قيصريات تفضلو بليز

[ديانا سبنسر]

مرحبا بنات

انا مستغربة ليش مافي تجمع للي يولدون بقيصرية يحطون فيه خبرتهم ومخاوفهم وعن احسن الطرق للعناية بجرحهم متى يبدون رياضة متى يسون الترديد اكل النفاس المناسب لهم متى يلبسون المشد انا موحامل بس ودي بتجمع نستفيد منه حنا يلي نولد بقيصرية

اتمنى القى ردمنكم واشوف تفاااعل

ومشكورين

 

[مروووم]

اشلونج يا قلبي
ذكرتيني بالذي مضى
لمن كنت حامل فتحت تجمع لنا وبس ولدت نسيت المنتدى بكبره ............... تدرين بعد لهيت مع العيال والسهر ):
انا عن نفسي ما لبست الكورسيه نهائي للاسف لان عمليتي كانت متفوخه ما قدرت
ولحين الكرش الله لا يوريج تلوع الجبد صارلي سنه و4 شهور
بس شوي خفت عن قبل والرياضه سويتها بعد 5 شهور وتميت اسوي تمارين الشد اسبووووووع بس لاني مليت
وما عندي احد يشجعني ادخل نادي
يمكن شوي تتضرين انج تسوين رياضه
وبخصوص الادويه اول 15 يوم من الولاده لازم ولاااااا شي تجربينه صوبج من الاعشاب لانها حاره عالجرح بعدها اخت حسو وشاي اعشاب وطلع الوصخ كله وانتي بكرامه تميت لي صالي شهر وانا اخذ هالاعشاب ولله الحمد نظفت بعد شهر من الولاده خذيت تحاميل بيتادين لي قبل لا اطلع من الاربعيبن 3 ايام او 4 ايام
وسلامتج ان شالله اكون فدتج

 

[بناتي عيوني]

موضوع جميل انا اولدبقيصريه برنامجي اني مالبس مشد نهائيا ولا اخذ ادويه الي فيها رشاد ولا اكثر من الاكل علشان مايحوشني غزج الله امساك بس بعد النفاس احاول مااشيل سئ ثقيل ولا اجهد نفس وبعده بست اشهور ابتدي اسويلي برنامج علشان الكرش

في مره سالت الكتوره وقلتلها اقدر البس مشد قالتلي عادي وماصدقت خبر رحت ولبسته وصارلي شهر حسيت في شئ بارز في بطني مثل الفنجال والله خفت ورحت للطبيب وقال ان العمليه انفتحت من داخل ولازم اسوي عمليه مره ثانيه وهاوشني لاني لبست المشد قال مايصير تلبسين مشد لمده ست اشهور علي الاقل والله سويت العمليه وصايره من السر الي عمليه القيصريه يعني بالطول والله يوفق الجميع

 

[om MaRyooM]

ذكرتيني باللي مضى على قولتهم

اخر قيصرية كانت لي السنة اللي طافت وشفت الموت بعيني
وايد وايد تعبت

ولدت بالهادي وكانت هالتجربة كلش مو شي

والحمدلله على كل حال

وجان زين ينفتح تجمع

 

[mannawy]

اول اربع ايام احاول اتفاعل مع الممرضات واقوم بروحي اتحرك بالغرفه لاااااااااازم
اول 10 ايام اكل كلشي امي تعطيني اياه (قبوط عصيده بيض خضره ورقيه لحم ...) واتمشى بالبيت عالخفيف.
بعدها ابلش اكل الادويه واشرب جاي اخضر فتلتين بعد كل وجبه (انا ما ارضع) واخلط مره كمون مره جاي زنجبيل بس خفيف وجذي
ممنوع اشيل شي ثقيل ممنوع اجندس وايد ممنوع البس مشد ممنوع اقوم من الفراش بطريقه غلط لازم من على الجنب وايدي اهيا اللي تسندني وترفعني مو من بطني!! ممنوع رياضه ممنوع مساج وترديد وخرابيط لين تنتهي الفتره اللي تحددها الرداده.
الجرح بعد ماتشيل الخيط الدكتوره لازم تعقيم عالاقل 3 مرات باليوم واحط عليه مره ولازم اتاكد ان المنطقه ناااااشفه عشان مايصير في بكتيريا. والله انا صار فيني التهاب حول الجرح بسبة البلاستر لان جلدي وااااايد حساس عطتني الدكتوره مرهمين ادهن فيهم وتالي اغطيهم بشاش عشان مايرطب او يحوش الجرح وعشرة ايام لي 15 يوم وانتي مافيج الا العافيه بإذن الله
بعد ال 6 شهور فليها عالاخر

 

[Shop Girl]

صحيح المفروض نسوي موضوع نتجمع فيه بالنسبه لي قالت لي الدكتوره ممكن اولد قيصري لان وضع الجنين معترض
بس حبيت اسأل
ايش قصدك يا mannawy
بكلمة ممنوع " اجندس"

مشكورين

 

[english muffin]

