قوه ... اللي راحت ميـــــونخ و زلـــــمسي تدخل شووويه بس !!!

[Catherine zeta-jones]

السلام عليكم

لخبيرات ميونخ و زلمسي عندي جم سؤال يبيلهم اجابات طبعا هههههههه


1- افضل فندق في ميونخ و ابي يكون في مركز المنطقه و تحته افضل الاسواق ؟

2- في شارع اسمه ماكسيميليان و شارع اسمه ماريان بلاتز ؟؟؟ حق التسوق تعرفونهم ؟؟؟

3- ابي اماكن معينه اشتري منها هدايا حلوه و رخيصه ؟؟؟ و بالذات العطور لان المانيا مشهوره بالعطور !!!

4- في اكثر من حديقه حيوان في ميونخ ؟؟ اي وحده الاحلا و حق كبار ؟؟؟

5- بالنسبه زلمسي ... اي انا للراحه و الاستجمام و لكن معقوله ما فيها لو سوق واحد مشهور و زين اقدر اخذ منه شغلات مفيده ؟؟؟؟


ارجو الاجابه عالاسئله
و انشالله تفيدوني
و شكرا

 

[سوسو بنت ابوها]

حبيبتي انا رحت ميونخ احلا فندق كمبنسكي بشارع مكسيمليان احلى واكشخ ومافي غيرة بالشارع بس سويتاتة مو ذاك في احلى منة لكن اكشخ موقع ومرينا مو طبيعية احلى سوق لكن مكسيمليان فية اكبر دور الازياء شانيل وسالوران وديور لكن مرينا الماركات الحلوة زارا وماركاتهم بس اذا تبين ارخص من فندق كمبنسكي واحلى سويتات فندق اسمة سوفيتيل اييييييينن خيااااال وارخص لكن انا احب الموقع اكثرر من الغرف بس هذا بالظبط عند المرينا وسويتاتة خياااااااال واي سؤال انا حاضرة

 

[Oba3deen]

1- عندح الكمبنسكي هذا في نص شارع الماركات تنزلين على السوق مباشره و في فنادق ثانيه زينه مثل الناريوت و الشيراتون ارابيللا بس تقدرين تتنقلين بالاندر جراوند مالهم وااايد سهل و مريح و رخيص

2- شارع المكسيمليان كله ماركات و فيه الكمبنسكي اللي خبرتج عنه و فيه كوفي شوبس وايد و المارين بلاتز هذا الداون تاون مالهم سوق عود فيه كل شيء
3- العطور عندج هيلا و دوجلاس افضل محلين للعطور و الهدايا في المارين بلاتز وايد محلات طبي و تخيري
4- شيء حديقة حيوانات اسالي الفندق بيخبرونج مكانها بالضبط
4-زلمسي بلده صغيره فيها بحيره و كم محل مب مدينه عوده فيها سوق عود

اي استفسار ثاني انا حاضره

و بالتوفيق حبيبتي

 

[كويتيةولي الفخر]

اهلا وسهلا ميونخ حلوة وافضل اسكن في فندق اربيلا بارك لأنه شرح والمنطقة اللي هو فيها آمنه وما يتخاف منها بالليل علي اليهال/ تقدرين تروحين للمارين بلاتز باليو (القطار) محطتين او ثلاث ما اذكر اهو سوق كبير ومتفرع منه عدة شوارع للتسوق وتقدرين تروحين مول الأولمبيك حلو وكبير بس شويه بعيدعدة محطات وبعدين باص يوصلك لج له بس يستاهل العنوه

زل ام سي للراحة والإستجام علي البحرة واذا رحنا ناخذ شقة في السنتر احسن بس اقرب فندق للسنتر فندق جراند بس ما جربته بصراحة وعلي فكرة سوقها للتمشي ومو للتسوق كلها قعدات وقهاوي وعرب بخز بعضهم بعضا

 

[مـيـراس]

تروحين وتردين بالسلامة

 

[البرنسيسه77]

