كارت السحب الآلي

[ديانا سبنسر]

مرحباً


دار نقاش. بجمعة حريم واختلفت الآراء وحبيت انقل الموضوع لكم

كرت السحب الآلي لما الزوج يعطيه زوجته هل هو دليل حب أو دليل ثقة أو يكون مسوي بلوة ويغطي على. جريمته

أنا ماكان لي رأي. بس حبيت أثير الموضوع معاكم. وأنا قشكم شنو رأيكم ؟

شاركوني ولاتخذلوني

 

[كنوستي]

ههههه الله يعينهم علينا مايعجبنا شي وكل شي نفسره على كيفنا بالعكس انا اشوفه شي حلو انه يعطيها كرته

 

[موريا آدم]

حسب الزوج طبعا

 

[شـيـوخـهـ]

ما احس له علاقه انه يغطي بلوه مسويها بانه يعطيها الكرت

احس في طرق ثانيه الحين بانه يحول لها فلوس عشان تشتري مثلا شغله مو شرط عطية الكرت حب لها او ثقه

وما اقول الا الله يعين الريايل علينا مافي شي يعجبنا

 

[Pinky -cat]

والله هالشي حلو بكل الحالات ومو الا نطلع مليون سالفة ان عطا ليش يعطي وان ما عطا امبيه بخيل ليش ما يعطيني وليش رفيجتي احسن مني ريلها يعطيها . اتوقع الامر ماله علاقة كلش.

 

[WAAAW]

عادي على حسب قوة علاقتهم

 

[أروح فدوه لك]

البعض يرضى وعنده عادي الامور طيبة والبعض لا مايرضى ويعتبرها اسرار لي هالدرجة تصوري...

 

[manoooram]

يعتمد على كل وحده ومدى معرفتها بطبيعة زوجها
عن نفسي دليل ثقة و حب أكيد

 

[M!SS.LOBY]

ان شاءالله مبدأ ثقة وتكون بعينه ناضجه ومرأه يعتمد عليها

 

[ناتشوو]

ماله تفسير واحد معين

انا مايعطيني اياه بشكل دائم
بس مرات بعض المشاوير او بروح مراجعة طبيب
بروحي يعطيني الكرت اذا مو ساحب
بس مرات قليله تكرر هالشي
احلاهم
لما عطانياه وانا معصبة
ورايحة سنتربوينت
من قسم لي قسم
هوم سنتر مكياج ملابس كبار تجهيز مواليد

و ادفع ولا ابالي
مبلغ وقدره

 

[بنوته ستايل]

بالعكس شي حلو..دليل ع الثقه..

 

[غلايو]

مب حلو

بصراحه لاني مابحس برجولته

وبذات لاني ما اقدر اسوي كنترول عالمشترى

اما هو ماشاءلله يقدر يسيطر عالوضع

لكن يوم اسوي شوبنج يخلي الكارت عندي لان هو يكون شال الاجياس و ماله خلق كل ساعه يطلع البطاقه
فتكون عندي ويكون فيها مبلغ عادي يصير صفر هههه ف استغل هالشي

اما الايام العاديه خل يعطيني كاش وكل ما احتجت اطلب منه و بذات طلعاتي كلها معاه ف فلوسي تبقى مثل ما اهي
ف مسويه لي حصاله فالبيت احط فيها فلوسي ع قدي ويوم ابي اخذله هديه ما احاتي الميزانيه

 

[nadra]

نايس موده احترام وثقه وحب

 

[امـ خــزامـى]

مادري انا مثل الحلوات اللي ردوا
اشوف ان زوجي يعطيني الكارت تبعه اذا ماسحب ويحددلي ميزانيه مااتعاداها لاني خبله عادي ارجع ساحبه كل الرصيد

يعني يعطيني لاني محتاجتها

بس اعرف وحده كبيره ويعطيها الكارت زوجها وتسافر فيه وهو كله ثقه انها يمكن ترجع ماصرفت شي الا القليل جدا والضروري جداااااا لانها مااااااااااااسكه وتفكر قبل ماتسحب الريال

 

[Patcholli]

حبيبتي ديانا اولشي انا حيل احبج واعزج :*

ثاني شي نرد على موضوعج
شوفي ديانا مانقدر نخليها قاعده
لان الرياييل اطباع وشخصيات وكل واحد غير عن الثاني
يعني الحاله هاذي ممكن تنطبق على المثالين الي ذكروهم الحريم
ممكن واحد يحب زوجته ويخلي كرته عنده ويكون واثقه فيها ويبي رضاها
وممكن معني استبعد هالشغله انه يكون يبي يغطي على رداته بس اتوقع هالشي نادر ومو منطقي وايد خصوصا ان الريال اللي عنده خرابيط يكون مسرف اكثر ونص فلوسه على خرابيطه مو بيد مرته

هاذا رايي

:eh_s(7):

 

[مولاي الفرج]

واللي كرتها عند زوجها شنو معناته

 

[ديانا سبنسر]

نورتو موضوعي بردودكم

باتشو يا حياتي القلوب شواهد وأنا أعرج أكثر يا قلبي

مولاي الفرج إذا مو قاصرج شي ويجيبلج اللي بخاطرج مو مشكلة عندي وإلا عنده

 

[ديانا سبنسر]

نورتو موضوعي بردودكم

باتشو يا حياتي القلوب شواهد وأنا أعرج أكثر يا قلبي

مولاي الفرج إذا مو قاصرج شي ويجيبلج اللي بخاطرج مو مشكلة عندي وإلا عنده

 

[ماتغير شي]

استبعد انه مسوي له بلوى


اتوقع انه تكون زوجه موقع ثقه ويبي يوفر لها اللي تبيه

 

[رنيم الروح]

يكون على حسب نظرة الزوج لزوجه وعلى حسب شخصيته وتفكيره وايضا على حسب الفتره الي يكون الكارت مع الزوجه ممكن يكون يحبها بس مايعطيها الكارت وممكن يكون واثق فيها بس الحساب مو الاساسي بمعنى يكون عنده حساب ثاني والكارت هذا مافيه كل شي يدخره يعني حق مصاريف البيت بس
بس ممكن يعطيها ويحددلها المبلغ -بصراحه عطاها اولا الامر بيده هو وقراره خاصة اذا الزوجه ثقه وتخاف الله