كان خائن ومغازلجي عقبها تغيير

[تبيني آرضى عليك]

الله يكون بعونك

 

[بقلبي جرح]

كل خاين هو بيخون روحة ومصيرة بيندم ويتوب

وع العموم الازواج يسموها لعب وحب استطلاع ليس خيانة

الله يهدي شباب المسلمين

 

[virgo88]

الله يعينج ويصبر قلبج ويهدي لج

 

[خالتي قموش]

مجنونة كلامج عجبني وايد و عين العقل
الصراخ و الهواش ما كل شي
الهون ابرك ما يكون
صغريها بتصغر
كبريها بتكبر

الطلاق مو هين و مو لعبه
ضامنه يجيني واحد احسن منه؟
اذا اغلب الرياييل خونه
شتخلين
حافظي على مينونج لا يجيج اللي اين منه
ادعيله بلهدايه و شوفيه ايجابياته
مو معقوله ماكو ايجابيات

واللي يكلمها بشنو احسن من عندنا

هذا هبة وبتزول ان شاء الله
ماكو شي يدوم
انتي الاصل و بنت الاصول


وبنات الحرام اللي يكلمهم
هذول سهلات و رخاص
واللي يجي بلساهل يروح بلساهل

 

[Reelax]

خالتي قمووش. مجنونة غلاي. حبايبي انا كتبت بموضوعي اني نصحتهم لايتطلقون

اما بالنسبه لي انا كتبت موضوع من فتره انها مو خيانه عاديه لا علاقات وايده بسبة الشرااب
وهالشي مستمر عليه من قبل لااعرفه


اما المكالمات. والنزوات هذي انا معاكم مليون بالميه تناقشه ولا تخرب بيتها بالطلاق
وكتبت وموضوعي السابق. اني عطيته فررررص على انها علاقات جايده بس للاسف ماكو فايده


والمره هاي بتاكد ومابيستعيل. اذا صج تاب اولا.

 

[الجمال العربي]

نونه المنكوشه واي قصه اختج

الله يهدي شباب هالايام يارب ولاتشوفون مكروه

 

[ام غازي 2012]

ااااااااه يالخيانه كم مره ومره
بس خيانته كانت بس بتلفون

بس من جبت العيال تغير
180 درجه
الحمدلله

وماشفت شي عليه
بس قبل لما كنت اشوف عليه شي
يحلف انه مو هو وكنت ما ابين له
اني هامني الموضوع وكنت اقوله مصدقتك
وكنت اشتكي لخواتي كانوا يقولون
لي كثري هدعاء
اللهم ملكني من احوجتني اليه
ودعليه بالهدايه
لا تدعين عليه
وكثررري استغفار
والحمدلله صبرت ونلت

 

[مولاي الفرج]

ريلاكس قرارج اهو الصح

اصلا الرسول صلى الله عليه واله وسلم يقول اللي يشرب لاتزوجونه

لان اساسا ماراح يقابل ربه ويصلي ولما يشرب كأنه مينون وبيرتكب سوالف جايده موبس خيانه يمكن يذبح

واهو موداري بنفسه

 

[Mjnont '3lay]

منو بهالزمن يزوج بنته واحد يشرب ويزني !!
حبيبتي في هالحال لا تنطرين حضرة جنابه الله يهديه لانج ساعتها بتكونين يا بالمقبره بسم الله عليج من الضيم والهم او الشيب تارس راسج وانتي صغيره و
طالما السالفه وصلت لي الشرب والزنى
خلي قرارج هالمره يكون مصيييييييييري وحااازم واللي يشرب صعب يبطل من الشرب بسهوله عكس اللي يخون
وبعدين هذا ططططغى على ربه شلون رح يحافظ عليج طالما مايعرف وين ارضه من سماه هذا مو بعيده يدخل عليج رياجيل وهو مو بوعيه
استخيري وتوكلي على الله واتخذي القرار الصحيح فديتج
والله يفرجها عليج ان شاءالله

 

[نـعـومـه]

انصحكم تشوفون ريال من المريخ لو شاف بنيه يكره نفسه ومايحب الا زوجته

نصيحة منكم 100% واكيد بتلاقونه


بالتوفيق

يعني الريال الزين الصالح صار من المريخ والريال الصايع الرايح فيها واللي يسوي الشي اللي يغضب الله ورسوله صار عادي !!!