مرحبـــــــا بنات ان بتكلم عن رحلتى ميونخ +زلمسى

اول شى ميونخ وهى تعتبر من المناطق الكبيره فى المانيا والمهمه واسواقها تعتبر عالميه واسواقها تشبه سوق اكسفورد بلندن عباره عن سلسله طوييييييييييييييييييييله من المحلات متقابله وبينهم قعدات وقهاوى واحلى ما فى الفقاره عندهم يطرون بطريقه ذربه وهى انه يلفت انتباه الناس بملابس معينه تنكريه ويضبط لج المكياج ويوقف مثل الصنم مستحيل يتحرك الا لم تدققين النظر فيه يخرعج بحركه سريعه ويوقف نص ساعه وبعدين الحركه الثانيه وفى عندج كشكات فى الشارع نفسه تبيع فواكه لا تطوفج الكرز مو طبيعى طبعا الشارع هو مارين بلاتز وهو من الساعه 8 صباحا الى 8 مساءا
2- الحديقه الاولمبيه: فيها سوق عجيب لا يطوفج وفيها الاكواريوم بس غاليه وما تسوى لان اكواريوم الكويت احلى منها وفيها قعده على الثيل عجيبه تونس بس ترى برد شوى
3-مدينة قارمش:تبعد ساعه عن ميونخ بس روعه لازم تروحيلها فيها مطاعم على البحيره وتلفريك يصعدج الى جبال الالب حيث الثلج ثم الثلج ثم الثلج الابيض اللى يونس روعه
4-قصر نايفمبرغ: مشهور وداخل ميونخ بس اذا رحتيله شوفى الحديقه اللى حواليه واذكرينى شى خيال كانها لوحه قطعه طويله من الثيل وحواليها الورد شى مو طبيعى بس لازم تاخذين كاميرا فيديو

بس بعدين اكملكم عن زلمسى واى استفسار عن ميونخ انا حاضره

 

[البرنسيسه77]

بالنسبه للفندق احنا سكنا فندق k+k حلو لكن بعيد شوى عن السنتر لان الفنادق الى قريبه من السنتر كلها تنحجز بسرعه بس نصيحه للى بتسافر لميونخ تاجر سياره وتسوقها لان اغلى شى هناك التكاسى بسعر خيال والدلاله هناك ما يبيلها شى فى جهاز يتركب بالسياره اسمه نوفجيتر تحطين فيه العنوان الى بتروحيله وهو يدليج والطرق كلها سهله ومريحه على فكره اللى ما تبى تسوق سياره فى هناك وانتى طالعه من المطار تكاسى مغاربه كثير اخذوا واحد منهم يوصلكم واخذوا رقمه علشان اذا بتروحون قارمش او زلمسى تدقون عليه ويوصلكم

 

[Catherine zeta-jones]

الف الف شكر لج اختي النمساويه
ما قصرتي و الله

بغيت اسأل عن مدينة قارمش ؟؟؟ شنو مميز فيها ؟؟؟

و شنو احلا اماكن في زلمسي؟؟؟ ... علشان اضبط الجدول

 

[mn.mn]

زلمسي فيها السوق اللي بالسنتر يعني محلات انتي تفترين عليهم وبينهم قهاوي ما راح تضيعين لان هالسوق عند البحيرة

ولايطوفج اليخت اللي بالبحيرة داخله مثل كافيه ويفتر فيكم تقريبا نص ساعة على طول البحيرة وفي بعد القوارب الكهربائية

انتوا تأجرونهم وتفترون فيهم صج صج وناسة واسترخاء ومنظر خياااااااااااااااااااااال

واذا عندج سيارة سكني بكابرون احسن يم زلمسي وبالنسبة لميونيخ روحي مجمع اولمبيا احسن من المارين بلاتز تقريبا نفس المحلات

الا اذا كنتي تبين تشوفين الماركات بعد وفي الحديقة الاولمبية حلوة وفيه ليغو لاند بس شوي بعيدة ساعة من ميونيخ

والتسوق خليه من المانيا لان النمسا أغلى

 

[يازمان العجايب]

انا سكنت بالميريديان عجبني والادارة عربيه بالصيف والريوق عجيب وعندهم حضانه حق اليهال صغيره ومقابل محطة القطارات وتمشين للمالاينا عشر دقايق واقل بعد وحركته حلوه الشارع وبالنسبه للماكسميليان شارع للماركات اخر المارينا حلو روحي قارمش وملاهي اللوقو حلوه بس بعيده

