قولولنا تجاربكم مع (( اكتئآب مابعد الولاده )) ...

[•Brown•Sugar•]

(سلااااااااام)

شلونكم يا آمهااات منتداي الغالي
وحياكم الله حوامل وطموشات



اليوم قعدت اتذكر معاناتي بعد الولاده والاكتئاب اللي حاشني
ولما اقارن نفسي ببنات عماتي وخالاتي ما اشوفهم سوو مثلي !!
حسيت اني الوحيده االلي مريت بهالحاله بس لما دورت بقوقل شفتها
حاله منتشره بشكل كبير .....



ياليت اللي عندها تجربه تقولنا شنو كانت اعراض الاكتئاب
وشلون كان تعاملها مع البيبي
ورده فعل الاهل والزوج لما شافوها بهالحاله
وشلون تخطت هالازمه

(وان شاءالله القى تجاوب منكم وماتهملون الموضوع ويصيربالصفحات الاخيره)

 

[بتبوتااا]

صارت فيني ابجري .. اول يومين عادي بس بعدين نفست بيت اهلي واول مره احس انه في شي غريب وبيبي بحظني يبجي شي غريب كان

ومره كانو خواتي كلهم عندي وامي يسولفون ويضحكون وانا بعالم ثاني وولدي يبجي الي يقول لي غيريه ولا تقول لي يمكن يوعان انضغطت ولا ابجي واقوم واطلع من الغرفه والكل منصدم ! وبعدين قعدت بالصاله الثانيه ابجي بحي بهستريااا مادري ليش !

وامي تيي وتقرا على راسي وتقول لي ششفيج ليش جذي ؟ واانا ابجي وبعدين نادت اختي بصراخ وتقول لها دقو على ريلهاا وبعدين ياني وقعد معاي شوي ارتحت بس تميت مكتأبه هم بعدين .
والسبب انه مسؤوليه ييديده ونفاس ودم وعوار ورضاعه وماكو نوووم فشي يديد على البجريه ,,

وبحمالي الثاني نفست بيت اهلي بس 15 يوم واول اسبوع راسي كله مصدع وكان عندي خدامه مرضت وخذوها المكتب وريلي كان يحت ردي البيت وردي البيت وانا ما اقدر ارد من غير خدامه فكنت مو مكتأبه بس كنت محبطه

الله لا يراوي احد الاكتأب

 

[mirrorsweet]

بغيت اموت

وصارتلي مشاكل مع ريلي

كنت كارهه الدنيا ومصدومه حيل من ولادتي ومن الي شفته من محسن طلبه


عسي الله يجازيه كله كووووووم الاكتئاب والولاده والي شفته من محسن كوم جنى علي


قهرني حرقلي دمي عسي الله لايعوده يارب

اكثر شي قهرني لقافته وغشه


لانع يتصرف من نفسه ولا يعلمج اثارها او احتمالاتها
وجذاااب

مايسوس نفسه غلطان ولا يعلمج الصج


تحطيم نفسي

 

[الأميرة جوري]

ولادتى بولدى الاولي ...كله ابجى ومتضايقه وتخيل تخيلات واحس عيونى مغطيها شاش ابيض ماشوف عدل ومالي خلق لولدي واتضايق اذا رضعته <<مع ان الرضاعه تخفف من الاكتئاب...وعيالي يبجون مايبجون ماهمونى اكتئاااااااااااب وسط بغيت اوصل للجنوووووون ...رحت اقرا عند شيخ ارتحت وقال شغلي القران ولاتنسين الاذكار فتره وتعدي ....سبحان الله لمن صار لي 30 يوم كانى مولوده من يديد احن علي عيالي وولدي <<مع انى فطمته من الاكتئاب وارحم واضحك مادري شنو السبب...<يمكن خفت حدة الاكتئاب

 

[نحوله عسوله]

اللي يعين اصلن الولاده بكبرررهاا تجيب الهم


بنات انا بعد بجر وكنت كله ابجي واتضايق ومااعرف شي

بس بعدين اختي قالتي انه المراه النفااس تكوون نجسه من الدم ودايم الشيطان يوسوس لهاا ويضيق خلقهاا

لانها ما تصلي يعني فجاه تصلين ٩ اشهر متواصله بدون دوره وبعدين ما تصلين

وتكون الوحده بعيده عن ربهااا بنات اقروا الرقيه الشريعه يوميا واقروا قران لاتقولون احنا مو ع طهاره عادي اخذي تفسير واقري او نزليه في تلفونج سواء نوكيا او ايفوون


وترتاحين سبحان الله وترا الناااس ما تعطي خير خليج ٢٤ ساعه راقيه نفسج وبيبيج


والله يهون ع جميع المسلمين

 

[جهراوية نت]