خوش والله



صاحبه الموضوع احس صعبه اسامح واحد يخون يمكن اسامحه مره بس لكن اذا عادها ماسامحه

اعرف شباب قبل زواج عندهم سوالف تزوجو تكاااااانه بس متزوج ويخربط تاب مادري اكيد في

 

[هجران الليالي]

لو خليت خربت والرجال اذا تعود على درب صح مو بسهولة يتغير

ريلاكس حالتج إستثنائية (الطق، الزنا،الشرب والقمار) هذولي أشياء مو بسهولة المرأة تتقبل وتصبر عليهم مهما كان مدى الحب

كثرة الخيانات إزدادت في هالزمان بسبب الإنفتاح الإلكتروني وما شاء الله المواقع والأفلام والواتس اب والنت كلها دوافع وعوامل والعامل الأساسي وراء الخيانات والعلاقات قلت الوزاع الديني

الرجال يبي له مرأة قوية مو ضعيفة ونفس الوقت تواجهه مهما كان خطأه واذا الرجال متمسك في المرأة مو بسهولة بيتركها لأن يحس الأمر مو بسهولة خصوصا إذا زوجته كسبت حب أهله وصاروا أهله في صفها...

الرجال يبي إمرأة طفلة من ناحية الدلال والإهتمام بس كل شي يزيد عن حده ينقلب ضده، لا إفراط ولا تفريط وخير الأمور أوسطها

الله يهدي الرجال لأن صار الرجال الصالح نادر بهالزمان وفي واجد تابوا من البلاء والفقر والحوادث والمشاكل اللي تنزل عليهم ويتغيرون 180 درجة والمهم الأساسي الثبات مو التغيير

 

[flawar]

حبيبتي ليش مافي امل يتغير؟؟؟
مافي شي بعيد عن الله بس انتم المقصرين مع رب العالمين وكلنا بنظل مقصرين
اذا تبين يتغير صججججج قومي الليل وصلي وادعي وحتى ع فراشجج اخر الليل بعد 12 او وحده ادعي وسبخي واستغفري بنيه الهدايه وان ربج يبصرج ع اللي فيه خير ليش
انتي دام متردده معناته زووجج فيه خير بس عيبه الخيانه ادري مو سهله بس مثل مقالو الاغلب وناعمه الهاشمي لاتتوقعين اذا تطلقتي بتلقين احسن منه اذا مو نفسه اسوء منه انا ما اقول الكل خاين نصيحه اخذي موقف حازم ودام واجهتيه وحطي شروط اللي تريحج مثل مافي رقم سري بالفون امسكه متى ما بغيت وان حسيت في فون جديد بتكون اخر مره اقعد معاك اخذيه من الناحيه الدينيه وانه حرااااام هالشي وان عرش الرحمن يهتز خليه يخاف قولي هالكلام وانتي تبجين حسسيه بعظمه الغلط والذنب اللي سوه خليه يخاف قول اول خاف من رب العالمين تالي خاف مني اوعلي اذا ماتبي تفقدني خاف علي وع اهلك وبنتك او عيالك من اعمالك باجر الله يبلاااك فينا تدري يعني شنو الله يبلاك؟؟ اشرطي انكم تروحون عمره وانكم تبدون صفحه جديده وصلي دايم وادعي وخليه يشوفج تصلين ومتاثره يعني من بعيد لبعيد خليه يحس صج بس لاتضغطين اكثر عليه علشان يقدر يتغير التفتي لله وللاستغفار وربج بدلج الطريج وينورج بصيرتج وبصيرته وهذا ابتلاه حاولي تصبرين عليه شوي حاولي تغيرينه بالتقرب لله اكثر والله يساعدج ي قلبي ونصيحه لاتتسرعين ربج بيعوضج وبيتغير. ان شالله وهو بيحاول يعوض كل شي ضايقج نصيحه لاتتسرعين اصبري ربج ماراح يضيعج الا اذا كلش مافيه خير ماينعاش ابدا مع اني حاسه انه فيه خير نصيحه اصبري لاتتسرعين وبتشوفين اللي يسرج من رب العالمين امين يارب

