قوليلنا ادا شفتى او سمعتى اغرب الجنسيات اللى متزوجين انتى او اهلك او جيرانك

[๓ίşś зśŏłả..!]

عم ابوي
مآخذ امريكيه اسلمت
شحلاتهآ اتينن وبالعكس بالبدايه انصدمنآ والحين تعودنآ

 

[اوركيدا20010]

اشكر مروركم

 

[D I V A]

،.



وعليكمَ السلإمَ ،.


آممممَ
آنإ منَ رآييَ مَ يهمَ آيَ جنسيهَ ،.
آحسَ الحبَ فوقَ كلَ شيءَ ،.
يعنيَ آنتيَ مثلنَ آبدَ موَ مقتنعهَ آنشَ تتزوجيَ منَ برآَ ديرتشَ ،.
بسَ تعلقَ قلبشَ بَ وآحدَ منَ برآآَ سوآء كآنَ منَ الخليجَ ولآَ آجنبيَ ،.
وجآ خطبشَ آكيدَ بتوآفقيَ
آحنآ نقولَ لآَ مستحيلَ لآنَ موَ متعودينَ نإخذَ منَ برآَ ،.
تربينآ وتعودنآ عَ المجتمعَ اليَ آحنآ فيَ جذيَ ،.
وبَ الإخيرَ هَ الشيءَ نصيبَ ومكتوبَ ،.
عشآنَ كذآ مإلهَ دآعيَ الغلطَ وويعَ ومدريَ شوَ ..!

يسلموَ قلبيَ عَ الموضوعَ ،.



،.

 

[Bint Derty]

بنات معاي بالجامعه خوات أمهم هنغاريه وابوهم كويتي
ووحده كانت بمدرستي أمها يابانيه

 

[الاهله]

في وحده سعوديه حبت واحد سوري هي كبيره ام عيال وهو صغير وتزوجته

 

[نسايم الجوري]

انا رفيجة اختي متزوجة مصري صارلها 7 سنين وماشاء الله حب بينهم مو طبيعي كأنهم تزوجوا امس وعندهم 3 عيال كلهم يشابهون ابوهم والرياااال طيب ويموت على مرته واساسا يبي ياخذها ويستقر في مصر بس هي اللي ماتبي وقاعد بالكويت بس عشانها يعني بالفعل مو شرط اذا مو كويتي ياخذها عشان فلوسها واحيانا يكون كويتي ويكون طمعان فيها يعني هذا زواج ونصيب الله كاتبة بالاول وبالاخير

 

[$$king moon$$]

مااعرف
بس وايد اشوف شياب مع فلبينيات صغار

 

[SH5SH5]

امبيه اللي امباقو جوازاتهم لأ :'(

وعندنا بالعايله واحد ماخذ فلبينيه وطلقها كانت ساحرته سبحان الله

وواحد سوريه ماخذها على ام عياله وياب منها خمسه

وواحد هنديه سحرته ولقينا السحر وطلقها

وواحد يصير حق مرت اخوي سوريه بس من الاغنياء

ومرت عم ريلي عراقيه ماخذها قبل الغزو يقوول حزتها كانو يقولون

روح العراق تلقى الجمال هههه الله يرحمه

وولد عم ريلي تزوج ست طبعا يطلق وياخذ غيرها وعياله شكثرهم وراه ما شاء الله

وكل وحده جنسيه ..

ومشكووره عالموضوع ..

 

[نونه الزعفرانه]

انا اعرف وحده كانت تدرس بمريكا وزميلها الطالب بنغاااالي
تخرجووو وتزوجووو
وصاااارت مشاكل بعايلتها يقولون فشلتينا وحطيتي روسنا بالارض عشان بنغالي

 

[اناانثي ملائكية]

ام رفيجته بنتي فلبينية ماخذه كويتي والبنت نسخة من امهاا

 

[ربي محتاجتك]

انا وحدة من اغلى رفيجاتي امها هندية وانا ادري وتقريبا العام كلنا بالمدرسة ندري بس اهيا مو راضية تقول بس تأكدت ايام امتحانات ١٢ العام كانو يعطونا اوراق عشان نتاكد من البيانات وانا كنت معاها بالادارة عشان تعدل شغلات بورقتها وشفت اسم امها
وبعدها اب فترة كنا قاعدين انا ويها مع رفيجتي وذيج ملقوفة جان تسألها بس اللي امها هندية ما انكرت ولا اكدت جاوبت بطريقة دبلماسية وقالت لي انتي شفتي امي مو جان اقولها اي وقعدت ارقع عشانها اذا ما تبي تقول مابي اوهقها ولا شي وسويت روحي ما ادري
مع اني وااااااايد احترم امها عشانها ابتها احسن تربية وما نقصتها شي مع انها يتيمة توفا ابوها من وهي ٣ سنين واحس حياتها حلوة الله يدوم عليها
وانا تقريا اسوي روحي كلش ما ادري ابيها تقول لي من نفسها
حتا انها كل سنة تروح الهند شهرين بس ما تقول وبالعطلة قالت لي انها بتروح امارات وسوريا وايران بس سبحان الله عرفت انها راحت هند كانت قايلة حق بس بنت وحدة بالمدرسة عن هالموضوع وذيج رفيجتي الروح بالروح وزل لسانها عندي انها رايحة هند ان شا الله تقول لي بلسانها عشاني كلش مو سطحية بس ليش ما قالت لي عن هالشي مع انها واااااثقة فيني بمعنا الكلمة ما ادري