ياالله ذكرتوني بالنفاسي بس ابجي
اقولهم بموت واخلي ولدي شي غريب
واحس مافي هواء بس مختنقه اقول والله
مااقدر اتنفس من كثر ما انا متضايقه
اعوذ بالله كل ماقالو وحده انفاس والله يضيق
خلقي و اكتئاب
الحمدالله ع كل حال*

 

[شيخة المعازيم]

عاد تصدقون تجيبني الكابه لمن ارضع بس
والله تعبت صراحه انا والده من شهرين ماشاءالله
بس لمن ارضع تحوشني نفسيه وكره للدنيا غريب مدري ليش؟؟؟
بس هاليومين حسيت روحى اشوى من قبل الحمدالله
كله اقرى على عمري ​

 

[•Brown•Sugar•]

انا خايفه احمل من هالسالفه ...


انا بجريه وبحمالي كنت اتعب واقول خلااااااااص متى اولد
ع بالي برتاح !!!!
طلع لاااااااااااااااااا
بنتي من النوع اللي 24 ساعه يبجي
يا نايمه يا تبجي
ماكو حل وسط
وماكو نووم كلش واذا غفت عيني .. بنتي تبجي
كنت اقعد اصارخ واقول حق امي اخذووووها قطوووها بالزبااله ماابيها
اهلي الله يهداهم بعد بدال لا يخففون علي زادوني
يعني معقوله مايدرون ان الوالده تمر بهالحال
وشي طبيعي لازم يخففون عليها ويواسونها
استغفر الله كانت الحاله كسيفه
وما اقدر ارضعها كلش
بس احطها ع صدري احس اني مختنقه وشي قاعد ع صدري واتضايق !!
رضعتها اسبووع ومو كل ووقت بعد .. ماقدرت كلش اكمل معاها

 

[المسكـ]

والله ما حاشني كابه لاني عاشر يوم من ولادتي طلعت للجامعه لووووول
انا حكرة البيت اهي اللي تخليني اكتئب ماحب اقعد بالبيت ان شالله اروح الجمعيه ولا اقعد طول اليوم بالبيت
طبعا لانني طلعت من البيت حسيت نفسي فري نوعا ما وريلي يودييني واييبني ومحاظرات وايي البيت ولدي كله نايم كان بس بلليل ياذيني وامي تاخذه عشان انام عشان جامعتي
عاد اهي كان خوووووفها اني اهد الجامعه بس الحمدلله كاااااااااااافحت لووول وخلصتها

 

[عبث طفله]

يما النفاس كأبه صج

لانج بعيده عن زوجج لاتطلعين لا تجين هذا غير صياح البيبي ليل نهار ..

يماااااااااا مع ان الكل عندج وما يخلوني دقيقه واهلي ياخذون مني البيبي ما احاتيه بس هم تجيني ضيقه قوووووووووووويه

بس الحمد لله من يصير لي 20 يوم خلاص احس نفسيتي ترتاح اكثر لان الخياط يكون زين ومن 25 يوم اقدر اطلع اروح السوق اغير جو ع الاقل ..

الله يعييييييييييييييين بنرد للنفاس بعد جم اسبوع

 

[ruby13]

انا اذكر اختي اب بجرها حاشها اكتآب وكانت تبجي على اتفه سبب
وانا من الحين حايشني اكتآب لانه نوعي ماعرف حق البيبيات اخاف امسكهم اخاف منهم احسهم مخلوق غريب وغير هذا كله انا من نوع بسرعه اتلوع جبدي والحين عندي مشكله ويا صدري اشلون يطلع منه حليب احس ودي اقصه من كثر ما انا لايعه جبدي منه استغفر الله ادري السالفه سالفت تخربط هرمونات بس تأثيرها وايد قوي الله يعييين

 

[•Brown•Sugar•]

وااي مأساااااة

 

[بربيره]

انا اعشق بنتي و اموت فيها من و هي ببطني بس لما ولدت من حزة النغرب من تغيب الشمس ييني شعور غريب

وانا كنت قاريه عن اكتئاب ما بعد الولاده و هيأت نفسي بس هم حسيت بالاكتئاب شعور غريب كان ييني ماادري ليش

انا احس انه له علاقه بالهرمونات او شي راح عني هالشعور بعد الاربعين و لما كلمت امي و صارحتها بالي احس فيه

قالتلي ان يالها هالشعور وهي حامل على اخاي و ظل معاها سنتين و قريت عن هالموضوع بالنت و حتا بالمواقع الاجنبيه انصدمت

ان نسبه كبيره من الحريم يعانون منه و احيانا تكون النتائج مرعبه شفت موضوع و تقارير عن حريم ذبحاو عيالهم ووحده خنقت ولدها

