قيصريااات حبايبي..ابيكم بكلمة راس

[om MaRyooM]

مناير

مشكوورة


وبخصوص سؤالج . .على حسب حالتج ليش ولدتي قيصري اول بطن ؟؟
اذا كانت حالتج او حالة البيبي صعبة ماله شغل انشالله الثاني طبيعي
اما اذا عندج مشكلة معينة او الحوض صغير اتوقع علطول قيصري


انا اخترت ولادتي الثانية تكون قيصري .. مابي انطر الطلق واخر شي احتمال يشقون بطني !

 

[مناير البيت]

مناير

مشكوورة


وبخصوص سؤالج . .على حسب حالتج ليش ولدتي قيصري اول بطن ؟؟
اذا كانت حالتج او حالة البيبي صعبة ماله شغل انشالله الثاني طبيعي
اما اذا عندج مشكلة معينة او الحوض صغير اتوقع علطول قيصري


انا اخترت ولادتي الثانية تكون قيصري .. مابي انطر الطلق واخر شي احتمال يشقون بطني !

انا برد الطلق والرحم سكر عقب مافتح4سم والبيبي طول بدون ماي فشقو بطني
صراحة العملية تعور
عاد هالمرة بمسك عمريوماراح اروح الطبيب الا اذا خلاص وصلت حدي

 

[كويتيه مذهله 87]

من أول يوم امي يابتلي عصيده وخبيصه بس ماكثرت الدواا فيه
وقبوط فيه دوا بس ما ادري شنو الادويه هذي لووول كنت ما أكل اكل المستشفي اخذ قبوط امي وأطيح فيه
ويوميا اشرب حليب فيه بيض اخر شي امي قالتلي تري احط داخل الحليب بيض واي يمه جبدي قلبت بس الصراحه كان لذيذ

بس الخبيصه والعصيده اكل تقريبا قفشتين ما اكثر لان الدكتور قالي لا تكثرين موزين للجرح

وشوربه فيها حلبه والمجابيس همن فيها حلبه وحبه السودا ما ادري شسمها لووول

والحمدالله مافيني الا العافيه
والمره اشرب شووويه بس واشمها تالي

 

[فديت حبوبي]

والله انا عادي اكل كل شي من دوا وعلاجات بس ابعد عن الفلفل وشي اسمه صبره هذولي مو زين للعمليه

 

[om MaRyooM]

مشكوريين ياابعد جبدي

 

[ام عفاف الكويت]

انا اخذت الكورس كامل مال ام خالد بلشت باليوم السابع تقريبا
واهتميت بالقيصريه والاكل الدافي
لانه بولادتي الاولي ماقدرت تعبت
بالنسبه حق الجرح اشتري له مسحات كحول وفوط صغار وكل يوم امسح عليه واطبطب عشان مايعرق مو زين الرطوبه تسبب التهاب
والاكل ماله شغل بالالتهاب الخارجي
اهم شي خففي الشي الحار

 

[QYtiya.com]

انا اكلت دويات النفاس من لهوم ومردود وكل شي بس بعد 10 ايام من القيصريه والحمدلله كل شي تمام بسسسسس وخري عن الفلفل والزنجبيل
والحليب شربته بعد20 يوم عشان الغازات

 

[om MaRyooM]

مشكورين ياقلبي

 

[_Pure_]

يبيعون كورس نفاس بالمنتدى خاص للقيصرية

بس انا مو من النوع اللي اخذ ادوية نفاس

الله يسهل عليج و يقومج والبيبي بالسلامه

 

[ورده عنابيه]

اب اب

 

[om MaRyooM]

مشكورين حبايبي

 

[مس لوتس]

اهم شي وانتي بالطبيب انج تشربين اعشاب مثل البابونج يانسون وقشر قهوه وحبه البركه عشان تحرك الامعاء ولاتسبب امساك وتتعبين بعد الخمس ايام يبدا النظام

ريوقج عصيده بالحلبه وحبه البركه وحليب بالحلبه
الغدا ع راحتج اللي تبينه وكثري فواكهه وابتعدي عن المنجا والاشيا الزجه مثل الباميه الرقي وغيره
العصر تبخري بقشر بصل حبه البركه خوا جوا ومره

العشا دجاجه مسلوقه مع مرقتها فيها حلبه وحبه البركه ولاتنسين تشربين قشر قهوه تفوحينه نفس الاعشاب ممتاز للرحم ينظفه

واهم شي الجرح ونتظيفه والله يسهل عليج

وتكفين ادعيلي اولد طبيعي

 

[مس لوتس]

اي صج لاتنسين اللهوم ملعقه اكل ع ريق مع حليب دافي وبالليل قبل النوم مع حليب دافي طبعا بعد خمس ايام*

 

[om MaRyooM]

مس لوتس


مشكورة ياقلبي

والله يهون عالجميع

 

[bambena]

تاخذين دوا للظهر صبح وبالليل وبهارات خاصه تنطبخ مع الاكل وحلبه تنفاح وتشربينها ادويه عادي بس بدون اشياء حاره عشان مايلتهب الجرح

الفلفل الاسود والزنجبيل والاشياء الحاره ممنوعه

ومن تكملين 20 يوم تبدين تاكلين تمره ورشاد وتاخذين تحامييل الاعشاب وحده سودا ووحده بيضا ووحده نتفه صغيره

 

[om MaRyooM]

^
^
مشكورة بعد عمري

بس في شي مافهمته

شنو هالتحاميل اللي قلتي عنهم !

 

[غضى]

انا اكلت الدوا بعد اليوم العااشر

واخذت دويات خاصه للولاده القيصريه من خبيرةالاعشاااب

صراحه رووووعه

 

[om MaRyooM]

^
^

مشكورة حبي

بس يليت تفيدينا شنو اهما الدويات اللي ينفعون للقيصري؟؟