قيصريااات حبايبي..ابيكم بكلمة راس

[om MaRyooM]

السلام





شلونكم قيصريات ومو قيصريات :eh_s(9):


بسالكم

تدرون ان القيصري لها اهتمامها ووضعها الخاص

انا في بجري كنت قيصري لأن البيبي كان تعبان

المهم في نفاسي ماخذيت شي لامن دويات ولامن هالسوالف .. لأن خفت عالجرح

(لأن وحدة من الاهل خذت دويات بنفاسها التهب جرحها .. ورفيجتي بعد نفس الشي فتعقدت)



الحين سؤااااااالي



الحين بولادتي الثانية باذن الله بعد قيصري ..

بس بعرف قولولي يا ذوي الخبرة شنو تاخذون بنفاسكم .. معقولة ولا شي !!! ا

لأن يوم طلعت من نفاسي الاول صراحة حسيت كله فيني هوا وبلاوي

ومابي هالمرة تنعاد الكرة


فيدوني .. شتسوون بالنفاس ؟؟؟

 

[ام حمد 85]

انا نفسج كله قيصري وكنت اخذ بس لهوم وجاي زعتر وساعات احط معاه دارسين وسلامتج

 

[ام حمد 85]

ونسيت لا اقولج قبل لا اطلع من الاربيعين رحت حق دكتورتي وخذيت منها غسول وتحاميل وطبعا قبل هذا كله لازم تعتنين بالجرح تحطين البخاخ الاحمر والكريم كل يوم عشان ما يلتهب

 

[إنسانه وأكثر]

انا اخذت لهوم وشربت جاي دارسين وزعتر بكثره وكان حزتها الجو بارد فساعدني على شربهم

غير جذي ماكنت اخذ كنت اخاف لاني كنت بغربه ومامعاي أحد

عسى الله يهون عليج وتولدين بالسلامه

 

[أم عامر]

معلومه خاطئه ان اللي مسويه قيصري ماتاخذ دوا

القيصري تاخذ الدوا من اليوم الخامس وتقدرين تتأكدين من خبيره الاعشاب ام خالد اللي معانا

مو علشان ماولدتي طبيعي ماتاخذين دوا الحين بالدوره عزج الله لازم نهتم وناخذ دوا

وانا كانت لي تجربه مع القيصري مره وحده وربي لايعيدها بس هم اهتميت بروحي

وللجرح كنت احط عسل طبيعي صافي لأنه يمنع الالتهاب ويلم الجرح بسرعه

واذا العمليه انفتحت وحطيتي عليها عسل سبحان الله تلتئم العمليه وهالكلام كنت ماخذته من كتاب فوائد العسل وكانت تدل البحوث على اطباء كانوا يستعملون العسل بعملياتهم

علشان ماتيي وحده وتقول شلون تحطين عسل ( أسئل مجرب ) وحتى بولادتي الطبيعيه كنت احط عسل على الخياط وسبحان الله ما وخر العوار مال الخياط غير العسل

ولاتقولون لي حرام شلون تحطينه على هالمنطقه الله قال بكتابه ان العسل فيه شفاء للناس

وهو للتداوي

المهم اخذي كورس النفاس وانتي مقمضه من ام خالد والله علاجها وعن تجربه يهبل

ومستحيل افكر اخذ من غيرها ماضبطني غير دواها

وربي يقومج بالسلامه

نصيحه لو تقدرين تولدين طبيعي وماعندج مشاكل انصحج بالطبيعي عواره حزه الحزه وبعده سبحان الله يروح مو مثل العمليه تعب وحسره عليج القومه والقعده

وترى انا كل ولاداتي بالحكومه يعني احس بكل شي من الطلق للولاده لاكمام ولا ابر طبيعي
على بركه ربي

 

[حمرة الورد]

انا من عاشر يوم اخذ وموصحيح يسبب التهاب بس اهي صادف هالشي معاها انا ثلاث قيصريات والحمدلله اخذ الادويه ومافيني الا العافيه

 

[om MaRyooM]

مشكورين بنات

 

[بدوية بملامح كشميرية 86]

الله. يهون. عليييج. ان شاءالله

عااادي. انا من خامس يوم كليت

اول الايام كنت اشررب. عصاااير

وسلامتج

 

[ام هزاع]

معروف اول اسبوعين ماتاكلين دويات بعدين عااااادي انا اكلت اللهوم والمردود وكل شي .....

 

[om MaRyooM]

مشكورين بنات


بس يليت تحددولي شنو تاخذون بالظبط

تراني عليمييييييييييية

 

[الأميرة جوري]

الله يسهل عليج....بس ممكن يولدونج طبيعي حاولي فيهم...لان اذا ثاني قيصري خلاص علي طول قيصري

 

[anooma_86]

انا اول ماطلعت من المستشفى أمي عطتني زعتر و دارسين و حلبه لمده عشر ايام بعدين كليت حسو و رشاد و لهوم والحمدلله مالتهب الجرح بس كنت مهتمه وايد بنظافة الجرح يعني تكرمين كل مادش الحمام انظف الجرح بكحول و ارش عليه بيتادين و اغطيه بشاش و بعد ١٥ يوم شالت الدكتوره الخيط و عطتني كريم عسل طبيعي كان وايد زين

 

[M!sS_D!oR]

حبيبتي ان شاء الله تولدين طبيعي وماعليج شر .. بالنسبه للأدويه انا كنت اخذ عادي بس مو من اول ايام لا عديت الاسبوع وقمت اخذ شوي شوي لهوم وخذيت من تاجره نسيت اسمها والله بس خوش وحده دواها عجيب تلقينها بالمنتدى خل ادور بتليفوني واقوولج منو اهيا وموفقه خير حبيبي ويسهل عليج

 

[ام رهومي]

اب




اب



اب

لعيووووووووووونك

 

[om MaRyooM]

مشكورين حبايبي

ماقصرتو

 

[مناير خزنة التاير]

شربي زعتر
حلبة وايد مفيدة

بس مايصير ولا شي كلش

 

[AVE.NJ]

هذا كله خرابيط انه ولدت قيصري وماخذت شي اصلا انه ماامن بالطب الشعبي
ولا فيني الا العافيه
شوفو الاجانب من ثاني يوم يطلعون ومافيهم الا العافيه

 

[om MaRyooM]

مشكورين ماقصرتووو

 

[عيون السعودية]

اب اب

 

[مناير البيت]

انا قيصرية .. وامي الله يعافيها ممشيتني على نظام وحاطة لي حسو مع ا الاكل
وشااي الاعشاب .
والتمر بالرشاد ..
هذا اللي اذكره وانا حامل الحين

بنااااااااااات عندي سؤااال انا بجري جبته بعمليه وعقبه سقطت والحين حااامل فيه امل اولد طبيعي ولا خلاص على طول عمليات ​