كانت لج مواصفات معينه تبينها بفارس احلامج واهو بعد له مواصفات لكن عقب الشوفه شنو تغير

[نبض شرياني]

انا كنت ابيه طويل بس زوجي عادي طوله وكنت احب زوجي يكون اكبر مني على الاقل ب5 سنوات بس صار اكبر مني بسنه وشهرين
عاد اللحين تغيرت نظريتي بلعمر كل ماصار الفرق بسيط كل مااصارت الحياة اسهل

وبالنسبه مواصفاته كلها فيني

بالشوفه دخلت وانا موومقتنعه ابداااااااا فيه
بس يوم شفته ارتحت له
وبسرعه تملكنا

الحمدلله والله يوفقكم

من شروط الزواج في الاسلام الرؤيه

لانها تغير كل

ياقبووول

يانفووور

 

[نبض شرياني]

انا الشكل مو مهم بس تمنيت واحد ضعيف وطويل وفي عضل بس مو كثير
المواصفات الشكلية نفسها بس مافي عضل
واتمنيت واحد مو متشدد ولا مطوع لانه ماحب الحكره واهم شيء ملتزم ويصلي ويخاف الله فيني
الحين تونا بالملجه والحمدلله الب الصفات اللي ابيها فيه
بس اشوي متشدد وغيور

وهو يقول قال يبي وحده خلوقه وهاديه وشعرها طويل وكثيف ومو سمره
بس انا شعري قاصته قصير ومو كثيف بس الحمدلله عاجبته

الحمدلله والله يفوقكم

طبعا الشوفه تغير كل شي هههههه

 

[نبض شرياني]

اب اب

 

[لوزين]

لي بااااك عقب العرس



للحين ماشفته ولا اعرفه

وكل اللي اتمناه فيه انه يخاف الله فيني

الله يتمم لنا على خير ويجمع بينا بخير يارب

 

[دانة_ دبي]

انا اهم شي كنت حاطة ف بالي
( اخلاق- صلاة - عنده شخصية مو ولد امه و اهله- جامعي- حياته المادية متوسطة - وسيم او شكله مقبول )
( و هاي صفة كمالية يعني مو اساسية كنت اتمنى واحد فرفووشي بشوش و يحب السفر و الطلعات و الروحات )



اما عنه هو يبغي زوجة و بس ما كان حاط مواصفات معينة لها << هذا الكلام اللي قال لي انه يبغي زوجة زينة راعية صلاة و دين و اخلاق

و الله وفقنا الحمد الله
شفته خجول وما يتكلم واييييييييد قلت اتوكل ع الله وين القى واحد هادي و خجول


و فعلا طلع حياوي و خجول و هادي وما تطلع منه الكلمة الا بطلعة الروح
و بالعشرة تغير شوي و صار احسن يسولف و يتكلم و يناقش بس بعده هادي و خجول و شوي جاد مو بشوش واااايد نفسي
وانا احس نفسي ثرثارة و اسولف وااايد و اضحك واييييييييييييييد و بشوشة و كل حياتي وناسة و ضحك



و الحمد الله رب العالمين

 

[classic--91]

لووووول خوش موضوع عجبني و ضحكني بنفس الوقت :eh_s(9):

آنا أذكر لمن تقدم لي زوجي كنت أتدلع مابي أتزوج
عاد أمي دخلت علي يومها و قالت لي سمعي ماكو بعد رفض لان كنت كله ارفض الي يتقدمون لي
ما كنت أبي أتزوج كله أطلع مواصفات خيالية عشان أنحاش من الي يتقدمون لي
وسبحان الله ربي حبيبي يعطي الواحد على قد نيته يمكن بيوم من الايام كنت قاعدة أتكلم عن المواصفات الي ابيها و بمرة ملك استجاب الدعاء :eh_s(17):
عاد امي عصبت علي وقالت لي كاهو الي تبينه جنج مفصلته و يالج جاهز بعد شتبين عاد انا ساعتها انطرمت و مالي حجة عاد أرفض بعد
بس فيه صفة وحدة الي طلعت غير عن الي اتمناه.. الا اصلا كنت اقول مستحييييييل اخذ ريال جذي..
ريلي فديته عنده مشكلة صلع وراثية عندهم و قالي عنها من اول يوم بالشوفة بس انجبرت فيه مقدرتش أئول لأه ياختي :eh_s(22):
مع ان الي يضحك بالموضوع ان قبل كان عندي هذي الصفة تحرم الريال نهاااائيا من جاذبيته حتن الرياييل الي عندهم شعر و يروحون يحلقون ويقرعون كانو مو حلوين بنظري :eh_s(3):
بس القلب وما يهوى :s141:

وبس
مشكورة أختي على الموضوع الحلو تسلم الايادي :eh_s(7):

وتحية لي هذي أول مشاركة :eh_s(9):

 

[كيك توفي]

انا كنت ابيه طويل وعريض وحنون ورومانسي ويعرف كيف يتعامل معي ومحافظ الزبده طلع صدق طويل وعريض بس دبدوب اشوي هههههههه حنون بس عصبي ومش رومانسي للاسف بس قاعدين نحاول نعلمه وهو كان يبي وحده طويله وبيضاء وشعرها وبس وجاته هالمواصفات بسم الله علي ههههههههه وفوقها سنع وثقل<<<,, لايكثر صح شاسوي مغتلقه قلت حل ادلع روحي

 

[سعادة قلبي وياه]

انا بس كنت حاطه في بالي يحبني واحبه ماهمني شلون شكلة والحمدلله شكله عاجبني وانا بعد عجبة شكلي وطبعي
الحمدلله