 

[جوري 2007]

انا سكنت بالميريديان حلو وموقعه ابداية السوق ، زلمسي مافيها سوق كلش الا سوبرماركت وجم محل مفرقين وتعتبر منطقة صغيرة وملمومة انا اشبهها بمنتزه الخيران بطريقة الشقق اللي يم بعض والعرب اشكثرهم بهالمكان ، فيها رحلة الشلالات وحديقة حيوانات صغيرة حق اليهال ورحلة الثلج لاتطوفج اسمها (جليشه) وفي رحلة عجيبة جدا اهي زحلاقية طولها 2كيلومتر لااطوفينها

 

[البرنسيسه77]

بالنسبه لقارمش هى منطقه تبعد ساعه عن ميونخ روحيلها على الساعه 11 او 12 الظهر وطول الطريق استمتعى بالمناظر الطبيعيه من ارض خضراء وسماء زرقاء لان ان احنا الحمدلله ارضنا وسمانا نفس اللون بيض هناك راح تشوفين الالوان على حقيقتها هههههههههههههه
راح تشوفين قارمش مثل المنتزه مجموعة مطاعم مقابله البحيره الكبيره وطاولات خارجيه وتاجير مراكب وتتغدون وقبلها راح تركبون التلفريك لجبال الالب لكن ترى برد فوق الجبل لازم تلبسون الدسوس والسروال الطويل والدلاغات وفى محل لبيع الهدايا والتذكارات فوق وعنده جاكيتات ودسوس تقدرون تاخذون منهعاد شوفى الثلج يا عينى عليه نكسر الخاطر ما عمرنا شفناه شى عجيب الدنيا فوق كلها ابيض بابيض جنها قطن صراحه المنظر مو طبيعى لازم كاميرا فيديو لا تطوفج هذى هى رحلة قارمش تقريبا كلها مع الروحه والرده خمس الى ست ساعات

 

[Catherine zeta-jones]

هممممممممممممم قارمش هذي شكلها مغريه حيل

ارد اسأل هل في محلات معينه في ميونخ اسعارها مناسبه لاني بشتري هدايا وايد!!

ف ابي اسامي معينه اسعارها رمزيه ... و ارد اكرر ابي محلات العطور الحلوه و الرخيصه!

 

[البرنسيسه77]

الحين بكلمكم عن زلمسى صراحه انا لما رحت زلمسى انصدمت منها لان ما فيها الا البحيره والمنطقه صغيره حتى سوق ما فيها وكل شى تروحيله مشى كله يم بعض البحيره والشقه او الفندق والبقاله والمطعم ولا فيها سياحه مجرد قعده على البحيره للراحه والاستجمام لكن الجو خيااااااال المهم شوفى انتى شتسوين كل يوم الصبح لما تقعدين على الساعه 10 تتريقين وتروحين للرحله كل يوم رحله لمكان معين وكلهم خارج زلمسى يعنى نص ساعه او ساعه الا ربع المهم ولما تردين على الساعه 4 او 5 تتغدين وتريحين وروحى للبحيره للساعه 9 او 10 وهكذا كل يوم هذا هو البرنامج الحين نبتدى بالرحلات

 

[Catherine zeta-jones]

انا ناويه اول يومين اقعد و اكتشف و اتمشي بزلمسي و الايام الباقيه بروح الشلالات و الثلج و الزحلاقيه ...... تنصحين بمكان ثاني ؟

بعدين ميونخ اول يومين بروح اتسوق و اشتري هدايا و اتمشى بالمجمعات و الشوارع و بعدين ودي اروح قارمش و في يوم مادري شسوي فيه ؟؟ ودي على العاب للكبار او اي شي يونس ؟؟

 

[البرنسيسه77]

بالنسبه لاسواق ميونخ واااااااايد وبالهبل وكل محل عباره عن مجمع تجارى مكون من 4 او 5 ادوار تخيلى والمحلات يم بعض فوق الالف محل بدون مبالغه يعنى يبيلج 4 ايام اواكثر على ما تلفينهم وكلهم بنفس المستوى بالنسبه للجوده والموديلات والاسعار والتنزيلات بالهبل مو طبيعيه وبالنسبه للهدايا اخذى احذيه او جناط لانها مكوده جدامج ورخيصه بس اعرفى مقاس ربعج قبل لا تروحين ههههههههه وهم العطورات تلاقينهم جدامج ما فى محلات معينه بس فى محل مشهور كان موجود بلندن وشالون واتوقع الشايع يجيبه للكويت وهو c&a بضاعته حلوه للاطفال