احس الزواج من بعض الدول طبعا مو حرام ولا عيب بس يسوي وااااااايد احراجات حق اليهال اللي ييون عشانهم مستحيل يعترفون ودايما ينكرون

 

[nano]

عيال ديرتنا فيهم الزين والشي وحتى برا فيهم الزين والشين بس تعقيب ع كلام الاخوات صادقين جد بنت الديره يدور باصلها وماضيها والخ وبنات برا مسايحه بوذيين وكل ششي فري عندهم وبوي فرند والخ وزي العسل صدق شي يقهر جد مانمنعهم المحبه من الله بس مانتقارن مع المسيحيه او البوذيه حنا مسلمات وحافظين نفسنا ونعرف الصح من الحرام وحتى لو وحده غلطت وسالتوها بتقول انه حرام وغلطت يعني مادري ليه حريم برا زي العسل وحنا تنبيش ورانا ولا محقق كونان الله يهدي الجميع والله انا ودي اتزوج كوري ههههههههههههههههههههه شطحه بس حنبصيصي يعجبوني برا انهم اغلبهم مايهمهم زينه شينه والدليل اجانب شقر ماخذين من جنسياتهم سمر مره وهذا هو صح مافي فرق بين البني ادمين يلا عقبالي هههههههههههههه واجي اكتب قصتي تزوجت كوري وعشنا بكوريا

 

[قلب الزعابي]

واايد عندنا من الأهل 2 إخوان متزوجين روسيات
واحد متزوج البانيه بس شو جمال عليها ماشاالله اسلمت لما تزوجت
وواحد اندونيسيه
امممممم من اهل زوجي واحد متزوج تونسيه وبس هاللي اذكرهم

 

[اوركيدا20010]

رفع

 

[Twilighteya]

واجد ناس يعتبرون الكويتيه اللي ماخذه اجنبي كأنها مسويه جريمه . يعني شنو فيها اذا الرجال مسلم واخلاق
ويعاملها معامله طيبه . انا زوجي امريكي مسلم الله يحفظه لي مو مقصر معاي ابد ومرتاحه معاه .

 

[اوركيدا20010]

رفع

 

[اوركيدا20010]

ااااااااااااااب

 

[Rock N Roll]

انا امي امريكيه بس اتعرف عربي احسن مني ومنج .. معنا ابوي متوفي من فتره بس ولا مره فكرت تاخذنا هناك ..

والحمد لله ماحسيت باستغراب من الناس او نقد عادي .. وابوي اصله بدوي بس متحضر حيل يعني اهل ابوي اغلبهم سفور..

 

[Alesar]

جيران حموله اختي عندهم خدامه سيلانيه تلوووووووووووع الجبد عشقها ولد الجيران وكان توه متخرج شهادة مهندس

الجاره لمن شافت الوضع ان ولدها عشق الخدامه سفرت الخدامه بدون لايعرف ولدها ولمن عرف طق تذكرته وراح يلحق

السيلانيه وقعد في سيلان تقريبا 6 شهور وقال حق اهله ماراح ارد برووحي يااترضون اتزوجها ولا ماتشوفون رقعه وجهي

اخر شي رضو اهله ورد وياها الكويت وتزوجها وعلى فكره الخدامه ديانتها بوذيه اسلمت طبعا كان اسلامها خربوطي

وعلى فكره هلعايله ناس معروفه حيل وعندهم خير بس الظاهر ان سيلانيه سحرت الولد حسبي الله عليها ونعم الوكيل

صج هالقصة تعرفينهم

 

[مهـآآآآوي]

عااادي تصيير..... ناس نعرفهم ولدهم لما كان يدرس طب في ايرلندا كان قاعد عند عايله ايرالنديه.... حبت بنتهم وتزوجها لا تشوفون عيالهم تبارك الرحمن يهبلون ميكس كويتي على ايرلندي شي .... واهي تهبل شحلاتها في الدراعه والرقص الخليجي حدها كيوووووت .... حسنت النسل لوووووووووول​