انا الحمدلله كلش ماتعبت
تعرفون ليش؟
لان من ثالث يوم بديت امشي بالمستشفى رايحة رادة صج كان يعورني بس كنت استحمل
وكنت العب تمارين خفيفة مع الطبيبة طبعا
بس الجرح كان عندي بيلتهب لان ما انام كله كنت قاعدة
وبس

 

[english muffin]

اي صح وما لبست مشد للبطن
كل يوم اقول باجر بشتري
و يمر الوقت و دشت كرشتي من نفسها

 

[maryoom123]

موضوعك حلو
يا ليت في تجمع
لان في اشياء ممنوعة ويا كثرها والي تقولك عادي وهو ممنوع
والي تنصحج بشرب قرفة وهي ممنوعه عل قيصري
ودكنور يقول ربطي عادي والي يقول لااااا
شي يملل احسن شي الي وادة قيصري لا تسوي شي ولا تشرب لين 6 شهور
بنات انا ولدت قيصري
وخلصت اربيعين بس ما تنظفت اقدر اخذ رشاد ولا لا

 

[ميمي..]

بنات من صدقكم ماتاكلون اكل نفاس ولا رشاد ولا شي اشدعوووه
عادي انا واعرف كثير غيري مو عمليه وحده الا 5 ولازم من اول مانطلع من المستشفى ناكل العصيده والحلبه وكل شي مثل اي نفاس ثانيه ماتفرق اللهم الرياضه والمشد ماينلبس شلوون تبون بطونكم ترووح وانتو ماتنفسوون عدل

 

[mannawy]

اجندس يعني i bend down
جنج بتاخذين شي من الارض يعني بس تنزلين ظهرك مو كلك تنزلين وبالتالي تضغطين عالجرح

 

[بناتي عيوني]

اهلين بنات بالنسبه للنفاس ناكل عصيده بس اشوي معاها لحم علشان الامساك والشاي الغوري الطبيخه ضروريه والمردود ظروري بس مايكون فيه رشاد وينحط مع الخبز المعفوك او المعفوس علي الريوق مع حليب بالحلبه والعشاء انا اشرب شوربه الاني ابي انام خفيفه علشان الغازات والامساك ولا انسي اللهوم بس مايكون فيه رشاد واستمر علي علي الادويه المردود والهوم والطبيخه لبعد النفاس كل ماجتني الدوره اكل الادويه جني نفاس والله يوفق الجميع

 

[ديانا سبنسر]

مشكورين بنات على الردود والتفاعل

انزين بنات بالنسبة للتخدير ايهم احسن لنا النصفي والاالكامل انا عن نفسي مجربة الكامل ولامرة خذيت النصفي انتو شرايكم ؟

 

[mannawy]

انا بعد كامل لاني مره جربت النصفي بالصباح لاني كنت بجر وولاده مبكره 7 شهورز حسيت بالشق وكان يحرقني المشرط قمت اصارخ بالعمليات جان يحطون لي بنج كامل لاني من كثر العوار قعدت على سرير العمليات كنت بمشي هههههه والله ايام.
المره الثانيه لا كملت تسع شهور وياني طلق بس البيبي وااايد مرتفع فخيرتني بنج نصفي ولا كامل عاد انا تذكرت الفلم اللي بالصباح جان اهون واطلب كامل

 

[ديانا سبنسر]

Mannawyههههههههه بايعتها

بنات ليش ماكو تفاعل ؟

 

[؛؛حلاوه؛؛]

هلا بنات

أنا جربت البنج الموضعي والدكتور نصحني فيه

لان الكامل له تأثير سلبي على البيبي

ويتعبج انتي بعد

 

[عسل مرت قيمر]

انا ولدت الاول قيصريه عاد مادري


بنات شلون اعرف اذا حوضي صغير او لا

 

[ديانا سبنسر]

اب اب

 

[الأم الكول]

اختي عسل مرت قيمر الحوض اذا صغير يعني مايمر البيبي مع الولاده من الحوض وينزل عشان كذا من يوم الوحده ةحامل

يقيسون مقاس الطفل ونموه وحجم الراس واذا حجم الراس والطفل اكبر من الحوض تحدد لك الدكتوره انو ولادتك قيصري
والحوض صغير
انا ولادتي الاولى بنتي طبيعي الثانيه ولدي قيصريه عشان المشيمه نازله وخطر علي وعلى الطفل فتقررت الدكتوره
وتمت العمليه عذاااب والله الم عقبها مب صاحي لا والقومه يالطيف احس روحي بتطلع

بنات بسئلكم لي الحين 6 شهور واسبوعين والى الحين احس بالعوار مكان العمليه وعمليتي كبس مدري ودي اسوي رياضه
كرشي يفشل بس احس بعوار حتى مع المشي والشغل بالبيت مين مثلي كذا ؟؟؟؟ وهل طبيعي او لا؟

 

[ديانا سبنسر]

الام الكول روحي الطبيب سالي الدكتور اهم شي لاتسوين رياضة والعملية تعورج