 

[قــمر]

الرجال تمردو بسبة الحريم اول شيء بسبة بنات الشوارع اللي عادي عندها الوحده تدري انه متزوج وتكلمه ثاني شيء بسبة ربات البيوت الزوجات اللي تقول وين احصل ريل بعدين خايفه اذا أطلقت تموووت من غير رجال ما ادري إحنا درسنا الانسان يموت من غير أوكسجين ههههههه واللي صج يقهر الرجال يخون ومرته تدري وساكته وهو يدري انه مرته تدري وساكته وماخذ راحته ع الاخير

 

[سماء الاحساء]

انك لا تهدي من أحببت ولكن الله يهدي من يشاء اسأل الله لهم الهدايه

 

[امـ خــزامـى]

خيانة تليفون ومكالمات وبرامج وافلام اعديها واحاول ارضيه واطور من نفسي وامسك اعصابي واهدي
لكن زنا ومسكرات
ولا دقيقه اجلس عنده لو بس فكر مجرد تفكير

مابعد بعت نفسي


والله يسخرلنا ويهدينا ويهديهم ويبعد عنا وعنكم كل شر

 

[ديانا سبنسر]

مع قمر

 

[baby lolo]

حبيبتي بقولج هالكلام وابيج تفكرين فيه عدددل مو بس تقرينه والسلام والكلام هذا بيكون لج ولغيرج اللي ازواجهم يخونونهم
انا ما اعرف اسباب الخيانه
بس انتي واجبج كزوجه تقعدين بينج وبين نفسج وتاخذين ورقه وقلم وتعصرين مخج وتكتبين كل الاشياء اللي انتي مقصره فيها او هو محتاجها ويبيها ومو لاقيها فيج
يمكن تكون المره من وجهة نظرها انها مو مقصره وقايمه ببيتها ومزيونه وتكشخ وتلبس ومربيه ورعانها احسن تربيه
بس من وجهة نظر الرجال غييير
انا ابيج تقعدين مع نفسج وتسألين نفسج ليش خاني ؟؟ شنو الشي اللي لقاه بغيري ومالقاه فيني
هل احلى مني ؟؟ ولا احسن مني ؟؟ ولا معطيته كل اللي يبي وانا متحفظه شوي وياه ؟؟ ولا صايرة له كل شي وانا صرت له مجرد زوجه وام العيال ؟؟
لااازم تسألين نفسج لانه الرجال مليون بالميه مايشوف بره الا وهو مو لاقي اللي يبيه داخل البيت ؟؟ والرجال بطبيعته طفل عامليه مثل ما تعاملين الطفل صدقييييني تكسبينه ولا تقولين لا وانا سويت وحطيت وما فاد تكفين لا تقصين على نفسج لانه رجلج ما خانج الا وهو ناقصه شي مو لاقيه عندج
تبين نصيحتي كوني له ام لمن يحتاج حنان وكوني له اخت لمن يحتاج انه يشكي بكل طلاقه من غير خوف او تردد وكوني له زوجه تداري بيته بغيابه وتحرص عليه وتشوف متطلباته وكوني له حبيبه تتغزل فيه وتعطيه المجال انه يتغزل فيها وتغرقه بمشاعرها وعواطفها وكوني له فااااااااجره بالفراااش انسي انج زوجه بالفراش ولا تقولين كرامتي ما تسمح لي ادلعه او اعطيه من الجو اللي يحبه بالعكس عطيه كل شي يبيه ويحبه وحاولي تفهمين مزاجه وركزي عالحركات اللي تسوينها وتعجبه عشان تردين تكررينها بين فتره وفتره طبعا ما عدى المكان اللي الله حرمه .. وكوني له صدييييقه يعني وقت لمن يسوولف صيري كنج واحد من ربعه مو زوجته موو بحركاتج لااا باسلوبج وطريقة كلامج يعني دشي الجو وياه اسمعيه عدل اندمجي وياه لا تحسسينه انه سوالفه قمه بالملاقه او انه مالج خلق تسمعين السوالف الفاضيه يعني مثلا انا رجلي يسولف لي عن ربعه وماضيه قبل لا ياخذني على بالج ازعل ؟.؟ هههههههههههههههه لا والله بالعكس اسمعه برحابة صدر واندمج وياه صحيح اني اغار وهو يدري بس ما ابين له اني مابي اسمعه او مالي خلق اسمع هالسوالف التافهه بالعكس احسسه وكأنه يسولف مع واحد من ربعه ويتكلم بكل طلاقه من غير ما يحاتي اني ازعل او اغار او اعصب
شوفي حبيبتي صدقيني صدقيييني صدقييييني اذا مشيتي على كلامي صدقيييييني بتشوفين انسااااان ثااااني ماتعرفينه
ومافي مانع تقعدين قعدة مصارحه معه يعني مثلا نامي بحضنه وبكل هدوء اساليه يا فلان انا قد يوم بذر مني تقصير في حقك من غير ما ادري اذا قال لج لا قولي بالعكس انا ابيك تصارحني وتقولي اذا انا قصرت بشي عشان انتبه سبحان الله مرات الانسان يبذر منه تقصير او خطأ من غير مايحس بنفسه ومافيها شي لو قلت لي ترى انتي مقصره بهالشي الفلاني او اني احب هالشي الفلاني وانتي مو مسويته لي بالعكس رح اسويه لك وانا اضحك بعد وانت رجلي وانا مالي غناتن عنك اذا ما ادللك وادلعك ادلل وادلع منووو ؟؟
صدقييييييييييييييييني اذا جيتيه بهاللاسلووب رح يتغير ورح يتجرأ انه يطلب منج اي شي يبيه او يصارحج بتقصيرج
احسن من اسلوب الهمج اسمحي لي يعني المفروض انتي مره كبيره ولازم تعرفين تتصرفين بالسياسه مو تروحين وتاخذين الرجال بشراع وميداف وتقولين انت خنتني وانا كشفتك !!! قااعده اقولج الرجال طفل صغير عامليه مثل الطفل شلون الطفل اذا طقيتيه يعاااند نففففس الشي الرجاااااال عشان جذي حلي امورج بهدوء وسياااسه وبلا هبال اطفال وتسوين اكشن وتروحين تصارحينه بالخيانه ترى جذي تزيدين وتعقدين الموضوع ماااتحلينه

كلام سليم وعين العقل :rerrerek::rerrerek::rerrerek:معاج بكل كلمة

 

[انصاريه قمره]

خل يولون زين كل ما انخانت وحده قلتوا شوفي انتي شمقصره فيه اغلب بناتنا سنع وجمال وكشخه ودلع وراعيات بيووووت بس بو سروال وفانيله ما يعجبه العجب فوق خياسه وشينه قوات عينه خل يحمدون ربهم متحملينهم ومتحملين خياسهم وهم فوق هالخياس خيانه ؟؟؟

 

[فانتا ستروبري]

خل يولون زين كل ما انخانت وحده قلتوا شوفي انتي شمقصره فيه اغلب بناتنا سنع وجمال وكشخه ودلع وراعيات بيووووت بس بو سروال وفانيله ما يعجبه العجب فوق خياسه وشينه قوات عينه خل يحمدون ربهم متحملينهم ومتحملين خياسهم وهم فوق هالخياس خيانه ؟؟؟

عدل :eh_s(15):

 

[manoooram]

عجبني كلامج
Mjnont '3lay