من الاكتئاب انا لما شفت الفيديو عصبت و حسيت اني تمسكت ببنتي اكثر و طردت هالشعور وحتا المستشفيات برا اقروا انهم يحطون كامرا

بغرفة الام عشان هالحريم شفت جم ام تفقص ولدها و تنام عليه وايد تنرفزت وايد للحين انا مصره ان هالشعور له علاقه بالهرمونات و احنا

الحمد لله مسلمين و ما نوصل للدرجه الي يوصلون لها لان عندنا قران و ايات تهدي النفس الموضوع جدا مهم و انا خايفه ان احس بنفس الاحساس

اشكرج صاحبة الموضوع و نصيحه بنات اذا حسيتوا بالاكتئاب تكلموا قولوا للناس راح ترتاحون و لا تقعدون بروحكم و حاولوا ما تنامون بروحكم بليل حتا لو تاخذين ياهل او اختج الصغيره تنومينه معاج انا كنت انام بروحي و هذي غلطه وايد قرقت لووول

 

[زين ودلال]

انا اول اسبوع بس ابجيييييييي لاصار بليل ودمعتي على طرييييييييييييييييييف امبييييه كان شعور حييل حيل خايس

ان شاء الله يارب ما أمر فيه مره ثانيه ولا احد يمر فيه

 

[احلى عروسه]

صارت معاي باول بيبي اول يوم طلعت من المستشفى قعدت ابجي طول الليل كنت خايفه من مسئولية البيبي وابي زوجي يقعد ببيت اهلي عشان يشيل معاي المسئولية (طبعا بدعت) او ارجع بيت اهلي بدون البيبي كنت احس اني ما ابيه وكنت اقول ابي بقلبي انا مو امه متى تيي امه تاخذه واروح انا بيتي واسوي رجييم والعب رياضه
قلت لزوجي بالي احسه قعد يضحك ويقول عادي كل الي يولدون اييهم اكتئاب
وامي كانت تحس فيني لدرجة اني اذا قعدت بروحي بالبيت اقعد ابجي بدون سبب فكانت تحرص اني ما اقعد بروحي وغيرتلي بعض انواع الاكل الي ما احبها بالنفاس
بس اول ما طلعت من النفاس كل شي صار طبيعي وشوي شوي صرت احب ولدي والحين متعلقه فيه حددددديييييي وصار اهم شي بحياتي
الله يخليه لي ويحفظه
بس ما ادري بحملي الثاني راح ترجعلي نفس كأبة النفاس السابقه ولا لأ

 

[ruby13]

أنا سمعت انه سبب الاكتآب انه الرحم يدور البيبي ومايلقاه فالجسم يفرز هرمون اسبب الاكتآب سبحان الله

 

[•Brown•Sugar•]

أنا سمعت انه سبب الاكتآب انه الرحم يدور البيبي ومايلقاه فالجسم يفرز هرمون اسبب الاكتآب سبحان الله

سبحان الله شي غريب

 

[Ghaima]

الله يعين يا ربي

ان شا الله ربي يسهل علينا يالبجرياااات

انا قاعدة احاول انمي معلوماتي عن التعامل مع الطفل الرضيع ان شا الله أكون لي مجموعة معلومات لأن احس جد الوحده تحتاج تقرا عن اليهال بالعمر هذا خاصة البجرية اللي ما تدري عن شي ^_^

والله خايفة من كلامكم حيل وانا اقل شي ينزل دمعتي خاصة اذا كان متعلق بالبيبي

الله لا يورينا اكتئاب ويا رب ما اجربه

بس القران والدعاء يا بنات هذا احس احسن شي = لأن تذكرت ايه بالقران في ما معناها تقول : ومن يعرض عن ذكري فإن له معيشةً ضنكا .

فلازم نذكر الله عشان ما يضيق الصدر ويحوشنا الإكتئاب

والله يسهل

 

[الهيــام]

امبيه طلعت مو بس انا
عبالي انا الوحيده اللي صادها جذي
اتييني افكار كريهه وغريبه اني بذبح بنتي واني بكون السبب في موتها
واني ماستاهل اكون ام
وخصوصا من يصير المغرب ابتدي بس اصيح وصج صج كرهت روحي
ماطلعت من هالحاله الا عقب 3 او 4 شهور صج صج عانيت واللي وياي عانو

 

[•Brown•Sugar•]

الهيام :××
لاا مو بس انتي كلنا بالهوى سوااا والحمدلله تخطينا هالشي

Ghaima هيئي نفسج من الحين ان بيكون الوضع غريب وايد
وخلج دايما قريبه من ربج وكلمي ريلج يكون وياج ع طول
ع شان ماتحسين انج بروحج راح تتحملين مسؤؤليه كبيره وفجأه