
بس بالنسبة للمطعم الايطالي لازم نحجز قبل؟؟؟
امواااااااااااااااااح لكل وحدة
حلو الواحد يسمع عن مكان ويوم يشوفه يتذكر منو قاله ويدعيله
الله يوفقكم حبيباتي

 

[دلوعة أبوهآ]

سفره موفقه يـارب ..

 

[إحســاسـ أُنثـى]

انا برووووح فرنسا بس اربع ايام
وراح اسكن بوالت دزني
ان شالله
بس ابي مكان تسوق رخيص يقولون في محل ماركات رخيص بس ما اعرف اسمه ولا ادله
احد عنده فكره ؟؟

 

[ذكرى الفراق]

تروحين وتردين بالسلامة ان شالله روحي لتقارير البنات اللي راييحيين فرنسا وراح يفيدونج ان شالله

 

[LA TROO7]

حبيبتي الله يعينج عالفندق انا حجزت فيه وبعدين كنسلت لان مافيه تكييييف بس البيست ويستروون نظيف وسلسله عالميه
اهم الكافيهات

الفووكيت مال الوليد بن طلال<<<<<جربي الهوت شوكليت مشهورين فيه

واللادوري<<<<ياحلو ايامها ولايطووفج المكروون مالهم لذذيذذذذذذذذذذذذذذذذذذذذذ خصوصا اللي عالشوكليت

المجمعات

عندج اللافييت ولازم تروحين الاوت لت يكون بالمحطه اللي قبل دزني
ورحله سعيده

 

[عيون عبدالرحمن]

مرحبا

لا والله انا كم مره اروح له بدون حجز وهو في جلسات برا وفي جلسات داخل وانشالله يعجبك

 

[عيون عبدالرحمن]

بنات اسمع عن الاوت لت واجد حد يفيدني ايش هذا ؟

 

[LA TROO7]

عيون

الاوت لت هوو مجمع او محطه الماركات المخفضه

يعني تلاقين بربري ورالف لورين وجيفنشي وغيرهاا بسعر مخفض حيييييييل
لان تكون بضاعه السيزون اللي فات

كل الدول الاوروبيه فيهااا

لندن فيهافوق ال100 واحد

وباريس اللي اعرفه مووجود قبل محطه دزني

وعلى فكرة دبي فيها اوت لت بس يقولون مو ذاك الزود

 

[عيون عبدالرحمن]

طيب حبيبتي ماتغرفين عنوانه بالظبط وين في باريس ؟اخاف انزل قبل محطة دزني وماعرف وين اروح

 

[LA TROO7]

من القطار
تاخذينأي قطار مغادر إلى محطة Marne-la-Vallée Chessy ومنها الى
D'EUROPE VAL على الخط RER A4

اسمه

سوق لافيلاج اوت لت (La Vallée Outlet Shopping Village)

موقعهم على السايت

http://www.lavalleevillage.com/lavallee/home.asp?lan=en

 

[Tender Heart]

هلا حبيبتي باريس حلوه احلى مافيها الازعاج <<<<< تحب الازعاج خخخخخخخخ
الكوفيهات وايد وانتي تتمشين بالشانز تلقينهم ياكثرهم ..... وهم المطاعم بالنسبه للمجمعات عندج لافاييت وهمن كونكورد لافاييت جدام مريديان \ برنثان \ وبعد وايد بس ناسيه خخخخخخخ الرحلات عندج : متحف اللوفر \ قصر فرساي \ برج ابفل \ يورو دزني وترا الاسوقه تتبطل من 10 وسلامتج وسامحيني على ذاكرتي لان من زمان رايحتلها خخخخخخ

 

[شموع & دافئه]

الاوت لت بلافالى فيلاج اللى بالديزنى
لا تغركم
مو حلوة انا كنت ساكنه هناك العام اسبوع وكل صبح انا فيها حتى قبل لا تفج المحلات مو بهذاك الزود
يعنى لا تحطون ببالكم جناط تهبل اللهم حزم ارمانى وجواتيهم ( مكرم السامع ) حلوين بس غلى وااايد ما جنه عليهم سيل
وفيه وايد محلات رياضيه
والمحلات المشهوره بربرى ارمانى رالف لورين كالفين كلاين فيرلا ......
كل يوم افتر بقنع نفسى اشترى شى ولااااا كو فايده

ماخذ سمعه ع الفاضى

السنع ببوتيكااتهم بس