 

[البرنسيسه77]

على فكره اذا بغيتى خامات تلاقينهم عند محل واحد اسمه كريستاد فى الدور الثالث اعتقد فى بالمتر وفى قطع حليوين واسعارهم مختلفه من 4 دنانير القطعه الى 40 دينار

 

[Catherine zeta-jones]

يعطيج العافيه اختي النمساويه و الله ما قصرتي و ووضحتي لي امور كثيره

مشكوووره حياتي

و شكرا للجميع اللي شاركوا بالموضوع

 

[البرنسيسه77]

نكمل عن رحلات زلمسى:
1- الزحلاقيه الصيفيه: وهى عباره عن زحلاقيه طوييييييييله من فوق الجبل الى اخره تخيلى تصعديلها بالتلفريك لكن مو اى تلفريك لأ تلفريك يكفى شخصين وتقعين فيه وهو يمشى ما يوقف وتنزلين منه وهو يمشى بسرعه تنطين ولما تقعدين ريولج تتدلدل فالهواء لكن ما يخرع بالعكس يونس لانه مو مرتفع وايد والزحلاقيه تقعدين بمركبه صغيره تشبه سيارة السباق وفيها حديده تتحكم بالسرعه وطيرى بالهواء لكن خلى اخر واحد معاه الكاميرا يصوركم بس خل يدير باله لا تطيح منه الكاميرا هههههههههه
ديرى بالج اذا فى مطر ترى تتسكر الزحلاقيه فمتى ما شفتى الجو صافى على طول روحيلها لان بالمطر تتسكر عاد حظج ونصيبج0
2- جبال الالب : روحيلها بنفس يوم الزحلاقيه اطلعى منها وروحى للثلج بس ترى يسكر الساعه 5 العصر لازم تكونين فيه على الساعه 2 اخر شى المهم راح تركبين 3 تليفريكات علشان توصلينه من طوله وفى فوق محل ياجر عدة التزلج وراح تلاقين العالم فوق وناسه بس شوفى اذا معاج يهال اخذى معاج ادول او مسكن للمغص لانهم راح يتقلبون على الثلج لما تقلب جبودهم وراح يرجعون الله يستر فاخذى احتياطاتج من مسكن وكيس للترجيع (نصيحه)
3- شلالات كارمل: حلوه وممتعه بس فيها مشى ومتعبه (البسى جوتى رياضى)
4- سالزبورغ:منطقه تبعد ساعه الا ربع تقريبا عن زلامسى فيها سوق حلو روحيله وفيها منجم الملح عباره عن نفق طوييل تحت الارض وفيه مرشد سياحى ياخذكم قروبات فى النفق يشرح لكم قصة اكتشاف الملح وبالاخير يوزعون عليكم ملح ههههههههههه على فكره فى زحلاقيه خشبيه فى النفق راح يخيركم يا تنزلون فيها او عن طريق السلم لكن نصيحتى لج انزلى فيها ترى ممتعه وفظيعه وتجنن اقعدى جدام وزوجج وراج يمسكج ههههههههههه اذكرينى اذا ركبتيها
الاماكن هذى كلها بيوم واحد خصصيه لسالزبورغ بس اطلعى من الصبح
5- الممر الضيق : ممر خشبى ضيق يكفى شخص واحد والباقى يمشون وراه متعلق على جنب الجبل وتحتج الشلال وصوت الشلال عاااالى ويطشر عليج الماء بس تخوف شوى بس حلوه (بدورلج اسمه بالانجليزى علشان توصفينه ااتاكسى)
6-الطياره عند بحيرة زلمسى تكفى شخصين تركبينها وتطيرين لمدة نص ساعه فوق البحيره وفيها سايقها طبعا بس صراحه ما ركبتها اخاف

 

[البرنسيسه77]

ثانكيو انا فى الخدمه واى استفسار انا موجوده